សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

លោក សុខ ពេញ​វុ​ធ អភិបាល នៅយប់​ថ្ងៃទី២ ខែមិថុនា ឆ្នាំ​២០២១ ចុះ​ត្រួតពិនិត្យ និង បង្ក្រាប​ទីតាំង​អាជីវកម្ម ហាមឃាត់​រួមមាន​ ក្លឹប​កំសាន្ត​បារ​បារាំង និង​អាជីវកម្ម​ផ្សេងៗ​ទៀត​ដែល​ល្មើស​នឹង​ការណែ​នាំ​របស់​ក្រសួងសុខាភិបាល និង​ក្រសួងទេសចរណ៍ ដើម្បី​ចូលរួម​ការងារ​ប្រយុទ្ធប្រឆាំង​ការរីក​រាល​ដាល​នៃ​ជំងឺ​កូ​វីដ​-១៩ នៅក្នុង​មូលដ្ឋាន ក៏ដូចជា​រក្សារ​បាន​នូវ​សណ្តាប់ធ្នាប់ អនាម័យ និង​សោ​ភណ្ឌ​ភាព​ក្នុង​រាជធានី​ភ្នំពេញ ។

ក្នុង​ប្រតិបត្តិការ​នេះ​ផងដែរ​ ក្រុមការងារ​បានសម្រេច​បិទ​អាជីវកម្ម ភោជនីយដ្ឋាន ដែលមាន​បើក​ភ្លេង​កំដរ នាពេល​រាត្រី ចំនួន​២​ទីតាំង ស្ថិតក្នុង​សង្កាត់​ផ្សារកណ្តាល​ទី​១ និងសង្កាត់​ជ័យជំនះ ដកហូត​សម្ភារៈ​ល្មើស រួមមាន​តុ​ចំនួន២ កៅអី​ចំនួន​១៣ យកមក​រក្សាទុក​នៅរ​ដ្ឋបាល​ខណ្ឌដូនពេញ​៕​

The post អាជ្ញាធរខណ្ឌដូនពេញ បន្តចុះបិទទីតាំងអាជីវកម្ម ដែលល្មើសនឹងការណែនាំរបស់ក្រសួង appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

នេះបើតាមការឲ្យដឹងពី លោក ឃួង ស្រេង អភិបាលរាជធានីភ្នំពេញ ក្នុងកិច្ចប្រជុំនៅថ្ងៃទី១៧ ឧសភានេះ ដើម្បីពិនិត្យ ពិភាក្សានិងកំណត់ទីតាំងអោយបានច្បាស់លាស់ ពាក់ព័ន្ធនឹងការបង្រួមតំបន់ក្រហមអោយនៅតូចរហូតតាមខ្នងផ្ទះ តាមអគារឬនៅតាមខុនដូរ នៅថ្ងៃ១៩ ឧសភាខាងមុខនេះ ដើម្បីផ្តាច់ឬសគល់ជម្ងឺកូវីដ-១៩ ។

លោក ឃួង ស្រេង បានបញ្ជាក់ថា ចំពោះទីតាំងដែលបិទខ្ទប់ អាជ្ញាធរខណ្ឌត្រូវមើលការខុសត្រូវឲ្យបានម៉ត់ចត់បំផុត ទាំងបញ្ហាសុខភាពប្រជាពលរដ្ឋនិងស្បៀងអាហារ ព្រោះថា ស្បៀងរបស់យើង មានគ្រប់គ្រាន់ មិនខ្វះចែកជូនប្រជាពលរដ្ឋនោះទេ៕

The post រដ្ឋាភិបាលរាជធានី នឹងបង្រួមតំបន់ក្រហមឲ្យនៅតាមខ្នងផ្ទះ អគារ ឬខុនដូរ នៅថ្ងៃ១៩ ឧសភានេះ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

លោក កើត ឆែ អភិបាលរងរាជធានីភ្នំពេញ បានថ្លែងអំណរគុណលោកឧកញ៉ា ឡេង ប្រុស និងលោកជំទាវ វ៉ន សុមេតា ដែលបានផ្តល់អង្ករ ចំនួន៥តោន និងត្រីខ កំប៉ុង ចំនួន២០០កេស ជូនដល់សាលារាជធានីភ្នំពេញ ដើម្បីជួយឧបត្ថម្ភជីវភាពជូនប្រជាពលរដ្ឋ ទទួលរងគ្រោះ ឬរងផលប៉ះពាល់ធ្ងន់ធ្ងរ ពីមេរោគកូវីដ១៩ នៅរាជធានីភ្នំពេញ។

តាមរយៈកាយវិការដ៏ល្អប្រពៃ ប្រកបដោយមនុស្សធម៌ និងគុណធម៌ខាងលើនេះ ពិតជាបានរួមចំណែកយ៉ាងសំខាន់ជាមួយរដ្ឋបាលរាជធានីភ្នំពេញ និងរាជរដ្ឋាភិបាល ក្នុងការចាត់វិធានការទប់ស្កាត់ការរីករាលដាលមេរោគកូវីដ១៩បានទាន់ពេលវេលា៕

The post លោក ហេង ឡេង ដំណាង ឧកញ៉ា ឡេង ប្រុស នាំយកអង្ករ និងត្រីខទៅឧបត្ថម្ភដល់រដ្ឋបាលរាជធានីដើម្បីចូលរួមប្រយុទ្ធប្រឆាំងកូវីដ១៩ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

លោកជំទាវ ឱ វណ្ណឌី​ន បានគូសបញ្ជាក់​ថា នៅពេល​យើង​បញ្ចប់​ការបិទ​ខ្ទប់​នេះ ប្រជាពលរដ្ឋ​ច្បាស់​ជា​ចេញទៅ​ខាងក្រៅ ហើយ​ការចម្លង​វីរុស​កូ​វីដ​-១៩ វា​នឹង​អាច​លោត​ហក់​ឡើងវិញ ហើយ​វា​ខ្លាំង​ជាង​យើង​បិទ​ខ្ទប់​លើក​ទី​១​ទៀត។

បើតាមលោកជំទាវ ជឿថា បងប្អូន​មិន​ចង់​រស់នៅ​បិទ​ខ្ទប់​ដូច​មុន​ទេ ប៉ុន្តែ​បងប្អូន​ត្រូវ​ចូលរួម​អនុវត្ត​វិធានការ​ណែនាំ​របស់​រាជ​រដ្ឋាភិបាល និង​វិធានការ​សុខាភិបាល ពិសេស​បុគ្គល​គ្រប់រូប ត្រូវ​រៀន​រស់​ជាមួយ វីរុស​កូ​វីដ​-១៩ ដោយ​មិន​ត្រូវ​ឲ្យ​វីរុស​កូ​វីដ​-១៩ ឆ្លង​មក​ខ្លួនឯង​ទេ តាមរយៈ​វិធានការ ៣​កុំ ៣ ការពារ និង ២​ចូលរួម កុំទៅ​ទីតាំង​ណា​ដែល​មាន​ការ​ប្រមូលផ្ដុំ​មនុស្ស​ច្រើន ពិសេស​ទៅទៀត​នោះ​មានតែ​បុគ្គល​គ្រប់ៗ​រូប​ប៉ុណ្ណោះ ដែល​អាច​ការពារ​មិន​ឲ្យ​ឆ្លង​ពី​មនុស្ស​ម្នាក់​ទៅ​មនុស្ស​ម្នាក់ទៀត​បាន ហើយនឹង​ឈានទៅ​កាត់ផ្តាច់​ការ​ចម្លង​ក្នុង​សហគមន៍៕

The post លោកជំទាវ ឱ វណ្ណឌី​ន៖ ការចម្លង​វីរុស​កូ​វីដ​-១៩ វា​នឹង​អាច​លោត​ហក់​ឡើងវិញ ហើយ​វា​ខ្លាំង​ជាង​យើង​បិទ​ខ្ទប់​លើក​ទី​១​ទៀត appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

តាមរយៈសារជាសំឡេងនៅរសៀលថ្ងៃទី៦ ខែឧសភា ឆ្នាំ២០២១នេះ សម្តេចតេជោ បានថ្លែងថា «យើងធ្វើការត្រួតពិនិត្យលើតែអ្នកសង្ស័យបានហើយ យើងត្រូវបើកឲ្យគាត់ចេញចូលធម្មតា»។ 

សូមរម្លឹកឡើងវិញថា រាជរដ្ឋាភិបាលបានបញ្ចប់ការបិទរាជធានីភ្នំពេញ និងក្រុងតាខ្មៅ ហើយផ្ដល់សិទ្ធិអំណាដល់រដ្ឋបាលខេត្ត រក្សាដាក់វិធានការទប់ស្កាត់ការរីករាលដាលជំងឺកូវីដ១៩ ប៉ុន្ដែ រដ្ឋបាលខេត្តខ្លះ បានដាក់វិធានការតឹងរឹងជ្រុល ធ្វើឲ្យប៉ះពាល់ដល់ការធ្វើដំណើររបស់ប្រជាជន និងដំណើរការចរន្តសេដ្ឋកិច្ច៕

The post សម្តេចតេជោ ហ៊ុន សែន បញ្ជាឲ្យអភិបាលខេត្តដែលបានដាក់វិធានការចត្តាឡីស័ក១៤ថ្ងៃ ត្រូវដកចេញជាបន្ទាន់ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ក្នុងចំណោមសប្បុរជនខ្មែរ ដែលមានបេះដូងសប្បុរសដ៏បរិសុទ្ធ ព្រួយបារម្ភ និងយកចិត្តទុកដាក់ចំពោះ សុខទុក្ខជនរួមជាតិខ្មែរដូចគ្នា ក៏មានអ្នកស្រី ញ៉ែត លក្ខិណា នាយិកាមជ្ឈមណ្ឌល ផ្ទះសម្រស់ប៊ីយូណា និងក្រុមគ្រួសារ បានឧបត្ថម្ភគ្រឿងឧបភោគបរិភោគចាំបាច់មួយចំនួនដល់បុគ្គលិកក្រុមហ៊ុនចំនួន ២០នាក់ បងប្អូនដែលអត់មានការងារធ្វើចំនួន ៥នាក់។ ជាពិសេសនោះអ្នកស្រី ក៏បានចាត់តំណាងយកអង្ករ ទេយ្យទាននិងថវិកាទៅប្រគេនដល់វត្តចំនួន ១០វត្តទាំងនៅរាជធានីភ្នំពេញនិងតាមបណ្តាលខេត្ត ដែលកំពុងរាតត្បាតដោយសារជំងឺកូវីដ-១៩ នេះផងដែរ។

សហគ្រិនស្រ្តីវ័យក្មេងអ្នកស្រី ញ៉ែត លក្ខណា មានប្រសាសន៍ថា៖ ជួយគ្នាក្នុងគ្រាលំបាក បើទោះមិនបានចុះផ្ទាល់ ប៉ុន្តែខ្ញុំបានចែកជូនពួកគាត់អស់ហើយ។ អ្នកស្រីបន្តថា មិនមានអីច្រើនទេមានតែអង្ករនិងមានការផ្តត់ផ្គង់ថ្លៃម្ហូបអាហារខ្លះៗទៅជូនបងប្អូនបុគ្គលិក Beauna បុគ្គលិក VSL អ្នកអត់ការងារធ្វើ និងតាមវត្តអារាមមួយចំនួន សូមជូនបុណ្យផង។

សូមបញ្ជាក់ថា អំណោយដែលអ្នកស្រី លក្ខណា និងក្រុមគ្រូសារចែកជូនបុគ្គលិកក្នុងម្នាក់ៗ ទទួលបានអង្ករ ១ប៉ាវ និងថវិកាចំនួន ១២ម៉ឺនរៀល៕

The post អ្នកស្រី ញ៉ែត លក្ខណា ម្ចាស់ផ្ទះសម្រស់ប៊ីយូណា បន្តឧបត្ថម្ភអង្ករ និងថវិកាដល់វត្តអារាម បុគ្គលិក អ្នកអត់ការងារធ្វើក្នុងស្ថានភាពវិបត្តិកូវីដ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

បុគ្គលិកម្នាក់ឈ្មោះ យ៉ា ណាក់ បានឪ្យដឹងតាមទំព័រហ្វេសប៊ុករបស់នាងថា ៖ សម្រាប់នាងខ្ញុំផ្ទាល់ និងតំណាងបុគ្គលិកគ្រប់ផ្នែករបស់ក្រុមហ៊ុន ឃុន សឿ រៀលធី ឯ.ក សូមថ្លែងអំណរគុណដល់បងឧកញ៉ា សឿ សុវណ្ណ ជាប្រធានក្រុមប្រឹក្សាភិបាល និងលោកអគ្គនាយក សឿ សុវណ្ណថា ដែលតែងតែយល់ពីសុខទុក្ខរបស់យើងខ្ញុំទាំងអស់គ្នា ជាពិសេសស្ថិតក្នុងស្ថានភាពដ៏ងងឹតស្លុបមួយនេះ។

បើតាមកញ្ញា បើទោះបីវាយប្រហារដោយសារជំងឺកូវីដ-១៩ ក៏លោកទាំងពីរមិនបានបញ្ឈប់ការងាររបស់បុគ្គលិក ឬកាត់ប្រាក់ខែបុគ្គលិកណាម្នាក់ឡើយ (មិនបានបម្រើការងារជូនក្រុមហ៊ុនតាំងពីថ្ងៃទី១៧ មកម្ល៉េះ) បើកប្រាក់ខែអោយពេញៗ និងមានប្រាក់ OT ទៀត។ កញ្ញាថា ទាំងអស់គ្នាពិតជារំភើបចិត្តខ្លាំងណាស់ ព្រោះក្នុងកាលៈទេសៈបែបនេះ ពិតជាត្រូវការលុយប្រើប្រាស់ចាំបាច់បំផុត។

អ្នកជំនួញវ័យក្មេងក្នុងវិស័យអចលនទ្រព្យឧកញ៉ា សឿ សុវណ្ណ មានប្រសាសន៍ថា៖ ស្រឡាញ់បុគ្គលិកគ្រប់ផ្នែកទាំងអស់ដូចកូនៗ ជីវភាពធូរធារមានបានរបស់បុគ្គលិក គឺជាសញ្ញាបញ្ជាក់ពីភាពរីកចម្រេីន និងភាពរឹងមាំរបស់ក្រុមហ៊ុន។

សូមបញ្ជាក់ជូនថា នៅថ្ងៃទី៥ ខែឧសភា​ ឆ្នាំ២០២១នេះ ដែលកម្ពុជាបន្តរកឃើញអ្នកឆ្លងថ្មីកើនឡើងជាបន្តបន្ទាប់ ក្រុមហ៊ុន ឃុន សឿ រៀលធី ដោយគិតគូរដល់គ្រប់បុគ្គលិកបានចែកគ្រឿងឧបភោគបរិភោគមួយចំនួន ដូចជាៈ អង្ករ មី ត្រីខ ពងទា ទឹកស៉ីអ៉ីវ និងប្រេងឆា ដើម្បីជួយសម្រាលទុក្ខលំបាក៕

The post កូវីដរាតត្បាតខ្លាំង ឧកញ៉ា សឿ សុវណ្ណ មិនបានកាត់ប្រាក់ខែហើយ នៅបន្តឧបត្ថម្ភគ្រឿងឧបភោគបរិភោគដល់បុគ្គលិកដូចភ្លៀងរលឹម appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

បើតាមនាយករដ្ឋមន្ត្រីកម្ពុជា វ៉ាក់សាំងសម្រាប់ចាក់ចំនួន ៥២មុឺននាក់ នៅក្នុងតំបន់ក្រហម គឺមិនខ្វះទេ គឺថ្ងៃទី ១១ខែឧសភា ឆ្នាំ ២០២១ វ៉ាក់សាំងនឹងមកដល់ ៥០មុឺនដូស នឹងថ្ងៃទី ១៥ ខែឧសភា ឆ្នាំ ២០២១ នឹងដឹកមកដល់ចំនួន ៥០មុឺនដូសទៀត សរុប ១លានដូសនៅក្នុងដៃយើងបន្ថែមទៀត ។

ជាមួយគ្នានោះ សម្តេចតេជោ ហ៊ុន សែន ក៏សូមស្នើសម្តេចពិជ័យសេនា ទៀ បាញ់ បញ្ជាទៅអង្គភាពដែលត្រូវចុះចាក់នៅក្នុងតំបន់ក្រហម មិនត្រូវបញ្ចប់ដូសទី១ ត្រឹមថ្ងៃទី ១៥ ខែឧសភានោះទេ គឺដូសទី១ ត្រូវតែធ្វើយ៉ាងណាឲ្យហើយ ឲ្យអស់ប្រជាពលរដ្ឋនៅក្នុងតំបន់ក្រហម ។

សម្តេចបញ្ជាក់បញ្ជាក់ថា មិនថាត្រឹមតែ ៥២មុឺននាក់ទេ ទោះបីជា ៥៣ ទៅ៥៤មុឺន ឬ៥៥មុឺននាក់ ក៏យើងនៅតែមានលទ្ធភាព ដើម្បីចាក់ជូនប្រជាពលរដ្ឋដែរ។ សម្តេចក៏សូម អង្វរករប្រជាពលរដ្ឋកុំឲ្យចេញពីតំបន់ផ្សេងចូលមកតំបន់ក្រហមដើម្បីបានចាក់វ៉ាក់សាំង ធ្វើយ៉ាងនេះដើម្បីធានាថា យើងបានចាក់វ៉ាក់សាំងជូនប្រជាពលរដ្ឋក្នុងតំបន់ក្រហមបានគ្រប់ៗគ្នា៕

The post នាយករដ្ឋមន្ត្រីកម្ពុជាសូមអង្វរករដល់ប្រជាពលរដ្ឋកុំឲ្យចេញពីតំបន់ផ្សេងចូលមកតំបន់ក្រហមដើម្បីបានចាក់វ៉ាក់សាំង appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

វិធានការសំខាន់ៗទាំងអស់នោះរួមមាន ការបែងចែកកម្មករនិយោជិតចំនួន៥០ភាគរយនៃកម្មករនិយោជិតសរុបឱ្យធ្វើការឆ្លាស់វេនគ្នារៀងរាល់ពីរសប្ដាហ៍ម្ដង និងការផ្ដល់ប្រាក់ឈ្នួលចំនួន៥០%នៃប្រាក់ឈ្នួលអប្បបរមា ដោយរក្សាទុកនូវអត្ថប្រយោជន៍ប្រចាំខែ និងអត្ថប្រយោជន៍ផ្សេងៗដែលនិយោជិតធ្លាប់ទទួលបាន ព្រមទាំងការអនុវត្តវិធានការអនាម័យជាច្រើនផ្សេងទៀត។

លំអិតខាងក្រោម៖

The post រោងចក្រសហគ្រាសក្រោយបញ្ចប់ការបិទខ្ទប់ ត្រូវអនុវត្តវិធានការ១៤ចំណុចសម្រាប់ ដំណើរការអាជីវកម្មឡើងវិញ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ  

លោក ឃួង ស្រេង អភិបាលរាជធានីភ្នំពេញ នារសៀលថ្ងៃទី០៣ ខែឧសភា ឆ្នាំ២០២១នេះ មានប្រសាសន៍ថា៖ សូមអំណរអរគុណយ៉ាងជ្រាលជ្រៅបំផុត ចំពោះអ្នកឧកញ៉ា ម៉ុង ឫទ្ធី និងលោកជំទាវ ព្រមទាំង អ្នកឧកញ៉ា លោកឧកញ៉ាទាំងអស់ ដែលបានបរិច្ចាគនូវថវិកាផ្ទាល់ខ្លួនជូនមករដ្ឋបាលរាជធានីភ្នំពេញ ដើម្បីចែកជូនទៅប្រជាពលរដ្ឋដែលមានជីវភាពខ្វះខាត នៃការបិទខ្ទប់ដោយកូវីដ១៩ នេះ។

លោកថា សកម្មភាពនេះ ពិតជាបានរួមចំណែកជាមួយរដ្ឋាភិបាល ដើម្បីជួយទៅដល់ប្រជាពលរដ្ឋ ដែលមានជីវភាពខ្វះខាត។ ហើយនេះជាគំរូដ៏ល្អមួយសម្រាប់កូនចៅជំនាន់ក្រោយទៀត ដើម្បីអោយពួកគេបានរៀនសូត្រ ក្នុងការចែករំលែកជួយគ្នាក្នុងពេលដែលជួបនូវការលំបាកបែបនេះ។

ជាមួយគ្នានោះអ្នកឧកញ៉ា ម៉ុង ឫទ្ធី ក៏បានលើកឡើងដែលថា ការកៀងគរ អ្នកឧកញ៉ា លោកឧកញ៉ា លោកជំទាវខាងលើនេះ ជាសកម្មភាពលើកទីមួយហើយ ដែលលោកឧកញ៉ាបានកៀងគរ ដោយបានថវិកាសរុបចំនួនជាង៣០ម៉ឺនដុល្លារសហរដ្ឋអាមេរិក ហើយយកមកប្រគល់ជូនរដ្ឋបាលរាជធានីភ្នំពេញនាពេលនេះ ដើម្បីអោយរដ្ឋបាលរាជធានី ធ្វើការចាត់ចែង ជូនបងប្អូនដែលមានការជីវភាពខ្វះខាតក្នុងដំណាក់កាលជម្ងឺកូវីដ-១៩នេះ ។

អ្នកឧកញ៉ាបានបញ្ជាក់ថា ការបង្វែរ ថវិកាប្រមាណជាង៣០ម៉ឺនដុល្លារ ជូនមករដ្ឋបាលរាជធានីភ្នំពេញ គឺដោយសារតែពួកយើងខ្ញុំទាំងអស់គ្នាជឿទុកចិត្តមកលើអាជ្ញាធររាជធានីភ្នំពេញដោយជឿជាក់ថា អំណោយខាងលើនេះ អភិបាលរាជធានីភ្នំពេញ លោកឃួង ស្រេង នឹងធ្វើការចាត់ចែងជូនទៅដល់ដៃបងប្អូនប្រជាពលរដ្ឋដែលមានជីវភាពខ្វះខាតនៅតំបន់បិទខ្ទប់នេះមិនខាន។

អ្នកឧកញ៉ា ម៉ុង ឬទ្ធី បានបញ្ជាក់ផងដែរថា ក្រោយពីរួមគ្នា គ្រប់គ្រង ទប់ស្កាត់នូវការរីករាលដាលនៃជំងឺកូវីដ-១៩ បានហើយនោះ អ្នកឧកញ៉ា លោកឧកញ៉ានឹងមានឱកាស បានរកស៊ីឡើងវិញ។
គួរបញ្ជាក់ថា ថវិកាដែលបានប្រគល់ជូនរដ្ឋបាលរាជធានីភ្នំពេញនេះមាន ចំនួន៣០២២៥០ដុល្លារ បានមកពីការកៀងគរពីអ្នកឧកញ៉ា លោកឧកញ៉ា លោកជំទាវចំនួន៧៤រូប៕

សូមចុចអានអត្ថបទខាងក្រោម៖

The post អ្នកឧកញ៉ា ម៉ុង ឬទ្ធី ប្រមូលថវិកាពីសប្បុរសបានជាង៣០ម៉ឺនដុល្លារ ដើម្បីជួយប្រជាពលរដ្ឋខ្វះខាតនៅតំបន់បិទទ្ទប់ appeared first on .