ប្រធានាធិបតីកូឡុំប៊ី

រកឃើញកូនប្រុសប្រធានាធិបតីកូឡុំប៊ី ប្រើលុយកខ្វក់ក្នុងយុទ្ធនាឃោសនារកសន្លឹកឆ្នោត

ឧកញ៉ាសំពៅ — Fri, 04 Aug 2023 08:54:42 +0000

កូនប្រុសច្បងប្រធានាធិបតីកូឡុំប៊ី Gustavo Petro គឺលោក Nicolas Petro បានសារភាពថា ទទួលបានលុយកខ្វក់ សម្រាប់ប្រើប្រាស់យុទ្ធនាការឃោសនារកសន្លឹកឆ្នោត សម្រាប់ការប្រជែងតំណែងប្រធានាធិបតីរបស់ឪពុក កាលពីឆ្នាំ ២០២២។ នេះបើតាមការចុះផ្សាយពីសារព័ត៌មាន Reuters។

ព្រះរាជអាជ្ញា Mario Burgos បានប្រាប់ទៅកាន់ចៅក្រមថា Nicolas Petro ដែលត្រូវបានចាប់ខ្លួន កាលពីចុងសប្ដាហ៍ ក្រោយរងការចោទប្រកាន់ទាក់ទង នឹងការលាងលុយកខ្វក់ និងការបង្រ្កាបដោយខុសច្បាប់ បានលាតត្រដាងថា លោកបានទទួលប្រាក់យ៉ាងច្រើនពីអ្នកម៉ៅការជនជាតិកូឡុំប៊ីម្នាក់ ដែលត្រូវបានចោទប្រកាន់ពីបទមនុស្សឃាត និងអតីតសមាជិកព្រឹទ្ធសភាម្នាក់ទៀត ដែលត្រូវបានកាត់ទោសពីបទជួញដូរគ្រឿងញៀន និងជាអ្នកជំនួញ “ដ៏មានអំណាច” មួយរូប។

នៅក្នុងសវនាការ លោក Burgos បាននិយាយថា កូនប្រុសច្បងប្រធានាធិបតីកូឡុំប៊ីសារភាពទាំងអស់ថា ប្រាក់ដែលគេទទួលបាន មួយចំណែកធំយកទៅបង្កើនទ្រព្យសម្បត្តិខ្លួនឯង ខណៈសល់ប៉ុន្មាន យកទៅប្រើប្រាស់ក្នុងយុទ្ធនាការឃោសនារកសន្លឹកឆ្នោត ជូនឪពុកដែលជាបេក្ខភាពប្រធានាធិបតីនាពេលនោះ។

បន្ថែមពីនោះ ព្រះរាជអាជ្ញាខាងលើក៏បានបញ្ជាក់ដែរថា Nicolas Petro យល់ព្រមសហការ ដោយផ្ដល់នូវភស្តុតាងបន្ថែម និងលាលែងតំណែង ក្នុងនាមជាសមាជិកសភា ក្នុងស្រុកនៅនាយកដ្ឋាន Atlántico របស់ប្រទេសកូឡុំប៊ី និងជៀសវាងទទួលយកតួនាទីនយោបាយផ្សេងទៀតផងដែរ។

ជម្រាបបន្ថែមថា តាមរយៈការចោទប្រកាន់ខាងលើ តុលាការអាចនឹងសម្រេចផ្ដន្ទាទោសដល់កូនប្រុសប្រធានាធិបតីកូឡុំប៊ី ជាប់ពន្ធនាគារពី ១២ឆ្នាំ ទៅ ២០ឆ្នាំ៕

The post រកឃើញកូនប្រុសប្រធានាធិបតីកូឡុំប៊ី ប្រើលុយកខ្វក់ក្នុងយុទ្ធនាឃោសនារកសន្លឹកឆ្នោត appeared first on .

អតីតមេបក្សប្រឆាំង ផ្ដួលសេដ្ឋីអចលនទ្រព្យ ក្លាយជាប្រធានាធិបតីកូឡុំប៊ី

ឧកញ៉ាសំពៅ — Tue, 21 Jun 2022 08:17:42 +0000

កាលពីពេលកន្លងទៅ ការបោះឆ្នោតជ្រើសរើសប្រធានាធិបតីនៃសាធារណរដ្ឋកូឡុំប៊ីបានបញ្ចប់ ដោយមានលោក Gustavo Petro ជាអ្នកទទួលបានជ័យជំនះជាមួយលទ្ធផលសន្លឹកឆ្នោតច្រើនជាង ៥០% ខណៈគូប្រជែងរបស់លោកគឺ Rodolfo Hernandez ជាសេដ្ឋីអចលនទ្រព្យទទួលបានសម្លេងគាំទ្រប្រមាណ ៤៧%។ នេះបើតាមការចុះផ្សាយពី CNN។

ការបោះឆ្នោតជ្រើសរើសថ្នាក់ដឹកនាំលើកទី ៣១ លើកនេះ គឺបានក្លាយជាការបើកទំព័រប្រវត្តិសាស្ត្រដំបូងប្រចាំប្រទេសពោល គឺកូឡុំប៊ីមានមេដឹកនាំមកពីគណបក្សឆ្វេងនិយម។

គួសរំលឹកបន្តិចថា បើទោះជារយៈកាលកន្លងមក សេដ្ឋកិច្ចកូឡុំប៊ីហាក់ងើបឡើងមែន ប្រជាពលរដ្ឋហាក់មិនសប្បាយចិត្តឡើយ ដោយសារទង្វើរបស់ប្រធានាធិបតី Ivan Duque Marquez ដែលអសមត្ថភាពក្នុងការគ្រប់គ្រងកងកម្លាំងប៉ូលិស និងក្រុមឧក្រិដ្ឋករតែងតែចេញអុកឡុកប្រជាពលរដ្ឋជាដើម។

បន្ថែមពីនោះ ប្រជាជនមួយចំនួនធំសុទ្ធតែអះអាងថា វិសមភាពសង្គមនៅកូឡុំប៊ីគឺជាកត្តាចាំបាច់បំផុតដែលត្រូវដោះស្រាយភ្លាមៗ ពោលបើតាមការអះអាងពី Gallup Poll បានឲ្យដឹងថា វិសមភាពសង្គមនៅកូឡុំប៊ី គឺមានអត្រាខ្ពស់បំផុតលើលោក។

ដោយឡែក លោក Gustavo គឺជាអតីតមេប្រឆាំងរដ្ឋាភិបាលមួយរូប ហើយក្នុងពេលថ្លែងសន្ទរកថាកាលពីយប់ថ្ងៃអាទិត្យ លោកបានបង្ហើបថា នឹងព្យាយាមកែប្រែប្រទេសមួយនេះ ដោយមិនបង្កជាអំពើហិង្សា និងមិនក្បត់ពាក្យសន្យាជាមួយអ្នកគាំទ្រឡើយ។

បើយោងតាមប្រភពជាច្រើនបានបង្ហាញថា ទ្រព្យសម្បត្តិរបស់មេដឹកនាំមកពីគណបក្សឆ្វេងនិយមមានទំហំចន្លោះពី ១ ទៅ ៥ លានដុល្លារអាមេរិក ដ្បិតគ្មានប្រភពព័ត៌មានជាក់លាក់ណាមួយអាចបញ្ជាក់ពីចំនួនជាក់លាក់បានឡើយ៕

The post អតីតមេបក្សប្រឆាំង ផ្ដួលសេដ្ឋីអចលនទ្រព្យ ក្លាយជាប្រធានាធិបតីកូឡុំប៊ី appeared first on .

ប្រធានាធិបតីកូឡុំប៊ី

រកឃើញកូនប្រុសប្រធានាធិបតីកូឡុំប៊ី ប្រើលុយកខ្វក់ក្នុងយុទ្ធនាឃោសនារកសន្លឹកឆ្នោត

អតីតមេបក្សប្រឆាំង ផ្ដួលសេដ្ឋីអចលនទ្រព្យ ក្លាយជា​ប្រធានាធិបតីកូឡុំប៊ី

អតីតមេបក្សប្រឆាំង ផ្ដួលសេដ្ឋីអចលនទ្រព្យ ក្លាយជាប្រធានាធិបតីកូឡុំប៊ី