ក្មេងប្រុសម្នាក់យកកង់កញ្ចាស់ទៅប្រណាំងជាមួយ កង់ទំនើប កំពុងអង្រួនបេះដូងមហាជន

កូនចៅឧកញ៉ា — Wed, 11 Nov 2020 04:22:53 +0000

រូបថតប៉ុន្មានសន្លឹងដែលជាស្នាដៃអ្នកថតរូបអាជីពល្បីឈ្មោះSovanna Kem Photography ស្ដីពីក្មេងប្រុសម្នាក់យកកង់កញ្ចាស់ទៅចូលរួមប្រណាំងជាមួយ កង់ទំនើប កំពុងអង្រួនបេះដូងមហាជន។

តាមរយៈរូបថតនេះលោក Sovanna Kem បានឲ្យដឹងថា លោកបានថតនៅទីលានប្រណាំងទោចក្រយាន្តព្រែកលាប ក្នុងកម្មវិធី Cambodia MTB Series 2020 វគ្គទី2កាលពីថ្ងៃទី៨ ខែ វិច្ឆិកា ឆ្នាំ ២០២០ កន្លងទៅនេះ។

ផេកផ្លូវការរបស់លោក Sovanna Kem Photography បានសរសេររៀបរាប់បែបនេះថា”កុមារាម្នាក់ដែលល្បីតាមការស៊ែររូបថតរបស់ខ្ញុំកាលពីម្សិលម៉្ងៃនៅទីលានប្រណាំងទោចក្រយាន្តព្រែកលាប ក្នុងកម្មវិធី Cambodia MTB Series 2020 វគ្គទី2។

បន្ទាប់ពីមហាជនបានឃើញរូបភាពនេះភ្លាមមហាជនបានសម្ដែងការអាណិតអាសូរ្យដល់ក្មេងប្រុសនេះខ្លាំង ដោយម្នាក់មានចិត្តចង់ជួយដល់ក្មេងប្រុសរូបនោះ ប៉ុន្តែមិនដឹងទាក់ទងតាមណា។ មុននេះបន្តិចមានគណីយ Facebookឈ្មោះLang Tyleang បានទិញកង់ទំនើប១គ្រឿងជូនគាត់ផងដែរ ។ Facebookឈ្មោះLang Tyleang បានសរសេរជាភាសាអង់គ្លេសបែបនេះថា”Now I find that boy and give him a bike for his hard work and good attitude.។ប្រសិនបើបងប្អូនចង់ជួយដល់ក្មេងរូបនេះ សូមទាក់ទងទៅលេខម្ដាយរបស់គាត់ តាមរយៈលេខ 087 921 967

ប្រភពរូបថត៖ Sovanna Kem Photography

The post ក្មេងប្រុសម្នាក់យកកង់កញ្ចាស់ទៅប្រណាំងជាមួយ កង់ទំនើប កំពុងអង្រួនបេះដូងមហាជន appeared first on .

រដ្ឋមន្រ្តីក្រសួងបរិស្ថានលើកទឹកចិត្តឱ្យអ្នកថតរូបបន្តផ្តិតយករូបភាពស្អាតៗតាមតំបន់ការពារធម្មជាតិ នៅកម្ពុជា

កូនចៅឧកញ៉ា — Mon, 05 Oct 2020 04:43:54 +0000

ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន លើកទឹកចិត្តដល់អ្នកថតរូបទាំងអស់ បន្តចូលរួមផលិតរូបភាពស្អាតៗ នៅតាមតំបន់ការពារធម្មជាតិនានានៅប្រទេសកម្ពុជា ដើម្បីជាការផ្សព្វផ្សាយបន្តដល់ប្រជាពលរដ្ឋកម្ពុជា។

ការលើកឡើងរបស់ឯកឧត្តម រដ្ឋមន្រ្តីក្រសួងបរិស្ថានបែបនេះ ធ្វើឡើងក្នុងឱកាសជួបសំណេះសំណាលជាមួយអ្នកថតរូបមេត្រីភាពបរិស្ថាន រៀបចំឡើង នាល្ងាចថ្ងៃសុក្រ ១៥កើត ខែកត្តិក ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី ២ ខែតុលា ឆ្នាំ២០២០ នាអគារ«ខេមរានី» ទីស្នាក់ការសហភាពសហព័ន្ធយុវជនកម្ពុជា រាជធានីភ្នំពេញ។

ក្នុងឱកាសជួបសំណេះសំណាលនេះដែរ ឯកឧត្តម សាយ សំអាល់ បានថ្លែងអំណរគុណដល់អ្នកថតរូបទាំងអស់ ដែលបានលះបង់កំលាំងកាយចិត្តពេលវេលានិងថវិកាដើម្បីជួយផ្សព្វផ្សាយពីសក្ដានុពលដ៏អស្ចារ្យនៃប្រទេសកម្ពុជា។

ឯកឧត្តមរដ្ឋមន្រ្តី បានបញ្ជាក់បន្ថែមថា នេះជាការបង្ហាញពីស្មារតីស្នេហាជាតិមួយ ក្នុងនាមជាប្រជាពលរដ្ឋកម្ពុជា ដែលពោពេញដោយសមត្ថភាព និងទេពកោសល្យ តាមរយៈការផលិតនូវរូបភាពស្អាតប្រណិត ដើម្បីបង្ហាញបន្តជូនប្រជាពលរដ្ឋកម្ពុជា ឱ្យបានឃើញពីភាពអស្ចារ្យនៃសម្រស់តំបន់ធម្មជាតិរបស់កម្ពុជា។

លើសពីនេះ ឯកឧត្តម សាយ សំអាល់ បានលើកឡើងថា តាមរយៈរូបភាពកន្លងមករបស់អ្នកថតរូបកម្ពុជា ពិតជាមានសារៈប្រយោជន៍ខ្លាំងណាស់ ក្នុងការជួយផ្សព្វផ្សាយពីសក្តានុពលធម្មជាតិជូនសារធារណជន ហើយសកម្មភាពនេះក៏បានបង្ហាញពីការចូលរួមប្រតិបត្តិមេត្រីភាពបរិស្ថានល្អប្រសើរ ដោយផ្តោតលើកិច្ចគាំពារបរិស្ថាន ការគ្រប់គ្រងធនធានធម្មជាតិ ការអភិរក្សជីវៈចម្រុះ និងការរស់នៅដោយចីរភាព។

ក្នុងកម្មវិធីដដែលនេះ ឯកឧត្តម សាយ សំអាល់ ក៏បានបញ្ជាក់ដែរថាក្រសួងនឹងពង្រឹងកិច្ចការងារអភិរក្សតំបន់ការពារធម្មជាតិ ឱ្យកាន់តែប្រសើរតាមរយៈមន្រ្តីឧទ្យានុរក្ស ហើយឯកឧត្តមក៏សំណូមពរឱ្យប្រជាពលរដ្ឋគ្រប់រូបបង្ហាញភាពស្រឡាញ់ចំពោះតំបន់ការពារធម្មជាតិរបស់យើង និងចូលរួមការពារធនធានធម្មជាតិទាំងអស់គ្នា។

សូមបញ្ជាក់ថា នៅក្នុងពិធីជួបសំណេះសំណាលជាមួយអ្នកថតរូបមេត្រីភាពបរិស្ថាន នាពេលនេះ ឯកឧត្តម រដ្ឋមន្រ្តីក្រសួងបរិស្ថាន បានប្រគល់ជូនបណ្ណសរសើរមេត្រីភាពបរិស្ថាន ជូនដល់អ្នកថតរូប ដែលបានលះបង់កំលាំងកាយចិត្តពេលវេលានិងថវិកា ដើម្បីជួយផ្សព្វផ្សាយសម្រស់ធម្មជាតិនៃប្រទេសកម្ពុជាមួយចំនួន និងបានពិសាអាហារសាមគ្គីរួមគ្នាផងដែរ៕

ប្រភព៖ ក្រសួងបរិស្ថាន

The post រដ្ឋមន្រ្តីក្រសួងបរិស្ថានលើកទឹកចិត្តឱ្យអ្នកថតរូបបន្តផ្តិតយករូបភាពស្អាតៗតាមតំបន់ការពារធម្មជាតិ នៅកម្ពុជា appeared first on .

បេះដូងអ្នកថតរូប

ក្មេង​ប្រុស​ម្នាក់​យក​កង់​កញ្ចាស់​ទៅ​ប្រណាំង​ជា​មួយ កង់​ទំនើប កំពុង​​អង្រួន​បេះ​ដូង​មហាជន

ក្មេងប្រុសម្នាក់យកកង់កញ្ចាស់ទៅប្រណាំងជាមួយ កង់ទំនើប កំពុងអង្រួនបេះដូងមហាជន