យុទ្ធនាការឃោសនារកសន្លឹកឆ្នោតរបស់លោក Tharman គឺមានចាយលុយច្រើនជាងគេបំផុត ក្នុងចំណោមបេក្ខភាពទាំង ៣រូប ពោលលោក Ng Kok Song ចាយអស់ ៣១២ ១៣១ដុល្លារសាំងហ្គាពួរ ខណៈលោក Tan Kin Lian ចាយអស់តែ ៧១ ៣៦៦ដុល្លារសាំងហ្គាពួរ​ប៉ុណ្ណោះ។

សូមជម្រាបដែរថា គណៈកម្មការរៀបចំការបោះឆ្នោតសិង្ហបុរី បានកំណត់ឲ្យបេក្ខភាពនីមួយៗ អាចចំណាយលុយច្រើនបំផុត ៨១២ ៨២២,១០ដុល្លារសាំងហ្គាពួរ សម្រាប់ការឃោសនារកសន្លឹកឆ្នោត។

រំលឹកបន្តិចថា លោក Tharman ទទួលបានសម្លេងគាំទ្រច្រើនបំផុត នៅក្នុងការបោះឆ្នោតជ្រើសរើសប្រធានាធិបតីសិង្ហបុរី ដោយទទួលបានសម្លេងគាំទ្ររហូតដល់ ៧០,៤% ខណៈលោក Ng ទទួលបាន ១៥,៧២% និងលោក Tan Kin Lian ទទួលបាន ១៣,៨៨%៕

The post ប្រធានាធិបតីសិង្ហបុរី ចាយលុយជាងកន្លះលានដុល្លារ ក្នុងយុទ្ធនាការឃោសនារកសន្លឹកឆ្នោត appeared first on .

បេក្ខភាពទាំងបីរូបនេះ រួមមានអតីតរដ្ឋមន្ត្រី ឧបនាយករដ្ឋមន្ត្រី និងជាប្រធានធនាគារកណ្តាល លោក Tharman Shanmugaratnam វ័យ ៦៦ ឆ្នាំ អតីតប្រធានផ្នែកវិនិយោគនៅក្រុមហ៊ុន GIC​ លោក Ng Kok Song វ័យ ៧៥ ឆ្នាំ និងលោក Tan Kin Lian អតីតនាយកប្រតិបត្តិក្រុមហ៊ុនធានារ៉ាប់រងខ្នាតយក្សក្នុងស្រុក NTUC Income ដែលមានវ័យ ៧៥ ឆ្នាំ។

បេក្ខជនទាំងបីរូប សុទ្ធសឹងតែមានវត្តមាននៅទីស្នាក់ការសមាគមប្រជាជន (PA) ដើម្បីដាក់ឯកសារបេក្ខភាព កាលពីព្រឹកថ្ងៃទី២២ ខែសីហា។ ហើយបន្ទាប់មកបេក្ខភាពប្រធានាធិបតី អាចបើកយុទ្ធនាការឃោសនាបោះឆ្នោតបាន ចាប់ពីថ្ងៃទី ២២ ដល់ ៣០ ខែសីហា ។

គួរឱ្យដឹងផងដែរថា សម្រាប់ការបោះឆ្នោតនាពេលខាងមុខនេះ ប្រទេសសិង្ហបុរី តម្រូវឱ្យបេក្ខភាពប្រធានាធិបតី ត្រូវតែជាអ្នកធ្លាប់បម្រើការជាមន្ត្រីជាន់ខ្ពស់ ឬជានាយកប្រតិបត្តិនៃក្រុមហ៊ុនណាមួយ ដែលកាន់កាប់ភាគហ៊ុនក្នុងនោះ យ៉ាងហោចណាស់ ៥០០លានដុល្លារសិង្ហបុរី (៣៧០លានដុល្លារ) និងត្រូវតែមិនមែនជាសមាជិករបស់គណបក្សនយោបាយណាមួយនោះឡើយ។

ជម្រាបជូនផងដែរថា អ្នកបោះឆ្នោតជាង ២,៧ លាននាក់ នឹងទៅបោះឆ្នោតនៅថ្ងៃទី១ ខែកញ្ញា ដើម្បីជ្រើសរើសប្រធានាធិបតីទី ៩ របស់ប្រទេសិង្ហបុរី ខណ:ពេលដែលប្រធានាធិបតីបច្ចុប្បន្ន គឺលោកស្រី Halimah Yacob នឹងត្រូវបញ្ចប់អាណត្តិរបស់ខ្លួន នៅថ្ងៃទី ១៣ ខែកញ្ញា ៕

The post បេក្ខភាពកំពូលៗបីរូប កំពុងឈរឈ្មោះប្រជែងតំណែងប្រធានាធិបតីសិង្ហបុរី appeared first on .

យោងតាមការចុះផ្សាយពីសារព័ត៌មាន CNA បានបង្ហាញថា រដ្ឋាភិបាលបានកំណត់ថ្ងៃទី ២២ ខែសីហា ជាថ្ងៃកំណត់នៃការប្រកាសពីសមាភាពរបស់បេក្ខភាព ឈរឈ្មោះជាប្រធានាធិបតី​សិង្ហបុរី។

បច្ចុប្បន្ន មានបេក្ខភាព ៤រូប ដែលមានសង្ឃឹមខ្ពស់ក្នុងការឈរឈ្មោះជាប្រធានាធិបតីសិង្ហបុរី ដែលក្នុងនោះមានដូចជា អតីតរដ្ឋមន្ត្រីជាន់ខ្ពស់ Tharman Shanmugaratnam ដែលបាន​ប្រកាស​ពីការឈរឈ្មោះ កាលពីថ្ងៃទី ០៨ ខែមិថុនា ខណៈបេក្ខភាពបន្ទាប់គឺអ្នកធុរកិច្ច George Goh ក៏ដូចជាអតីតប្រធានក្រុមហ៊ុន GIC លោក Ng Kok Song និងអតីតបេក្ខភាពប្រធានាធិបតី Tan Kin Lian ដែលទើបប្រកាសថ្មីថ្មោង ពីការឃោសនារកសន្លឹកឆ្នោតនាថ្ងៃទី ១១ ខែសីហានេះ។

សូមជម្រាបដែរថា ពាក្យស្នើសុំក្នុងការឈរឈ្មោះជាបេក្ខភាពប្រធានាធិបតីសិង្ហបុរី ចាប់ផ្ដើម​បើកទទួលពាក្យពីថ្ងៃទី ១៣ ខែមិថុនា ហើយនឹងឈប់ទទួលពាក្យរយៈពេល ៥ថ្ងៃ បន្ទាប់ពីការប្រកាសដីការ នាថ្ងៃទី ១១ ខែសីហា ឆ្នាំ២០២៣៕

The post ការបោះឆ្នោតជ្រើសរើសប្រធានាធិបតីសិង្ហបុរី នឹងរៀបចំធ្វើឡើងនាដើមខែក្រោយ appeared first on .