កម្មវិធីសន្និសីទដ៏ពិសេស និងឱឡារឹកនេះ ត្រូវបានរៀបចំឡើង ក្នុងគោលបំណងអបអរសមិទ្ធផល និងកំណត់ត្រាកីឡាករប្រដាល់ខ្មែរដណ្ដើមបានខ្សែក្រវាត់ពិភពលោកដ៏អស្ចារ្យ ជូនជាតិមាតុភូមិ សហព័ន្ធកីឡាប្រដាល់គុនខ្មែរ និងប្រជាជនកម្ពុជា។ បន្ថែមពីនេះ ថ្នាក់ដឹកនាំ ក្រុមហ៊ុន ខ្មែរ ប៊ែវើរីជីស ក៏ចង់បញ្ជាក់ ដល់បងប្អូនជនរួមជាតិ ជាពិសេសកីឡាករប្រដាល់គុនខ្មែរដទៃទៀត ដែលកំពុងប្រឹងប្រែងយ៉ាងសស្រាក់សស្រាំ និងមានគោលដៅដណ្ដើមខ្សែក្រវាត់អន្តរជាតិ ឬមេដាយកម្រិតអន្តរជាតិ ឱ្យបានជ្រាបថា ក្រុមហ៊ុន ខ្មែរ ប៊ែវើរីជីស កំពុងចូលរួមឧបត្ថម្ភយ៉ាងពេញទំហឹង និងប្ដូរផ្ដាច់នាំយកកីឡាករប្រដាល់គុនខ្មែរណាក៏ដោយឱ្យតែមានសមត្ថភាព ទៅដណ្ដើមយកមេដាយ និងខ្សែក្រវាត់លំដាប់ពិភពលោកជូនជាតិមាតុភូមិជាមួយគ្នាឱ្យទាល់តែបាន។  

អ្នកឧកញ៉ា លាង ម៉េង ថ្នាក់ដឹកនាំកំពូល របស់ក្រុមហ៊ុន ខ្មែរ ប៊ែវើរីជីស ក៏តែងតែប្រកាសជារឿយៗថា ក្នុងនាមជាក្រុមហ៊ុន ដែលវិនិយោគដោយសហគ្រិនខ្មែរ  និងជាក្រុមហ៊ុនឈរជើងនៅកម្ពុជាអស់រយៈពេល ជាង ១៤ឆ្នាំ មកហើយ ការឧបត្ថម្ភធំផ្ដាច់មុខក្នុងព្រឹត្តិការណ៍កីឡាជាតិធំៗ ក្នុងប្រទេសកម្ពុជា។ ជាពិសេស ខ្មែរ ប៊ែវើរីជីស តែងតែធ្វើការយ៉ាងជិតស្និតជាមួយសហព័ន្ធកីឡាប្រដាល់គុនខ្មែរ និងសហព័ន្ធកីឡាផ្សេង ដើម្បីរៀបចំបង្កើតព្រឹត្តិការណ៍កីឡានានា ប្រមូលផ្ដុំ និងបណ្ដុះកីឡាករខ្មែរឱ្យកាន់តែមានសមត្ថភាពកាន់តែខ្លាំងៗ ដើម្បីត្រៀមឡើងសង្វៀនអន្តរជាតិ ដណ្ដើមមេដាយ ឬខ្សែក្រវាត់លំដាប់ពិភពលោកជូនជាតិ។ ដូចទៅនឹង ម៉ាកយីហោរបស់ ខ្មែរ ប៊ែវើរីជីស ដែលជានិមិត្តសញ្ញាអាជីវកម្ម ប្រឹងប្រែងកសាងឡើងដោយ ស្នាដៃសហគ្រិនខ្មែរ ដាក់ឈ្មោះហៅជាភាសាខ្មែរ លះបង់ និងវិនិយោគគ្រប់បែបយ៉ាង ដើម្បីកសាងភាពល្បីល្បាញផលិតផលម៉ាកយីហោខ្មែរ ឱ្យបរទេសបានស្គាល់កាន់តែសុះសាយ នាពេលបច្ចុប្បន្ន ដូច្នេះដែរ។ 

តាមរយៈការខិតខំ ប្រឹងប្រែងគ្រប់បែបយ៉ាងដូច្នេះហើយ ទើបមកដល់ពេលនេះ ក្រុមហ៊ុន ខ្មែរ ប៊ែវើរីជីស ហ៊ាននិយាយទាំងភាពជឿជាក់ និងមោទនភាពថា ទាំងគុណភាព និងស្តង់ដារផលិត នៃផលិតផលគ្រប់ប្រភេទចេញពីរោងចក្រ ក្រុមហ៊ុន ខ្មែរ ប៊ែវើរីជីស គឺជាស្តង់ដារភេសជ្ជៈ ទទួលស្គាល់គុណភាពកម្រិតថ្នាក់ពិភពលោករួមមាន៖ ពានរង្វាន់គ្រប់គ្រងសង្វាក់ផលិតកម្មលំដាប់ពិភពលោក (World Class Operation Management), ISO ធំៗចំនួនពីរ បញ្ជាក់ពីប្រព័ន្ធគ្រប់គ្រងគុណភាព និងបរិស្ថាន។ ជាពិសេស ក្រុមហ៊ុន ខ្មែរ ប៊ែវើរីជីស ក៏បានបំបែកកំណត់ត្រា ទទួលបានមេដាយមាសច្រើនជាងគេបំផុតសរុប ចំនួន ៣៣គ្រឿង ពី Monde Selection ដូចខ្សែក្រវាត់អន្តរជាតិ 1 WORLD CHAMPION GOLD BELT ដែល «នាគរាជខ្មៅ» ឈឿង ល្វៃ ទើបទទួលបានអុីចឹង។ នេះបើតាមការបញ្ជាក់បន្ថែមរបស់ លោក ធី សុកល អ្នកគ្រប់គ្រងផ្នែកផលិតកម្ម ក្រុមហ៊ុន ខ្មែរ ប៊ែវើរីជីស ក្នុងកម្មវិធីសន្និសីទ្ធសារព័ត៌មាន “WURKZ ឈឿង ល្វៃ  I-1 WORLD CHAMPION GOLD BELT“ ។ 

គួរបញ្ជាក់ថា កីឡាករ ឈឿង ល្វៃ រហស្សនាម «នាគរាជខ្មៅ» បាន បង្កើតនូវ កំណត់ ត្រា ថ្មី មួយ ដែល មិន ទាន់មាន កីឡាករ កម្ពុជា រូបណា ធ្វើបាន គឺ ការ ដណ្តើម បានខ្សែ ក្រវាត់ពិភពលោកទម្ងន់ ៧២ គីឡូក្រាម ពី ព្រឹត្តិការណ៍ I-1 WORLD CHAMPION GOLD BELT តាម រយៈ ការ ផ្តួល កីឡាករ ថៃ Fahsang ឱ្យ សន្លប់យ៉ាង ងាយ ក្នុង វគ្គ ជម្រុះ និងបន្ត ឈ្នះ អ្នក ប្រដាល់ អាល្លឺម៉ង់ Elsee Kochiese នៅ វគ្គ ផ្តាច់ព្រ័ត្រ  នៅទីក្រុង ហុងកុង កាលពី យប់ ថ្ងៃ ១២ ខែ មីនា ។ លទ្ធផលដ៏ត្រចះត្រចង់ គួរជាទីមោទនៈជូនជាតិមាតុភូមិនេះ បានជំរុញឱ្យ ម្ចាស់ឧបត្ថម្ភធំ ក្រុមហ៊ុន ខ្មែរ ប៊ែវើរីជីស របស់អ្នកឧកញ៉ា លាង ម៉េង ប្ដេជ្ញាថា នឹងបន្តគាំទ្រឧបត្ថម្ភដល់កីឡាករប្រដាល់គុនខ្មែរ ទាំងអស់ ដើម្បីមុខមាត់ប្រទេសកម្ពុជា លើឆាកអន្តរជាតិ៕ 

The post មោទនភាពជាតិ! អ្នកឧកញ៉ា លាង ម៉េង តាមជួយឧបត្ថម្ភកីឡាករគុនខ្មែរ ឈឿង ល្វៃ រហូតឈ្នះខ្សែក្រវាត់ពិភពលោកនៅ ហុងកុង appeared first on .

ដើម្បីចូលរួមអបអរសាទរពិធីបុណ្យសមុទ្រលើកទី១០ ភេសជ្ជៈ Wurkz បានរៀបចំការប្រកួតកីឡាប្រដាល់គុនខ្មែរ លក្ខណៈអន្តរជាតិ រយៈពេល៣ថ្ងៃ លើសង្វៀន Wurkz Kunkhmer Warrior ដែលមានកីឡាករខ្មែរនិងបរទេសល្បីៗចូលរួមប្រកួតដូចជា៖ កម្ពុជា, ថៃ, ​បារាំង, អូប៉េគ្រីស្ថាន និងម៉ារ៉ុក នៅទីតាំងក្បែរឆ្នេរក្តាម ទល់មុខសាលាខេត្តកែប។

មហាព្រឹត្តិការណ៍បុណ្យសមុទ្រលើកទី១០ Wurkz Kunkhmer Warrior ឧបត្ថម្ភដោយ ភេសជ្ជៈ Wurkz Energy Drink របស់ក្រុមហ៊ុន khmer beverages និងផ្សាយផ្ទាល់ស្ថានីយ៍ទូរទស្សន៍អប្សរា TV ផេកហ្វេសប៊ុក អ្នកឧកញ៉ា ឡេង ណាវ៉ាត្រា និងផេក WURKZ ចាប់ពីម៉ោង៧ល្ងាចតទៅ។

ខាងក្រោមនេះជាតារាបញ្ជីឈ្មោះកីឡាករសម្រាប់ការប្រកួតថ្ងៃទី១ ខែធ្នូ៖

សម្រាប់ការប្រកួតថ្ងៃទី២ ខែធ្នូ

សម្រាប់ការប្រកួតថ្ងៃទី៣ ខែធ្នូ

The post Wurkz រៀបចំព្រឹត្តិការណ៍ប្រដាល់គុនខ្មែរគូរពិសេសៗ ៣ថ្ងៃក្នុងពិធីបុណ្យសមុទ្រនៅខេត្តកែប មានកីឡាករមកពី ៤ប្រទេស appeared first on .

អ្នកឧកញ៉ា លាង ម៉េង មានប្រសាសន៍ថា៖ «មកដល់ឥឡូវនេះខ្ញុំមើលការចំណាយលុយលើក្បាច់គុនខ្មែរដែលយើងផ្សព្វផ្សាយប្រចាំឆ្នាំអស់ប្រហែលជិត ៤លានដុល្លារ… ដោយសារតែយើងម្នាក់ៗមានទំនុកចិត្តលើគុនខ្មែរ ធ្វើឲ្យកីឡាករខិតខំប្រឹងប្រែងហាត់ព្រោះគាត់ឃើញមានពន្លឺមួយយ៉ាងច្បាស់ថា បើគាត់ហាត់គាត់មានទីផ្សារ, គាត់មានគេគាំទ្រ បើពីមុនគាត់ហាត់ហើយអត់មានអ្នកគាំទ្រមិនដឹងជាហាត់ដើម្បីអ្វីនោះទេ ដូច្នេះគ្នាគ្មានកម្លាំងដើម្បីវ៉ៃនោះទេ ប៉ុន្តែបើយើងជួយផ្សព្វផ្សាយគ្នា និងគាំទ្រគ្នាគាត់មានទំនុកចិត្តខ្ពស់ដើម្បីអាចប្រកួតប្រជែងជាមួយគេបាន»។

ជាមួយគ្នានេះ អ្នកឧកញ៉ា លាង ម៉េង ក៏បានសំណូមពរឲ្យកីឡាករគុនខ្មែរទាំងអស់ មិនត្រូវឈ្នះគេដោយចៃដន្យនោះទេ ឲ្យឈ្នះគេដោយពិតប្រាដកដោយការហ្វឹកហាត់របស់យើង ព្រោះបើអត់ហ្វឹកហាត់យើងឈ្នះគេហៅថាឈ្នះដោយចៃដន្យនឹងគឺអត់ពូកែទេ បើយើងឈ្នះដោយការហ្វឹកហាត់រាល់ថ្ងៃនោះជាការឈ្នះពិតប្រាដក…។ ការហ្វឹករាល់ថ្ងៃហើយត្រូវមានវិន័យក្នុងខ្លួនជាដាច់ខាន…។

ទន្ទឹមនឹងនេះអ្នកឧកញ៉ាបានលើកឡើងនូវឧទាហរណ៍ជាក់ស្តែងនូវការរកស៊ីរបស់លោកកន្លងមកដែលបាននឹងកំពុងដឹកនាំក្រុមហ៊ុនកំពូលមួយ មិនមែនជាការដឹកនាំដោយចៃដន្យនោះទេ ទាល់តែខំប្រឹងស្រាវជ្រាវ និងរៀនរហូតដើម្បីអាចមានគំនិត ភាពច្នៃប្រឌិតដែលធ្វើឲ្យក្រុមហ៊ុនដំណរើការល្អទៅបាន។ ក្នុងន័យនេះ អ្នកឧកញ៉ាសង្កត់ធ្ងន់ថា «អ្នកដឹកនាំត្រូវមានចក្ខុវិស័យវែងឆ្ងាយ ទើបអាចធ្វើឲ្យក្រុមហ៊ុន ជីបម៉ុងដំណើរការ៤០ឆ្នាំនៅទីផ្សារស្រុកខ្មែរ នេះដោយសារយើងឃើញចក្ខុវិស័យច្បាស់លាស់»។

បន្ថែមទៀតនោះ អ្នកឧកញ៉ា លាង ម៉េង ក៏បានសំណូមពរប្រជាជនខ្មែរទាំងអស់រកស៊ីទទួលទានត្រូវគិតឲ្យបានឆ្ងាយ។ បើយើងធ្វើអ្វីមួយសូមបន្លំគេហើយមិនច្បាស់លាស់ ហើយកុំថាខ្មែរអត់គាំទ្រ ប៉ុន្តែបើយើងធ្វើត្រឹមត្រូវច្បាស់លាស់យើងនឹងមានអ្នកគាំទ្រ ១០០%។

សូមជម្រាបជូនថា នៅរាត្រីថ្ងៃទី៥ ខែវិច្ឆិកា ឆ្នាំ២០២៣នេះ ក្រុមហ៊ុន ជីបម៉ុង បានរៀបចំសង្វៀនប្រកួតប្រដាល់គុនខ្មែរអន្តរជាតិ មានឈ្មោះថា «WURKZ សេនាគុនខ្មែរពិភពលោក» ដែលមានកីឡាករល្បីៗលំដាប់កំពូលក្នុងស្រុក និងអន្តរជាតិចូលរួមប្រកួត ពិសេសនោះកំពូលកីឡាករ ព្រំ សំណាង និងស្តេចប្រដាល់ ដាវ លីឌុច ដែលកីឡាកររបស់ប្រទេសភូមា ដែលមានក្រុមហ៊ុន ខ្មែរ ប៊ែវើរីជីស ជាម្ចាស់ឧបត្ថម្ភធំផ្ដាច់មុខតែមួយគត់។

អ្នកឧកញ៉ា បានបន្ថែមទៀតថា ការរៀបចំមហាព្រឹត្តិការណ៍ «WURKZ សេនាគុនខ្មែរពិភពលោក» នេះឡើង ក្នុងគោលបំណងចម្បងធំៗ ចំនួន៣ គឺ៖ ទី១ លើកតម្កើងគុនខ្មែរ របស់បុព្វបុរសដូនតាខ្មែរយើង ឱ្យកាន់តែលេចធ្លោលើពិភពលោក តាមរយៈសង្វៀន ៨ទិសដ៏មានអំណាចរបស់ភេសជ្ជៈប៉ូវកម្លាំង វើក។ ទី២ តាមរយៈមហាព្រឹត្តិការណ៍នេះ នឹងទាក់ទាញចំណាប់អារម្មណ៍ឱ្យភ្ញៀវទេសចរអន្តរជាតិបន្ថែមទៀត ងាកមកចាប់អារម្មណ៍ចង់មកទេសចរណ៍កម្សាន្តនៅប្រទេសកម្ពុជាយើងកាន់តែច្រើន ដើម្បីជំរុញកំណើនភ្ញៀវទេសចរកម្ពុជាឱ្យបានកាន់តែច្រើន និងទី៣ ក្នុងនាមក្រុមហ៊ុន ខ្មែរ ប៊ែវើរីជីស ដែលវិនិយោគដោយសហគ្រិនខ្មែរ និងឈរជើងអស់រយៈពេលជាង ១៤ឆ្នាំ មកហើយនៅកម្ពុជា យើងចង់ឱ្យបរទេសមើលឃើញច្បាស់ថា ម៉ាកយីហោ ខ្មែរ ប៊ែវើរីជីស ជានិមិត្តសញ្ញាអាជីវកម្មខ្មែរ ដាក់ឈ្មោះជា «ភាសាខ្មែរ» និងខិតខំតស៊ូជានិច្ចដើម្បី លើកមុខមាត់ម៉ាកយីហោរបស់ខ្មែរមួយនេះ ទៅកាន់ពិភពលោក៕

The post អ្នកឧកញ៉ា លាង ម៉េង បង្ហើបថា ១ឆ្នាំក្រុមហ៊ុន ជីប ម៉ុង គ្រុប ចំណាយលុយខ្ទង់៤លានដុល្លារជួយផ្សព្វផ្សាយគុនខ្មែរ appeared first on .

មហាព្រឹត្តិការណ៍ប្រកួតប្រដាល់ Hanuman Kun Khmer នឹងឡើងរេញវៃគ្នាសម្រាប់សប្តាហ៍នេះនៅថ្ងៃសៅរ៍ទី១៩ ខែសីហានេះ មានចំនួន ៨គូ ដូចជា កីឡាករវ័យក្មេងពូជពង្សស្តេចប្រដាល់ ម៉ឺន មេឃា ប្រកួតជាមួយកីឡារមកពីថៃ ផេតផានុ ផេតសែងផង, កីឡាករ អេ អាំម៉ារីន ប្រកួតជាមួយកីឡាករ Vadhid Jamshid មកពីប្រទេសអ៉ឺរ៉ង់, កីឡាករ យ៉េន ឌីណា ប្រកួតជាមួយកីឡារ ហ្វានិមិត្ត មកពីប្រទេសថៃ, កីឡាករ អូត ភូថង ប្រកួតជាមួយកីឡាករមកប្រទេសអ៉ឺរ៉ង់ Nima Sarchami, កីឡាករ អេ ណារ័ត្ន ប្រកួតជាមួយកីឡាករ ដេនមីឆៃ ផយុទ្ធភូមិ ពីមកប្រទេសថៃ, កីឡាការិនី អេ យ៉ានុតភូថង ប្រកួតជាមួយកីឡាការិនី ប៉ុមផេត ផេតសែងថង មកពីប្រទេសថៃ, កីឡាករ ឌុនសារ៉ាន់ ប្រកួតជាមួយ កីឡាករ ពេជ្រ អាទិទេព និងមានការចូលពីនាយ ស្មាច់ ប៉ះជាមួយនាយ ធុង នឹងផ្អើសសង្វៀនប្រដាល់ Hanuman Kun Khmer ហើយ។

ឧបត្ថម្ភផ្ដាច់មុខដោយ Hanuman Beer
ថ្ងៃសៅរ៍ ទី19 ខែសីហា ផ្ទាល់ចាប់ពីម៉ោង 7:00ល្ងាច ល្ងាចតទៅ។
ទីតាំងស្ថានីយ៍ GALAXY NAVATRA ព្រៃទទឹង

The post កីឡាករខ្មែរ និងបរទេសល្បីៗនឹងឡើងរេញប្រកួតគ្នាក្នុងមហាព្រឹត្តិការណ៍ប្រកួតប្រដាល់ Hanuman Kun Khmer appeared first on .

ពិធីសម្ពោធក្លិបប្រដាល់គុនខ្មែរដ៏ធំមួយនេះ មានការអញ្ជើញចូលរួមពីឧកញ៉ា ឡេង ប្រុស តំណាងអ្នកឧកញ៉ា ឡេង ណាវ៉ាត្រា អគ្គនាយកក្រុមហ៊ុន ហ្គាឡាក់ស៊ី ណាវ៉ាត្រា គ្រុប ឯកឧត្តម និន ភារម្យ អនុប្រធានសហព័ន្ធប្រដាល់គុនខ្មែរ ឯកឧត្តម ជា លីសែ ជំនួុយការអ្នកឧកញ៉ា ឡេង ណាវ៉ាត្រា ស្តេចប្រដាល់ អេភូថង រួមទាំងភ្ញៀវកិត្តិយស អ្នកសារព័ត៌មាន កីឡាករ-កីឡាការិនីគុនខ្មែរជាច្រើនរូប។

នៅក្នុងឱកាសសន្និសីទសារព័ត៌មាន ឧកញ៉ា ឡេង ប្រុស មានប្រសាសន៍ថា ក្លិប​ប្រដាល់​គុន​ខ្មែរ កាឡាក់ស៊ី ណារ៉ាត្រា អេ​ភូថង ​​បាន​​កំណត់​គោលដៅ​ច្បាស់លាស់​​​​​ និង​​មាន​ទស្សនវិស័យ​យ៉ាង​វែង​ឆ្ងាយ​ ដោយ​កំណត់​គោលដៅ​ធ្វើ​យ៉ាង​ណា​ពង្រីក​វិសាលភាព​នៃ​ក្បាច់​គុន​បុរាណ​ដូនតា​ខ្មែរ ​​ឆ្ពោះ​ទៅ​កម្រិត​ស្តង់ដារ​អន្តរជាតិ និង​ឲ្យ​ពិភព​លោក​​ស្គាល់​កាន់​តែ​ច្បាស់​​។

លោកឧកញ៉ាបន្តថា ជា​ការ​ពិត​ទស្សនវិស័យ​របស់​ក្លិប​ប្រដាល់​ កាឡាក់ស៊ី ណារ៉ាត្រា អេ​ភូថង ​គឺ​មាន​​ច្បាស់​លាស់ដើម្បី​លើក​កម្ពស់​ដល់​វិស័យ​គុន​ខ្មែរ​ឲ្យ​កាន់​តែ​មាន​ភាព​រីក​ចំរើន ដែល​​​មាន​​ដូច​ជា​​​​ហេដ្ឋារចនាសម្ពន្ធ​​​​សមរម្យ ​សង្វៀន​ត្រូវ​តាម​ស្តង់ដារ​អន្តរជាតិ​ មាន​​​បន្ទប់​​សម្រាក​​​សម្រាប់​​កីឡាករ​-​កីឡា​ការិនី​ស្រស់​ស្អាត និង​​អនាម័យ ​ព្រម​ទាំង​មាន​​ការ​​យក​ចិត្ត​ទុក​ដាក់​មើល​ថែ​កីឡាករ​ ដោយ​ផ្ដល់​​​ការ​​ហូប​ចុក​​​គ្រប់​គ្រាន់​​​ ថែម​ទាំង​មាន​ប្រាក់​បៀវត្ស​​ប្រចាំ​ខែ​ថែម​ទៀត​ផង។ 

បើតាមលោកឧកញ៉ា ដើម​ហេតុ​នៃ​ការ​ចុច​យក​ក្លិប​ប្រដាល់​អេភូថង ជា​ដៃ​គូ​​ ព្រោះ​លោក​​មាន​គោលបំណង​រក្សា​នូវ​តម្លៃ​ និង​ស្នាដៃ​​របស់​លោក​អេ​ ភូថង ក្នុង​នាម​ជា​ស្ដេច​ប្រដាល់​​របស់​​កម្ពុជា​។ លោក​ពិត​ជា​ស្រលាញ់ និង​ស្ងើចសរសើរ​ដល់​លោក អេ ភូថង កាល​នៅ​ជា​កីឡាករ​​គឺ​​​កម្រ​​​​មាន​ដៃ​គូ​យក​ឈ្នះ​លោក​បាន​​ណាស់​ ​ហេតុ​ដូច្នេះ​ក្នុង​នាម​ជា​​​​អ្នក​ដែល​ស្រលាញ់​ដល់​ក្បាច់​គុន​ដូនតា​​​ខ្មែរ ​​និង​មើល​ឃើញ​​​ពី​ស្នាដៃ​ដ៏​ល្អ​របស់​លោក អេ ភូថង ​ទើប​​ក្រុម​ហ៊ុ​ន កាឡាក់ស៊ី សម្រេច​ចុច​យក​ក្លិប​​​អេ​ភូថង ជា​ដៃ​គូ​សហការ​តែ​ម្ដង​។ 

​ជុំ​វិញ​ការ​ចាប់​ដៃ​គូ​​​រវាង​​​ក្រុម​​ហ៊ុន និង​លោក អេ​ភូថង បាន​កំណត់​យ៉ាង​ហោច​ណាស់​មាន​រយៈ​ពេល​​៥​ឆ្នាំ ហើយ​ក្នុង​​កំឡុង​ពេល​នេះ​​លោក​ឧកញ៉ា​ ឡេង​ ប្រុស ជឿ​ថា នឹង​អាច​​ពង្រីក​វិសាលភាព​នៃ​ក្បាច់​គុន​ប្រដាល់​​​​ និង​ជួយ​​​ពង្រឹង​ដល់​​ក្មេង​ៗ​ជំនាន់​ក្រោយ​ឲ្យ​កាន់​តែ​ខ្លាំង​ពូកែ​​ ដើម្បី​ប្រជែង​ប្រទេស​ជិត​ខាង​។ 

ជា​មួយ​គ្នា​នោះ​ដែរ​លោក អេ ភូថង ក្នុង​នាម​ជា​បុគ្គល​ដែល​មាន​បទ​ពិសោធ​ជោគជាំ​នៅ​លើ​វិថី​ប្រដាល់​គុន​ខ្មែរ​ លោក​មើល​ឃើញ​ថា ការ​លូក​ដៃ​របស់​​អ្នកឧកញ៉ា​ ឡេង ណារ៉ាត្រា ​និង​ក្រុម​ហ៊ុ​ន​​​ កាឡាក់ស៊ី​ ​​ក្នុង​វិថី​ប្រដាល់​​នេះ​ពិត​ជា​​អាច​ជួយ​ដល់​វិស័យ​គុន​ខ្មែរ​​មួយ​ផ្នែក​ធំ​​ ពិសេស​នោះ​លោក​ជឿ​ថា ​ប្រដាល់​គុន​ខ្មែរ​នឹង​កាន់​តែ​ល្បី​សុះសាយ​ជាក់​ជា​មិន​ខាន​ឡើយ​។ 

ទន្ទឹមនេះ លោក​បាន​ធ្វើ​ការ​សន្យា​ថា នឹង​​​​ជ្រើស​រើស​យក​កីឡាករ​ពិសេស​ៗ​ និង​ខ្លាំង​ៗ មក​ប្រកួត​នៅ​សង្វៀន ព្រៃទទឹង ​ដែល​ធ្វើ​ការ​ប្រកួត​នៅ​រៀងរាល់​ចុង​សប្ដាហ៍​ សៅរ៍-​អាទិត្យ ​រាល់​ខែ​ ​ដើម្បី​ធ្វើ​យ៉ាង​ណា​ឲ្យ​សង្វៀន​ប្រដាល់​មួយ​នេះ​​​ក្លាយ​ជា​សង្វៀន​​ល្បី​មួយ​នៅ​កម្ពុជា និង​អន្តរជាតិ​នា​ពេល​អនាគត​​៕

The post ក្លិបហ្គាឡាក់ស៊ី ណាវ៉ាត្រា អេភូថងគុនខ្មែរ ដាក់ឱ្យដំណើរការសង្វៀន​ប្រដាល់​ថ្នាល​ និង​សង្វៀន​​​កម្រិត​អន្តរជាតិ​​​​ appeared first on .

ក្រៅពីជូនថវិកាលើកទឹកចិត្តកីឡាករប្រដាល់ខ្មែរទាំង ២រូប ខាងលើ ឧកញ៉ាវ័យក្មេង និងជាសមាជិកសភាពាណិជ្ជកម្មកម្ពុជាផង បានជូនថវិកាជូនលោកគ្រូ អេភូ ថង និងលោកគ្រូ ស៊ន អេឡិត ក្នុងម្នាក់ ៤០ម៉ឺនរៀល រួមទាំងអញ្ជើញពិសារអាហារសាមគ្គីជួបជុំគ្នា ក្រោមបរិយាកាសយ៉ាងរីករាយ ប្រកបដោយស្នា​មញញឹម។

ឧកញ៉ា ភូ ចាន់ដារិទ្ធ ថ្លែងថា៖ ក្រោយពីបានជួបជជែកគ្នា ជាមួយលោកគ្រូអេ ភូថង និងប្អូនប្រុស ធឿន ធារ៉ា ក៏ដូចជាប្អូនប្រុស ហ៊ុន កង រួចមក ខ្ញុំពិតជាមានក្ដីរំភើប និងភ្ញាក់ផ្អើលជាខ្លាំង នៅពេលដែលបានដឹងអំពីជីវិតពិត និងការតស៊ូរបស់កីឡាករខ្មែរយើងម្នាក់ៗ ដោយពួកគាត់សុទ្ធតែឆ្លងកាត់ ការលំបាក ពុះពារគ្រប់ឧបសគ្គ ទម្រាំបានសម្រេចជោគជ័យជូនជាតិមាតុភូមិដូចថ្ងៃនេះ នៅពីក្រោយភាពជោគជ័យ ដែលយើងបានឃើញថ្ងៃនេះ បង្គប់នូវការលំបាក ភាពនឿយហត់ បាក់ទឹកចិត្ត និងរងការរិះគន់ ជាច្រើនលើក ច្រើនសារមកពីគ្រប់មជ្ឈដ្ឋានទាំងអស់។

លោក បន្តថា៖ ដោយបានយល់ច្បាស់ និងមានក្ដីអាណិតអាសូរ ខ្ញុំមានតែទឹកចិត្តបន្តិចបន្តួច ដោយជូនជាថវិការលើកទឹកចិត្ត ដល់ប្អូនប្រុសទាំងពីរ និងលោកគ្រូ ដែលខំប្រឹងប្រែងយ៉ាងខ្លាំងសកម្មក្នុងការអភិរក្ស និងផ្សព្វផ្សាយគុណខ្មែរយើងទៅកាន់ពិភពលោក គុណខ្មែរខ្លាំង….!

ជាចុងក្រោយ លោកឧកញ៉ាវ័យក្មេង ភូ ចាន់ដារិទ្ធ ក៏សូម សំណូមពរ ដល់បងប្អូនជនរួមជាតិទាំងអស់គ្នាបើកចិត្តទូលាយ គាំទ្រវិស័យកីឡាប្រដាល់ខ្មែរយើង ដោយលើកទឹកចិត្ត កីឡាកររបស់យើងស្មើរៗគ្នា ទោះក្នុងកាលៈទេសៈឈ្នះក្ដី ចាញ់ក្ដី សូមរិះគុណក្នុងន័យស្ថាបនា កុំជាន់ពន្លិច កុំក្ដិចត្រួយ។ ជាពិសេសលោកឧកញ៉ា ក៏សូមលើកទឹកចិត្តឲ្យប្អូនៗ កីឡាករយើងព្យាយាមហ្វឹកហាត់ យកចិត្តទុកដាក់ស្ដាប់តាម គ្រូបង្គោល ដើម្បីអាចសម្រេចបាននូវគោលដៅ យកបានជ័យជម្នះ ល្បីឈ្មោះសុះសាយ លើកមុខ លើកមាត់ប្រទេសជាតិយើងតរៀងទៅ។

ក្រោយផ្ដួលកីឡាករ សៃយុគ ភុមផាន់មួង របស់ថៃក្នុងទឹកទី១ ដោយបុកមួយកែងធ្វើឱ្យកីឡាករថៃបែកចិញ្ចើមធ្ងន់ធ្ងរ មិនអាចបន្តការប្រកួតបាន កូនសិស្សគុនលោកគ្រូ អេភូ ថង និងកូនចៅអ្នកស្រុកពាមរក៍ ខេត្តព្រៃវែង កីឡាករប្រដាល់ ធឿន ធារ៉ា បានជាប់ឈ្នះជាកីឡាករសាងព្រឹត្តិការណ៍ប្រវត្តិសាស្ត្រថ្មីមួយទៀត សម្រាប់កីឡាករប្រដាល់របស់ខ្មែរ ដែលមានសមត្ថភាពអាចឈានទៅយកខ្សែក្រវាត់ និងពានរបស់ព្រះមហាក្សត្រថៃបានគួរជាទីមោទនភាព។

បន្ទាប់ពីឈ្នះ កំពូលកីឡាករថៃ សៃយុគ ភុមផាន់មួង ត្រឹមទឹក១ ធឿន ធារ៉ា ទទួលបានប្រាក់រង្វាន់លុយសុទ្ធប្រមាណ ១លានបាត ប្រហាក់ប្រហែលនឹង ១២០លានរៀល រួមជាពានមួយ និងខ្សែក្រវាត់មួយ បូកផ្សំជាមួយប្រាក់លើកទឹកចិត្តជាច្រើនទៀត។ មិនតែប៉ុណ្ណោះ ក៏មានសប្បុរជន ជាច្រើនរូបនៅកម្ពុជា បានបន្តចូលរួមឧបត្ថម្ភថវិកា និងលើកទឹកចិត្តកីឡាករ ធឿន ធារ៉ា ជាហូរហែថែមទៀតផង៕

The post ឧកញ៉ា ភូ ចាន់ដារិទ្ធ ឧបត្ថម្ភកីឡាករ ធឿន ធារ៉ា ម្ចាស់ពានរង្វាន់ប្រដាល់ស្ដេចថៃ ចំនួន ២លានរៀល   appeared first on .

អស់រ​យៈ​ពេល​ជាច្រើន​ឆ្នាំមក​ហើយ​ដែល​កម្ពុជាបានប្រឹង​ប្រែងស្នើ​សុំ​​​​ដាក់​បញ្ចូល«គុន​ល្បុក្កតោ» ទៅ​ក្នុង​បញ្ជី​សម្បត្តិ​បេតិក​ភណ្ឌ​វប្បធម៌ពិភព​លោក របស់​អង្គការ​យូណេស្កូ (UNESCO) ចំនួន ២ លើករួចមកហើយ ដោយលើកទី ៣ ទើបសម្រេចជោគជ័យ។ ល្បុក្កតោគឺជាសិល្បៈនៃការប្រយុទ្ធមួយប្រភេទដែលជនជាតិខ្មែរសម័យបុរាណបានបង្កើតឡើងដើម្បីការពារខ្លួននិងប្រយុទ្ធតតាំងជាមួយនឹងសត្វសាហាវជាដើម។

គួររំលឹកថា ព្រះបាទ​សម្តេច ព្រះ​នរោត្តម សីហមុនី ព្រះមហាក្សត្រ ក៏​ធ្លាប់​មាន​ព្រះរាជ​បន្ទូល ស្នើឱ្យ​អង្គការ​យូណេ​ស្កូ ដាក់​បញ្ចូល​ «គុន​ល្បុក្ក​តោ ក្បាច់​គុន​បុរាណ​ខ្មែរ» និង «រមណីយ​ដ្ឋាន​បុរាណ​វិទ្យា​កោះ​កេរ» ទៅ​ក្នុង​បញ្ជី​សម្បត្តិ​បេតិក​ភណ្ឌវប្បធម៌​ពិភព​លោក​ របស់​​អង្គការ​យូណេ​ស្កូ ផង​ដែរ​។ ព្រះរាជ​ឱង្ការ​របស់​ព្រះ​ករុណា ត្រូវ​បាន​ធ្វើ​ឡើង​នា​ព្រះរាជ​សវនការ (សំណេះ​សំណាល) ​ជាមួយ​លោក​ស្រី AUDREY AZOULAY អគ្គនា​យិកា​អង្គការ​យូ​ណេស្កូ កាល​ពី​ថ្ងៃទី​១៣ ខែវិច្ឆិកា ឆ្នាំ​២០២១ ​នៅ​ទីក្រុង​ប៉ារីស ប្រទេស​បារាំង។

បន្ថែមពីការខិតខំប្រឹងប្រែងដាក់ «គុនល្បុក្កតោ» ទៅជាសម្បត្តិបេតិកភណ្ឌវប្បធម៌ពិភពលោក របស់អង្គការយូណេស្កូ នេះ កម្ពុជាក៏បាននិងកំពុងប្រឹងប្រែង ពង្រីកវិសាលភាពរបស់កីឡាគុនល្បុក្កតោ ទៅលើឆាកអន្តរជាតិ ផងដែរ ហើយជាមួយនឹងការប្រឹងប្រែងនេះ កម្ពុជា បានទទួលជោគជ័យ ជាប្រវត្តិសាស្រ្តថ្មីមួយទៀត ដោយតំណាងប្រទេស នៅក្នុងតំបន់អាស៊ាន បានគាំទ្រកម្ពុជាពេញទំហឹង ក្នុងការដាក់ប្រភេទកីឡាប្រពៃណីគុនល្បុក្កតោកម្ពុជា ចូលទៅក្នុងការប្រកួតកីឡាស៊ីហ្គេម លើកទី៣២ ដែលកម្ពុជាត្រូវធ្វើម្ចាស់ផ្ទះជាប្រវត្តិសាស្រ្តលើកដំបូងនៅឆ្នាំ ២០២៣៕

The post អង្គការយូណេស្កូ សម្រេចដាក់ «គុន​ល្បុក្កតោ» ក្នុងបញ្ជីសម្បត្តិ​បេតិក​ភណ្ឌ​វប្បធម៌ពិភព​លោក appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ភ្លាមៗនោះ គណៈកម្មការនៃការប្រកួត បានសម្រេចលើកពេលប្រកួតទៅពីរសប្តាហ៍ក្រោយ ដោយមិនសម្រេចឱ្យ ម៉ឺន មេឃា ចាញ់ការប្រកួតនោះឡើយ។ ការសម្រេចបែបនេះ បាននាំឱ្យមានប្រតិកម្មជាខ្លាំងពីសំណាក់មហាជន។ ជាមួយគ្នានោះ សម្តេចតេជោ ហ៊ុន សែន ក៏បានចេញប្រតិកម្មផងដែរ។
សម្ដេចតេជោ បានសរសេរនៅលើហ្វេសប៊ុកផ្លូវការថា “ដោយអត់ទ្រាំមិនបានខ្ញុំសូមចេញមកនិយាយក្នុងនាមជាពលរដ្ឋខ្មែរម្នាក់ ដែលស្រឡាញ់វិស័យកីឡា”។ 

បើតាមសម្តេចតេជោ ហ៊ុន សែន “តើយើងត្រូវពង្រឹងអាជ្ញាកណ្តាលកីឡាប្រដាល់ ឬត្រូវបង្កើតក្បាច់គុណថ្មី ដោយកំណត់លក្ខណ្ឌប្រកួតថ្មី ដោយវាយខុសក្បួនហើយមិនព្រមប្រកាសលទ្ធផលនិងលើកពេលទៅប្រកួតនៅពេលក្រោយ។ តើឱ្យកីឡា ប្រដាល់យើងឈានទៅមុខម្តេចបាន បើសហព័ន្ធកីឡាប្រដាល់យើងទុកឱកាសឱ្យអាជ្ញាកណ្តាលធ្វើបែបនេះ ?​ តើមានក្បួនមកពីណាវាយខុសក្បួនខ្នាតហើយសម្រេចលើកពេលទៅប្រកួតពេល ក្រោយសូម្បីតែបាល់ទាត់បើទាត់ខុសត្រូវពិន័យកាតលឿង ឬកាតក្រហមដោយដេញចេញ ឬពិន័យបាល់១១ ម៉ែត្រភ្លាមៗដោយមិនទុកពេលឱ្យតវ៉ានោះទេ”។

សម្តេចតេជោ ហ៊ុន សែន លើកឡើងទៀតថា “ខ្ញុំមិនបន្ទោសកីឡាករទេព្រោះពួក គាត់ស្តាប់តាមការកាត់ក្តីរបស់អាជ្ញាកណ្តាល។ អ្វីដែលខ្ញុំសុំ គឺអាជ្ញាកណ្តាលត្រូវតែមានយុត្តិធម៌ក្នុងខ្លួន”។

ជាមួយគ្នានេះដែលអ្នកឧកញ៉ា គិត ម៉េង ម្ចាស់ស្ថានីយទូរទស្សន៍ CBS មានប្រសាសន៍ឪ្យដឹងថា៖ ខ្ញុំចូលចិត្តមើលកីឡាលើកញ្ចក់ទូរទស្សន៍ស៊ីធីអិន និងស៊ីអិនស៊ី ហើយព្រឹត្តិការណ៍ចុងក្រោយរវាងលោក ឃីម បូរ៉ា និងលោក ម៉ឺន មេឃា ក្នុងកម្មវិធីប្រដាល់គុនខ្មែរពិតជាទាក់ទាញការចាប់អារម្មណ៍ជាខ្លាំង។

អ្នកឧកញ៉ាបញ្ជាក់ថា ប្រដាល់គុនខ្មែរ ឬគុនខ្មែរគឺជាសិល្បៈក្បាច់គុនមិនប្រើអាវុធ ឬកីឡាប្រយុទ្ធដោយយុទ្ធសាស្ត្រក្នុងការប្រកួត។ កីឡាករអាចប្រើក្បាច់គុនខ្មែរប្រយុទ្ធដោយសេរី ជាមួយលក្ខខណ្ឌក្នុងវិស័យកីឡានេះ។ គោលបំណងក្នុងការប្រកួតគឺដើម្បីផ្តួលគូប្រជែងចេញ ឬប្រើបច្ចេកទេសក្នុងក្បាច់គុនដើម្បីយកឈ្នះ។

សូមបញ្ជាក់ថា កាលពីថ្ងៃទី១១ ខែកក្កដានេះ សហព័ន្ធកីឡាប្រដាល់គុនខ្មែរ ស្ថានីយទូរទស្សន៍ស៊ីអិនស៊ី និងក្រុមហ៊ុនឧបត្ថម្ភ បានសម្រេចចិត្តប្រគល់ខ្សែក្រវាត់ជើងឯកដល់លោក ឃីម បូរ៉ា និងជើងឯករងដល់លោក ម៉ឺន មេឃា ដែលតាមទស្សនៈខ្ញុំផ្ទាល់គឺជាការសម្រេចចិត្តដ៏ត្រឹមត្រូវមួយ៕

The post អ្នកឧកញ៉ា គិត ម៉េង ចេញមកនិយាយរឿងប្រដាល់គុនខ្មែរ ក្រោយមានប្រតិកម្មពីសម្តេចនាយករដ្ឋមន្រ្តី appeared first on .