តើ CEO ធនគារ​ ABA ជា​នរណា? គ្មាននរណា​ក្រៅពី​លោក Askhat Azhikhanov។ បុរស​ដើម​កំណើត​ កាហ្សាក់ស្ថាន (Kazakhstan) បាន​មក​ដឹកនាំ​ ABA ជាង ១០ ឆ្នាំ​មក​ហើយ​តាំង​ពី​ឆ្នាំ ២០០៩។

ឧកញ៉ាញូស៍ សូមណែនាំ​ប្រវត្តិ​សិក្សា និង​បទពិសោធន៍​ការងាររបស់​លោកAskhat Azhikhanov ដូចតទៅនេះ៖

១​. បញ្ចប់ថ្នាក់បណ្ឌិតផ្នែកសេដ្ឋកិច្ចពីសកលវិទ្យាល័យក្នុងរដ្ឋ Kazakh ដែលជាទឹកដីស្ថិតនៅចំពាក់កណ្ដាលប្រទេសអាស៊ី និងជាអតីតសាធារណរដ្ឋសូវៀត ដោយមានព្រំប្រទល់ខាងកើតជាខ្លួនជាមួយចិន និងរុស្សី។

២. បញ្ចប់ថ្នាក់បណ្ឌិតផ្នែកធនាគារ និងហិរញ្ញវត្ថុ អន្តរជាតិនឹងទទួលបានសញ្ញាបត្រពីសាលាCass Business School នៅក្នុងក្រុងឡុងដ៍ ចក្រភពអង់គ្លេស

៣. បញ្ចប់ថ្នាក់បរិញ្ញាបត្រផ្នែកសេដ្ឋកិច្ច និងសញ្ញាបត្រពី Kazakh State Academy of Management

៤. បរិញ្ញាបត្រផ្នែកស្រាវជ្រាវប្រេងនិងឧស្ម័ន ដោយទទួលបានសញ្ញាបត្រពីសាកលវិទ្យាល័យ Kazakh State Technical University។

និយាយ​ពី​បទពិសោធន៍ការងារ​របស់​លោក Askhat Azhikhanov ក៏​មិនធម្មតា​ដែរ៖ 

១. នៅក្នុងឆ្នាំ ១៩៩៨ ដល់ឆ្នាំ ២០០១ ធ្វើការនៅនាយកដ្ឋានត្រួតពិនិត្យធនាគារជាតិនៃកាហ្សាក់ស្ថាន។

២. នៅឆ្នាំ ២០០១ – ២០០៥ បានកាន់កាប់មុខតំណែងគ្រប់គ្រងនៅធនាគារ (Kazakhstan) ។

៣. ឆ្នាំ ២០០៧ ដល់ ២០០៨ ធ្វើការនៅក្រុមហ៊ុន Credit Suisse Kazakhstan ក្នុងនាមជាប្រធានគ្រប់គ្រងហិរញ្ញវត្ថុ ។

៤. ក្នុងឆ្នាំ ២០០៩ បានធ្វើការជានាយកប្រតិបត្តិនៃក្រុមហ៊ុន Zhetisu Asset Management និងជាទីប្រឹក្សានាយកប្រតិបត្តិនៅធនាគារ Temir Bank ។

៥. ចូលបម្រើការក្នុងធនាគារ ABA នៅខែកញ្ញាឆ្នាំ ២០០៩ មកទល់នឹងបច្ចុប្បន្ន។

The post ប្រវត្តិសិក្សា និង​បទពិសោធន៍ការងារ CEO ធនាគារ​ ABA មិនធម្មតា appeared first on .

នេះមិនមែនជារឿងចៃដន្យនោះទេ សម្រាប់បុរសវ័យកណ្ដាល ដែលធ្លាប់ជាអ្នកមានជីវភាពខ្វះខាត មកពីខេត្តតាកែវរូបនេះ ត្បិតរូបលោក និងក្រុមគ្រួសារ បានចាត់ទុកអ្នកឧកញ៉ា ឡេង ណាវ៉ាត្រា និងលោកជំទាវ ស្មើអ្នកមានគុណទី២ របស់ខ្លួនរហូតមកទល់សព្វថ្ងៃ។  ​

ក្រោយពេលបានកែប្រែជីវភាពក្រុមគ្រួសារក្នុងរយៈពេលដ៏ត្រឹមតែ ៤ឆ្នាំ លោក សាវឿន ជីវុធ បានបន្តរ៉ាយរ៉ាប់ពីសាច់រឿងជីវិតពិត ដោយមិនខ្មាស់អៀនថា កាលពីមុន រូបលោក និងភរិយា ក្រខ្សត់ដល់ថ្នាក់គ្មានលុយគ្រប់គ្រាន់ សម្រាប់ទិញម្ហូបហូបបាយ។

លោកបាន រៀបរាប់ដោយមិនខ្មាស់អៀនថា៖ «នឹកកាលពី៤ឆ្នាំមុន ថ្ងៃពីរនាក់ប្រពន្ធកំសត់ ខ្ញុំទៅធ្វើការបាត់ ប្រពន្ធនៅផ្ទះ អត់មានលុយចាយ ឆាតមកសួរប្ដីមានលុយចាយអត់ កាលហ្នឹងនៅសល់តែ2700រៀលក្នុងខ្លួន អាណិតប្រពន្ធពេក ក៏ដាច់ចិត្តយកចិញ្ជៀនកាលភ្ជាប់ពាក្យទៅបញ្ជាំគេ4មុឺនរៀល ទិញម្ហូបអោយប្រពន្ធ ពេលមកដល់បន្ទប់វិញឃើញសំបកស្ករកៅស៊ូ ក៏សួរប្រពន្ធគាត់ថាឃ្លានពេកអត់មានលុយទិញអីហូបទេ ឃើញស្ករកៅស៊ូជសប់ជញ្ជាំងក៏ហូបទៅ ក្នុងចិត្តគ្នានអ្វីនឹងថ្លែងទេ។ បន្ទាប់មកមួយរយៈក្រោយ សំណាងល្អបានស្គាល់បងឡេងណាវ៉ាត្រា និងអ្នកបងជំទាវ គាត់បានណែនាំ និងផ្ដល់ឪកាសអោយខ្ញុំ ធ្វើជាបុគ្គលិកក្រុមហ៊ុនគាត់ ទើបខ្ញុំ និងភរិយា បានរួចពីភាពលំបាកវេទនា អាចមានជីវភាពសមរម្យនឹងគេ»។  

ក្នុងសំណេរដ៏សែនកំសត់របស់ខ្លួន សាវឿន ជីវុធ បានសម្ដែងនូវការដឹងគុណដ៏ជ្រាលជ្រៅ និងបានចាត់ទុក អ្នកឧកញ៉ា ឡេង ណាវ៉ាត្រា និងលោកជំទាវ ប្រៀបបាននឹងអ្នកមានគុណដ៏ធំធេងទី២ បន្ទាប់ពីឪពុកម្ដាយ។  

គួររំលឹកផងដែរថា កាលពី៤ឆ្នាំមុន លោក សាវឿន ជីវុធ គ្រាន់តែជាបុគ្គលិកពេញម៉ោងប្រចាំក្រុមហ៊ុនអ្នកឧកញ៉ា ឡេង ណាវ៉ាត្រា ប៉ុណ្ណោះ។ ក្រោយមក ដោយមើលឃើញពីឱកាសការងារកាន់តែទូលំទូលាយ លោកក៏បានបន្ត ធ្វើការងារជាភ្នាក់ងារលក់អចលនទ្រព្យរបស់អ្នកឧកញ៉ា។ បន្តិចម្ដងៗ ដោយការខិតខំប្រឹងប្រែង តស៊ូ និងភាពស្មោះត្រង់ គួបផ្សំទៅនឹងទេពកោសល្យផ្នែកលក់ដ៏ប៉ិនប្រសព្វផងនោះ បានរុញច្រានឱ្យលោក ទទួលបានភាពជោគជ័យកាន់តែលឿន រហូតបច្ចុប្បន្នកាន់កាប់តួនាទីជាប្រធានក្រុមដ៏ខ្លាំងមួយរូប នៃភ្នាក់ងារលក់អចលនទ្រព្យរបស់ អ្នកឧកញ៉ា ឡេង ណាវ៉ាត្រា ៕

The post សង្វេគនឹងអតីតកាលខ្លួនពេកបុគ្គលិកជំនិតអ្នកឧកញ៉ា ឡេង ណាវ៉ាត្រា ដាច់ចិត្តទម្លាយសាច់រឿងដ៏កំសត់មុនជួបអ្នកឧកញ៉ា appeared first on .

លោក​ឧកញ៉ា ផន វណ្ណិត ទើប​តែ​​ទទួល​បាន​គោរមងារ ជា​ឧកញ៉ា កាល​ពី​ថ្ងៃ​ទី១ ខែ​សីហា ឆ្នាំ ២០២០ កន្លង​ទៅ​នេះ។ ឧកញ៉ា ផន វណ្ណិត បាន​​សរសេរ​លើ​ផេក​ផ្ទាល់​ខ្លួន​​រៀប​រាប់​ពី​​ប្រវត្តិ​ខ្លួន​ឯង​​បែប​នេះ​ថា ៖ “នឹក​ឃើញ​ជីវិត​ខ្លួន​ឯង មិន​ធ្លាប់​ស្រមៃ​ថា​មាន​ថ្ងៃ​នេះ​ទេ កុំ​ថា​ឡើយ គោរមងារ​ជា​ឧកញ៉ា សូម្បី​​គិត​ថា​រក​លុយ​ឱ្យ​បាន​ចាយ​គ្រប់​គ្រាន់​ក៏​ពិបាក​ដែរ។ ខ្ញុំ​ចាប់​កំណើត​ឡើង នៅ​ភូមិ​ក្រូច ឃុំ​កន្សោម​អក ស្រុក​កំពង់ត្របែក ខេត្ត​ព្រៃវែង ហើយ​ចាស់​ៗ​នៅ​ទី​នោះ ប្រាកដ​ជា​ស្គាល់​ច្បាស់​ប្រវត្តិ​ម្ដាយ ឪពុក​ខ្ញុំ​យ៉ាង​ច្បាស់ គឺ​អ្នក​ម្ដាយខំ​បេះ​បន្លែ​លក់ ឯ​ឪពុក​ធ្វើ​ចំណាក​ស្រុក​ទៅ​ខេត្ត​ផ្សេង​រក​ការងារ​ធ្វើ បែក​ប្រពន្ធ​កូន​ ជា​ទី​ស្រលាញ់ តាំង​ពី​ខ្ញុំ​នៅ​តូចៗ​មិន​ទាន់​ដឹង​ក្ដី​ម្ល៉េះ។ខ្ញុំ​អាយុបាន ២​ឆ្នាំ ម្ដាយ​ខ្ញុំ​ក៏​ចេញ​ពី​ស្រុក​កំណើត​ ទៅ​​ខេត្ត​ស្ទឹងត្រែង ជួប​ជុំ​ជាមួយ​ឪពុក​វិញ ហើយ​សង្ឃឹម​ថា​ជីវិត​ស្រួល​ជាង​មុន​បន្តិច ប៉ុន្តែ​កាន់​តែ​យ៉ាប់​លើស​ដើម។ ក្នុង​ចំណោម​បង​ប្អូន ៤​នាក់ មាន​តែ​ខ្ញុំ​ប៉ុណ្ណោះ ដែល​បាន​តស៊ូ​រៀន​សូត្រ​ជាប់​លាប់ ហើយ​​សង្ឃឹម​ថា​អាច​កែ​ប្រែ​ជីវិត​បាន។ ចំណែក​បង​ប្អូន ៣​នាក់​ទៀត មិន​បាន​រៀន​ខ្ពស់​ដល់​ថ្នាក់​សាកលវិទ្យាល័យទេ។អាយុ ១៣​ឆ្នាំ ខ្ញុំបាន​បួស​ជា​សាមណេរ ហើយ​ក៏​បាន​ចាប់​ផ្ដើម​រៀន​បន្ត​នៅ​ខេត្ត​ស្ទឹង​ត្រែង ដែល​ជា​ទឹក​ដី​ម្ដាយ​ខ្ញុំ​កំពុង​ដាំ​បន្លែ ធ្វើ​ចម្ការ។ តែ​ក្រោយ​ ខ្ញុំ​ក៏​ទៅ​រៀន​នៅ​ខេត្ត​ក្រចេះ​វិញ ព្រោះ​នៅ​ខេត្ត​ស្ទឹង​ត្រែង​ អត់​មាន​​សាលារៀន​ថ្នាក់​ខ្ពស់ទេ។ បែក​ពី​ម្ដាយ អារម្មណ៍​កំព្រា​ពិបាក​ថ្លែង ប៉ុន្តែ​ដាក់​ចិត្ត​ផ្ញើ​ខ្លួន​ស្វែង​រក​វិជ្ជា​នៅ​ពុទ្ធិក​អនុវិទ្យាល័យ​រហូត​ទទួល​ជោគជ័យ និង​បាន​បន្ត​មក​សិក្សា​នៅ​ពុទ្ធិកវិទ្យាល័យ​រាជធានី​ភ្នំពេញ​បន្ត​ទៀត។​ឆ្នាំ​២០០៦ ខ្ញុំ​មាន​វាសនា​ល្អ ត្រូវ​បាន​គេ​បញ្ជូន​ទៅ​បន្ត​វិជ្ជា​នៅ​ប្រទេស​ឥណ្ឌា រួច​ក៏​ប្រឹង​រៀន​សូត្រ​នៅ​ទី​នោះ រហូត​ដល់​ចប់​ថ្នាក់​បរិញ្ញាបត្រ និង​អនុបណ្ឌិត​នៅ​ឆ្នាំ​២០១១។ ជោគជ័យ​លើ​ការ​រៀន​សូត្រ​ជា​ពេល​វេលា​ដ៏​រីក​រាយ​ក្នុង​ជីវិត គិត​ថា​អាច​ជួយ​ម្ដាយ​ឱ្យ​មាន​ជីវភាព​ល្អ​ប្រសើរ​ជាង​មុន ប៉ុន្តែ​ពេល​នោះ ក៏​ជា​ពេល​ដែល​ម្ដាយ​ចាប់​ផ្ដើម​ធ្លាក់​ខ្លួន​ឈឺ មាន​ជំងឺ​មក​បៀតបៀន​ពេញ​រាង​កាយ។យ៉ាងណាមិញ ត្រលប់​មកកម្ពុជា

ខ្ញុំ​បាន​ព្យាយាម​ប្រមូល​យក​ប្រាក់​ដែល​ខ្លួន​មាន​ទាំង​ប៉ុន្មាន ជួយ​ព្យាបាល​ម្ដាយ និង​តាម​មើល​ថែ​ម្ដាយ​តាំង​ពី​ខេត្ត​ស្ទឹងត្រែង រហូត​ដល់​រាជធានី​ភ្នំពេញ។ ជា​រឿង​ដ៏​សង្វេគ​បំផុត នៅ​​ថ្ងៃ​ទី៩ ខែ​មេសា ឆ្នាំ​២០១១ ម្ដាយ​របស់​ខ្ញុំក៏​បាន​លា​ចាក​លោក ទាំងមិន​ទាន់​ស្គាល់​ភាព​ស្រណុក​សុខ​ស្រួល បាយ​ឆ្ងាញ់​ម្ដង​ណា​ឡើយ ហើយ​ការ​ដែល​គាត់​ធ្លាក់​ខ្លួន​ឈឺ គឺ​មក​ពី​​ខំ​ប្រឹង​ធ្វើ​ការ មិន​ខ្វល់​នឹង​សុខភាព​ខ្លួន​ឯង។ដោយឡែក នៅ​​ឆ្នាំ​២០១១ ខ្ញុំ​បាន​សឹក​វិញ ដោយ​គ្មាន​ប្រាក់ ឬ​ទ្រព្យ​សម្បត្តិ​អ្វី​ជាប់​ខ្លួន​ឡើយ គឺ​មាន​តែ​ចំណេះ​វិជ្ជា​មួយ​មុខ​គត់ ដែល​នៅ​ជាប់​ខ្លួន។ ចាប់​ផ្ដើម​ដំបូង ខ្ញុំ​បាន​បង្រៀន​នៅ​សាលា Newton Thilay និង​សាលា Apsara Language and Computer ​សន្សំ​លុយ​ទិញ​បាន​ម៉ូតូ​មួយ​គ្រឿង​ជិះ។ ក្រោយ​មក នៅ​ខែ​តុលា​ឆ្នាំ​២០១១ ខ្ញុំ​​ក៏​បាន​ដាក់​ពាក្យ​ជា​សាស្ត្រាចារ្យ​បង្រៀន​នៅ​សាកល​វិទ្យាល័យ​បញ្ញាសាស្ត្រ និង​បញ្ញា​ជាតិ ដោយ​ទទួល​បាន​ប្រាក់​ខែ​សមរម្យ អាច​ទំនុក​បម្រុង​ខ្លួន​ឯង​បាន ព្រម​ទាំង​រៀប​ការ​ជាមួយនារី​ជា​ទី​ស្រលាញ់​ម្នាក់ គឺ​លោក​ជំទាវ ជា សូឡាឌី។ជីវិត​ជា​សាស្ត្រាចារ្យ បាន​ធ្វើ​ឱ្យ​ខ្ញុំ រៀន​សូត្រ​កាន់​តែ​ច្រើន​ឡើង និង​ស្វែង​យល់​ពី​សង្គម​កម្ពុជា​កាន់​តែ​ខ្លាំង។ ខ្ញុំ​តែង​យក​បទ​ពិសោធន៍​ដែល​ខ្លួន​ធ្លាប់​ជួប​ប្រទះ​មក​ចែក​រំលែក​ដល់​សិស្ស ហើយ​តែង​ដឹក​នាំ​និស្សិត ចូល​រួម​ការងារ​សង្គម​ផ្សេង​ៗ​ទៀត​ជា​ច្រើន

ដែល​ធ្វើ​ឱ្យ​មនុស្ស​ជា​ច្រើន​ទទួល​ស្គាល់​សមត្ថភាព​ និង​គុណ​តម្លៃ។ក្រោយ​មក ​សាកលវិទ្យាល័យ​នានា បាន​ទាក់​ទង​ខ្ញុំ​​បង្រៀន​ជា​បន្ត​បន្ទាប់ ហើយ​ក៏​មាន​ក្រុមហ៊ុន​ទាក់​ទង​ឱ្យ​ធ្វើ​ជា​អ្នក​ប្រឹក្សា​យោបល់ ដោយ​ទទួល​បាន​ប្រាក់​ខែ​កាន់​តែ​ច្រើន។ ទោះ​បែប​នេះ​ក្ដី ខ្ញុំគិត​ថា ជីវិត​មិន​អាច​នៅ​ដដែល​រហូត​ទេ គឺ​ត្រូវ​ធ្វើ​អ្វី​ដែល​ថ្មី​ជា​និច្ច ហើយ​ខ្ញុំ​​ក៏​បាន​គិត​ពី​ការ​រកស៊ី​វិញ​ម្ដង។តាម​ពិត​ទៅ ខ្ញុំ​មាន​​ចំណាប់​អារម្មណ៍​លើ​វិស័យ​កសិកម្ម និង​វិស័យ​អចលនទ្រព្យ​តាំង​ពី​ឆ្នាំ​២០១១ ហើយ​ចាប់​ផ្ដើម​ទិញ​ដី​ដំបូង​នៅ​ម្ដុំ​ចោម​ចៅ ផ្លូវ​ជាតិ​លេខ៣ ដើម្បី​ទុក​ជា​ទ្រព្យ​ជាប់​ខ្លួន។ បន្ទាប់​មក​ទៀត រាល់​ថ្ងៃ​ឈប់​សម្រាក ខ្ញុំ​​តែង​ធ្វើ​ដំណើរ​ទៅ​ជាយ​ក្រុង ពិសេស​ម្ដុំ​តំបន់​ភ្នំ​រាប រហូត​ដល់​គ្រួសារ​ឆ្ងល់​ថា ហេតុអ្វី​បាន​ជា​ខ្ញុំ​​ចេះ​តែ​ទៅ​ទីនោះ ប៉ុន្តែ​ខ្ញុំ​​​មាន​គោល​ដៅ​ច្បាស់​សម្រាប់​ខ្លួន​ឯង​រួច​ទៅ​ហើយ។ ខ្ញុំ​បាន​ចាប់​ផ្ដើម​ធ្វើ​ចម្ការ​ពោត ចម្ការប័រ បាន​ជាង ២០​ហិកតា ហើយ​ក៏​មាន​រីសត​ផ្ទាល់​ខ្លួន​។ ក្រោយ​មក​ ក៏​ចាប់​អារម្មណ៍​ខ្លាំង លើវិស័យ​អចលនទ្រព្យ ហើយ​អាច​បើ​កក្រុមហ៊ុនខ្លួន​ឯង នៅ​ខែ​ឧសភា ឆ្នាំ​២០១៨។
យ៉ាងណាមិញ អ្វី​ដែល​ខ្ញុំ​អាច​ធ្វើ​បាន គឺ​ប្រឹង​ជួយ​កសាង​សមិទ្ធផល​នានា និង​ធ្វើ​ការងារ​សង្គម​ជា​ច្រើន។ មាន​ប្រវត្តិ​ជា​កូន​អ្នក​ក្រ ខ្ញុំ​មិន​ដែល​ភ្លេច​កំណើត មិន​ភ្លេច​ថា​ចាប់​ផ្ដើម​ពី​ណា​ទេ។ ទោះ​បី​ពេល​នេះ ព្រះ​មហាក្សត្រ​ សព្វ​ព្រះរាជហឬទ័យ ប្រោស​ប្រទាន​គោរម​ងារ​ជា​ ឧកញ៉ា តែ​ខ្ញុំ​នៅ​តែ​ស្គាល់​កំណើត​ខ្លួន​ឯង នៅ​ខេត្ត​ព្រៃ​វែង ចាំ​រាល់​ការ​លំបាក ដែល​ធ្លាប់​ឆ្លង​កាត់៕

The post កូន​អ្នក​ខេត្ត​ព្រៃវែង​ម្នាក់​ទៀត​ហើយ ឡើង​ងារ​ជា ឧកញ៉ា appeared first on .

លោកធ្លាប់បានចាប់ផ្ដើមអាជីវកម្មដំបូងដោយលក់គ្រឿងសំណង់តិចតួចនៅតាម​សំ​យ៉ាប​​ផ្ទះរបស់គេតែប៉ុណ្ណោះ។ ដោយសារតែការអត់ធ្មត់តស៊ូខ្ពស់ក្នុងអាជីវកម្ម បានធ្វើឱ្យអាជីវកម្មរបស់លោករីកចម្រើនកាន់តែធំឡើងៗរហូតដល់អាចពង្រីកខ្លួនបានជាច្រើនសាខា និងក្លាយជាបុគ្គលដ៏លេចធ្លោមួយរូបខាងផ្នែកអាជីវកម្ម។
ឆ្លងកាត់បទពិសោធន៍ដែលធ្លាប់ក្រលំបាក និងអាចរំដោះខ្លួនចេញពីភាពក្រីក្រ លោកក៏​បាន​ចែករំលែកនូវក្បួនធ្វើការងារសម្រាប់បុគ្គលិកគ្រប់រូបដែលគួរតែប្រកាន់យក ប្រសិន​បើ​ពួកគេចង់កែប្រែវាសនារបស់ពួកគេពីបុគ្គលិកមកក្លាយជាថៅកែបាន ប្រសិនបើពួក​គេ​​ផ្លាស់ប្ដូរការគិតរបស់ខ្លួនដូចខាងក្រោមនេះគឺឈប់គិតថាខ្លួនត្រឹមតែជាបុគ្គលិក ហើយក្រុមហ៊ុនជារបស់ថៅកែមិនមែនជារបស់ខ្លួនទេ។

លោកបានចែករំលែកថា៖ “បើអ្នកកំពុងធ្វើការឱ្យគេ ចូរចាត់ទុកការងាររឺមុខរបរនោះឱ្យដូចជារបស់ខ្លួនឯង ត្រូវគិតរិះរកវិធីធ្វើយ៉ាងម៉េចឱ្យក្រុមហ៊ុនឬមុខរបរនោះរីកចម្រើននិងចំណេញ។ ទម្លាប់ខ្លួនឯងបែបនេះទើបអ្នកអាចមានឱកាសក្លាយទៅជាថៅកែដូចគេដែរ…!!! តែបើអ្នកធ្វើការដើម្បីតែប្រាក់ខែ មិនចាត់ទុកមុខរបរនោះជារបស់ខ្លួនឯងទេ ថ្ងៃក្រោយទៅអ្នកគឺនៅតែជាបុគ្គលិកគេរហូតហ្នឹង”។

ជាការពិតណាស់ កន្លែងការងារគឺជាសាលាបង្រៀនរកស៊ីដ៏ល្អមួយ សម្រាប់មនុស្សដែលមាន​បំណងចង់ចាប់ផ្ដើមអាជីវកម្ម ព្រោះកន្លែងធ្វើការតែងតែបង្រៀននូវមេរៀនអាជីវកម្មពិតៗ ហើយថែមទាំងផ្ដល់ជាប្រាក់ខែឱ្យថែមទៀតផង។ ដូច្នេះប្រសិនបើបុគ្គលិកដែលមានផ្នត់គំនិតជាសហគ្រិន ពួកគេក៏នឹងអាចរៀនសូត្របាននូវមេរៀនដ៏ល្អៗជាច្រើនពីកន្លែងធ្វើការងារនេះ មុននឹងឈានទៅចាប់ផ្ដើមអាជីវកម្មផ្ទាល់ខ្លួន។

ប៉ុន្តែជាអកុសល បុគ្គលិកភាគច្រើនតែងតែធ្វើការងារដើម្បីតែបំពេញម៉ោងការងារ ហើយ​រង់ចាំតែដល់ថ្ងៃបើកប្រាក់ខែតែប៉ុណ្ណោះ។ ភាគច្រើនពួកគេតែងតែប្រកាន់យកនូវផ្នត់គំនិតដុះស្លែរមួយគឺ ក្រុមហ៊ុនជារបស់ថៅកែ រីឯខ្លួនត្រឹមតែជាបុគ្គលិកតែប៉ុណ្ណោះ ទោះបីជាខ្លួនខំប្រឹងប្រែងខ្លាំងយ៉ាងណាក៏លទ្ធផលចំណេញតែថៅកែតែប៉ុណ្ណោះ។

ផ្ទុយទៅវិញ ប្រសិនបើអ្នកមានបំណងចង់ចេញមកចាប់ផ្ដើមអាជីវកម្មដោយខ្លួនឯង ពេលដែលកំពុងធ្វើការងារឱ្យគេ អ្នកត្រូវចាត់ទុកថាក្រុមហ៊ុននោះប្រៀបបីដូចជាក្រុមហ៊ុនរបស់អ្នក​ ឬស្រមៃថាខ្លួនអ្នកជាថៅកែក្រុមហ៊ុននោះតែម្ដង ទើបធ្វើឱ្យអ្នកមានថាមពលក្នុងការបំពេញការងារ ខិតខំប្រឹងប្រែងធ្វើការងារឱ្យអស់ពីសមត្ថភាព។

ត្រូវចាត់ទុកថាភាពរីកចម្រើនរបស់ក្រុមហ៊ុន គឺជាភាពរីកចម្រើនរបស់ជីវិតអ្នកដូចគ្នា។ ផ្ទុយទៅវិញ ប្រសិនបើក្រុមហ៊ុនខាតបង់ ជីវិតអ្នកក៏កំពុងតែខាតបង់ដូចគ្នា នោះទើបអ្នកអាចនឹងទទួលបានូវភាពរីកចម្រើនក្នុងអាជីព ពេលដែលអ្នកគិតបែបនេះ។

ប្រសិនបើអ្នកនៅតែគិតថាខ្លួនឯងជាបុគ្គលិកដែលអង្គុយតែធ្វើការងារឱ្យគេ នោះអ្នកក៏នឹងមិនមានស្មារតីខំប្រឹងប្រែងធ្វើការងារឱ្យអស់ពីសមត្ថភាពនោះដែរ ហើយនៅពេលដែលអ្នកធ្វើការងារត្រឹមតែលំៗអ្នកក៏នឹងទទួលបានលទ្ធផលលំៗដែរ រី​ឯអាជីពការងាររបស់អ្នកក៏នឹងមិនសូវមានភាពរីកចម្រើនទៅតាមនោះដែរ។

ប្រភព៖business-cambodia

The post ឧកញ៉ា ហ៊ួត ជា​បង្ហើប​ក្បួន កែប្រែវាសនា​ពី​បុគ្គលិក​មក​​ក្លាយ​​ជា​​ថៅ​កែ​​ដោយ​​ជោគ​ជ័យ​ appeared first on .

អ្វីដែលនឹកស្មានមិនដល់នោះគឺក្រៅពីការងារចូលរួមជួយសង្គម ក្នុងបទពិសោធន៍ភ្នាក់ ងារ​អចលនទ្រព្យ២៣ឆ្នាំ លោក តាន់ ខាំភឿ បានទទួលជោគជ័យក្លាយជាឧកញ៉ានៅក្នុងឆ្នាំ២០១៨​ ក្រោយមកក៏ត្រូវបានសុំលាឈប់។

ក្រៅពីជំនាញអចលនទ្រព្យ លោក ខាំភឿ មានជំនាញយ៉ាងពិសេសគឺ ឯកទេសដោះបំណុលបង្វឹកផ្នត់គំនិត និងបង្កើតក្បួនអាជីវកម្មដំបូងដល់កូនសិស្សជំនិតរាប់រយនាក់របស់គាត់កន្លងមកដែលទទួលបានជោគជ័យ។

បច្ចុប្បន្ន លោក តាន់ ខាំ ភឿ ជាអគ្គនាយកនៃក្រុមហ៊ុន អចលនទ្រព្យ ខាំភឿ រៀលធី ឯ.ក (KHAM PHOEUR REALTY CO., LTD.) នៅរាជធានីភ្នំពេញ ហើយក៏ជាសមាជិកទីប្រឹក្សាសភាពាណិជ្ជកម្ម និងជាប្រធានសម្ព័ន្ធសមាគមសហគ្រាសធុនតូច
និងមធ្យម (FASMEC) ប្រចាំខេត្តស្ទឹងត្រែងផងដែរ។
អត្ថបទនិងរូបភាព៖ ផ្ដល់ឲ្យដោយជំនួយការ លោក តាន់ ខាំភឿ

អត្ថបទ​នឹង​រូប​ភាព៖​ផ្ដល់​ឲ្យ​ដោយ ជំនួញ​ការ​លោក ខាំភឿ​

The post មិនគួរអោយជឿពីអ្នកលក់ត្រកួននៅទីជនបទក្លាយជាឧកញ៉ា ប្រើពេលត្រឹមតែ៥ឆ្នាំ ជាភ្នាក់ងារអចលនទ្រព្យបង្កើតបានទ្រព្យជាង១០លានដុល្លារ។ appeared first on .

អ្នកគ្រូរួយជាម្ចាស់ក្រុមហ៊ុនគ្រឿងសម្អាង​ Rouy Infinity Co.,ltd ដែលមានរហ័សនាមថា មែរួយ​ MaeRouy បានផ្លាស់ប្តូរជិវិតយ៉ាងឆាប់រហ័សរយៈពេលត្រឹមតែមួយឆ្នាំ​ អាច​កសាង​ជិវិត​ថ្មី​បាន​ដោយ​មិន​គួរអោយជឿ​។ មកទល់ពេលនេះ មែរួយ មានក្រុមហ៊ុនមួយដ៏ល្បីល្បាញ​ មានលុយ​ ឡាន​ វីឡា​ដ៏​ស្គឹមស្កៃ​ មានកេរ្តិ៍​ឈ្មោះដ៏ល្បីល្បាញ​ មានអ្នកគាំទ្រនិង​ហ្វេនស្រលាញ់ មែរួយ រាប់សែននាក់​។ មែរួយ ​មាន​ឈ្មោះល្បីយ៉ាងខ្លាំងទៅលើ​ការបង្រៀនច្បាប់ស្រូបទាញ​ ពង្រឹង​ផ្លូវ​ចិត្ត​មនុស្ស​ លុបបំបាត់ភាព​បាក់​ទឹកចិត្ត​ ជួយអោយមនុស្សរឹងមាំ​ ក្លាហានជំនះរាល់​ឧបសគ្គ​ ដែលកើត​ឡើងចំពោះមុខ អោយ​ឈា​នទៅរកគោលដៅដ៏ធំបំផុតរបស់ខ្លួន​ ។ មែរួយ ​ជាមនុស្ស​ដំបូងគេដែលជាអ្នកចែក​រំលែកច្បាប់​ស្រូប​ទាញ​នៅក្នុង​ប្រទេសកម្ពុជា​ អាចនិយាយបានថាជាគ្រូដើមនៃច្បាប់ស្រូបទាញ​ Law Of Attraction នៅកម្ពុជា។

ជីវិតរបស់មែរួយមុនពេលប្រើ​ប្រាស់ច្បាប់ស្រូបទាញ​គឺលំបាកវេទនាណាស់​ ខ្លួនជាក្មេង​ស្រី​តូច​ម្នាក់​អាយុ​ត្រឹម17ឆ្នាំ​បានបោះបង់ចោលការសិក្សារទៅសុីឈ្នួលគេនៅប្រទេសថៃ​រយះពេល​5ឆ្នាំ​ យក​លុយ​មកចិញ្ចឹមគ្រួសារ។ មែរួយ កេីតចេញពីត្រកូលអ្នកក្រីក្រនៅតាមខេត្ត​ កំព្រាឱពុក​ ថែមទាំង​មាន​បងប្អូនច្រើន ​​និងជំពាក់បំណុលគេ 100000$ ។ ជីវិត​បានដើរ​ដល់ផ្លូវទ័ល​ មែរួយ ក៏​សម្រេច​ចិត្ត​រៀន​ច្បាប់ស្រូបទាញដោយឃើញថាវាជាច្បាប់លំដាប់ពិភពលោកដែលសេដ្ឋីគ្រប់គ្នាប្រើ​ប្រាស់​អាច​អោយ​មែរួយផ្លាស់ប្តូរជិវិតបាន។

អភិនិហា​មានពិតចំពោះការប្រើ​ប្រាស់ច្បាប់ស្រូបទាញ​ Law of Attraction ធ្វើ​អោយ​មែរួយអាចផ្លាដ់​ប្តូរជិវិត​បា​នយ៉ាងលឿនបែបផ្លូវកាត់នៃជិវិត​ រយះពេលត្រឹម6ខែមែរួយមានលទ្ធភាពដោះបំណុល 100000$​បាន​ សាងក្រុមហ៊ុនបាន​ ថែមទាំងមាន​កេរ្តិ៍ឈ្មោះ​ក្នុង​សង្គម​ហើយ​ក៏​ក្លាយ​ជា​គ្រូ​ច្បាប់​ស្រូប​ទាញ​តាំ​ងពីពេលនោះមក។

អ្នកគ្រូរួយមកទល់ពេលនេះបានបង្រៀនច្បាប់ស្រូបទាញរយះពេល2ឆ្នាំ​មកហើយ​កូនសិស្ស​រាប់ម៉ឺន​នាក់​ដែលបានផ្លាស់ប្តូរជិវិតដោយសារមេរៀនច្បាបស្រូបទាញរបស់មែរួយ។ មែរួយបានអះអាងថា ជិវិតរបស់គាត់មកដល់ចំនុចនេះដោយសារច្បាប់ស្រូបទាញ​ ហើយ​យមែរួយក៏បានបោះពុម្ភសៀវភៅ មួយក្បាលដែលហៅថា​ “ សៀវភៅ​14ថ្ងៃផ្លាស់ប្តូរជីវិតជារៀងរហូត​”​ ដែលជាមេរៀន​ដកស្រង់​ពី​ជិវិត​ពិត​ក្នុងការប្រេីប្រាស់ច្បាប់ស្រូបទាញបានជោគជ័យ។ ប្រសិនបើ​បងប្អូនចង់ជោគជ័យពិត​ប្រាកដ​ ផ្លាស់​ប្តូរ​ជិវិត​លឿនបែនផ្លូវកាត់ លែងបាក់ទឹកចិត្ត​ អាចទៅរៀនពីមែរួយបាន​ដោយចូលទៅកាន់​ Facebook Page: Maerouy Queen of Univers រឺ​ Channel Youtube: Maerouy Queen of Univers

The post ស្ត្រី​ម្នាក់​ជំពាក់​បំណុល​គេ​១០ម៉ឺន​ដុល្លារ ប្រើ​ពេល​​ត្រឹម ៦ខែ អាច​សង​គេ​រួច មាន​លទ្ធភាព​បើក​ក្រុមហ៊ុន​ធំ​មួយ​ទៀត appeared first on .