ម្ចាស់បុរីល្បីឈ្មោះ លោក ឈឹម បញ្ញា ទទួលបានគោរមងារជា “ឧកញ៉ា”

ឧកញ៉ាកោះក្របី — Wed, 01 Sep 2021 01:51:06 +0000

លោក ឈឹម បញ្ញា អគ្គនាយកបុរី ចន្ទខាស់សល និងជាអ្នកជំនួញអចលនទ្រព្យវ័យក្មេងលេចធ្លោល្បីឈ្មោះម្នាក់ក្នុងចំណោមពាណិជ្ជករអភិវឌ្ឍន៍អចលនទ្រព្យនៅប្រទេសកម្ពុជា ត្រូវបានព្រះករុណា ព្រះបាទសម្តេចព្រះបរមនាថ នរោត្តម សីហមុនី សព្វព្រះរាជហរទ័យព្រះរាជទាន តែងតាំងផ្តល់គោរមងារជា «ឧកញ៉ា » កាលពីថ្ងៃទី១ ខែមិថុនា ឆ្នាំ២០២១នេះ។

លោកឧកញ៉ា ឈឹម បញ្ញា ត្រូវបានប្រភពមួយទម្លាយឲ្យដឹងថា គឺជាអ្នកជំនួញអចលនទ្រព្យល្បីឈ្មោះម្នាក់ និងជាអតីតយុវជនវ័យក្មេងដែលមានភាពក្លាហានម្នាក់ ធ្លាប់ទៅសិក្សានៅប្រទេសសិង្ហបុរី អស់រយៈពេល ១៣ ឆ្នាំ។

សូមចុច Subscribe Telegram oknha_news នឹងទទួលបានព័ត៌មានពីសកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

លោកឧកញ៉ាត្រូវបានចាត់ថា ជាស្ថាបនិក បុរីច័ន្ទខាស់សល ដ៏ឆ្នើមប្រកបដោយចក្ខុវិស័យវែងឆ្ងាយ ហើយក៏ជាថ្នាក់ដឹកនាំម្នាក់ដែលមានជំនាញគ្រប់គ្រងមនុស្ស ធ្វើឲ្យបុគ្គលិកគោរពស្រលាញ់លោកជាខ្លាំង ។ ទន្ទឹមនោះដែរ លោកឧកញ៉ា ក៏ធ្លាប់បានជួយដល់សង្គមជាច្រើនកន្លងមកដែរទើបនាំឲ្យលោកត្រូវបានព្រះមហាក្សត្រចេញ ព្រះរាជក្រឹត្យត្រាស់បង្គាប់ផ្ដល់គោរមងារជា ឧកញ៉ា បែបនេះ៕

The post ម្ចាស់បុរីល្បីឈ្មោះ លោក ឈឹម បញ្ញា ទទួលបានគោរមងារជា “ឧកញ៉ា” appeared first on .