លោកបណ្ឌិត គី សេរីវឌ្ឍន៍ ប្រធានមជ្ឈមណ្ឌលសិក្សាចិន និងជាអ្នកជំនាញសេដ្ឋកិច្ចនៃរាជបណ្ឌិតសភាកម្ពុជា បានលើកឡើងថា កម្ចីជាមួយធនាគារអភិវឌ្ឍន៍អាស៊ី (ADB)ចំនួន៥០លានដុល្លារដល់កម្ពុជា ហៅថាកម្ចីពហុភាគី ខុសពីកម្ចីទ្វេភាគី ហេតុនេះកម្ចីពហុភាគីនេះមិនមែនជាបន្ទុកសម្រាប់រដ្ឋាភិបាលទេ​​បើទោះបីទំហំបំណុលពីកម្ចីពហុភាគីច្រើនក្តី ព្រោះជាកម្ចីប្រភេទនេះអាចបម្រើឱ្យការអភិវឌ្ឍសង្គម និងសេដ្ឋកិច្ចកម្ពុជាតាមរយៈការអភិវឌ្ឍន៍វិស័យស្នូលរបស់ជាតិ។

សូមរម្លឹកដែរថា កាលពីថ្ងៃទី៦ ខែធ្នូ ឆ្នាំ២០២២ ធនាគារអភិវឌ្ឍន៍អាស៊ី (ADB) បានអនុម័តប្រាក់កម្ចី ផ្អែកលើគោលនយោបាយចំនួន៥០លានដុល្លារ សម្រាប់កម្មវិធីពាណិជ្ជកម្ម និងសមត្ថភាពប្រកួតប្រជែង ដើម្បីគាំទ្រដល់រាជរដ្ឋាភិបាលកម្ពុជា ក្នុងការធ្វើពិពិធកម្មសេដ្ឋកិច្ច និងជំរុញសមត្ថភាពប្រកួតប្រជែងជាសកលរបស់ប្រទេស។

កាលពីពេលកន្លងមក ពាក់ព័ន្ធនឹងការខ្ចីថវិការពីបរទេស បើទោះបីកម្រិតបំណុលសាធារណរបស់កម្ពុជាមានការកើនឡើងក៏ដោយ ក្រសួងសេដ្ឋកិច្ច និងហិរញ្ញវត្ថុ បានវាយតម្លៃថា ស្ថានភាពបំណុលសាធារណៈបច្ចុប្បន្នរបស់កម្ពុជានៅតែស្ថិតក្នុងភាពអាចគ្រប់គ្រងបាន ពោលគឺនៅតែមាន «ចីរភាព» និង «ហានិភ័យកម្រិតទាប» ដដែល បើទោះបីជាសេដ្ឋកិច្ចកម្ពុជា ទទួលរងនូវផលប៉ះពាល់ពីការរីករាលដាលនៃវិបត្តិជំងឺកូវីដ-១៩ និងពីកត្តាខាងក្រៅផ្សេងទៀតក្ដី។

ក្រសួងអះអាងថា ការរក្សាបាននូវចីរភាពបំណុលសាធារណៈនេះ គឺដោយសារកម្ពុជាមានប្រព័ន្ធគ្រប់គ្រងបំណុលសាធារណៈមួយដ៏ត្រឹមត្រូវ និងរឹងមាំ៕​ អត្ថបទ៖ រង្សី

The post អ្នកជំនាញសេដ្ឋកិច្ច៖ ការកើនឡើងនៃកម្ចីពហុភាគី មិនមែនជាបន្ទុកធ្ងន់សម្រាប់រដ្ឋាភិបាលកម្ពុជានោះឡើយ appeared first on .

តាម​ព្រឹត្តិបត្រ​ស្ថិតិ​បំណុល​សាធារណៈ​កម្ពុជា ឆ្នាំ២០២០ ដែល​ចេញផ្សាយ​កាលពី​ខែ មីនា ឆ្នាំ២០២១ ​របស់​ក្រសួង​សេដ្ឋកិច្ច ក្នុង​រយៈពេល ២៧​ឆ្នាំ គិត​ពី​ឆ្នាំ១៩៩៣ ដល់​ចុងឆ្នាំ២០២០ គ្រាន់តែ​ថ្លៃ​ការ​ប្រាក់ និង​កម្រៃ​ផ្សេងៗ​ ដែល​កម្ពុជា​បាន​បង់​សង​ទៅ​ម្ចាស់បំណុល​បរទេស​វិញ មាន​សុរប​ ៧៤៩,៤២លាន​ដុល្លារ​។ តែក្នុង​ឆ្នាំ២០២០ កន្លង​ទៅ កម្ពុជា​ក៏​លៃលក​សង​បំណុល​នេះ​បាន ៣៦០,៣០លាន​ដុល្លារអាមេរិក ប៉ុន្តែ​ក្នុង​នោះ​គ្រាន់តែ​ការប្រាក់ មាន​ចំនួន​ ៩៣,៣៧​លាន​ដុល្លារ។

ទោះយ៉ាង​ណា មន្ត្រី​ជាន់ខ្ពស់រដ្ឋាភិបាល បានអះអាង​ថា បំណុល​នេះ​នៅ​ទាប ដែល​មិន​គួរ​ឲ្យ​ព្រួយ​បារម្ភ ហើយ​កម្ពុជា​នៅ​អាច​ជំពាក់​បរទេស​បាន​បន្ថែម​ទៀត​។ លោក ផាន់ ផល្លា រដ្ឋលេខាធិការ​ក្រសួង​សេដ្ឋកិច្ច ថ្លែង​ក្នុង​សន្និសីទ​ព័ត៌មាន​កាលពី​ថ្ងៃទី១៤ ខែ​ធ្នូ ឆ្នាំ២០២១កន្លងទៅ​ថា បើ​ធៀប​បំណុល​កម្ពុជា​ជាមួយ​ប្រទេស​ផ្សេងទៀត កម្ពុជា​មិនទាន់​ដល់​វ័ណ្ឌក​នោះ​ទេ​។ លោក​អះអាង​ថា កម្ពុជា​មិន​មាន​បញ្ហា​អ្វី ពាក់ព័ន្ធ​ជាមួយនឹង​លទ្ធភាព​សង​នោះ​ទេ។

បើយោងតាមច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២ ដែលរដ្ឋសភាបានអនុម័តកាលពីថ្ងៃទី២៥ ខែវិច្ឆិកា ឆ្នាំ២០២១ ហើយដែលព្រឹទ្ធសភាបានពិនិត្យចប់សព្វគ្រប់លើទម្រង់និងគតិច្បាប់នេះទាំងស្រុងកាល​ពី​ថ្ងៃទី២ ខែធ្នូ ឆ្នាំ២០២១ បានឪ្យដឹងថា អនុម័តយល់ព្រមឱ្យរាជរដ្ឋាភិបាលខ្ចីប្រាក់ពីគេក្នុងកម្រិត ១ ៦០០ ០០០ ០០០SDR (មួយប៊ីលានប្រាំមួយរយលានអេសដេអ៊ែ) ប្រមាណជាង ២២០០លានដុល្លារអាមេរិក ពីដៃគូអភិវឌ្ឍន៍។

ច្បាប់នេះបញ្ជាក់ថា ការខ្ចីដែលត្រូវចុះកិច្ចសន្យាត្រូវមានលក្ខណៈជាការខ្ចីសម្បទាន ដែលត្រូវសងវិញជាមួយការប្រាក់អនុគ្រោះ។ នៅក្នុងលក្ខខណ្ឌនេះ រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ជាអ្នកមានសិទ្ធិស្របច្បាប់តែមួយគត់ តាមការប្រទានសិទ្ធិជាលាយ​លក្ខណ៍​អក្សររបស់នាយករដ្ឋមន្ត្រីនៃកម្ពុជា ក្នុងការចុះហត្ថលេខាលើការខ្ចីជាគុណប្រយោជន៍នៃថវិកាទូទៅរបស់រដ្ឋ ឬលើការធានារបស់រដ្ឋ ហើយត្រូវធ្វើរបាយការណ៍ស្តីពីការអនុវត្តនៃការខ្ចីនិងការធានានេះ ជូនរដ្ឋសភានិងព្រឹទ្ធសភា រៀងរាល់ ៦ខែម្តង។

សម្រាប់ការគ្រប់គ្រងឆ្នាំ២០២២ អនុម័តយល់ព្រមឱ្យរាជរដ្ឋាភិបាលបោះផ្សាយលក់ មូលបត្ររដ្ឋក្នុងកម្រិតទី ២១៩ ៥០០ ០០០ ០០០រៀល(មួយទ្រីលានពីររយដប់ប្រាំបួនប៊ីលាន ប្រាំរយលានរៀល) ដើម្បីធ្វើហិរញ្ញប្បទានគាំទ្រគម្រោងវិនិយោគសាធារណៈសំដៅលើកស្ទួយ កំណើននិងផលិតភាពសេដ្ឋកិច្ច៕

The post រដ្ឋសភា អនុម័តយល់ព្រមឱ្យរាជរដ្ឋាភិបាលខ្ចីប្រាក់ពីគេប្រមាណជាង ២២០០លានដុល្លារអាមេរិក ពីដៃគូអភិវឌ្ឍន៍ appeared first on .

លោក ផាន់ ផល្លារ បានថ្លែងក្នុងន័យដើមថា ខ្ញុំសូមបញ្ជាក់ចំពោះបញ្ហាបំណុលថា បំណុលរបស់កម្ពុជាទាំងមូលមានចំនួន៩ប៊ីលានដុល្លារ ចំពោះបញ្ហានៃបំណុលនេះ កម្ពុជានៅមានលទ្ធភាព ក្នុងការសងត្រឡប់ ហើយបំណុលនេះជាបំណុលស្ថិត ក្នុងកម្រិតទាបនៅឡើយទេ។ បើតាមការវាយតម្លៃរបស់មូលនិធិរូបិយវត្ថុអន្តរជាតិ (IMF) ការវាយតម្លៃរបស់ធនាគារពិភពលោក និងស្ថាប័នអន្ដរជាតិផ្សេងៗទៀត បើតាមការប្រៀបធៀបបំណុលរបស់កម្ពុជា ជាមួយបណ្ដាប្រទេសផ្សេងទៀត បំណុលរបស់កម្ពុជាមានកម្រិតទាបណាស់ កម្ពុជាមិនបានស្ថិតក្នុងបំណុលវណ្ឌក ដូចបណ្ដាប្រទេសមួយចំនួននោះទេ។ ដូច្នេះកម្ពុជាយើងមិនមានបញ្ហាពាក់ព័ន្ធនឹងលទ្ធភាព ក្នុងការសងត្រឡប់បំណុលនោះឡើយ ដោយសារតែបំណុលរបស់យើងនៅទាបនៅឡើយទេ។

យោងតាមសេចក្តីព្រាងច្បាប់ ស្តីពីហិរញ្ញវត្ថុសម្រាប់ការគ្រប់គ្រងឆ្នាំ ២០២២ បញ្ជាក់ថា ឆ្នាំ២០២២ រាជរដ្ឋាភិបាលកម្ពុជា គ្រោងខ្ចីប្រាក់ពីដៃគូអភិវឌ្ឍន៍នូវទឹកប្រាក់ចំនួនកម្រិត ១៦០០លានSDR (ជាខ្នាតកណ្ដាលមួយ សម្រាប់វាយតម្លៃនៃលុយ) ដែលស្មើនឹងប្រមាណជាង ២២០០លានដុល្លារអាមេរិក។

នៅដើមឆ្នាំ២០២១នេះ ទីភ្នាក់ងារ វាយតម្លៃឥណទានពិភពលោក «Moody’s Investor Service» បានលើកឡើងថា កម្ពុជាមិនងាយរងគ្រោះដោយបំណុលបរទេសនោះទេ។ ភាពងាយរងគ្រោះនៃបំណុលរបស់កម្ពុជា នៅតែស្ថិតនៅក្នុងស្ថានភាព ដែលអាចគ្រប់គ្រងបាន ហើយចក្ខុវិស័យកំណើនផលិតផល ក្នុងស្រុកសរុបដ៏រឹងមាំរបស់កម្ពុជា ជាកត្តាដែលផ្ដល់ទំនុកចិត្តរបស់ខ្លួន លើបន្ទុកបំណុលរបស់ប្រទេសកម្ពុជា។

សូមរំលឹកឡើងវិញថា កាលពីសប្តាហ៍មុន ធនាគារពិភពលោក (The World Bank) បានព្យាករសេដ្ឋកិច្ចកម្ពុជាឆ្នាំ២០២១ ថាមានកំណើន ២,២% ហើយរំពឹងថានឹងកើនដល់ ៤,៥% នៅឆ្នាំ២០២២។

ទោះយ៉ាងណា មន្រ្តីជាន់ខ្ពស់ក្រសួងសេដ្ឋកិច្ចរូបនេះ បានវាយតម្លៃថា ក្រោយបើកប្រទេសឡើងវិញអស់ពេលជាង១ខែមកនេះ គឺសកម្មភាពសេដ្ឋកិច្ចមានការកើនឡើង និងល្អប្រសើរជាងមុន ខណៈកម្ពុជាបានស្រោចវ៉ាក់សាំងការពារកូវីដ-១៩ ពាសពេញផ្ទៃប្រទេស។ លោកថា សេដ្ឋកិច្ចកម្ពុជាឆ្នាំ ២០២៤ នឹងត្រលប់មករកស្ថានភាពដើមវិញ គឺក្នុងរង្វង់៧%៕

The post មន្រ្តីជាន់ខ្ពស់រដ្ឋាភិបាល អះអាងថា កម្ពុជានៅតែមានលទ្ធភាពសងបំណុលត្រឡប់វិញ ខណៈបំណុលទាំងមូលមានចំនួន ៩ប៊ីលានដុល្លារ appeared first on .