បុរីពិភពថ្មី របស់អ្នកឧកញ៉ា ហុង ពីវ ប្រកាសទទួលទិញផ្ទះពីអតិថិជនវិញ ក្នុងតម្លៃ ៥០% នៃប្រាក់ដែលបានបង់

ឧកញ៉ាដែនដី — Wed, 01 Nov 2023 00:19:57 +0000

ក្រុមហ៊ុនបុរីពិភពថ្មី របស់អ្នកឧកញ៉ា ហុង ពីវ បានប្រកាសទទួលទិញផ្ទះពីអតិថិជនវិញ ៥០% នៃប្រាក់ដែលបានបង់ប្រចាំខែ (ប្រាក់ដើមបូកការប្រាក់) បន្ទាប់ពីមានការតវ៉ាពីអតិថិជនជាច្រើនស្នើឱ្យក្រុមហ៊ុនទិញផ្ទះវិញ ដោយសារគ្មានលទ្ធភាពបង់សងបន្តទៀត ក្នុងគ្រាដែលមានបញ្ហាសេដ្ឋកិច្ចជាសកល។ ដូច្នេះក្រុមហ៊ុន បានកែប្រែលក្ខខណ្ឌបន្ថែមឡើងវិញ ដើម្បីសម្រាលដល់អតិថិជន។

យោងតាមសេចក្តីប្រកាសព័ត៌មានរបស់ក្រុមហ៊ុនបុរីពិភពថ្មី កាលពីថ្ងៃទី២៩ ខែតុលា ឆ្នាំ២០២៣ បានឱ្យដឹងថា ទោះបីពេលបច្ចុប្បន្ននេះ មានបញ្ហាសេដ្ឋកិច្ចជាសកល ក្រុមហ៊ុននៅតែអនុវត្តន៍តាម កិច្ចសន្យា ដោយឥតកែប្រែ។ ក្នុងពេលឥឡូវនេះ ក្រុមហ៊ុនយល់ឃើញថា សេដ្ឋកិច្ចពុំទាន់មានលក្ខណៈល្អប្រសើឡើងវិញ ដូច្នេះក្រុមហ៊ុនបានកែប្រែលក្ខខណ្ឌបន្ថែម ចំនួន ៣ចំណុច ដើម្បីសម្រាលដល់អតិថិជនដូចខាងក្រោម៖

១ -កិច្ចសន្យាទិញលក់ផ្ទះ មានលក្ខខណ្ឌទទួលទិញវិញ

២-កិច្ចសន្យាទិញលក់ផ្ទះ គ្មានលក្ខខណ្ឌទទួលទិញវិញ

ក្រុមហ៊ុនទទួលទិញវិញ តែប្រាក់ដើម បូកបន្ថែមជាមួយ ប្រាក់បានកក់ និងប្រាក់បានសងដើម ទូទាត់ជាក់ស្តែងជាមួយ ប្រាក់ជំពាក់បង់ប្រចាំខែ។

៣-កិច្ចសន្យាទិញលក់ផ្ទះ គ្មានលក្ខខណ្ឌទទួលទិញវិញ សម្រាប់អតិថិជនមាន ២ផ្ទះ

(អនុវត្តន៍តកិច្ចសន្យា បានទិញផ្ទះ មុនថ្ងៃទី ៣០ខែតុលា ឆ្នាំ ២០២២)

ក្រុមហ៊ុនទទួលទិញផ្ទះវិញ ៥០% នៃប្រាក់ដែលបានបង់ប្រចាំខែ (ប្រាក់ដើមបូកការប្រាក់) ចាប់ពីខែទី ៧ឡើងទៅ បូកបន្ថែមជាមួយ ប្រាក់បានកក់ និងប្រាក់បានសងដើម ទូទាត់ជាក់ស្តែងជាមួយ ប្រាក់ជំពាក់បង់ ប្រចាំខែ ហើយយកទៅទូទាត់ជាមួយផ្ទះដែលអតិថិជននៅបង់រំលស់បន្ត ប្រាក់នៅសល់ក្រោយទូទាត់ ក្រុមហ៊ុន មិនប្រគល់ជូនវិញទេ។

ក្រុមហ៊ុនបុរីពិភពថ្មី ក៏បានបញ្ជាក់បន្ថែមផងដែរថា ក្រោយពេលដែលអតិថិជនបានជ្រើសរើស ជម្រើសទី៣ខាងលើហើយ ក្រុមហ៊ុននឹងមិនទទួល ទិញវិញទៀតទេ៕

The post បុរីពិភពថ្មី របស់អ្នកឧកញ៉ា ហុង ពីវ ប្រកាសទទួលទិញផ្ទះពីអតិថិជនវិញ ក្នុងតម្លៃ ៥០% នៃប្រាក់ដែលបានបង់ appeared first on .

អ្នកឧកញ៉ា ហុង ពីវ ប្រកាសរើសបុគ្គលិកមិនត្រូវការបទពិសោធន៍ ប្រាក់ខែលើស ១ពាន់ដុល្លារ

ឧកញ៉ាដែនដី — Wed, 25 Jan 2023 04:06:33 +0000

អ្នកឧកញ៉ា ហុង ពីវ អគ្គនាយកបុរីពិភពថ្មី នៅថ្ងៃពុធ ទី២៥ ខែមករា ឆ្នាំ២០២៣នេះ បានប្រកាសជ្រើសរើសបុគ្គលិកផ្នែកប្រមូលប្រាក់ មិនត្រូវការមានបទពិសោធន៍ និងអាចទទួលបានប្រាក់ខែចាប់ពី ១០០០ដុល្លារឡើងទៅ។

តាមរយៈការប្រកាសរបស់អ្នកឧកញ៉ា ហុង ពីវ បានបញ្ជាក់ឱ្យដឹងថា បុរី ពិភពថ្មី ត្រូវការជ្រើសរើសបុគ្គលិកផ្នែកប្រមូលប្រាក់ ដែលចេះភាសាចិនច្បាស់លាស់ ពុំចាំបាច់មានបទពិសោធន៍ និងត្រូវទៅធ្វើការនៅ បុរី ពិភពថ្មី កំបូល ដែលស្ថិតនៅជិតផ្លូវជាតិលេខ៤ ខណ្ឌកំបូល រាជធានីភ្នំពេញ។ សម្រាប់បេក្ខជនចាប់អារម្មណ៍ អាចដាក់ពាក្យតាមរយៈ Email ៖ newworldgroup88@gmail.com។

សូមជម្រាបជូនថា អ្នកឧកញ៉ា ហុង ពីវ ជាម្ចាស់បុរីពិភពថ្មី ដែលមានជាច្រើនកន្លែងនៅរាជធានីភ្នំពេញ និងតំបន់ប្រជុំមួយចំនួនដូចជា បុរីពិភពថ្មី ឡាសែនសុខ, បុរីពិភពថ្មី ចំការដូង, បុរីពិភពថ្មី ឈូកវ៉ា, បុរីពិភពថ្មី កួរស្រូវ, បុរីពិភពថ្មី ផ្លូវជាតិលេខ៣, បុរីពិភពថ្មី តាខ្មៅ និងបុរីពិភពថ្មី កំបូល ដែលក្នុងទីតាំងនីមួយៗបានចែកចេញជាគម្រោងទី១ គម្រោងទី២ និងគម្រោងទី៣ បន្ថែមទៀត៕

The post អ្នកឧកញ៉ា ហុង ពីវ ប្រកាសរើសបុគ្គលិកមិនត្រូវការបទពិសោធន៍ ប្រាក់ខែលើស ១ពាន់ដុល្លារ appeared first on .