សេចក្តីប្រកាសនេះ ត្រូវបានធ្វើឡើង នៅចំពេលដែលរដ្ឋធានីហ្សាកាតា និងទីក្រុងធំៗមួយចំនួនទៀត ក្នុងប្រទេសឥណ្ឌូនេស៊ី កំពុងទទួលរងនូវការបំណុលខ្យល់អាកាសយ៉ាងធ្ងន់ធ្ងរ ដែលធ្វើឱ្យប៉ះពាល់ដល់សុខភាពប្រជាជន។

លោក Widodo បាននិយាយប្រាប់ទៅកាន់សារព័ត៌មានក្នុងស្រុកថា ៖ ” ការដាក់ទណ្ឌកម្មនេះ គឺមានភាពជាក់លាក់ ហើយឧស្សាហកម្មទាំងនោះ អាចនឹងត្រូវបិទ ប្រសិនបើពួកគេនៅមិនព្រមចូលរួមដោះស្រាយបញ្ហានេះ ពោលគឺមិនព្រមដំឡើងប្រព័ន្ធគ្រប់គ្រងការបំពុល ពីព្រោះថាតម្លៃដែលយើងបានចំណាយសម្រាប់ការថែទាំសុខភាព គឺថ្លៃខ្លាំងណាស់” ។

ជម្រាបជូនផងដែរថា នៅមុននេះ ក្រសួងបរិស្ថានឥណ្ឌូនេស៊ី បានធ្វើការដាក់ទណ្ឌកម្ម លើក្រុមហ៊ុនបំពុលបរិស្ថានចំនួន ១១ រួចមកហើយ ដោយក្នុងនោះភាគច្រើនស្ថិតនៅក្នុងឧស្សាហកម្មធ្យូងថ្ម លោហធាតុ និងក្រុមហ៊ុនផ្សេងៗទៀត ៕

The post ប្រធានាធិបតីឥណ្ឌូនេស៊ី ព្រមានដាក់ទណ្ឌកម្មធ្ងន់ធ្ងរ ចំពោះរោងចក្របំពុលបរិស្ថានខ្លាំង appeared first on .

យោងតាម​ទិន្នន័យ​បញ្ចេញ​ដោយ​មន្ត្រី​ផ្នែក​បរិស្ថាន​អ៊ុយក្រែន​បានទម្លាយ​ថា ការខូចខាត​ផ្នែក​បរិស្ថាន​ដែល​បង្ក​ឡើង​ដោយ​រុស្ស៊ី​ គឺ​មាន​ប្រមាណ ៣៦ ពាន់​លាន​អឺរ៉ូ ឬ​ជាង ៣៥ ពាន់​លាន​ដុល្លារ​អាមេរិក។

មួយ​ក្នុង​ចំណោម​តំបន់​ការពារ​ទាំង ៥ នៅ​អ៊ុយក្រែន គឺ​មាន​ការ​ខូចខាត​ស្ទើរ​ទាំងស្រុង ហើយ​របាយការណ៍​ទាក់ទង​នឹង​បញ្ហា​មួយ​នេះ​មាន​ដល់​ទៅ​ជាង ២ ០០០ ករណី​ឯណោះ។ នេះ​បើតាម​ការ​ឲ្យ​ដឹង​ពី CNA។

ដោយឡែក​ បើតាម​ការ​សន្និដ្ឋាន​ពី​រដ្ឋាភិបាល​អ៊ុយក្រែន​បាន​បង្ហើប​ថា ទំហំ​នៃ​ការ​ខូចខាត​បរិស្ថាន​ដ៏​ធំ​នេះ រាប់​បញ្ចូល​ទាំង​ការ​បំភាយ​ផ្សែងពុល​ដោយសារ​ភ្លើងសង្គ្រាម​ប្រមាណ ២៥ ពាន់​លាន​អឺរ៉ុប និង ១១,៤ ពាន់​លាន​អឺរ៉ូ​ទៀត គឺ​សម្រាប់​ប៉ះប៉ូវ​ដល់​ផ្ទៃដី​ដែល​រង​ការ​ប៉ះពាល់​ដោយសារ​សង្គ្រាម​៕

The post ទំហំនៃការខូចខាតផ្នែកបរិស្ថាននៅអ៊ុយក្រែន មានប្រហែល ៣៥ ពាន់លានដុល្លារ ដោយសារការវាយលុកពីរុស្ស៊ី appeared first on .

ក្តីរំពឹងរបស់លោករដ្ឋមន្ត្រីបែបនេះ បានធ្វើឡើងនៅក្នុង​ពិធីចុះហត្ថលេខាលើអនុស្សរណៈ​នៃការយោគយល់រវាងក្រសួងបរិស្ថាន និងក្រុមហ៊ុន សូ​ហ្វ៊ែរ​ឧស្សាហកម្ម សៀមិនស៍ ភីធីអ៊ី អិលធីឌី, វិទ្យាស្ថានបច្ចេកចិទ្យាកម្ពុជា, បណ្ឌិតសភាបច្ចេក វិទ្យា ឌី ថលកម្ពុជា និងសាលា ស្ទីមមីង ខេមបូឌា នាព្រឹកថ្ងៃទី២១ ខែមេសា ឆ្នាំ២០២២ នៅទីស្តីការក្រសួងបរិស្ថាន។

លោក សាយ សំអាល់ បានថ្លែងអំណរគុណ និងកោតសរសើរចំពោះ​គ្រប់ភាគីពា​ក់​ព័ន្ធ​ដែល​បាន​​និងកំពុងខិតខំប្រឹងប្រែងជំរុញវិស័យវិទ្យាសាស្រ្ត និងបច្ចេកវិទ្យា ក្នុងការអភិវឌ្ឍ​សង្គម​កម្ពុជា ប្រកបដោយចីរភាព ភាពធន់ និងធ្វើសមាហរណកម្មទៅក្នុងយុគសម័យបដិវត្តន៍​ឧស្សាហកម្មជំនាន់ទី៤ (ឧស្សហកម្ម ៤.០)។

លោក សាយ សំអាល់ បានលើកឡើងថ អនុស្សរណៈនៃការយោគយល់ គឺជាការចាប់​ផ្ដើមថ្មី​នៃ​ការនាំយកនូវបច្ចេកវិទ្យា វិទ្យាសាស្រ្ត និងការកសាងធនធានមនុស្ស ដែលជា​កាតា​លីករ​សំខាន់​ក្នុងការជំរុញការអភិវឌ្ឍសេដ្ឋកិច្ច តាម​រយៈការរួមចំណែកបង្កើនផលិតភាព​និងប្រសិទ្ធភាព​ការ​ងារ និងប្រែក្លាយកម្ពុជាពីប្រទេស​កសិ​កម្ម និងឧស្សហកម្មបែបប្រពៃណី ទៅជាឧស្សាហកម្ម​ទំនើប​ជឿនលឿន។ តាមរយៈអនុស្សរណៈនេះ ក្រសួងបរិស្ថាន និងស្ថាប័នពាក់ព័ន្ធ រួមគ្នា​ប្រកប​ដោយ​ភាពរស់រវើក ដោយបានរួមបញ្ចូលទស្សនៈ គោលជំហរ ឆន្ទៈ និងការប្ដេជ្ញាចិត្ត ដើម្បីលើ​កកម្ពស់វិស័យ​បច្ចេកវិទ្យា​និងវិទ្យាសាស្រ្ត។

ជាមួយគ្នានោះ លោក ជា វ៉ាន់ដេត រដ្ឋមន្រ្តីក្រសួងប្រៃសណីយ៍និងទូរគមនាគមន៍ ក៏បានលើក​ឡើង​នូវចំណុចគន្លឹះថា ការកសាងធនធានមនុស្សគឺជារឿង​សំខាន់បំផុតក្នុងការ​ឈានឆ្ពោះ​ទៅការអភិវឌ្ឍវិស័យបច្ចេកវិទ្យា និងការអភិវឌ្ឍសេដ្ឋកិច្ច-សង្គមកម្ពុជា។

លោក ជា វ៉ាន់ដេត បានវាយតម្លៃខ្ពស់ដល់ភាគីពាក់ព័ន្ធ ជាពិសេសក្រុមហ៊ុន សូហ្វ៊ែរឧស្សាហ​កម្ម សៀមិនស៍ ភីធីអ៊ី អិលធីឌី ដែលបានខិតខំប្រឹងប្រែងឲ្យសម្រេចបានកិច្ចសហប្រតិ្តការនេះ ដែលជាការចាប់ផ្ដើមថ្មីដ៏សំខាន់នៃភាពជាដៃគូរវាងរដ្ឋនិងឯកជន ដើម្បីរួមចំណែក​ក្នុងការ​អភិវឌ្ឍធនធានមនុស្ស លើជំនាញវិស្វកម្ម បច្ចេកវិទ្យា និងឌីជីថល។ ​ដើម្បីឲ្យការប្រើ​ប្រាស់​បច្ចេកវិទ្យា​ឌីជីថលផ្តល់ផលប្រយោជន៍ខ្ពស់ដល់គ្រប់តួអង្គនៃសង្គម “គោល​នយោបាយ​សេដ្ឋកិច្ចនិ​ងសង្គមឌីជីថលកម្ពុជា ២០២១-២០៣៥” ត្រូវបានរៀប​ចំឡើងដោយមានសសរស្ដម្ភចំនួន៣គឺ ពលរដ្ឋឌីជីថល រដ្ឋាភិបាលឌីថល និងធុរកិច្ចឌីជីថល។

គួរបញ្ជាក់ថា តាមរយ:កិច្ចសហការនេះ ក្រុមហ៊ុន សៀមិនស៍ នឹងផ្តល់ជូននូវកញ្ចប់សូហ្វ៊ែរដែល​មាន​អជ្ញា​ប័ណ្ណ​ (License software) ធនធានសម្ភារ:បណ្តុះបណ្តាល និងកម្មវិធីសិក្សាដល់​ក្រសួង​បរិស្ថាន ដើម្បីផ្តល់ជូនដល់វិទ្យាស្ថានបច្ចេកវិទ្យាកម្ពុជា និងបណ្ឌិត្យសភាបច្ចេកវិទ្យា​ឌីជីថល​កម្ពុជា តាមរយ:ការជួយគាំទ្រសម្របសម្រួលផ្នែកដំបូន្មានបច្ចេកទេស និងការបណ្តុះ​បណ្តាលពី software ពីសាលា ស្ទីមមីង ខេមបូឌា។ និស្សិត ដែលមកពីសាកលវិទ្យាល័យ​ដៃគូទាំងនេះ នឹងទទួលបានការបណ្តុះបណ្តាល, ការប្រើប្រាស់សូហ្វ៊ែរដែលមានអជ្ញាប័ណ្ណ និងការប្រឡង​យកសញ្ញាបត្របញ្ជាក់សមត្ថភាពស្តង់ដាផងដែរ ក្រោមការជួយឧបត្ថម្ភពី​ក្រសួងបរិស្ថាន៕

The post រដ្ឋមន្រ្តីបរិស្ថាន រំពឹងថា១០ឆ្នាំទៀតកម្ពុជានឹងពោរពេញដោយធន​ធាន​មនុស្សដែលមានជំ​នាញ​បច្ចេក​ទេ​សនិ​ងទេព្យកោសល្យខ្ពស់ appeared first on .

លោក នុត ពុធតារា បានឲ្យដឹងថា ការទទួលបាន ODF ស្របតាមគោលការណ៍ណែនាំរបស់ក្រសួងអភិវឌ្ឍនិ៍ជនបទ ដោយសារប្រជាពលរដ្ឋ ក្នុងស្រុកខ្សាច់កណ្ដាល មានការយល់ដឹងពីសុខភាព អនាម័យខ្ពស់ និងបានបញ្ឈប់ការបន្ទារបង់ពាសវាលពាសកាល ឬតាមទីសាធារណៈផ្សែងៗ ងាកមកការប្រើប្រាស់បង្គន់អនាម័យវិញបាន ១០០%។ លោកបន្តថា លើសពីនះក៏គ្មានការបន្ទោរបង់ពាសវាលពាសកាល គ្រប់ក្រុមគ្រួសារទាំងអស់ ដោយបានទុកដាក់លាមកកុមារទៅក្នុងបង្គន់អនាម័យខ្លួនឯង ឫបង្គន់អនាម័យរួម ហើយសហគមន៍របស់ស្រុកបានផ្ដួចផ្ដើម និងពង្រឹងការអនុវត្តសកម្មភាពទាំងផ្លូវការឫមិនផ្លូវការក្នុងការទប់ស្កាត់ ទៅនឹងការបន្ទោបង់ពាសវាលពាសកាលផងដែរ ។

ជាមួយគ្នានេះ លោក ប៊ុន ផេង អភិបាលស្រុកខ្សាច់កណ្ដាល បានបញ្ជាក់ថា ការទទួលបាននូវ ការបញ្ឈប់ ការបន្ទារបង់ពាសវាលពាសកាល ODF ១០០% របស់ស្រុកខ្សាច់កណ្តាល គឺមានចំនួន ៩៣ ភូមិ ស្មើនឹង ៣០,២៤១ ខ្នងផ្ទះដែលបានប្រើប្រាស់បង្គន់ផ្ទាល់ខ្លួនចំនួន២៩,៥៤២ នឹងបានប្រើប្រាស់រួមគ្នាចំនួន៦១១ សរុប ៣០,១៥៣។

ទោះបីទទួលបាន ODF 100% នៅពេលនេះក៏ដោយ លោក នុត ពុធតារា ក៏បានណែនាំដល់អាជ្ញាធរ និងមន្រី្តរដ្ឋបាល ទាំងរដ្ឋបាលភូមិ-ឃុំ ត្រូវតែបន្តសកម្មភាពបំផុស និងពិនិត្យមើលបន្ថែមទៀត លើបញ្ហាប្រជាពលរដ្ឋដែលរស់នៅតាមផ្ទះលើទឹក និងប្រជាពលរដ្ឋក្រីក្រ ដែលគ្មានលទ្ធភាពសាងសង់បង្គន់អនាម័យ ត្រូវរកដៃគូ ឬរកជំនួយពីអង្គការនានា ដើម្បីចូលរួមសហការណ៍កសាងបង្គន់ជូនពួកគាត់ ដើម្បីកាត់បន្ថយការបន្ទារបង់ពាសវាលពាសកាលបានកាន់តែល្អប្រសើរបន្ថែមទៀត៕

The post ពលរដ្ឋស្រុកខ្សាច់កណ្ដាល ជាប់ជាស្រុកយល់ដឹងពីសុខភាពអនាម័យ ODF 100% appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

តាមរយៈទំព័រហ្វេសប៊ុកលោកស្រី នួន សុន្ទរី ហៅស្រីអូន បានបញ្ជាក់ថា នេះជាការចាប់ផ្ដេីមបាច ១ម៉ឺនដេីម សំរាប់ឧទ្ធម្ភាគចក្រធំ ហេីយឆាប់ៗនេះយេីងនឹងប្រេីយន្ដហោះតូចដេីម្បីបន្ដការបាចគ្រាប់ឈេីអោយគ្រប់ចំនួន ៤សែនដេីម។ ជាមួយគ្នានេះលោកស្រីក៏បង្ហាញនូវភាពជោគជ័យនៃការបង្កេីតព្រឹត្តិការណ៍ជិះឧទ្ធម្ភាគចក្របាចដាំដេីមក្ងោកនៅជេីងភ្នំឱរ៉ាល់ សែសិបមុឺនដេីមផងដែរ។

សូមបញ្ជាក់ថា ​យុទ្ធនាការ​​​នៃ​គម្រោង​លុញ​គ្រាប់​ឈើ​​ឱ្យ​បាន​ចំនួន ១ លាន​គ្រាប់ និង​បណ្តុះ​​កូន​ឈើ​​ ដើម្បី​​​​​ចូលរួម​​​ផ្សព្វផ្សាយ​អំពី​ការ​ការពារ​បរិស្ថាន​ពិភព​លោក​​ ​និង​ជួយ​សង្គ្រោះ​ផែន​ដី​នោះ ត្រូវបានបង្កើតឡើងក្រុម​យុវជន​​ស្ម័គ្រ​ចិត្ត​ជួយ​សង្គម​បៃតង​វ៉ររៀរស៍ ​(Baitong Warriors)​។

យុទ្ធនាការ​​​គម្រោង​​​លុញ​គ្រាប់ឈើ ១ លាន​គ្រាប់​​ លោក តាន់ គឹមស៊ួ​ ​កន្លងទៅក៏​បាន​បញ្ជាក់​​ដែរ​​ថា​៖ «យុទ្ធនាការ​​​នេះ សំខាន់​​ណាស់​ក្នុង​ការ​ជួយ​ផ្សព្វផ្សាយ​ទៅ​​​ដល់​បងប្អូន​ខ្មែរ​យើង​ឱ្យ​ចូល​​​រួម​ដាំ​ដើម​​ឈើ​​ទាំង​អស់​គ្នា​ ខណៈពេល​ថ្មីៗ​នេះ ក៏​មាន​អ្នក​​​សិល្បៈ​​ ជា​តារា​ចម្រៀង​ និង​សម្តែង​​ចូលរួម​​​ផង​ដែរ៕​

The post លើកទីមួយហើយដែលមានព្រឹត្តិការណ៍ជិះឧទ្ធម្ភាគចក្របាចគ្រាប់ពូជដេីមក្ងោកនៅភ្នំឱរ៉ាល់ ដើម្បីបញ្ចុះកម្តៅផែនដី appeared first on .

ព្រឹកថ្ងៃអង្គារ ទី១២ ខែមករា ឆ្នាំ២០២១នេះ ឯកឧត្ដម ឃួង ស្រេង អភិបាល នៃគណៈ​អភិបាល​រាជធានី​ភ្នំពេញ បានដឹកនាំមន្ទីរជំនាញពាក់ព័ន្ធ និងមន្រ្ដីរដ្ឋបាលរាជធានីភំ្នពេញ ចុះ​ពិនិត្យ​ដើម​ឈើតាមបណ្ដោយវិថីព្រះអង្គឌួង​ និងវិថីក្រមួនសដោយផ្ទាល់។ ដោយ​ដើម​​ឈើ​ទាំង​នោះ​មាន​អាយុ​កាល​ច្រើនឆ្នាំ និង​បានផ្ដល់​ជាម្លប់​សម្រាប់​បង​ប្អូន​ប្រជាពលរដ្ឋដែលបានធ្វើដំណើរតាមវិថីនេះ ឯក​ឧត្ដម​អភិបាលរាជធានីភំ្នពេញ បានឱ្យមន្ទីរសាធារណការ និងដឹកជញ្ជូន មន្ទីរកសិកម្ម និង​មន្ទីរ​បរិស្ថាន ​ថែទាំនិងរក្សាទុកដើមឈើចំនួន៣ដើមដែលចាស់ទ្រុឌទ្រោម ដោយលះមែកចេញមួយ​ចំនួន​ និង​ធ្វើជើងទម្រទប់ដើម ដើម្បី​ការពារគ្រោះថ្នាក់កើតឡើងជាយថាហេតុ៕

The post អាជ្ញាធរ​រាជធានី​ភ្នំពេញ ចាត់​វិធានការ លែង​​​កាប់​​ដើម​ឈើ​អាយុ​ជាង ៣ សតវត្ស​ន៍ ដែល​ប្រឈម​នឹង​​បាក់​រំលំ appeared first on .

អត្ថបទ​នឹង​រូបភាព៖ Ministry of Environment

The post ស្គាល់​បឹង​១នេះ​​ឈ្មោះ​អ្វី​ទេ? appeared first on .

ឯកឧត្តមរដ្ឋមន្ត្រី សាយ សំអាល់ បានគូសបញ្ជាក់ថា នៅខេត្តរតនគិរី មានការទន្ទ្រានកាន់កាប់ដីរដ្ឋដោយខុសច្បាប់កើតមានឡើងនៅក្នុងតំបន់ការពារធម្មជាតិ ហើយមានការជាប់ព័ន្ធនឹងអាជ្ញាធរមូលដ្ឋានខ្លះដូចជាមេភូមិមេឃុំជាដើមដែលនៅបន្តបំពានច្បាប់ចុះហត្ថលេខាលើលិខិតទិញនិងលក់ដី និងការចុះហត្ថលេខាបញ្ជាក់ពីការកាន់កាប់ដី ដោយខុសច្បាប់ ទោះបីជាមានការផ្សព្វផ្សាយ អប់រំណែនាំជាច្រើនលើកច្រើនសារួចមកហើយពីសំណាក់ មន្ត្រីជំនាញយ៉ាងណាក៏ដោយ។ ការណ៍នេះ ចាំបាច់ត្រូវតែអនុវត្តវិធានការច្បាប់តឹងរឹងប្រឆាំងនឹងការរំលោភ បំពាននេះ។ ឯកឧត្តម សាយ សំអាល់ បានមានប្រសាសន៍ថា ជនដែលរំលោភបំពានទន្ទ្រានកាន់កាប់ដីរដ្ឋតែងតែត្រូវបានប្រឈមមុខច្បាប់ ហើយបានសង្កត់ធ្ងន់ថា៖ «រាជរដ្ឋាភិបាលកម្ពុជាក៏ដូចជាក្រសួងបរិស្ថានពិតជាសប្បាយរីករាយក្រៃលែងនៅពេលឃើញប្រជាពលរដ្ឋមានជីវភាពធូរធារ ប៉ុន្តែត្រូវធ្វើយ៉ាងណាស្របតាមច្បាប់»។

សូមបញ្ជាក់ថា ខេត្តរតនគិរីមានតំបន់ការពារធម្មជាតិចំនួន ៦ ដែលមានផ្ទៃដី ៨៩៣ ៥៩៤ ហិកតាក្នុងនោះមានដូចជាឧទ្យានជាតិវីរៈជ័យ ឧទ្យានជាតិអូយ៉ាដាវ ដែនជម្រកសត្វព្រៃលំផាត់ ដែនជម្រកសត្វព្រៃសៀមប៉ាងវើនសៃ។ ជាមួយគ្នានេះ មានការរៀបចំសហគមន៍តំបន់ការពារធម្មជាតិចំនួន ១០ ដែលមានផ្ទៃដី ២៦ ៣៣៨ ហិកតា ហើយបច្ចុប្បន្ននេះក្រសួងបរិស្ថាននិងអាជ្ញាធរខេត្តបាននិងកំពុងពង្រឹងបន្ថែមតួនាទីរបស់សហគមន៍ក្នុងការចូលរួមការពារនិងអភិរក្សប្រកបដោយប្រសិទ្ធភាព ទប់ស្កាត់និងបង្ក្រាបបទល្មើសធនធានធម្មជាតិជាមួយ មន្ត្រីជំនាញរបស់ក្រសួងបរិស្ថាន។ បច្ចុប្បន្ននេះ ខេត្តរតនគិរីមានប្រជាពលរដ្ឋរស់នៅចំនួន ២៦០៥៥៧នាក់ និងមានជនជាតិភាគតិចចំនួន ៦០%នៃចំនួនពលរដ្ឋសរុប ហើយមានជនជាតិភាគតិចចំនួន ៨។

ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានថ្លែងថា៖ «រាជរដ្ឋាភិបាលបានយកចិត្តទុកដាក់ខ្ពស់ចំពោះជីវភាពរស់នៅរបស់ប្រជាពលរដ្ឋ ហើយសម្តេចតេជោ ហ៊ុន សែន នាយករដ្ឋមន្ត្រីតែងតែផ្តល់មតិណែនាំដល់យើងខ្ញុំថាត្រូវប្រឹងប្រែងឱ្យអស់លទ្ធភាពដើម្បី ជួយលើកតម្កើងជីវភាពរបស់ប្រជាពលរដ្ឋ។ ដូច្នេះ យើងត្រូវធ្វើការរួមគ្នាដើម្បីនិរន្តរភាពបរិស្ថាននិងធនធានធម្មជាតិ»។ ឯកឧត្តមរដ្ឋមន្ត្រីក្រសួងបរិស្ថានបានប្រកាសថា ប្រសិនបើបងប្អូនប្រជាពលរដ្ឋខ្វះដីពិតប្រាកដសូមដាក់ពាក្យស្នើសុំដីសម្បទានសង្គមកិច្ចជាមួយអាជ្ញាធរពាក់ព័ន្ធ ហើយប្រសិនបើមានកំណើនប្រជាជនក្នុងឃុំស្រុក ឬមានបំណងចង់បង្កើតហេដ្ឋារចនាសម្ព័ន្ធថ្មីដើម្បីឆ្លើយតបនឹងកំណើនប្រជាពលរដ្ឋ អាជ្ញាធរអាចលើកជាគម្រោងដើម្បីជជែកពិភាក្សាជាមួយមន្ត្រីជំនាញ។ ឯកឧត្តមបានថ្លែងថាត្រូវ ញែក​ឱ្យដាច់រវាងការឆ្វៀលដីភូមិដ្ឋានចាស់ដែលពលរដ្ឋរស់នៅស្របតាមគោលការណ៍ស្បែកខ្លា និងស្នើសុំកាត់ឆ្វៀលដីដែលបានមកពីការទន្ទ្រានកាន់កាប់ដីរដ្ឋដោយខុសច្បាប់​។ ឯកឧត្តមបានព្រមានទុកជាមុនថា ករណីស្នើសុំកាត់ឆ្វៀលដីដែលបានមកពីការទន្ទ្រានកាន់កាប់ដីរដ្ឋដោយខុសច្បាប់ ជាទង្វើខុសច្បាប់ ហើយត្រូវប្រឈមមុខច្បាប់»។ ជាមួយគ្នានេះ ឯកឧត្តម សាយ សំអាល់ ក៏បានផ្តល់ជាគំនិតដល់អាជ្ញាធរក្នុងការគិរគូរជាមួយប្រជាសហគមន៍ បង្កើតជម្រើសមុខរបរថ្មីដូចជាការចិញ្ចឹមសត្វនិងដំណាំកសិកម្មផ្សេងៗក្រៅពីមុខរបរប្រពៃណីដកហូតអនុផលព្រៃឈើ ការទន្ទ្រានដីធ្វើចម្ការពនេចរ ហើយក្រសួងបរិស្ថានត្រៀមខ្លួនជួយទាំងបច្ចេកទេស និងថវិកា។

ចក្ខុវិស័យនិងការចូលរួមលើកកម្ពស់ជីវភាពប្រជាសហគមន៍នេះត្រូវបានចែករំលែកពីសំណាក់ឯកឧត្តម ថង សាវុន អភិបាលនៃគណៈអភិបាលខេត្តរតនគិរីដោយឯកឧត្តមបានថ្លែងថា៖«យើងខ្ញុំមិនចង់ឱ្យប្រជាពលរដ្ឋខេត្តយើងខ្ញុំពឹងអាស្រ័យមុខរបរលើធន​ធាន​ធម្មជាតិទេ គឺមានមុខរបរផ្សេងក្រៅពីការប្រមូលអនុផលព្រៃឈើ ដើម្បីទុកឱ្យធនធានធម្មជាតិមានការរីកធំធាត់ និងធ្វើឱ្យខេត្តរតនគិរីក៏ដូចជាប្រទេសកម្ពុជាទាំងមូលសម្បូណ៌ដោយធនធានធម្មជាតិដើម្បីផលប្រយោជន៍សម្រាប់កូនចៅជំនាន់ក្រោយបន្តទៀត។ ខ្ញុំសូមស្នើសុំឱ្យអាជ្ញាធរភូមិឃុំ រួមនឹងអង្គការសង្គមស៊ីវិលសហការគ្នាឱ្យបានល្អ ចូលរួមការពារនិងអភិរក្សធនធានធម្មជាតិឱ្យបានគង់វង្ស»។

សូមបញ្ជាក់ថានៅក្នុងកិច្ចប្រជុំស្តីពីការគ្រប់គ្រងដីសាធារណៈរបស់រដ្ឋនៅក្នុងតំបន់ការ​ពារ​ធម្មជាតិក្នុងភូមិសាស្ត្រខេត្តរតនគិរីនោះ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន ក៏បានបើកវេទិកាសំណួរចម្លើយ ដោយក្នុងនោះអភិបាលនៃគណៈអភិបាលស្រុកក្រុងនានាខេត្តរតនគិរីបានលើកឡើងពីបញ្ហាប្រឈមទាក់ទងនឹងការគ្រប់គ្រងសំណល់សំរាម ការគ្រប់គ្រងតំបន់ការពារធម្មជាតិ និងបញ្ហាមួយចំនួនទៀត៕

អត្ថបទ​នឹង​រូបភាព៖ Ministry of Environment

The post រដ្ឋមន្ត្រីក្រសួងបរិស្ថាន៖ ការទន្ទ្រានកាន់កាប់ដីរដ្ឋគឺជាទង្វើខុសច្បាប់ និងជាការលួចទ្រព្យសម្បត្តិរបស់យើងទាំងអស់គ្នា appeared first on .

ការ​បញ្ចេញ​ផ្សែង​ពី​រោងចក្រ​ឧស្សាហកម្ម ពី​យានយន្ត​ប្រើ​ម៉ាស៊ូត និង​ចំហេះ​ឥន្ធនៈ​ផ្សេង​ទៀត

ការ​បញ្ចេញ​ផ្សែង​ពី​ភ្លើង​ឆេះ​ព្រៃ ការ​ដុត​រាន​ព្រៃ ការ​ដុត​វាលស្មៅ ការ​ដុត​គល់ជញ្ជ្រាំង ការ​ដុត​សំរាម និង​សំណល់​រឹង នៅ​ទី​ចំហ និង​ទីលាន​ចាក់​សំរាម ព្រមទាំង​ការដ្ឋាន​សំណង់​ជា​ដើម។

ក្រៅ​ពី​នេះ​ខាង​ក្រសួង​ក៏​ចេញ​វិធានការ​មួយ​ចំនួន​ដល់​ថ្នាក់​ក្រោម​ជាតិ៖

១. ត្រូវ​ចាត់​វិធាន​ការ​ទប់ស្កាត់​ភ្លើង​ឆេះ​ព្រៃ និង​ការ​ដុត​សំរាម សំណល់​រឹង​តាម​ទី​ចំហ និង​ទីលាន​ចាក់​សំរាម

២. ត្រូវ​ចាត់​វិធានការ​ទប់ស្កាត់​ការ​ហុយ​ធូលី​ពី​ការដ្ឋាន​សំណង់​ផ្សេងៗ

៣. សម្អាត​ផ្លូវ​សាធារណៈ

៤. អប់រំ​ប្រជាពលរដ្ឋ​កុំ​ឲ្យ​ដុត​សំរាម សំណល់​ផ្សេងៗ៕

ខាង​ក្រោម​នេះ​ជា ខ្លឹមសារ​ដើម​នៃ​សេចក្ដីជូនដំណឹង៖

ប្រភព៖ សប្បាយ

The post ក្រសួងបរិស្ថានបញ្ជាក់បញ្ហាគុណភាពខ្យល់នៅកម្ពុជា appeared first on .

លោក តាន់ គឹមសួរ បានឱ្យដឹងថា នេះគឺជាយុទ្ធនាការដាំដើមឈើ ចំនួន១០ម៉ឺនដើម នៅឆ្នាំ២០១៩ ក្រោមប្រធានបទ«រួមគ្នាព្យាបាលដំបៅផែនដី» គាំទ្រដោយក្រសួងបរិស្ថាន ក្រសួងកសិកម្ម រុក្ខាប្រម៉ាញ់ និងនេសាទ និងអាជ្ញាធរខេត្តកំពង់ស្ពឺ សមាគមសិល្បករខ្មែរ អាជ្ញាធរមូលដ្ឋាន រួមទាំងវិស័យឯកជនមួយចំនួនទៀត ដើម្បីបង្ហាញឱ្យមានការចូលរួមការពារ និងអភិរក្សធនធានធម្មជាតិ ដែលមានតម្លៃសម្រាប់សង្គម និងជីវភាពសហគមន៍។

លោក មុំ សំអាត ប្រធានសហគមន៍តំបន់ការពារធម្មជាតិសាមគ្គី បានឱ្យថា ប្រជាសហគមន៍ត្រេកអរចំពោះការចូលរួមដាំកូនឈើនាពេលនេះ ហើយលោកសង្ឃឹមថានៅពេលអនាគតសហគមន៍មានភាពបៃតង និងកូនចៅជំនាន់ក្រោយស្គាល់ពីតម្លៃនៃធនធានធម្មជាតិទាំងនេះ។

តារាកំប្លែង នាយ ពាមី មកទាំងគ្រួសារ ចូលរួមដាំកូនឈើបានរាប់សិបដើម បានបញ្ជាក់ថា លោកចង់ឱ្យគ្រួសារ ជាពិសេសកូនៗលោក មានការស្រឡាញ់ធម្មជាតិ ហើយគំនិតផ្តួចផ្តើមឱ្យមានយុទ្ធនាការថ្ងៃនេះ គឺបង្ហាញពីឆន្ទៈក្នុងការការពារ និងអភិរក្សធនធានធម្មជាតិ ជាពិសេសផ្លាស់ប្តូរផ្នត់គំនិត ជនខិលខូចមួយចំនួនដែលកំពុងបំផ្លាញធនធានធម្មជាតិ មានការខ្មាសអៀន និងមានការគិតវិជ្ជមានចំពោះព្រៃឈើ ស្រឡាញ់បរិស្ថាន។

ក្នុងឱកាសនោះ លោក ខៀវ បូរិន អគ្គនាយកនៃអគ្គនាយកដ្ឋានសហគមន៍មូលដ្ឋាន ក្រសួងបរិស្ថាន បានលើកឡើងថា ក្រសួងបរិស្ថានកំពុងយកចិត្តទុកដាក់គ្រប់គ្រងតំបន់ការពារធម្មជាតិ៥៦កន្លែង ដែលមានផ្ទៃដីប្រមាណ៧,៥ លានហិកតា។ ក្រសួងបរិស្ថាន មានឧទ្យានុរក្សត្រឹមតែជាង១២០០នាក់ ដើម្បីការពារអភិរក្សធនធានធម្មជាតិ មិនអាចគ្រប់គ្រាន់ទេ មានតែការចូលរួមពីអ្នកពាក់ព័ន្ធ ជាពិសេសប្រជាសហគមន៍នៅតាមតំបន់ការពារធម្មជាតិ។ ឯកឧត្ដម បានចាត់ទុកថា សកម្មភាពដាំកូនឈើនាពេលនេះ គឺជាការចូលរួមចំណែកក្នុងការការពារ ថែរក្សា និងអភិរក្សធនធានធម្មជាតិ នៃព្រះរាជាណាចក្រកម្ពុជា ក៏ដូចជាចូលរួមបង្កើនការចូលរួមជាមួយសហគមន៍មូលដ្ឋាន ដើម្បីបរិស្ថានល្អបរិសុទ្ធ សម្រាប់ជីវិតមនុស្ស សត្វ ជីវៈចម្រុះ ជាពិសេសការអភិវឌ្ឍទេសចរណ៍ធម្មជាតិនាពេលអនាគត ដែលរួមចំណែកលើកកម្ពស់ជីវភាពប្រជាពលរដ្ឋ និងអាចទប់ស្កាត់ការបំផ្លាញធនធានធម្មជាតិ ។

ឯកឧត្តមបានបន្ថែមថា ការបង្កើនការចូលរួមរបស់ប្រជាសហគមន៍មិនត្រឹមតែការដាំទេ គឺការថែរក្សាព្រៃធម្មជាតិដែលគាត់មានគួរតែថែរក្សា។

ជាមួយគ្នានេះដែរ លោកស្រី យឹម ឆៃលីន បានកោតសរសើរចំពោះគម្រោងរួមគ្នាដាំកូនឈើ និងថែទាំដើមឈើ ហើយសង្ឃឹមថានឹងទទួលជោគជ័យ ព្រោះមានការចូលរួមពីភាគីពាក់ព័ន្ធជាច្រើននាក់ នៅពេលនេះ ហើយបន្តរួមគ្នាជួយថែរក្សាការពារកូនឈើដែលបានដាំរួចនេះ ឲ្យបានស្ថិតស្ថេរគង់វង្សនិងលូតលាស់ល្អ ដើម្បីជាប្រយោជន៍នាពេលអនាគត។ លោកជំទាវបានលើកទឹកចិត្តឱ្យប្រជាពលរដ្ឋចូលរួមការពារ និងអភិរក្សធនធានធម្មជាតិ និងដាំកូនឈើដើម្បីស្តារព្រៃឡើងវិញ ដែលអាចជួយកាត់បន្ថយកំដៅផែនដី ការប្រែប្រួលអាកាសធាតុ និងទប់ស្កាត់ការបាត់បង់ធនធានធម្មជាតិ ព្រមទាំងជួយការពារលំនឹងបរិស្ថានធម្មជាតិផងដែរ។ លោកជំទាវ បានបញ្ជាក់បន្ថែមថា ព្រៃឈើក៏អាចបង្កើតជាតំបន់អេកូទេសចរណ៍ ដោយបង្កើតការងារសម្រាប់សហគមន៍មូលដ្ឋាន តាមរយះការទាក់ទាញអ្នកទេសចរឱ្យមកទស្សនានៅក្នុងមូលដ្ឋាននេះផងដែរ។

សូមបញ្ជាក់ថានៅថ្ងៃចាប់ផ្តើមនៃយុទ្ធនាការរួមគ្នាដំកូនឈើ និងថែរក្សាដើមឈើ អ្នកស្មគ្រចិត្តចូលរួម បានដាំកូនឈើសរុបចំនួន១៥០០០ដើម នៅតាមតំបន់ការពារធម្មជាតិ ក្នុងខេត្តចំនួន៤ រួមមានខេត្តកំពង់ស្ពឺ បាត់ដំបង សៀមរាប និងឧត្តរមានជ័យ។ លោក តាន់ គឹមសួរ បានបង្ហាញសេចក្តីសង្ឃឹមថាបន្ទាប់ពីយុទ្ធនាការនេះ នៅឆ្នាំក្រោយៗទៀត លោកនឹងបង្កើតគម្រោងដាំកូនឈើឱ្យបាន១លានដើមផងដែរ៕

The post លោក តាន់ គឹមសួរ នាំ ​​ទាំង​មន្ត្រី​ទាំង​រាស្ត្រ ដាំកូន​ឈើ ១០ម៉ឺនដើម ពោរពេញ​ដោយ ស្នាម​ញញឹម appeared first on .