សម្ដេចតេជោ ហ៊ុន សែន បានលើកឡើងថា «តាមិនខ្វល់ថាចៅប្រឡងបានចំណាត់ថ្នាក់បែបណានោះទេ តែតាពិតជាមានមោទនភាពតាំងពីជាងមួយខែមុន ក្រោយបានទទួលដំណឹងថាចៅជាប់ចំណាត់ថ្នាក់​ទៅប្រឡង​កម្រិតសកលនៅឌូបៃ»។

សម្ដេចតេជោ បានបន្ដថា«តាយាយញញឹមពេលចៅចេញដំណើរទៅ រីករាយនិងមើលរូបថតចៅកំពុងអង្គុយ​ប្រឡង។ ពេលនេះតាយាយកាន់តែមានមោទនភាពដោយទទួលបានដំណឹងថា​ចៅបានទទួលមេដាយ​មាស​រហូតពីរគ្រឿង មួយគ្រឿងសម្រាប់គណិតវិទ្យា និងមួយគ្រឿងទៀតសម្រាប់ភាសារអង់គ្លេស»។

ជាមួយនឹងលទ្ធផលនេះ សម្ដេចតេជោ បានមានប្រសាសន៍បន្ថែមដោយមោទនភាពថា «ចៅកំពុងរៀននៅថ្នាក់​មត្តេយ្យ​នៅឡើយ តែចៅអាចប្រកួតប្រជែងកម្រិត​សកលទាំងភាសាអង់គ្លេសទាំងគណិតវិទ្យាថ្នាក់ទី១​ជាមួយ​សិស្សពីប្រទេសផ្សេងទៀត»។

ទន្ទឹមនឹងនោះសម្ដេចតេជោ ក៏បានបង្ហាញមោទនភាពចំពោះកូនខ្មែរដទៃទៀតផងដែរ ដោយសម្ដេចមាន​ប្រសាសន៍​ថា «តាក៏មានមោទនភាពផងដែរចំពោះចៅៗកូនខ្មែរដែលបានទៅប្រឡងនៅឌូបៃក្នុងថ្នាក់ និង​កម្រិតខុសៗគ្នាដែលបង្ហាញថាចៅៗជាសិស្សពូកែរបស់កម្ពុជា ទើបអាចចូលប្រឡងកម្រិតសកលបាន។ សូម​អបអរសាទរជាមួយមាតាបិតាអាណាព្យាបាលចៅៗទាំងអស់»៕

The post ចៅប្រុសសម្ដេចតេជោ ហ៊ុន សែន ទទួលបានមេដាយមាសចំនួនពីរ លើការប្រឡងគណិតវិទ្យា និងភាសាអង់គ្លេសកម្រិតសកល appeared first on .