មិនតែប៉ុណ្ណោះ លោក Thanavath Phonvichai ប្រធាន UTCC និងជាប្រធានទីប្រឹក្សាមជ្ឈមណ្ឌលព្យាករសេដ្ឋកិច្ច និងពាណិជ្ជកម្ម បាននិយាយថា ការវាយតម្លៃទៅលើថ្ងៃបុណ្យនៃក្តីស្រឡាញ់ សម្រាប់ឆ្នាំ ២០២៣ នេះ ជាមួយនឹងការសួរសំណួរទៅកាន់មនុស្សចំនួន ១ ២៥៥ នាក់ បានបង្ហាញថា ក្រុមមនុស្សដែលស្ថិតនៅចន្លោះវ័យ ១៣ ឆ្នាំ ដល់ ២៣ ឆ្នាំ មានការយកចិត្តទុកដាក់ខ្ពស់ចំពោះពិធីបុណ្យនេះ។ ហើយពួកគេចង់ចំណាយលុយ ដើម្បីទិញអំណោយ និងធ្វើសកម្មភាពផ្សេងៗ ដូចជាការទិញផ្កា ទទួលទានអាហារពេលល្ងាច ទៅមើលកុន និងទៅលេងផ្ទះគូស្នេហ៍របស់ពួកគេជាដើម។ ហើយសម្រាប់ការចំណាយក្នុងចំណោមពួកគេ គឺ ១ ១០០ បាត ក្នុងមួយនាក់។

យ៉ាងណាមិញ បើគិតអំពីការចំណាយជាធម្យមវិញ គឺមានចំនួន ១ ៨៤៨ បាត ក្នុងមនុស្សម្នាក់ ដែលជាការកើនឡើងពីចំនួន ១ ១៧៦ បាត កាលពីឆ្នាំ ២០២២ ដោយសារតែមានការកើនឡើងទៅលើតម្លៃចំណីអាហារ និងសេវាកម្មផ្សេងៗ។

គួរឱ្យដឹងថា នេះក៏ជាលើកទីមួយផងដែរ ក្នុងរយ:ពេល ៥ ឆ្នាំចុងក្រោយ ដែលការចំណាយ នៅក្នុងថ្ងៃពិធីបុណ្យនៃក្តីស្រឡាញ់ បានកើនឡើង បន្ទាប់ពីសេដ្ឋកិច្ចរបស់ប្រទេថៃ បានធ្លាក់ចុះ នៅក្នុងឆ្នាំ ២០១៩ ដោយសារតែសង្គ្រាមពាណិជ្ជកម្ម និងវិបត្តិកូវីដ-១៩ ដែលកំពុងបន្ត ។

លើសពីនេះ គេសង្កេតឃើញថា ប្រជាជនថៃ បានធ្វើការចំណាយប្រាក់យ៉ាងច្រើនរួចទៅហើយ នៅក្នុងខែមករា ក្នុងការប្រារព្ធពិធីជាច្រើន ដូចជាបុណ្យចូលឆ្នាំសកល និងបុណ្យចូលឆ្នាំចិនជាដើម ហើយសម្រាប់ទិវានៃក្តីស្រឡាញ់ នៅពេលដ៏ខ្លីខាងមុខនេះ គេរំពឹងថា នឹងកាន់តែមានភាពរស់រវើកបន្ថែមទៀត ដោយសារតែការងើបឡើងវិញនៃសេដ្ឋកិច្ចរបស់ប្រទេសថៃ ៕

The post ថៃរំពឹងថា ប្រជាជនខ្លួនអាចនឹងចាយលុយជាង ៧១លានដុល្លារ អំឡុងបុណ្យនៃក្តីស្រលាញ់ខាងមុខ appeared first on .

Valentine’s Day ជាពិធីបុណ្យមួយ របស់ជនជាតិនៅប៉ែកអឺរ៉ុប ប៉ុន្តែបច្ចុប្បន្ន ប្រជាជន​ស្ទើរតែទូទាំងពិភពលោក បានប្រារព្ធដូចគ្នា។

ចំណែកនៅក្នុងប្រទេសកម្ពុជា ក៏មានយុវវ័យជាច្រើន កំពុងតែយល់ច្រឡំថា ថ្ងៃ Valenti​ne’s Day គឺជាថ្ងៃដែលត្រូវលះបង់ខ្លួនប្រាណ ជូនដល់មនុស្សជា​ទីស្រឡាញ់​របស់ខ្លួនទៅវិញ។

នៅក្នុងប្រទេសកម្ពុជា មានយុវវ័យជាច្រើន កំពុងតែភ្លើតភ្លើន យល់ច្រឡំ នឹងបុណ្យវ​ប្បធម៌​បែប​បច្ចឹមប្រទេសមួយនេះ ដោយអ្នកខ្លះថែមទាំងបាន​ប្រព្រឹត្តិទង្វើខុស​ឆ្គងប្រពៃណីខ្មែរ ដោយសំអាងទៅលើបុណ្យនៃក្ដីស្រឡាញ់ ឬ Valentine’s Day ។ អ្វីដែលគួរតែត្រូវធ្វើ សម្រាប់យុវវ័យ ក៏ដូចជាមនុស្សទូទៅ ក្នុងថ្ងៃបុណ្យនៃក្ដីស្រឡាញ់​នេះ លោក​អ្នកគួរតែបង្ហាញ ក្ដីស្រឡាញ់ដល់គ្នាទៅវិញទៅមក រវាងកូន និងឪពុកម្ដាយ រវាងបងប្អូន រវាងគូសង្សារ រវាងមិត្តភក្តិ រវាងមិត្តរួមការងារ និងរវាងជាតិសាសនាជា ដោយក្នុងអត្ថន័យនៃក្ដីស្រឡាញ់ដ៏បរិសុទ្ធ ចំពោះគ្នា និងគ្នា ខណៈក្ដីស្រឡាញ់ ពុំមានតែមួយថ្ងៃនេះទេ។

Valentine’s Day ឬទិវានៃក្តីស្រឡាញ់ ត្រូវបានគេនិយាយថា មានប្រភពចេញពីលោក Saint Valentine ដែលជាបុរសម្នាក់ហ៊ាន​បង្ហាញ ក្តីស្រឡាញ់ចំពោះគូស្នេហ៍ រហូត​លោកត្រូវគេយកទៅសម្លាប់។

តើលោក Saint Valentine ជាអ្នកណា?

ព្រះវិហារកាតូលិក ទទួលស្គាល់ Valentine ឬ Valentinus ជាអ្នកដែលបូជាជីវិត ដើម្បីសាសនា។ រឿងរ៉ាវមួយលើកឡើងថា Valentine ជាបព្វជិតដែល​បម្រើសាសនា​នៅសតវត្សទី៣ សម័យរ៉ូម។ នៅពេលដែលព្រះចៅចក្រពត្តិ Claudius II សម្រេចថា បុរសនៅលីវទាំងអស់ អាចធ្វើជាទាហាន ល្អជាងបុរសដែលមានប្រពន្ធនោះ លោកក៏​បានដាក់ពិធីរៀបការទាំងឡាយ ឲ្យនៅក្រៅច្បាប់សម្រាប់យុវវ័យទាំងអស់។ Valentine គិតថា វាអយុត្តិធម៌ណាស់ ហើយក៏ប្រឆាំងនឹងច្បាប់នេះ និងបន្តធ្វើការរៀប​ការឲ្យគូ​សេ្នហ៍​ក្មេងៗជាសម្ងាត់។ នៅពេលសកម្មភាព របស់លោកត្រូវបានគេដឹង ព្រះចៅ Claudius ក៏បានបញ្ជាឲ្យសេនា ចាប់លោកដាក់គុកអស់មួយជីវិត តែប្រភព​ខ្លះលើកឡើងថា Valentine ត្រូវបានគេសម្លាប់។

ប្រភពខ្លះទៀត ឲ្យដឹងថា Valentine ជាប់គុក បន្ទាប់ពីពាក់ព័ន្ធដោយ «ក្ដីស្រឡាញ់» ផ្ទាល់ខ្លួន ក្រោយពីលោកបាក់ចិត្តស្រឡាញ់ នារីវ័យក្មេងម្នាក់ ដែលជាកូនស្រី​ឆ្មាំគុកមួយរូប ដែលបានទៅសួរសុខទុក្ខលោក នៅពេលជាប់ក្នុងពន្ធនាគារ។ មុនពេលស្លាប់ គេបានចោទថា លោកសរសេរលិខិតមួយផ្ញើទៅនាងថា «ពីបង Valentine របស់អូន» ជាភស្តុតាងបង្ហាញមួយ​ដែលមនុស្សជាច្រើន យកទៅប្រើ​មកដល់​សព្វថ្ងៃនេះ។ ទោះបីការពិតនៅពីក្រោយរឿងរ៉ាវ របស់ Valentine មានភាព​ស្រពេចស្រពិលក្តី ប៉ុន្តែសុទ្ធតែបានបញ្ជាក់ថា លោកជាវីរបុរស ដែលមាន​មនោ​សញ្ចេតនាស្នេហា ដ៏ជ្រាលជ្រៅបំផុត និងដោយសារ​កេរ្តិ៍ឈ្មោះនេះ​ហើយ ទើប Valentine ក្លាយជាបុគ្គលមួយរូប ដ៏មានប្រជាប្រិយ​នៅប្រទេសបារាំង និងអង់គ្លេស។

កាលដែលទិវានៃក្ដីស្រឡាញ់ ប្រារព្ធក្នុងខែកុម្ភៈ អ្នកខ្លះជឿថា ដើម្បីរំឭកខួបនៃមរ​ណភាព​ភាព របស់ Valentine ក្នុងបំណងធ្វើឲ្យការប្រារព្ធ ពិធីសាសនា Lupercalia ក្លាយជាគ្រិស្តសាសនាផងដែរ។

ទន្ទឹមនឹងនេះ មនុស្សជាច្រើនប្រារព្ធថ្ងៃ ១៤ កុម្ភៈ ជាមួយអ្នកជាទីស្រឡាញ់ អាចជា​ក្រុមគ្រួសារ គូស្នេហ៍ ឬមិត្តភក្តិ ព្រមទាំងជូនវត្ថុផ្សេងៗ តំណាងទឹកចិត្តរបស់ខ្លួន ចំពោះពួកគេ ដូចជា ការជូនពរ វត្ថុអំណោយបាច់ផ្កា ដែលមានលក្ខណៈជារូបរាង បេះដូង ឬនាំទៅបរិភោគអាហារ នៅទីកន្លែងណាមួយ ដ៏រ៉ូមែនទិក។

ទោះបីយ៉ាងណា Valentine’s Day មិនមែនជាពិធីបុណ្យផ្លូវការរបស់រដ្ឋទេ ប៉ុន្តែជា​ទម្លាប់មិនថា តែប្រជាជននៅប៉ែកអឺរ៉ុបទេ ទូទាំងអាស៊ី និងមនុស្សនៅ​ជុំវិញពិភពលោក តែងប្រារព្ធថ្ងៃ ១៤ កុម្ភៈ ជារៀងរាល់ឆ្នាំ ហើយវាក៏អាចជាថ្ងៃដ៏វិសេស​សម្រាប់គូស្នេហ៍ ជ្រើសយកធ្វើជាថ្ងៃរៀបការទៀតផង៕

The post យុវវ័យខ្មែរ ច្រ​​ឡំថា ទិវាបុ​ណ្យ​នៃ​ក្តីស្រ​ឡាញ់ ជា​ថ្ងៃលះ​​បង់​ខ្លួនប្រា​ណ​ឲ្យម​នុ​ស្សជាទីស្រឡាញ់ appeared first on .