ទាក់ទងទៅនឹងការកែច្នៃប្រហុកសម្រាប់ពាណិជ្ជកម្មនេះ បើតាមលោក ឌិត ទីណា បានណែនាំឱ្យមានការស្រាវជ្រាវបន្ថែមឱ្យបានច្បាស់លាស់សម្រាប់ការប្រកួតប្រជែងនាពេលខាងមុខ ដោយផ្ដោតទៅលើបច្ចេកទេសនៃការកែច្នៃ ក្លិន រសជាតិ និងខ្សែច្រវាក់តម្លៃតាំងពីអ្នកនេសាទរហូតកែច្នៃ ដើម្បីឱ្យមានប្រសិទ្ធភាព និងនិរន្តភាពសេដ្ឋកិច្ចពិតប្រាកដ។លើសពីនេះទៀត ត្រូវយកចិត្តទុកដាក់លើការចុះបញ្ជីកម្មសិទ្ធិបញ្ញា និងឱ្យមានការទទួលស្គាល់ជាលក្ខណៈអន្តរជាតិ។

លោក បានបន្តថា ជាគោលនយោបាយ ត្រូវបង្កើតឱ្យមានទីផ្សារកែច្នៃផលិតផលបន្ថែមទាំងធម្មជាតិ និងវារីវប្បកម្ម។ដោយតម្រូវការទីផ្សារមានការកើនឡើងលឿន ដូច្នេះត្រូវកំណត់ប្រភេទពូជត្រីលូតលាស់លឿន និងអាចកែច្នៃបានលឿនទៅតាមតម្រូវការ និងស្តង់ដារទីផ្សារ។

គួរឱ្យដឹងថា កម្ពុជាមានសមត្ថភាពផ្គត់ផ្គង់ប្រហុកជាលក្ខណៈពាណិជ្ជកម្មឆ្នាំ២០២២ ប្រមាណ ៨ ៩០០តោន ក្នុងមួយឆ្នាំ ដែលចូលរួមផលិតដោយប្រតិបត្តិករសរុបចំនួន១៨២សហគ្រាសកែច្នៃ នៅទូទាំងប្រទេស សម្រាប់ការផ្គត់ផ្គង់ក្នុងស្រុក និងនាំចេញទៅកាន់ទីផ្សារអន្តរជាតិមួយចំនួនដូចជា ប្រទេសបារាំង អាមេរិក កូរ៉េជាដើម។

គួរបញ្ជាក់ផងដែរថា កម្ពុជាគ្រោងនាំចេញប្រហុក ទៅកាន់ទីផ្សារអឺរ៉ុប ក្នុងពេលឆាប់ៗនេះ ដោយក្រុមហ៊ុន Confirel ហើយការនាំចេញនឹងត្រូវកែច្នៃក្រោមលក្ខខណ្ឌចំនួន ៣ រួមមាន ក្លិន រសជាតិ និងរូបរាង៕

The post រដ្ឋមន្រ្តីកសិកម្ម ស្នើឱ្យបង្កើនការស្រាវជ្រាវលើការកែច្នៃប្រហុក ដើម្បីឆ្លើយតបតម្រូវការទីផ្សារ appeared first on .

អ្នកធ្វើប្រហុក ផ្អក នៅតាមដងទន្លេសាប ក្នុងភូមិសាស្រ្ត ឃុំកំពង់ហ្លួង ខេត្តកណ្តាល បានឱ្យដឹងថា តម្លៃត្រីប្រហុកឆ្នាំនេះ មានតម្លៃថោកជាងឆ្នាំមុន ពោលគឺត្រីសម្រាប់ធ្វើប្រហុកមួយគីឡូក្រាម តម្លៃចន្លោះពី២០០០រៀល ទៅ២៥០០រៀល ខណៈកាលពីឆ្នាំមុន តម្លៃត្រីមានចន្លោះពី៣០០០រៀលទៅ៥០០០រៀល។

បើតាមរដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ បានអោយដឹងថា ក្នុងរដូវនេសាទឆ្នាំ២០២១-២០២២នេះ បន្ទាប់ពីតាមដានកំពស់ទឹកដែលហូរចេញពីបឹងទន្លេសាប គឺពិនិត្យឃើញថា គន្លងដាយនៅតាមដងទន្លេសាប ក្នុងភូមិសាស្ត្រខេត្តកណ្តាល និង រាជធានីភ្នំពេញ អាចនេសាទត្រីបានច្រើន នៅក្នុងខែមិគសិរនេះ ពោលគិតចាប់ពីថ្ងៃ៨កើត ដល់ថ្ងៃ១២កើត ត្រូវនឹងថ្ងៃទី១២ រហូត ដល់ថ្ងៃទី១៦ ខែធ្នូ ឆ្នាំ២០២១ ប្រសិនបើមេឃស្រឡះល្អ គ្មានភ្លៀងកក់ខែ ឬទទួលរងឥទ្ធិពលព្យុះ។

ក្នុងអំឡុងពេលនេះ រដ្ឋបាលជលផល បានអញ្ជើញប្រជាពលរដ្ឋដែលមានបំណងដូចជា ការធ្វើប្រហុក ផ្អក ឬត្រីឆ្អើរ ជាដើម សម្រាប់ទុកបរិភោគប្រចាំឆ្នាំ សូមអញ្ជើញមកទិញត្រីឱ្យ បានរួសរាន់ តាមពេលវេលា។

ទន្ទឹមគ្នានេះ រដ្ឋបាលជលផល ក៏សំណូមពរដល់អាជ្ញាធរមូលដ្ឋាន ឬសមត្ថកិច្ចពាក់ព័ន្ធ មេត្តាជួយ បង្កលក្ខណៈងាយស្រួលជូនដល់បងប្អូនប្រជាពលរដ្ឋបានធ្វើដំណើរ ស្នាក់នៅ និងដឹកជញ្ជូនផលិតផលត្រីបានដោយ រលូនតាមការគួរ និងអំពាវនាវដល់បងប្អូនប្រជាពលរដ្ឋ មេត្តាអនុវត្តតាមការ ណែនាំរបស់ក្រសួងសុខាភិបាលអំពីវិធានការការពារមេរោគកូវីដ-១៩៕

The post ពលរដ្ឋចុះធ្វើប្រហុក ផ្អក ខណៈឆ្នាំនេះតម្លៃត្រីប្រហុក ថោកជាងឆ្នាំមុន appeared first on .