យោងតាមការចុះផ្សាយពីកាសែត Bangkokpost បានឲ្យដឹងថា បន្ទាប់ពីបង្ហាញការគោរពនៅទីសក្ការៈបូជា នៅវិមានរដ្ឋាភិបាល លោកប្រាយុទ្ធ បានប្រាប់អ្នកសារព័ត៌មានថា លោកនឹងចាកចេញពីវិមានរដ្ឋាភិបាល ដើម្បីភាពសមរម្យ ជាមួយនឹងក្ដីរីករាយ។

ជាការលាលើកចុងក្រោយ នាយករដ្ឋមន្ត្រីលើកទី២៩ របស់ថៃបានជូនពរឲ្យប្រទេសជាតិ ជួបតែសេចក្ដីសុខ និងភាពសប្បាយរុងរឿងរហូតទៅ។

សូមជម្រាបដែរថា ឧត្តមសេនីយ៍ ប្រាយុទ្ធ ចាន់អូចា បានចាប់ផ្ដើមរដ្ឋប្រហារ នាថ្ងៃទី២២ ខែឧសភា ឆ្នាំ២០១៤ ដើម្បីទម្លាក់អ្នកស្រី យីងឡាក់ ស៊ីណាវ៉ាត់ត្រា ចេញពីតំណែង ហើយលោកក៏ត្រូវបានតែងតាំងជានាយករដ្ឋមន្ត្រី នាខែសីហា ក្នុងឆ្នាំដដែល ហើយគិតមកទល់ពេលនេះ លោកកាន់អំណាចរយៈពេល ៩ឆ្នាំ មុនបរាជ័យក្នុងការបោះឆ្នោតសកលសារនេះ៕

The post លោកប្រាយុទ្ធ ចាន់អូចា ដើរចេញពីវិមានរដ្ឋាភិបាលជាលើកចុងក្រោយ ដោយទឹកមុខរីករាយ appeared first on .

យោងតាមការចុះផ្សាយពីសារព័ត៌មាន Thaipbs បានបង្ហាញថា ក្រោយពីកិច្ចប្រជុំនោះបញ្ចប់ លោកប្រាយុទ្ធ បានថតរូបអនុស្សាវរីយ៍ជាមួយក្រុមការងារទាំងអស់ រួមទាំងបុគ្គលិកដែលធ្វើការ​នៅអគារ Santi Maitri ថែមទៀត។

ជាមួយគ្នានោះ អតីតនាយករដ្ឋមន្ត្រីថៃរូបនេះ បានថ្លែងអំណរគុណទៅកាន់គ្រប់រដ្ឋមន្ត្រីទាំងអស់ ដែលបានខិតខំធ្វើការ ដើម្បីប្រទេសជាតិ និងប្រជាជនទាំងមូល ហើយលោកក៏រំពឹងថា គ្រប់គ្នា​នឹងបន្តការងារឲ្យបានល្អ ជាមួយនឹងគណៈរដ្ឋមន្ត្រីថ្មីដែលជិតបង្ហាញវត្តមាន។

“ទីបំផុត ខ្ញុំអាចចំណាយពេលវេលាជាមួយក្រុមគ្រួសាររបស់ខ្ញុំបានហើយ បន្ទាប់ពីគិតគូរពីរឿង​នេះរយៈពេល ៩ឆ្នាំ។ ខ្ញុំមិនសុំឲ្យមានសិទ្ធពិសេសផ្ទាល់ខ្លួនអ្វីឡើយ តែខ្ញុំគ្រាន់តែចង់ក្លាយជា​រាស្ត្រសាមញ្ញ មានពេលវេលាជាមួយគ្រួសារប៉ុណ្ណោះ”។ នេះបើតាមសម្ដីរបស់​លោកប្រាយុទ្ធ។

សូមជម្រាបដែរថា គណៈរដ្ឋមន្ត្រីថៃថ្មី អាចនឹងប្រកាសនាពេលឆាប់ៗខាងមុខ បន្ទាប់ពីនាយករដ្ឋមន្ត្រីថៃ លោក Srettha Thavisin បានបញ្ជាក់ថា បានដាក់សំណើរួចរាល់ទៅកាន់​លេខាធិការគណៈរដ្ឋមន្ត្រី ដើម្បីត្រួតពិនិត្យពីលក្ខណៈសម្បត្តិ​នៃសមាសភាពគណៈរដ្ឋមន្ត្រីថ្មី៕

The post កាន់អំណាច ៩ឆ្នាំ លោកប្រាយុទ្ធ ចាន់អូចា បិទបញ្ចប់កិច្ចប្រជុំគណៈរដ្ឋមន្ត្រីលើកចុងក្រោយ appeared first on .

ក្រោយពីបញ្ចប់កិច្ចពិភាក្សាជាមួយលោក ប្រាយុទ្ធ ក្រុមអ្នកសារព័ត៌មានបានចោទសួរទៅកាន់​នាយករដ្ឋមន្ត្រីថ្មីថា តើលោកទទួលបានការណែនាំអ្វីខ្លះ? លោក Srettha បានឆ្លើយតបថា៖ គាត់ (លោកប្រាយុទ្ធ) ប្រាប់ខ្ញុំធ្វើចិត្តឲ្យស្ងប់ មានភាពអត់ធ្មត់ ការពារទឹកដី និងរាជាធិបតេយ្យ។ នេះបើតាមការចុះផ្សាយពីគេហទំព័រ Reuters។

នៅក្នុងជំនួបនោះ លោក Srettha មានបំណងចង់សុំយោបល់ពីនាយករដ្ឋមន្ត្រីចាំផ្ទះ ក្នុងការសម្រេចរុះរើគណៈរដ្ឋមន្ត្រី ដោយសារបក្សចម្រុះរបស់គណបក្សភឿថៃ មានរហូតដល់ ១១គណបក្ស ដូច្នេះការរៀបចំគណៈរដ្ឋមន្ត្រីថ្មី មិនមែនជារឿងងាយស្រួលនោះឡើយ។

ជាមួយគ្នានោះ បណ្ដាញសារព័ត៌មានក្នុងស្រុកជាច្រើនកំពុងរង់ចាំមើលពី​តំណែងសំខាន់ៗ នៃគណៈរដ្ឋមន្ត្រីថ្មី ដោយក្នុងនោះមានមួយចំនួនសន្និដ្ឋានថា លោក Srettha នឹងកាន់តំណែងជា​រដ្ឋមន្ត្រីហិរញ្ញវត្ថុដោយខ្លួនឯងថែមទៀតផង។

សូមជម្រាបដែរថា រដ្ឋាភិបាលថ្មី នឹងត្រូវប្រាប់ពីគោលបំណងនៃគោលនយោបាយរបស់ពួកគេ ទៅកាន់សម័យប្រជុំសភាម្ដងទៀត មុនពេលចាប់ផ្ដើមបំពេញការងារនាចុងខែកញ្ញានេះ៕

The post តើអ្នកនយោបាយជើងចាស់ ប្រាយុទ្ធ ចាន់អូចា ផ្ដល់អនុសាសន៍អ្វីខ្លះ ដល់នាយករដ្ឋមន្ត្រីថៃថ្មី? appeared first on .

យោងតាមការចុះផ្សាយពីសារព័ត៌មាន TheNation បានបង្ហាញថា ក្រោយការចូលរួមពីគណបក្ស​ថៃរួបរួមជាតិដែលមាន ៣៦អាសនៈ ពេលនេះគណបក្សចម្រុះដឹកនាំ​ដោយគណបក្សភឿថៃ កំពុងមាន ២៧៤អាសនៈ ច្រើនជាងពាក់កណ្ដាលនៃចំនួនអាសនៈសរុបនៃសភា។

ជាមួយគ្នានោះ ដើម្បីអាចមានសង្ឃឹមខ្ពស់ក្នុងការបោះឆ្នោតជ្រើសរើសនាយករដ្ឋមន្ត្រីថ្មី ដែលគ្រោងធ្វើនាថ្ងៃអង្គារខាងមុខ គណបក្សភឿថៃចាំបាច់ត្រូវការការគាំទ្រពីគណបក្សដទៃ ដូចជាគណបក្ស Palang Pracharath ដែលមាន ៤០អាសនៈជាដើម។

សូមជម្រាបថា គណបក្សចម្រុះដឹកនាំដោយគណបក្សភឿថៃ តែងតែប្រកាសរកការគាំទ្រពី​គណបក្សដទៃ ដោយមិនខ្វល់ពីទំនាក់ទំនងនយោបាយឡើយ ដើម្បីបំបាត់វិបត្តិសំខាន់ៗបីរបស់ប្រទេសថៃគឺ រដ្ឋធម្មនុញ្ញ សេដ្ឋកិច្ច និងវិវាទក្នុងសង្គម៕

The post គណបក្សភឿថៃ ទទួលបានការគាំទ្រពីគណបក្សលោក ប្រាយុទ្ធ ចាន់អូចា appeared first on .

យោងតាមការចុះផ្សាយពី​កាសែត Bangkokpost បានបង្ហាញថា គណបក្ស Thai Sang Thai និងគណបក្ស Fair បាន​ដាក់សំណើ​តំណាងឲ្យគណបក្សចម្រុះទាំង ៨ ទៅកាន់រដ្ឋាភិបាលថា ត្រូវ​រង់ចាំ​រហូតដល់​អាណត្តិ​សមាជិកសភា ដែលធ្លាប់តែងតាំងដោយ​យោធា​បញ្ចប់​នៅក្នុង​ខែឧសភា​ឆ្នាំក្រោយសិន សឹម​គិតគូរ​រឿង​បង្កើតរដ្ឋាភិបាល​ថ្មី ពោល​បើសិនជា​អាណត្តិសមាជិសភា​បញ្ចប់ នោះ​នាយករដ្ឋមន្ត្រី​ថៃ នឹងត្រូវ​ជ្រើសតាំងដោយ​ប្រធានសភា​តែម្នាក់គត់។

ទាក់ទង​នឹងសំណើ​មួយនេះ នាយករដ្ឋមន្ត្រីចាំផ្ទះបាន​ប្រកែក និងមិនគាំទ្រឡើយ ដោយលោក​បាន​អះអាងថា ការធ្វើបែបនេះគឺមិនមែនជារឿងត្រឹមត្រូវឡើយ។

សូមជម្រាបបន្ថែមថា កាលពីថ្ងៃទី ១៣ ខែកក្កដាកន្លងទៅ លោក ភីថា លីមចារើនរ៉ាត់ មិនទទួល​បាន​ជោគជ័យក្នុងការ​ក្លាយជា​នាយករដ្ឋមន្ត្រីថៃឡើយ បើទោះជា​លោកជាបេក្ខភាពតែមួយរូប​គត់​ក្ដី ខណៈ​ការបោះឆ្នោតម្ដងទៀត​នឹងធ្វើឡើងនាពេលដ៏ខ្លីខាងមុខ៕

The post នាយករដ្ឋមន្ត្រីចាំផ្ទះ ប្រាយុទ្ធ ជំទាស់សំណើត្រូវរង់ចាំ ១០ខែ ដើម្បីបង្កើតរដ្ឋាភិបាលថ្មី appeared first on .

បេក្ខភាព​ដែល​កំពុង​មាន​សម្លេងគាំទ្រខ្លាំងគឺ លោក ភីថា លីមចារើនរ៉ាត់ ដែលជា​មេបក្សឆ្ពោះទៅមុខ (MFP) ហើយលោកត្រូវការ​សម្លេងគាំទ្រ ៦៤សម្លេងទៀតប៉ុណ្ណោះ ដើម្បីអាចបង្កើតរដ្ឋាភិបាល​ថ្មីមួយ ប៉ុន្តែជាមួយគ្នានោះ ភីថា ក៏កំពុង​ជាប់ខ្លួន​ជាមួយ​រឿងក្ដី​ធំៗ ២ ដែលអាច​ធ្វើ​ឲ្យលោក របូតសិទ្ធជា​បេក្ខភាព​នាយករដ្ឋមន្ត្រីបានផងដែរ។

តើមានរឿងអ្វីកើតឡើង បើសិនជា​លោក ភីថា មិនអាច​ទទួលបាន​សម្លេងគាំទ្រគ្រប់គ្រាន់ ក្នុងការបោះឆ្នោតដោយរដ្ឋសភា​លើកទីមួយ?

យោងតាម​ការចុះផ្សាយពីសារព័ត៌មាន AOL បានបង្ហាញថា ក្នុងករណី​លោកភីថា មិនទទួល​បាន​ការគាំទ្រគ្រប់គ្រាន់ សម្រាប់ការបោះឆ្នោត​នាថ្ងៃទី ១៣ ខែកក្កដានេះ គណបក្សចម្រុះ​របស់​លោក អាច​ចាត់លោកជាតំណាងបក្សម្ដងទៀត ដោយ​មាន​ការគាំទ្រ​ពីគណបក្ស​ភឿថៃ ដែលជា​សម្ព័ន្ធមិត្ត។

ប៉ុន្តែ​បើសិនជា​ គណបក្សភឿថៃ មានការប្រែប្រួលចិត្ត ដោយងាក​មកគាំទ្រ​បេក្ខភាព​ផ្សេង ក្រៅពី​គណបក្សចម្រុះ​របស់ខ្លួន ជាមួយនឹងការដោះដូរ​មុខតំណែង​ក្នុង​ក្រសួងសំខាន់ៗវិញ វានឹងក្លាយ​ជា​រឿងផ្សេងដែលគ្រប់គ្នាស្មានមិនដល់។

ក្នុងករណី គណបក្សភឿថៃពិតជាធ្វើបែបនេះមែន លោក ប្រាវីត វុងស៊ូវ៉ាន់ ដែលជា​ឧត្តមសេនីយ៍ចូលនិវត្តន៍ ទំនង​មានភាគរយខ្ពស់ក្នុងការក្លាយជា​នាយករដ្ឋមន្ត្រីថ្មី ពោល​គឺ​មាន​ការគាំទ្រខ្លាំងពី​កងយោធា​ ស្របពេល​សមាជិក​ព្រឹទ្ធសភា​ស្ទើតែទាំងអស់ គឺ​សុទ្ធតែ​ជ្រើសតាំង​ដោយ​កងយោធាស្រាប់ផង។

សូមជម្រាបដែរថា បើសិនជា​ការបោះឆ្នោតជ្រើសរើសនាយករដ្ឋមន្ត្រីថៃ ដោយរដ្ឋសភា និងព្រឹទ្ធសភា មិនអាច​សម្រេចទៅបាន លោក ប្រាយុទ្ធ ចាន់អូចា នឹង​បន្តដឹកនាំប្រទេសថៃ ក្នុងនាមជានាយករដ្ឋមន្ត្រីចាំផ្ទះ រហូតដល់​រដ្ឋាភិបាលថ្មី​ ត្រូវបាន​បង្កើតឡើង៕

The post បើអ្នកនយោបាយវ័យក្មេង Pita មិនជាប់ជានាយករដ្ឋមន្ត្រី តើបេក្ខភាពរូបណាមានសង្ឃឹមដឹកនាំប្រទេសថៃ? appeared first on .

លោកប្រាយុទ្ធបាននិយាយថា៖ ចាប់ពីថ្ងៃនេះតទៅ ខ្ញុំឈប់ធ្វើនយោបាយទៀតហើយ ហើយខ្ញុំក៏នឹងសុំដកខ្លួនចេញពីគណបក្សថៃរួបរួមជាតិ ក្នុងនាមជាសមាជិកផងដែរ”។ នេះបើតាមការចុះផ្សាយពីសារព័ត៌មាន Reuters។

សូមជម្រាបដែរថា លោក ប្រាយុទ្ធ ចាន់អូចា នឹងនៅតែបន្តកាន់តំណែងជានាយករដ្ឋមន្ត្រីចាំផ្ទះ រហូតដល់​រដ្ឋាភិបាល​ថ្មី​ត្រូវបានបង្កើត ខណៈការបោះឆ្នោតជ្រើសរើសនាយករដ្ឋមន្ត្រីថៃថ្មីដោយសភា នឹងធ្វើឡើងនាថ្ងៃទី ១៣ ខែកក្កដាខាងមុខ៕

The post នាយករដ្ឋមន្ត្រីថៃប្រកាសចូលនិវត្តន៍ពីឆាកនយោបាយ ក្រោយកាន់អំណាច ៩ឆ្នាំ appeared first on .

លោក Thanakorn បាននិយាយប្រាប់បណ្ដាញសារព័ត៌មានក្នុងស្រុក ថា៖ «គាត់ (ប្រាយុទ្ធ) មិនបាននិយាយវាទេ ប៉ុន្តែខ្ញុំគិតថា គាត់ប្រហែលជាបញ្ចប់វាត្រឹមហ្នឹងហើយ»។

សូមជម្រាបជូនបន្តិចថា ការបោះឆ្នោតសកល កាលពីថ្ងៃទី ១៥ ខែឧសភា បង្ហាញថា ​គណបក្ស​ឆ្ពោះ​ទៅ​មុខ (Move Forward Party)  និងគណបក្សភឿថៃ (Pheu Thai) ដឹកនាំ​ដោយ​កូនស្រី​ពៅ​របស់​លោក ថាក់ស៊ីន ស៊ីណាវ៉ាត្រា (Thaksin Sinawatra) ដែល​ត្រូវ​បាន​ក្រុម​យោធា​មាន​ទំនោរ​ទៅ​រក​របប​រាជា​និយម​ធ្វើ​រដ្ឋប្រហារ​ទម្លាក់​ចេញ​ពី​អំណាច​កាល​ពី​ឆ្នាំ២០០៦ ទទួលបានការគាំទ្រខ្លាំង ពោលគឺមាន ១៥២អាសនៈ និង ១៤១អាសនៈ ខណៈគណបក្សលោក ប្រាយុទ្ធ គណបក្ស​រួបរួម​ជាតិ​ថៃ ទទួលបានសំឡេងត្រឹមតែ ៣៦ អាសនៈប៉ុណ្ណោះ។

យ៉ាងណា សម្រាប់តំណែងនាយករដ្ឋមន្ត្រីថៃថ្មីនេះ នៅមិនទាន់អាចកំណត់អ្នកឈ្នះបាននៅឡើយ ពោលត្រូវរង់ចាំរហូតដល់ខែកក្កដា ទើបអាចសម្រេចបាន ខណៈបច្ចុប្បន្ន គណបក្សប្រឆាំង ដែលកំពុងនាំមុខបណ្ដោះអាសន្ន កំពុងស្វះស្វែងសហការជាមួយគណបក្សដទៃ ដើម្បីបង្គ្រប់អាសនៈ ក្នុងការបង្កើតរដ្ឋាភិបាលថ្មីមួយ។

បើ​ទោះបីជា​លទ្ធផល​បឋម​បង្ហាញ​ថា គណបក្ស​ប្រឆាំង​ចំនួន​ពីរ​កំពុង​នាំមុខ​គណបក្ស​កាន់អំណាច​ក្តី ក៏​គណបក្ស​ទាំងពីរ​នេះ​អាច​ពិបាក​នឹង​ទទួល​បាន​សំឡេងឆ្នោត​ច្រើន​លើសលប់ ជា​ពិសេស​សំឡេង​គាំទ្រ​ពី​សមាជិក​ព្រឹទ្ធសភា ដើម្បី​បង្កើត​រដ្ឋាភិបាល និង​តែងតាំង​នាយករដ្ឋមន្ត្រី​ថ្មី​ដោយខ្លួនឯង។

បើយោងតាមរដ្ឋធម្មនុញ្ញ​ថៃ ​ដែល​​តាក់តែង​ដោយ​ក្រុម​យោធា​ថៃ​ឆ្នាំ២០១៧ ក្រោយ​ពី​ធ្វើ​រដ្ឋប្រហារ​ទម្លាក់​រដ្ឋាភិបាល​ជាប់ឆ្នោត តម្រូវ​ឱ្យ​សមាជិកព្រឹទ្ធសភា​សរុប ២៥០នាក់ តែងតាំង​ដោយ​ក្រុម​យោធា​ថៃ​ដោយ​​មិន​ចាំបាច់​ឆ្លងកាត់​ការបោះឆ្នោត មាន​អំណាច​ក្នុង​ការ​ជ្រើសរើស​នាយករដ្ឋមន្ត្រី​ថ្មី ជាមួយ​នឹង​គណបក្ស​ទទួល​បាន​សំឡេង​ឆ្នោត​គាំទ្រ​ពី​ពលរដ្ឋ។ ដើម្បី​អាច​ក្លាយ​ជា​នាយករដ្ឋមន្ត្រី​ថៃ​បាន បេក្ខជន​ត្រូវ​តែ​ទទួល​បាន​សំឡេង​គាំទ្រ​យ៉ាង​ហោច​ណាស់ ៣៧៦ សំឡេង ដែល​ជា​សំឡេង​បូក​បញ្ចូល​គ្នា​ពី​ស្ថាប័ន​រដ្ឋសភា និង​ព្រឹទ្ធសភា៕

The post លោក ប្រាយុទ្ធ ចាន់អូរចា អាចនឹងដកខ្លួនចេញពីឆាកនយោបាយថៃក្រោយចាញ់ឆ្នោត appeared first on .

យោងតាមការចុះផ្សាយពី CNA បានបង្ហាញថា ឧត្តមសេនីយ៍ ប្រាយុទ្ធ កំពុងឈរឈ្មោះជា​បេក្ខភាព​តំណាងឲ្យបក្ស United Thai Nation Party ដែលទំនង​មាន​គូប្រជែងធំ​បំផុតគឺ គណបក្សប្រឆាំង Pheu Thai មានកូនស្រីពៅលោកថាក់ស៊ីន អ្នកនាង ផែថុងថាន ស៊ីណាវ៉ាត់ត្រា​ជា​អ្នកតំណាង។

បើសង្កេតមើលតាម​ការ​ស្រង់មតិ​កន្លងមក នាយករដ្ឋមន្ត្រីវ័យ ៦៩ឆ្នាំ ហាក់​ទទួលបាន​សម្លេង​គាំទ្រ​តិច បើធៀបនឹង​គូប្រជែង ប៉ុន្តែលោកនៅតែមានក្ដីរំពឹងអាច​ទទួលបាន​ជោគជ័យ បន្ទាប់ពី​សន្យាថា នឹងបង្កើននូវសុខុមាលភាពរបស់ប្រជាជន ស្ថិរភាពរបស់ប្រទេស និងការពាររបបរាជានិយម។

សូមជម្រាបដែរថា ការបោះឆ្នោតរបស់ប្រទេសថៃ ត្រូវបានកំណត់ថាជាការប្រគួតរវាងការបង្កើតឥស្សរជន និងកងកម្លាំងគាំទ្រលទ្ធិប្រជាធិបតេយ្យ ដែលបានគ្រប់គ្រងនយោបាយនៅក្នុងប្រទេសអាស៊ីអាគ្នេយ៍ អស់ជាច្រើនទសវត្សរ៍មកហើយ៕

The post លោកប្រាយុទ្ធ ចាន់អូចា ប្រកាសបន្តឈរឈ្មោះជាបេក្ខភាពនាយករដ្ឋមន្ត្រីថៃ appeared first on .

គណបក្សថ្មីរបស់លោក ប្រាយុទ្ធ ដែលមានឈ្មោះថា United Thai Nation នឹងត្រូវ​ជួបតតាំង​ជាមួយ​គណបក្សប្រឆាំង​ Pheu Thai ដឹកនាំដោយកូនស្រីពៅ​លោកអតីតីនាយករដ្ឋមន្រ្តីថៃ ​ថាក់ស៊ីន អ្នកនាង ផែថុងថាន ស៊ីណាវ៉ាត់ត្រា។

គួររំលឹកដែរថា កាលបរិច្ឆេទច្បាស់លាស់នៃការបោះឆ្នោតនៅមិនទាន់កំណត់នៅឡើយ ប៉ុន្តែជាទូទៅវាត្រូវតែកើតមានឡើងអំឡុងពេល ៦០ថ្ងៃ បន្ទាប់ពីសភាត្រូវបានរំលាយ។

ដោយឡែក គណៈកម្មការរៀបចំការបោះឆ្នោត នឹងបញ្ជាក់ពីកាលបរិច្ឆេទបោះឆ្នោត​នាពេលក្រោយ ហើយទំនងជាការបោះឆ្នោតអាចប្រព្រឹត្តទៅនាថ្ងៃទី ០៧ ឬ ១៤ ខែឧសភាខាងមុខ៕

The post នាយករដ្ឋមន្ត្រីថៃ​​ សម្រេចរំលាយសភា ខណៈការបោះឆ្នោតខិតកាន់តែកៀក appeared first on .