រដ្ឋមន្ត្រីក្រសួងពាណិជ្ជកម្ម ណែនាំដល់មន្រ្តីឲ្យបញ្ចៀសដាច់ខាតការទាមទារកម្រៃសេវាក្រៅផ្លូវការ

ឧកញ៉ា ឆ្នាំងដី — Thu, 17 Feb 2022 05:20:49 +0000

ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានណែនាំដល់មន្រ្តីមន្ទីរពាណិជ្ជកម្ម និងសាខាការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ(ក.ប.ប.) ខេត្តបាត់ដំបងឲ្យបញ្ចៀសដាច់ខាតការទាមទារកម្រៃសេវាក្រៅផ្លូវការពីអាជីករ ពាណិជ្ជករ ផលិតករ អ្នកនាំចេញ និងសេវាផេ្សងៗ ដែលផ្ទុយពីខ្លឹមសារប្រកាសរួមស្តីពីកម្រងសេវាសាធារណៈរវាងក្រសួងពាណិជ្ជកម្ម និងក្រសួងសេដ្ឋកិច្ច និងហិរញ្ញវត្ថុ។

ការណែនាំរបស់ឯកឧត្តមរដ្ឋមន្ត្រីបែបនេះបានធ្វើឡើងនៅក្នុង ពិធីសម្ពោធឱ្យប្រើប្រាស់ជាផ្លូវការនូវអគារទីស្នាក់ការសាខាការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ(ក.ប.ប.) និងសំណេះសំណាលជាមួយមន្ត្រីរាជការនៃ តីមន្ទីរពាណិជ្ជកម្ម ខេត្តបាត់ដំបង កាលពីថ្ងៃទី១៦ ខែកុម្ភៈ ឆ្នាំ២០២២។

ឯកឧត្តមរដ្ឋមន្ត្រី បានណែនាំបន្ថែមថា មន្ត្រីរាជការនៃមន្ទីរពាណិជ្ជកម្ម និងសាខា ក.ប.ប. ត្រូវបន្តធ្វើសហប្រតិបត្តិការឱ្យកាន់តែជិតស្និទ្ធជាមួយអាជ្ញាធរមូលដ្ឋាន ដើម្បីចូលរួមផ្សព្វផ្សាយឱ្យបានទូលំទូលាយនូវកម្មវិធីកែទម្រង់ស៊ីជម្រៅរបស់រាជរដ្ឋាភិបាល ជាពិសេសកំណែទម្រង់ស៊ីជម្រៅរបស់ក្រសួងពាណិជ្ជកម្ម ក្នុងការដាក់ចេញគោលនយោបាយពាណិជ្ជកម្ម សំដៅជួយសម្រួលពាណិជ្ជកម្ម ក្នុងការនាំចេញ និងសម្រួលដល់ការផ្តល់សេវាសាធារណៈជូនប្រជាពលរដ្ឋ។

បន្ថែមលើនេះ ឯកឧត្តម ក៏ឲ្យបន្តជំរុញពង្រឹងបន្ថែមយន្តការតាមដាន និងត្រួតពិនិត្យការគ្រប់គ្រងអាជីវកម្ម សេវាកម្ម ពាណិជ្ជកម្ម ថ្លៃទំនិញ និងសន្និធិទំនិញចាំបាច់ ស្រូវ-អង្ករ ប្រេងឥន្ធនៈ និងការធ្វើពាណិជ្ជកម្មទំនិញនៅតាមព្រំដែន ដោយប្រើប្រាស់ប្រព័ន្ធបច្ចេកវិទ្យាព័ត៌មាន និងជំរុញយន្តការដោះស្រាយបញ្ហាដល់កសិករ ផលិតករ ដោយផ្តោតលើផលិតផលសក្តានុពលចំនួន ៥មុខ មាន់ស្រែ បន្លែ ដំឡូង ស្រូវប្រណិត និងសូត្រ ដោយបង្កើតផ្សារចុងសប្តាហ៍នៅតាមបណ្តាខេត្តទាំង ១៨ ព្រមទាំងឧបត្ថម្ភទុន ផ្តល់កម្ចី និងកសាងហេដ្ឋារចនាសម្ព័ន្ធគាំទ្រតាមរយៈគម្រោងជំរុញទីផ្សារសម្រាប់កសិកម្មខ្នាតតូច (AIMS) ដែលអនុវត្តដោយក្រសួងពាណិជ្ជកម្ម៕

The post រដ្ឋមន្ត្រីក្រសួងពាណិជ្ជកម្ម ណែនាំដល់មន្រ្តីឲ្យបញ្ចៀសដាច់ខាតការទាមទារកម្រៃសេវាក្រៅផ្លូវការ appeared first on .

ស៊ែមួយ! រោងម៉ាស៊ីនកិនស្រូវមួយកន្លែង នៅបាត់ដំបង ប្រកាសធានាទិញស្រូវពីកសិករដែលកំពុងប្រមូលផល

ឧកញ៉ាកោះក្របី — Fri, 20 Nov 2020 05:10:50 +0000

ទំព័រហ្វេសបុក Golden Stars បានឲ្យដឹងថា រោងម៉ាស៊ីន ហ្គោលដេនស្តាររ៉ាយស៍មីល Golden Star Rice Mill យើងខ្ញុំសូមគោរពអញ្ចើញបងប្អូនកសិករដែលមានស្រូវ សូមជ្រើសរើសយករោងម៉ាស៊ីនយើងខ្ញុំ។ យើងខ្ញុំទទួលទិញស្រូវចូលរាល់ថ្ងៃ។

បងប្អូនប្រជាកសិករ និងសហគមន៍កសិកម្ម ដែលបាននិងកំពុងប្រមូលផលស្រូវ ហើយចង់លក់ស្រូវ អាចទំនាក់ទំនងទៅរោងម៉ាស៊ីនកិនស្រូវ ហ្គោលដេនស្តាររ៉ាយស៍មីល Golden Star Rice Mill ដែលនឹងទទួលទិញស្រូវបងប្អូនជារៀងរាល់ថ្ងៃ ដែលមានទីតាំងភូមិកគោ ឃុំជ្រៃ ស្រុកថ្មគោល ខេត្តបាត់ដំបង។

The post ស៊ែមួយ! រោងម៉ាស៊ីនកិនស្រូវមួយកន្លែង នៅបាត់ដំបង ប្រកាសធានាទិញស្រូវពីកសិករដែលកំពុងប្រមូលផល appeared first on .