ដំណើរចុះពិនិត្យនេះ ក៏មានការចូលរួមពីក្រុមការងារអនុវត្តគម្រោង ចុះពិនិត្យការងារសាងសង់ និងវឌ្ឍនភាពគម្រោង ជាមួយតំណាងមូលនិធិសម្រាប់កិច្ចសហប្រតិបត្តិការអភិវឌ្ឍន៍សេដ្ឋកិច្ច (EDCF) ដឹកនាំដោយលោក Koo Bonhyun (Country Director) នៅក្រុងតាខ្មៅ ខេត្តកណ្តាល។

ការចុះពិនិត្យនេះ មានការចូលរួមពី លោកនាយករងគម្រោង ប្រធានគ្រប់គ្រងគម្រោង សមាជិក-សមាជិកាក្រុមការងារគម្រោង តំណាងក្រសួងសេដ្ឋកិច្ច និងហិរញ្ញវត្ថុ តំណាងមន្ទីរសាធារណការ និងដឹកជញ្ជូនខេត្តកណ្តាល មន្ត្រីជំនាញ ក្រុមការងារទីប្រឹក្សាគម្រោង Dohwa-Seoyoung Joint Venture ក្រុមហ៊ុនសាងសង់ Joint Venture of KUMHO-TECHCROSS និងភាគីពាក់ព័ន្ធ។

នាឱកាសនោះ លោក រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានលើកឡើងថា គោលបំណងនៃការចុះពិនិត្យនេះ គឺដើម្បីចូលរួមជាមួយតំណាង EDCF ក្នុងបេសកកម្មត្រួតពិនិត្យ និងប្រជុំពិភាក្សាអំពីវឌ្ឍនភាពការងារ លើកទី៤ (4th Joint Monitoring Meeting) ព្រមទាំងពិនិត្យ និងពិភាក្សាអំពីវឌ្ឍនភាពការងារប្រចាំខែសីហា ឆ្នាំ២០២៦ នៃគម្រោងអភិវឌ្ឍន៍ប្រព័ន្ធប្រព្រឹត្តកម្មទឹកកខ្វក់នៅក្នុងក្រុងតាខ្មៅ ខេត្តកណ្តាល។

ក្រសួងសាធារណការធ្លាប់បានឱ្យដឹងថា គម្រោងអភិវឌ្ឍន៍ប្រព័ន្ធចម្រោះទឹកកខ្វក់ក្នុងក្រុងតាខ្មៅ ត្រូវបែងចែកជា២ ផ្នែករួមមាន ១). ការសាងសង់ស្ថានីយប្រព្រឹត្តកម្មទឹកកខ្វក់ តាមវិធីសាស្ត្រអាងចម្រោះតាមបែបធម្មជាតិ (Waste Stabilization Pond) ការសាងសង់ស្ថានីយបូមទឹកកខ្វក់ចំនួន ០៧កន្លែង និងបណ្តាញលូទឹកកខ្វក់ ប្រវែងសរុប ១២៥,៣ គីឡូម៉ែត្រ ព្រមទាំងការងារតំណភ្ជាប់តាមខ្នងផ្ទះ ដើម្បីបង្ហូរចូលក្នុងប្រព័ន្ធប្រព្រឹត្តកម្មទឹកកខ្វក់ ២). ការសាងសង់ប្រព័ន្ធរំដោះទឹកជំនន់ រួមមាន ការសាងសង់បណ្តាញលូរំដោះទឹកភ្លៀង ដោយដាក់លូប្រអប់ និងលូមូលតាមបណ្តោយផ្លូវជាតិលេខ២១ ចាប់ពីម្តុំរង្វង់មូលតាខ្មៅ ប្រវែង ៥គីឡូម៉ែត្រ និងការងារសាងសង់ និងស្ដារស្ថានីយបូមទឹកកខ្វក់ ព្រមទាំង បណ្តាញលូរំដោះទឹកភ្លៀងក្នុងក្រុងតាខ្មៅ៕ អត្ថបទ៖ហ្សាលីន

The post ប្រព័ន្ធប្រព្រឹត្តកម្មទឹកកខ្វក់នៅក្នុងក្រុងតាខ្មៅ ខេត្តកណ្ដាល សាងសង់សម្រេចបានប្រមាណ ៣៨%ហើយ appeared first on .

ពិធីនេះក៏មានការចូលរួមពី តំណាងក្រសួងពាក់ព័ន្ធ រួមមាន៖ ក្រសួងបរិស្ថាន ក្រសួងមហាផ្ទៃ ក្រសួងសុខាភិបាល និងក្រសួងអភិវឌ្ឍន៍ជនបទ ថ្នាក់ដឹកនាំ និងមន្ត្រីក្រោមឱវាទអគ្គនាយកដ្ឋានប្រព័ន្ធចម្រោះទឹកកខ្វក់ តំណាងអង្គការ BORDA អង្គការ ESC អង្គការ WASH-SDO ដៃគូអភិវឌ្ឍន៍ អ្នកជំនាញជាតិ និងអន្តរជាតិ និងភាគីពាក់ព័ន្ធជាច្រើនរូប។

ក្នុងឱកាសនោះ លោក គួច ប៊ុនលាត រដ្ឋលេខាធិការ ក្រសួងសាធារណការ និងដឹកជញ្ជូន បានគូសបញ្ជាក់ពីសារៈសំខាន់នៃការរៀបចំគោលការណ៍ណែនាំបច្ចេកទេសជាតិ និងយន្តការគ្រប់គ្រងគុណភាព DEWATS ដែលជាតម្រូវការចាំបាច់ និងទាន់ពេលវេលា ដើម្បីធានាឱ្យការរៀបចំផែនការ ការរចនា ការសាងសង់ ការដាក់ឱ្យដំណើរការ ការប្រតិបត្តិការ និងថែទាំប្រព័ន្ធ មានគុណភាព ប្រសិទ្ធភាព និងនិរន្តរភាព ស្របតាមបរិបទជាក់ស្តែងរបស់កម្ពុជា។

សូមជម្រាបដែរថា គម្រោងសហប្រតិបត្តិការបច្ចេកទេសនេះ មានគោលដៅរួមចំណែកពង្រឹងវិស័យគ្រប់គ្រងទឹកកខ្វក់ និងអនាម័យនៅកម្ពុជា តាមរយៈការលើកកម្ពស់ គុណភាព ប្រសិទ្ធភាព និងនិរន្តរភាពនៃប្រព័ន្ធប្រព្រឹត្តកម្មទឹកកខ្វក់តាមបែបវិមជ្ឈការ (DEWATS) ដោយរៀបចំគោលការណ៍ណែនាំបច្ចេកទេសឱ្យក្លាយជាឯកសារយោងផ្លូវការថ្នាក់ជាតិ និងបង្កើតយន្តការគ្រប់គ្រងគុណភាព DEWATS-QMS សម្រាប់គ្រប់គ្រងគុណភាពនៅគ្រប់ដំណាក់កាលនៃវដ្តជីវិតរបស់ប្រព័ន្ធ។ គម្រោងនេះគ្រោងអនុវត្តចាប់ពី ឆ្នាំ២០២៦ ដល់ឆ្នាំ២០២៨ ដោយផ្តោតលើការសិក្សា និងពិនិត្យក្របខណ្ឌច្បាប់ គោលនយោបាយ បទប្បញ្ញត្តិ និងស្តង់ដារពាក់ព័ន្ធ ការកំណត់លក្ខណៈបច្ចេកទេសសម្រាប់ការធ្វើផែនការ ការជ្រើសរើសបច្ចេកវិទ្យា ការរចនា ការសាងសង់ ការប្រតិបត្តិការ និងថែទាំ ព្រមទាំងការរៀបចំឧបករណ៍ និងនីតិវិធី DEWATS-QMS ការពិគ្រោះយោបល់ជាមួយភាគីពាក់ព័ន្ធ ការបណ្តុះបណ្តាល ការផ្តល់សុពលភាព និងការផ្សព្វផ្សាយសម្រាប់ការអនុវត្តនៅថ្នាក់ជាតិ និងថ្នាក់ក្រោមជាតិ។

ពិធីចុះហត្ថលេខានេះ មិនត្រឹមតែជាការចុះហត្ថលេខាលើកិច្ចព្រមព្រៀងសហប្រតិបត្តិការបច្ចេកទេសប៉ុណ្ណោះទេ ប៉ុន្តែថែមទាំងបង្ហាញពី ឆន្ទៈរួម និងភាពជាដៃគូរយៈពេលវែងរវាងអគ្គនាយកដ្ឋានប្រព័ន្ធចម្រោះទឹកកខ្វក់ និងអង្គការ BORDA ក្នុងការបង្កើតមូលដ្ឋានបច្ចេកទេស និងស្ថាប័នសម្រាប់ការគ្រប់គ្រងប្រព័ន្ធ DEWATS ឱ្យមានគុណភាព សុវត្ថិភាព ប្រសិទ្ធភាព និងនិរន្តរភាព សំដៅរួមចំណែកលើកកម្ពស់សេវាអនាម័យ ការការពារបរិស្ថាន សុខភាពសាធារណៈ និងគុណភាពរស់នៅរបស់ប្រជាពលរដ្ឋ៕ អត្ថបទ៖ហ្សាលីន

The post ស្ថាប័នជំនាញ ជំរុញគម្រោងសហប្រតិបត្តិការបច្ចេកទេសគ្រប់គ្រងគុណភាពប្រព័ន្ធប្រព្រឹត្តកម្មទឹកកខ្វក់ appeared first on .