យោងតាមការចុះផ្សាយពីសារព័ត៌មាន CNA បានបង្ហាញថា ក្នុងដំណើរទស្សនកិច្ចរបស់ថ្នាក់ដឹកនាំចិន ទៅកាន់ប្រទេសបេឡារុស ប្រទេសទាំង២ បានព្រមព្រៀងគ្នា ពង្រឹងកិច្ចសហប្រតិបត្តិការលើវិស័យជាច្រើនរួមទាំងវិស័យការពារជាតិ ពាណិជ្ជកម្ម និងហិរញ្ញវត្ថុជាដើម។

បន្ថែមពីនោះ ប្រទេសទាំង២ ក៏បានសន្យាជំរុញលើកិច្ចសហប្រតិបត្តិការលើការផ្គត់ផ្គង់ ក៏ដូចជាពង្រឹងបន្ថែមនូវការសម្របសម្រួលពាណិជ្ជកម្មទ្វេភាគី ដើម្បីកាត់បន្ថយការចំណាយឲ្យកាន់តែតិចជាងមុនផងដែរ។

គួររំលឹកបន្តិចថា ប្រទេសចិនគឺជាដៃគូពាណិជ្ជកម្មធំបំផុតទី២លើលោក និងធំបំផុតនៅអាស៊ី របស់ប្រទេសបេឡារុស ដោយទំហំពាណិជ្ជកម្មទ្វេភាគីប្រទេសទាំង២ កាលពីឆ្នាំទៅ សម្រេចបានដល់ ៨,៤ពាន់លានដុល្លារឯណោះ៕

The post ចិន និងបេឡារុស ចាប់ដៃគ្នាពង្រឹងកិច្ចសហប្រតិបត្តិការលើវិស័យការពារជាតិ និងពាណិជ្ជកម្ម appeared first on .

យោងតាមការចុះផ្សាយពីសារព័ត៌មាន Reuters បានរាយការណ៍ថា ប្រទេសចិនមានឆន្ទៈក្នុងការបង្កើនការសម្របសម្រួល និងកិច្ចសហប្រតិបត្តិការជាមួយបេឡារុស្សក្នុងយន្តការពហុភាគី ដូចជាអង្គការសហប្រជាជាតិ និងអង្គការសហប្រតិបត្តិការសៀងហៃ។

បន្ថែមពីនោះ បុរសខ្លាំងរដ្ឋចិនក៏បានប្រាប់ទៅកាន់មេដឹកនាំប្រទេសបេឡារុសថា ប្រទេសទាំង២ គួរតែកែលម្អការសម្របសម្រួលការដឹកជញ្ជូនឆ្លងកាត់ព្រំដែន និងជំរុញទំនាក់ទំនងសេដ្ឋកិច្ច និងពាណិជ្ជកម្ម ក៏ដូចជាការផ្លាស់ប្តូរប្រជាជន ដើម្បីផ្លាស់ប្ដូរបទពិសោធន៍នានា។

ជម្រាបបន្ថែមថា មេដឹកនាំចិនក៏បាននិយាយផងដែរថា ទីក្រុងប៉េកាំង និងប្រទេសអឺរ៉ុបខាងកើតគួរតែអនុវត្តគម្រោងដូចជាសួនឧស្សាហកម្មចិន-បេឡារុស្ស និងជំរុញកិច្ចសហប្រតិបត្តិការឧស្សាហកម្មជាដើម៕

The post មេដឹកនាំចិនសន្យាពង្រឹងទំនាក់ទំនងឲ្យកាន់តែស៊ីជម្រៅ ជាមួយបេឡារុស appeared first on .

សេចក្ដីប្រកាសពីដំណើរទស្សនកិច្ច​របស់​ថ្នាក់ដឹកនាំ​កំពូល​ទៅកាន់ប្រទេសចិន គឺធ្វើឡើង​ក្រោយ អាមេរិក​ចោទប្រកាន់ចិនថា មានបំណង​ចង់ផ្គត់ផ្គង់​សព្វាវុធ​ដល់​សម្ព័ន្ធមិត្ត​រុស្ស៊ី ខណៈ​ចិន​ច្រានចោល​ការ​ចោទប្រកាន់​ខាងលើ។

ដោយឡែក ប្រធានាធិបតីបេឡារុស​បាន​អះអាង​ថា ដំណើរទស្សនកិច្ចសារនេះទៅកាន់ប្រទេសចិន នឹងក្លាយជាឱកាស​ក្នុងការ​ជជែកគ្នាអំពី “ការឆ្លើយតបទៅនឹងបញ្ហាប្រឈមធ្ងន់ធ្ងរនៅក្នុងមជ្ឈដ្ឋានអន្តរជាតិទំនើប”។

ទន្ទឹមនឹងនោះ តាមរយៈការឆ្លើយឆ្លងតាមទូរស័ព្ទរវាងរដ្ឋមន្ត្រីការបរទេសប្រទេស​ទាំង ២ គឺ Sergei Aleinik និងលោក Qin Gang បានសង្កត់ធ្ងន់ថា ចិនចង់ពង្រឹង​ទំនាក់ទំនង​រវាងប្រទេសទាំង ២ និង​ស្វែងរក​ដំណោះស្រាយ​ជុំវិញ​បញ្ហាសង្គ្រាម​នៅ​អ៊ុយក្រែន៕

The post ប្រធានាធិបតីបេឡារុសធ្វើទស្សនកិច្ចទៅចិន តាមការអញ្ជើញពីប្រធានាធិបតី ស៊ី ជិនពីង appeared first on .

យោងតាមការចុះផ្សាយពី RT បានបង្ហាញថា ថ្នាក់ដឹកនាំបេឡារុសបានផ្ដល់ដំបូន្មានដល់មេដឹកនាំសហភាពអឺរ៉ុបថា ជម្រើសល្អបំផុតសម្រាប់ពួកគេ គឺរួបរួមគ្នាជាមួយរុស្ស៊ី ព្រោះនៅទីនេះមានទាំងធនធានធម្មជាតិ និងបច្ចេកវិទ្យាទំនើប ហើយអាមេរិក និងចិនច្បាស់ជាច្រណែន បើសិនសម្ព័ន្ធមិត្តមួយនេះអាចកើតឡើងបាន។

“បើសិនជាវាអាចកើតឡើងបាន វានឹងមានមហាអំណាចធំៗ ៣ លើពិភពលោកគឺ សហរដ្ឋអាមេរិក ចិន និងសហភាពអឺរ៉ុប ដែលរួមដៃគ្នាជាមួយរុស្ស៊ី ឬអាចហៅសម្ព័ន្ធមិត្តនេះថា The Eurasian”។ នេះ​បើតាមសម្ដីប្រធានាធិបតីបេឡារុសបានលើកឡើង។

“វាក៏អាចកើតមាននូវមហាអំណាចទី ៤ ដែលនឹងអាចកើតមាននៅជុំវិញឥណ្ឌា ឬក៏ឥណ្ឌារួមដៃជាមួយប្រទេសដទៃ វិវឌ្ឍន៍ខ្លួនជាមហាអំណាចមួយក្នុងសកលលោកក៏ថាបាន”៕

The post ប្រធានាធិបតីបេឡារុស៖ អាមេរិក និងចិនច្បាស់ជាច្រណែនស្ទើរស្លាប់ បើអឺរ៉ុបចូលដៃគ្នាជាមួយរុស្ស៊ី appeared first on .

នៅក្នុងជំនួបនេះ សម្ដេចក្រឡហាមហោម ស ខេង ឧបនាយករដ្ឋមន្ត្រីរដ្ឋមន្រ្តីក្រសួង​មហាផ្ទៃ បានរំលឹកឡើវិញនូវអតីតកាល នាសម័យប្លុកសហភាពសូវៀត ប្រទេស​បេឡារុស បានចូលរួមចំណែកក្នុងដំណើរការកសាង និងស្វែងរកសន្តិភាព​ដល់ប្រទេស​កម្ពុជា ហើយមកដល់ពេលនេះ សម្ដេចបានមានប្រសាន៍ថា ទំនាក់ទំនង និងកិច្ចស​ហប្រតិបត្តិការរវាងកម្ពុជា និងបេឡារុស ក៏នៅតែមានភាពល្អប្រសើរ។

ជាមូយគ្នានេះ ឯកឧត្តម Vladimir Goshin ឯកអគ្គរដ្ឋទូតបេឡារុសប្រចាំកម្ពុជា បានថ្លែង​អំណរគុណសម្ដេច និងចាត់ទុកប្រទេសកម្ពុជា ជាប្រទេសមាន​សារៈសំខាន់​សម្រាប់បេឡារុស ទាំងទិដ្ឋភាពនយោបាយ និងសេដ្ឋកិច្ច ជាពិសេសកម្ពុជា​ជាប្រទេស​សមាជិកអាស៊ាន។

ឯកឧត្តមបានជម្រាបជូនសម្ដេចអំពីទំនាក់ទំនងដ៏ល្អរវាងប្រមុខដឹកនាំរដ្ឋាភិបាលនៃប្រទេសទាំងពីរ ពិសេសតាមរយៈដំណើរទស្សនកិច្ចរបស់សម្ដេចតេ​ជោទៅកាន់សាធារណ​រដ្ឋបេឡារុស ហើយបន្ទាប់មកក៏​មានដំណើរទស្សនកិច្ចរបស់នាយករដ្ឋមន្ត្រីបេឡារុស​មកកាន់ព្រះរាជាណាចក្រកម្ពុជាដែរ ដែលនេះគឺជាបុព្វហេតុនាំឱ្យភាគីទាំង​ពីរត្រូវតែបន្ត​ព​ង្រីក និងពង្រឹងបន្ថែមទៀត ពិសេសលើវិស័យសេដ្ឋកិច្ច។

ឯកឧត្តមឯកអគ្គរដ្ឋទូត បន្តជម្រាបសម្ដេចថា បេឡារុស គឺជាប្រទេសដែលមានជំនាញ​លើវិស័យឧស្សាហកម្មធុនធ្ងន់ ក្នុងនោះ មួយភាគបីនៃឧស្សាហកម្មធុនធ្ងន់ គឺការផលិត​រថយន្តធុនធ្ងន់ បានគ្របដណ្ដប់ទីផ្សារពិភពលោក ហើយនេះគឺជាមូលហេតុមួយដែរ ដែលជំរុញឱ្យឯកឧត្តមមកបំពេញទស្សនកិច្ចនៅកម្ពុជា ដើម្បីបានជួបជាមួយស្ថាប័ន​ពាក់ព័ន្ធស្វែងរកឱកាសបង្កើនការវិនិយោគនៅប្រទេសកម្ពុជា។

ឯកឧត្តមបានបន្តថា បច្ចុប្បន្ននេះ បេឡារុស មានរោចក្រផលិតរថយន្តធុនធ្ងន់​នៅប្រទេ​ស​វៀតណាម ដោយផ្ដោតលើទីផ្សារតំបន់អាស៊ាន ហើយក៏រំពឹងថានឹងស្វែងរក​ទីផ្សារបន្ថែម​ទៀតនៅក្នុងបណ្ដាប្រទេសនានាផ្សេងទៀត ដូចជាប្រទេសកម្ពុជាជាដើម។

សម្ដេចក្រឡាហោម ស ខេង បានថ្លែងអំណរគុណ និងអបអរសាទរចំពោះវត្តមាន​នៃការស្វែងរកឱកាសវិនិយោគរបស់ឯកឧត្តមនាពេលនេះ ហើយសម្ដេចបាន​សម្ដែងការឯកភាពចំពោះការបន្តពង្រីកបន្ថែមនូវលទ្ធផលនៃដំណើរទស្សនកិច្ចរបស់ប្រមុខរដ្ឋាភិបាលនៃប្រទេសទាំងពីរ។ សម្ដេចក៏បានទទួលស្គាល់នូវភាព​ល្បីល្បាញចំពោះ​ឧស្សាហកម្មធុនធ្ងន់បេឡារុស និងគាំទ្រចំពោះការស្វែងរកឱកាសវិនិយោគនៅកម្ពុជា។

សម្ដេចក្រឡាហោមបានមានប្រសាសន៍ថា សម្រាប់កម្ពុជា បេឡារុស គឺជាមិត្តចាស់ ដែលកម្ពូជាចាំបាច់ត្រូវបន្តពង្រឹង ពង្រីកទំនាក់ទំនងនេះ។ សម្ដេចបានស្នើឯកឧត្តម​ពិនិត្យលទ្ធភាពបង្កើនកិច្ចសហប្រតិបត្តិការជាមួយក្រសួងមហាផ្ទៃលើវិស័យពាក់ព័ន្ធនឹងនគរបាលជាតិផងដែរ។

ជាការឆ្លើយតបឯកឧត្តមឯកអគ្គរដ្ឋទូតបេឡារុស បានសម្ដែងការទ្រចំពោះការ​លើក​ឡើងរ​បស់សម្ដេចដែលចង់បង្កើតកិច្ចសហប្រតិបត្តិការរវាងក្រសួងមហាផ្ទៃកម្ពុជា និងក្រសួងកិច្ចការផ្ទៃក្នុងរបស់បេឡារុស ហើយថាតាមរយៈការបង្កើតនូវទំនាក់ទំនង និងកិច្ចសហប្រតិបត្តិការនេះ ភាគីទាំងពីរអាចពិនិត្យមើលលើការងារ​ប្រយុទ្ធប្រឆាំថ​ឧក្រិដ្ឋ​កម្មឆ្លង​ដែន និងបទល្មើសផ្សេងៗ ដែលស្របនឹងតួនាទីភាពរកិច្ចរបស់ក្រសួង​មហាផ្ទៃ ពិសេសការងារសន្តិសុខជាតិ៕

The post បេឡារុស ចង់វិ​និ​យោគ​លើ​វិ​ស័​​យ​ឧស្សាហ​កម្ម​ធន់​ធ្ងន់(ផលិត​រថយន្ត​ធន់​ធ្ងន់) នៅ​កម្ពុ​ជា appeared first on .