ជុំវិញរឿងនេះ លោក ឃឹម ហ្វីណង់ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី ៨ ខែមេសា ឆ្នាំ២០២៥ បានឱ្យដឹងថា សហគមន៍កសិកម្មទំនើប«បន្លែផ្ទះសំណាញ់ត្រាំកក់» បានចុះកិច្ចសន្យាផ្គត់ផ្គង់បន្លែសុវត្ថិភាពចំនួន២២០តោន សម្រាប់រយៈពេល៦ខែ ទៅកាន់ ក្រុមហ៊ុន ហ៊ុយ យន់ ក្នុងទំហំទឹកប្រាក់ជាង៣០០លានរៀល ស្មើនឹងតម្លៃជាមធ្យម ១៥០០៛ ក្នុងមួយគីឡូក្រាម ស្របពេលដែលបន្លែនៅក្រៅសហគមន៍ក្នុងពេលបច្ចុប្បន្ន មានតម្លៃត្រឹមតែ ៣០០៛/គីឡូក្រាម តែប៉ុណ្ណោះ។
 

សូមបញ្ជាក់ថា នេះគឺជាលើកទី២ហើយ ដែលសហគមន៍កសិកម្មទំនើបរបស់យើងបានចុះហត្ថលេខាលើការធ្វើផលិតកម្មបន្លែតាមកិច្ចសន្យាក្នុងតម្លៃថេរមួយ បន្ទាប់ពីបានចុះកិច្ចសន្យាផ្គត់ផ្គង់បន្លែសុវត្ថិភាពរយៈពេលមួយឆ្នាំជូនដល់ក្រុមហ៊ុនត្រូភីខេម កាលពីពេលកន្លងទៅ។

ជាមួយនឹងការចុះកិច្ចសន្យាលើកនេះ ផលិតកម្មបន្លែទាំងអស់របស់សហគមន៍នឹងត្រូវបានធានាទិញដោយទីផ្សារក្នុងតម្លៃកំណត់ច្បាស់លាស់ ដែលអាចការពារសមាជិកសហគមន៍ពីហានិភ័យទីផ្សារ និងផ្តល់ភាពជឿជាក់លើទទួលបានប្រាក់ចំណេញផងដែរ។ នេះបើតាមការបញ្ជាក់បន្ថែមពី លោក ឃឹម ហ្វីណង់ អ្នកនាំពាក្យក្រសួងកសិកម្ម៕អត្ថបទ៖ ហ្សាលីន

The post ក្រុមហ៊ុនមួយ ទទួលទិញបន្លែសុវត្ថិភាពចំនួន ២២០ តោន ពីសហគមន៍កសិកម្មទំនើបក្នុងស្រុកត្រាំកក់ appeared first on .

លោក អ៊ុន អឿន ប្រធានសហគមន៍កសិកម្មទំនើប បន្លែផ្ទះសំណាញ់ត្រាំកក់បានឱ្យដឹងថា គម្រោងសាងសង់ផ្ទះសំណាញ់បន្ថែមចំនួន១០០ខ្នង នឹងធ្វើការដាក់ឱ្យដេញថ្លៃជ្រើសក្រុមហ៊ុនទទួលការសាងសង់យ៉ាងយូរនៅពាក់កណ្តាលខែមេសាខាងមុខ ហើយពេលជ្រើសរសើបាន ខាងសហគមន៍នឹងរៀបចំចុះកិច្ចសន្យាសាងសង់ជាមួយក្រុមហ៊ុនភ្លាមៗ។

លោកលើកឡើងថា “តាមការប៉ាន់ប្រមាណរបស់សហគមន៍ បើការសាងសង់ផ្ទះសំណាញ់បន្ថែមចំនួន១០០ខ្នងសម្រេចបានតាមការគ្រោងទុកនៅក្នុងឆ្នាំ២០២៥នេះ ខ្ញុំគិតថាបរិមាណនៃការផ្គត់ផ្គង់បន្លែទៅលើទីផ្សារមានរង្វង់៣តោននៅក្នុងមួយថ្ងៃ ខណៈបច្ចុប្បន្នយើងប្រមូលផលបន្លែក្នុងមួយថ្ងៃបានតែ១,៥តោនទៅ២តោនក្នុងមួយថ្ងៃ”។

គួរម្លឹកផងដែរថា នៅថ្ងៃទី១៨ខែមីនា កន្លងមកនេះ សហគមន៍កសិកម្មទំនើបបន្លែផ្ទះសំណាញ់ត្រាំកក់បានចុះកិច្ចព្រមព្រៀងហិរញ្ញប្បទានឥតសំណងបំពេញបន្ថែមទុនវិនិយោគសាងសង់ផ្ទះសំណាញ់១០០ខ្នងជាមួយគម្រោងពិពិធកម្មកសិកម្មកម្ពុជា ក្រោមអធិបតីភាពលោក ឃឹម ហ្វីណង់ អនុរដ្ឋលេខាធិការក្រសួងកសិកម្មរុក្ខាប្រមាញ់ និងនេសាទ និងជានាយកគម្រោង CASDP។

ការចុះអនុស្សរណៈខាងលើមានគឺដើម្បីពង្រីកទំហំ និងពង្រឹងខ្សែច្រវាក់ផលិតកម្មបន្លែសុវត្ថិភាព ឱ្យក្លាយជាធុរកិច្ចដែលមានសេដ្ឋកិច្ចមាត្រដ្ឋាន តាមរយៈ ការរៀបចំផែនការដាំដុះជាក់លាក់ ការកែលម្អបច្ចេកទេសការបង្កើនគុណភាព និងការពង្រឹងភាពជាដៃគូធុរកិច្ចក្នុងទិសដៅបង្កើនប្រាក់ចំណូលដល់សមាជិកក្រុមផលិត និងសហគមន៍។

ពាក់ព័ន្ធនិងការទទួលបានគម្រោងវិនិយោគខាងលើ លោក អ៊ុន អឿន បានអះអាងថា “យើងកំពុងអបអរសាទរនូវអ្វីដែលយើងទទួលបានផលប្រយោជន៍ ដែលមានទឹកប្រាក់ច្រើនលានដុល្លារ សម្រាប់ជួយដល់សហគមន៍។ យើងបាននិងកំពុងធ្វើការកិច្ចសហការនិងដើរតាមផែនការចង្អុលបង្ហាញ របស់រាជរដ្ឋាភិបាលចាំមើលការអភិវឌ្ឍន៍នេះបន្តទៀត នៅក្នុងមូលដ្ឋានរបស់យើង”៕SL

The post ការផ្គត់ផ្គង់បន្លែរបស់សហគមន៍កសិកម្មទំនើបបន្លែផ្ទះសំណាញ់ត្រាំកក់នឹងកើនដល់៣តោន ក្នុងមួយថ្ងៃ នាពេលខាងមុខ appeared first on .

លោក ឃឹម ហ្វីណង់ បានបញ្ជាក់ថា ផ្ទះសំណាញ់«១០០ខ្នង»នេះនឹងបន្ថែមភាពរឹងមាំមួយកម្រិតទៀតដល់ស្ថេរភាពនៃការផ្គត់ផ្គង់បន្លែពីក្នុងសហគមន៍ទៅកាន់ទីផ្សារក្នុងស្រុក និងបង្កើតសមត្ថភាពប្រកួតប្រជែងនៃផលិតកម្មបន្លែរបស់យើងជាមួយបន្លែនាំចូល។

បើតាមលោក ឃឹម ហ្វីណង់ ក្រុមការងាររាជរដ្ឋាភិបាលចុះមូលដ្ឋានខេត្តកំពត-ខេត្តកែប-ខេត្តព្រះសីហនុ គ្រោងផ្តល់ផ្ទះសំណាញ់«២០០ខ្នង» ដល់កសិករជាសមាជិកនិងសហគមន៍កសិកម្មទំនើប«បន្លែផ្ទះសំណាញ់ត្រាំកក់» ប៉ុន្តែជាជំហានដំបូងគឺជួយចំនួន១០០ខ្នងសិន។

លោកបានគូសបញ្ជាក់ថា ជំនួយជាមូលនិធិរបស់ក្រុមការងាររាជរដ្ឋាភិបាលនៃខេត្តទាំងបី ដែលជាខេត្តជាប់ខេត្តតាកែវនឹងក្លាយជាមូលនិធិដ៏សំខាន់ដែលជួយពង្រឹងដល់ការអភិវឌ្ឍន៍សហគមន៍នៅក្នុងឃុំត្រាំកក់។ដោយជំហាននៃការអភិវឌ្ឍលើកនេះនឹងក្លាយទៅជាមូលដ្ឋានគ្រឹះដ៏សំខាន់ ក្នុងការពង្រីកវិសាលភាពនៃប្រតិបត្តិការរបស់សហគមន៍កសិកម្មទំនើបនៅត្រាំកក់ និងពន្លឿនការធ្វើសមហរណកម្មនៃផលិតកម្មបន្លែដែលមានស្រាប់នៅក្នុងស្រុកត្រាំកក់ ដែលនឹងបម្រើផលប្រយោជន៍ដោយផ្ទាល់ផង ប្រយោលផង ដល់បងប្អូនកសិករជាច្រើនពាន់គ្រួសារនៅក្នុងតំបន់នេះ។

ជួសមុខឱ្យឯកឧត្តមរដ្ឋមន្ត្រី ឌិត ទីណា និងសហគមន៍អ្នកដាំបន្លែនៅក្នុងឃុំត្រាំកក់ទាំងមូល លោក ឃឹម ហ្វីណង់ក៏បានថ្លែងអំណរគុណយ៉ាងជ្រាលជ្រៅដល់ឯកឧត្តមឧបនាយករដ្ឋមន្ត្រី និងក្រុមការងាររាជរដ្ឋាភិបាលចុះមូលដ្ឋានខេត្តទាំង៣ សម្រាប់ការវិនិយោគលើការអភិវឌ្ឍខឿនសេដ្ឋកិច្ចសហគមន៍មូលដ្ឋានប្រកបដោយអត្ថន័យមួយនេះផងដែរ៕

The post រាជរដ្ឋាភិបាលផ្តល់ផ្ទះសំណាញ់ ១០០ខ្នង ដល់កសិករជាសមាជិកនិងសហគមន៍កសិកម្មទំនើប«បន្លែផ្ទះសំណាញ់ត្រាំកក់» appeared first on .