អាជ្ញាធរខណ្ឌដូនពេញ បន្តចុះបិទទីតាំងអាជីវកម្ម ដែលល្មើសនឹងការណែនាំរបស់ក្រសួង

ឧកញ៉ាកោះក្របី — Thu, 03 Jun 2021 04:38:17 +0000

រដ្ឋបាលខណ្ឌដូនពេញ បានចុះពិនិត្យទីតាំង ក្លឹបកម្សាន្តបារបារាំង និងអាជីវកម្មផ្សេងទៀតដែលល្មើសនឹងការណែនាំរបស់រដ្ឋបាលរាជធានីភ្នំពេញ ហើយបានសម្រេចបិទអាជីវកម្មចំនួន២ទីតាំង ដែលមានការបើកភ្លេងកំដរពេលរាត្រី។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

លោក សុខ ពេញវុធ អភិបាល នៅយប់ថ្ងៃទី២ ខែមិថុនា ឆ្នាំ២០២១ ចុះត្រួតពិនិត្យ និង បង្ក្រាបទីតាំងអាជីវកម្ម ហាមឃាត់រួមមាន ក្លឹបកំសាន្តបារបារាំង និងអាជីវកម្មផ្សេងៗទៀតដែលល្មើសនឹងការណែនាំរបស់ក្រសួងសុខាភិបាល និងក្រសួងទេសចរណ៍ ដើម្បីចូលរួមការងារប្រយុទ្ធប្រឆាំងការរីករាលដាលនៃជំងឺកូវីដ-១៩ នៅក្នុងមូលដ្ឋាន ក៏ដូចជារក្សារបាននូវសណ្តាប់ធ្នាប់ អនាម័យ និងសោភណ្ឌភាពក្នុងរាជធានីភ្នំពេញ ។

ក្នុងប្រតិបត្តិការនេះផងដែរ ក្រុមការងារបានសម្រេចបិទអាជីវកម្ម ភោជនីយដ្ឋាន ដែលមានបើកភ្លេងកំដរ នាពេលរាត្រី ចំនួន២ទីតាំង ស្ថិតក្នុងសង្កាត់ផ្សារកណ្តាលទី១ និងសង្កាត់ជ័យជំនះ ដកហូតសម្ភារៈល្មើស រួមមានតុចំនួន២ កៅអីចំនួន១៣ យកមករក្សាទុកនៅរដ្ឋបាលខណ្ឌដូនពេញ៕

The post អាជ្ញាធរខណ្ឌដូនពេញ បន្តចុះបិទទីតាំងអាជីវកម្ម ដែលល្មើសនឹងការណែនាំរបស់ក្រសួង appeared first on .

បំពានបំរាមលួចបើកអាជីវកម្ម រហូតមានអ្នកឆ្លងជំងឺកូវីដ អាជ្ញាធរសម្រេចបិទ និងដកហូតអាជីវកម្មក្លឹប Snooker

ឧកញ៉ាកោះក្របី — Wed, 07 Apr 2021 08:34:05 +0000

បន្ទាប់ពីបំពានបំរាមលួចបើកអាជីវកម្មរហូតដល់មានអ្នកឆ្លងកូវីដ១៩ ត្រូវបានអាជ្ញាធរសម្រេចបិទ និងដកហូតអាជីវកម្មជាអចិន្ដ្រៃយ៍ ឈ្មោះ Jimmy White Snooker Club ដែលស្ថិតក្នុងសង្កាត់បឹងកេងកងទី៣ ខណ្ឌបឹងកេងកង នៅថ្ងៃទី០៧ ខែមេសា ឆ្នាំ២០២១នេះ។

មន្ដ្រីបានឲ្យដឹងថា ក្រោយផ្ទុះព្រឹត្តិការណ៍សហគមន៍២០កុម្ភៈ អាជ្ញាធរបានណែនាំឲ្យក្លឹប ដែលមានលក្ខណៈប្រមូលផ្ដុំទាំងអស់ ត្រូវបិទអាជីវកម្មបណ្ដោះអាសន្ន។ ប៉ុន្ដែទីតាំងនេះនៅបន្ដលួចបើក ហើយក្រោយមកអាជ្ញាធរបានណែនាំ២ដងទៀត ឲ្យផ្អាកបណ្ដោះអាសន្ន។

លុះដល់នៅថ្ងៃទី២៧ ខែមីនាកន្លងទៅ ស្រាប់តែរកឃើញថា មានអ្នកកើតជំងឺកូវីដ១៩ បានទៅលេងនៅទីតាំងនោះ ទើបអាជ្ញាធរដឹងថា ទីតាំង Jimmy White Snooker Club បំពានការណែនាំដែលបានប្រាប់នាពេលកន្លងមក។ កម្លាំងអាជ្ញាធរខណ្ឌបឹងកេងកង បានចុះបិទអាជីវកម្ម និងដកហូតអាជ្ញាប័ណ្ណជារៀងរហូត៕

The post បំពានបំរាមលួចបើកអាជីវកម្ម រហូតមានអ្នកឆ្លងជំងឺកូវីដ អាជ្ញាធរសម្រេចបិទ និងដកហូតអាជីវកម្មក្លឹប Snooker appeared first on .