ជាមួយគ្នានេះ ក៏មានវត្តមានវាគ្មិនជាច្រើនរូប  នឹងចូលរួមជាវាគ្មិនក្នុងកិច្ចពិភាក្សានៃកម្មវិធីពិព័រណ៍ផលិតផលខ្មែរ ក្រោមប្រធានបទ «ខ្មែរធ្វើបាន៖ ចូលរួម ជំរុញ និងគាំទ្រផលិតផលក្នុងស្រុក» សម្រាប់វេទិកាជជែកពិភាក្សាលើប្រធានបទសំខាន់ៗ ដើម្បីផ្ដល់ចំណេះដឹង និងបទពិសោធថ្មីៗដល់អ្នកចូលរួមទាំងអស់គ្នាផងដែរ។

ទស្សនីយភាពដ៏ត្រជាក់ភ្នែក រួមទាំងចំណេះដឹងថ្មីៗពីកម្មវិធីពិព័រណ៍នេះ នឹងប្រព្រឹត្តទៅរយៈពេល ៣ ថ្ងៃ គឺនៅថ្ងៃទី ២៦ ២៧ និង២៨ ខែកញ្ញា ឆ្នាំ២០២៥ នៅសាលពិព័រណ៍កោះពេជ្រ (អគារ G-L)។

សូមជម្រាបថា កម្មវិធីពិព័រណ៍ផលិតផលខ្មែរ រៀបចំឡើងដោយ សហភាពសហព័ន្ធយុវជនកម្ពុជា (ស.ស.យ.ក)។ កម្មវិធីនេះ ធ្វើឡើងក្នុងគោលបំណងធំៗដូចខាងក្រោម៖

១.ជាវេទិកាប្រមូលម្តុំ និងសម្រួចស្មារតីស្នេហាជាតិ រួមគ្នាជាសំឡេងតែមួយ បង្ហាញសមត្ថភាព និងសក្តានុពលរបស់កម្ពុជា និងពួតដៃសាមគ្គីគ្នាជឿជាក់លើរាជរដ្ឋាភិបាល និងកងកម្លាំងប្រដាប់អាវុធក្នុងការដោះស្រាយបញ្ហាជម្លោះព្រំដែន។

២.ជាវេទិកាចែករំលែកចំណេះដឹង បទពិសោធ និងទស្សនៈ ពីភាគីពាក់ព័ន្ធនានា ដើម្បីយល់ដឹងបន្ថែមពីផលប៉ះពាល់នៃស្ថានភាពបច្ចុប្បន្ន និងយល់កាន់តែស៊ីជម្រៅបន្ថែមនូវអ្វីដែលជាប្រយោជន៍ជាតិ ក្នុងពេលបច្ចុប្បន្ននិងទៅអនាគត។

៣.ចូលរួមជំរុញ គាំទ្រ ការប្រើប្រាស់ផលិតផលក្នុងស្រុក ដែលជាកត្តាចាំបាច់ដើម្បីពង្រឹងសមត្ថភាពផលិតកម្មក្នុងស្រុក ក្រោមស្មារតី «ខ្មែរធ្វើបាន» បង្កើនឱកាសការងារសម្រាប់ប្រជាពលរដ្ឋខ្មែរ និងជំរុញចរន្តសេដ្ឋកិច្ចជាតិ។

៤.ផ្តល់ឱកាសដល់អាជីវករ ពាណិជ្ជករ សហគ្រិន និងក្រុមហ៊ុនក្នុងស្រុកអាចតាំងបង្ហាញ និងផ្សព្វផ្សាយពីផលិតផលរបស់ខ្លួន និងធ្វើអន្តរកម្មជាមួយដៃគូអាជីវកម្ម៕

The post ផលិតផលខ្មែររាប់រយមុខបានដាក់តាំងបង្ហាញក្នុងពិព័រណ៍ផលិតផលខ្មែរ appeared first on .

អ្នកស្រី ជាន ណារី ប្រធានសមាគមក្រូចថ្លុងកោះទ្រង់បានលើកឡើងនៅក្នុងពិព័រណ៍ផលិតផលខ្មែនិងទំនិញនាំចេញ នាំចូលលើកទី១៦ នៅសាលសន្និបាទនិងពិព័រណ៍កោះពេជ្រថ្មីៗនេះថា ក្នុងពិព័រណ៍ផលិតផលខ្មែរនិងទំនិញនាំចេញ-នាំចូលលើកទី១៦ អ្នកស្រីយកផ្លែក្រូចថ្លុងយកមកដាក់តំាងឬលក់ត្រឹមតែ២០០ផ្លែ ប៉ុណ្ណោះ។ តែគ្រាន់កម្មវិធីចាប់ផ្តើមប្រកាសជាផ្លូវការនៅថ្ងៃដំបូង ក្រូចថ្លុងទំាងនោះត្រូវបានអ្នកចូលរួមឃើញទិញយកអស់ ហើយសម្រាប់ថ្ងៃបន្ទាប់អ្នកស្រី គ្រោងនាំចូលបន្ថែមពី៧០ទៅ១០០ទៀត ខណៈផ្លែក្រូចថ្លុងមួយផ្លែថ្លៃ១៤០០០រៀល។

អ្នកស្រី ជាន ណារី ឱ្យដឹងថា ក្រូចថ្លុងកោះទ្រង់ដល់ពេលប្រមូលចាប់ផ្តើមប្រមូលផលតំាងពីខែកញ្ញាដល់ ខែវិច្ឆិកា ហើយចូលមកដល់ខែធ្នូនេះការប្រមូលផលជិតដល់រដូវបញ្ចប់ការប្រមូលហើយ ជាហេតុធ្វើការផ្គត់ផ្គង់មិនអាចអាចឆ្លើយតបតម្រូវការទីផ្សារបាន។

អ្នកស្រីបញ្ជាក់ថា «បច្ចុប្បន្នសមាគមមានសមាជិក១៥២នាក់មានផ្ទៃដីដំាជាង៦០០ហិកតា ហើយតម្រូវការក្រូចថ្លុងនៅលើទីផ្សារក្នុងស្រុកនៅពេលបច្ចុប្បន្ន គឺមានការគំាំទ្រច្រើន ។ជាក់ស្តែងកាលពីខែកញ្ញា កន្លងទៅនេះការដឹកជញ្ជូនក្រូចថ្លុងកោះទ្រង់ ចេញពីតំបន់ដំាដុះ មិនតិចជាង៣ពាន់ផ្លែនោះទេ»។

លោក ហុង ហឿន ក្រុមប្រឹក្សាភិបាលសមាគមស្ករត្នោតកំពង់ស្ពឺបានអះអាងថា ផលិតផលស្ករត្នោតកំពង់ស្ពឺនៅពេលកន្លងមកក៏ដូចជាសព្វថ្ងៃនេះទទួលបានការគំាំទ្រច្រើន ពិសេសស្ករត្នោតកំពង់ស្ពឺ ប្រភេទស្ករម្ស៉ៅ។
លោកបន្តថា ក្នុងឆ្នាំ២០២៣សមាគមផលិតស្ករម៉ៅសម្រាប់ផ្គត់ផ្គង់ក្នុងស្រុក និងសម្រាប់នាំចេញបានប្រមាណ៨០តោន និងស្ករសាច់បានជាង១០០តោន ដូចនេះនៅជុំវិញតំបន់ផលិតស្ករត្នោតកំពង់ស្ពឺនៅក្នុងមួយឆ្នំាអាចផលិតបានស្ករជិត២០០តោន ហើយនៅឆ្នាំ២០២៤ ការប្រមូលផលចាប់ផ្តើមនៅដើមខែធ្នូឆ្នាំ២០២៣ រហូតទៅដល់ខែមិថុនាឆ្នាំ២០២៤។

ចំណែក លោក ស្រើវ សុវណ្ណនី ប្រធានសមាគមអភិរក្សឃ្មុំព្រៃមណ្ឌលគិរី បានអះអាងថា ផលិតផលទឹកឃ្មុំមណ្ឌលគិរី ប្រជាពលរដ្ឋមានការចាប់អារម្មណ៍និងមានការជឿទុកចិត្តច្រើននៅពេលដែលទឹកឃ្មុំមណ្ឌលគិរី បានក្លាយជាផលិតផលសម្គាល់ភូមិសាស្ត្រទំនិញ ខណៈពេលកន្លងមកប្រជាពលរដ្ឋទូទៅមិនសូវជាចូលចិត្តនិងផ្តល់តម្លៃលើផលិតផលទឹកឃ្មុំមណ្ឌលគិរីនោះទេ។ ជារួមនៅប៉ុន្មានឆ្នំាចុងក្រោយនេះប្រជាពលរដ្ឋក្នុងស្រុកមានការគំាំទ្រផលិតផលក្នុងស្រុកមានសន្ទុះកើនឡើងគួរឱ្យកត់សម្គាល់ បើប្រៀបធៀបទៅនិងពេលមុនៗ៕ អត្ថបទ៖ សារេត

The post ផលិតផលទំនិញសម្គាល់ភូមិសាស្ត្របន្តរក្សាបានទំនុកចិត្តនិងសន្ទុះគាំទ្រខ្ពស់ពីប្រជាពលរដ្ឋក្នុងស្រុក appeared first on .

លោកស្រី ម៉ម ម៉ារី ម្ចាស់អាជីវកម្មត្រីចំហុយអនាម័យគ្រួសារអង្គរ បានផ្ដល់បទសម្ភាសន៍ជាមួយ ឧកញ៉ាញូស៍ថា ហាងត្រីចំហុយអនាម័យគ្រួសារអង្គរ ទើបតែបើកបានរយៈពេលបួនខែប៉ុណ្ណោះ ពោលគិតចាប់ពីខែមេសា ដល់ខែកក្កដា ឆ្នាំ២០២៣នេះ តែហាក់ទទួលបានការគាំទ្រខ្លាំងពីសំណាក់អតិថិជន ដោយសារតែចំណុចពិសេសមួយចំនួនរបស់ហាង ក្នុងការប្រើប្រាស់គ្រឿងផ្សំនិងអនាម័យ។

ម្ចាស់អាជីវកម្មរូបនេះលើកឡើងថា មូលហេតុដែលបង្កើតអាជីវកម្មនេះឡើង ព្រោះនៅពេលបច្ចុប្បន្ននេះ អតិថិជនពិបាកក្នុងការរកត្រីចំហុយដែលមានអនាម័យនិងគុណភាពខ្ពស់ មិនប្រើសារធាតុគីមីពេលចំហុយ ហើយសម្រាប់អ្នកដែលចូលចិត្តត្រីចំហុយដូចជាលោកស្រី គឺពិបាកក្នុងការរកខ្លាំងណាស់ត្រីចំហុយដែលមានគុណភាព មួយវិញទៀត ហាងនេះបើកក្នុងការរកចំណូលផ្គត់ផ្គង់គ្រួសារ ។

លោកស្រីបន្តថា ហាងនេះក្រោយបើកដំណើរការគឺឃើញថា ទទួលបានការចាប់អារម្មណ៍ពីសំណាក់អតិថិជនជាខ្លាំង ដោយម្នាក់ៗក្រោយទទួលទានហើយ ងាកមកទិញម្ដងទៀតគ្រប់ៗគ្នា ហើយអ្នកខ្លះក៏ទិញផ្ញើបងប្អូនដែលរស់នៅក្រៅប្រទេសទៀតផង។

ចំណុចពិសេសក្នុងការទាក់ទាញភ្ញៀវក្នុងនិងក្រៅស្រុកនេះ ព្រោះតែក្នុងការចម្អិន ត្រីបានហូតយកពោះនិងស្រកី , ចំហុយជាមួយគ្រឿងផ្សំធម្មជាតិ បន្ថែមរសនិងក្លិនត្រីពេលទទួលទាន, មិនប្រើសារធាតុគីមីណាមួយដើម្បីរក្សាគុណភាពត្រី រក្សារពណ៌របស់ត្រីឡើយ , មួយវិញទៀតការវេចខ្ចប់គឺប្រើ ស្មុក និងវល្លិ៍ល្ពាក់ ដើម្បីជួយកាត់បន្ថយដល់ការបំពុលបរិស្ថាន និងជួយផ្ដល់ចំណូលដល់ប្រជាសហគមន៍ ។ លោកស្រី ម៉ម ម៉ារី បញ្ជាក់បន្ថែម។

សម្រាប់ទស្សនៈវិស័យរបស់ត្រីចំហុយអនាម័យគ្រួសារអង្គរ គឺ ចង់ឱ្យបងប្អូនដែលចូលចិត្តពិសារត្រីចំហុយ ទទួលបានត្រីចំហុយពិតៗ មិនស្ងោរ ដែលជាផលិតផលនៅក្នុងស្រុកធ្វើឡើងដោយស្នាដៃកូនខ្មែរ ផ្សំឡើងដោយគ្រឿងផ្សំខ្មែរបុរាណ។ លោកស្រីរំពឹងថា ទៅថ្ងៃខាងមុខ នឹងទទួលបានអតិថិជនកាន់តែកើនឡើងជាលំដាប់បន្ថែមទៀត ដោយផ្អែកលើគុណភាពនិងសេវាកម្ម។

សូមជម្រាបជូនផងដែរថា ហាងត្រីចំហុយអនាម័យគ្រួសារអង្គរ មានទីតាំងនៅសង្កាត់ស្លរក្រាម ក្រុងសៀមរាប ខេត្តសៀមរាប។ហាងនេះ លក់ត្រីធំៗចំហុយ ២ទៅ៣ត្រី ទម្ងន់១គីឡូក្រាម លក់ក្នុងតម្លៃ ៥០០០០រៀល ខ្នាតមធ្យម មួយគីឡូ ៣៥០០០រៀល និងខ្នាតតូច លក់ក្នុងតម្លៃ២៥០០០រៀល ក្រៅពីនោះក៏មានលក់ត្រីស្រស់ៗផងដែរ។ ទាក់ទងនឹងតម្លៃនេះទៀតសោត លោកស្រី ម៉ម ម៉ារីថា នាពេលបច្ចុប្បន្ននេះនឹងមិនមានការប្រែប្រួលណាមួយឡើយ ទោះត្រីឡើងឬចុះថ្លៃក៏ដោយ៕

អត្ថបទ៖ សុកធា

The post បើករយៈពេលបួនខែ ត្រីចំហុយអនាម័យគ្រួសារអង្គរ ទទួលបានការគាំទ្រខ្លាំងល្បីដល់ក្រៅប្រទេស appeared first on .

អ្នកស្រី ចេន សុភាព ម្ចាស់សហគ្រាស កីតម្បាញខ្មែរ (KTK) បានឱ្យដឹងថា សហគ្រាសកីតម្បាញខ្មែរ ជាសហគ្រាសផលិតសម្លៀកបំពាក់ពីក្រណាត់ស៊ឹងខ្មែរ ហូលខែ្មរ,ក្រម៉ាខ្មែរ និងផាមួងខ្មែរ យើងទទួលបានការគាំទ្រ ខ្លាំងពីប្រជាជននៅក្នុងប្រទេសរបស់យើង ហើយអតិថិជន ដែលជាជនជាតិខ្មែររស់នៅបរទេស ដូចជានៅសហរដ្ឋអាមេរិក, អូស្ត្រាលី, ញ៉ូហ្សាឡែន, ស្វីស និងកាណាដាជាដើម។

អ្នកស្រី ចេន សុភាព សង្កត់ធ្ងន់ថា៖ “សន្ទុះនៃការកើនឡើងពីការប្រើប្រាស់ផលិតផលខ្មែរ បានធ្វើឱ្យសហគ្រាសកីតម្បាញខ្មែររបស់យើងទទួលបានជោគជ័យច្រើនគួសម ហើយនៅក្នុងរយៈ៨ឆ្នាំ ដែលយើងដើរនៅលើទីផ្សារ គឺយើងតែងមានវត្តមានជាមួយអតិថិជនជាប់រហូត និងទទួលបានពានរង្វាន់ជ័យលាភីកម្រិតថ្នាក់ជាតិនិងថ្នាក់តំបន់នៅក្នុង ឆ្នាំ២០២០ បន្ទាប់ពីទទួលបានការគាំទ្រ ពីក្រសួងស្ថាប័នពាក់ព័ន្ធរបស់រាជរដ្ឋាភិបាល” ។

តាមម្ចាស់សហគ្រាសកីតម្បាញខ្មែរ ខាងលើថា ចាប់តាំងពីធ្វើអាជីវកម្មផលិត ស៊ឹង, ហូល, ក្រម៉ា និងផាមួងខ្មែរ ពី១០គ្រួសារនៅឆ្នាំ២០១៥ រហូតមកដល់សព្វថ្ងៃនេះ សហគ្រាសមានជាង ៤០០គ្រួសារ កំពុងធ្វើការជាមួយគ្នា ហើយផលិតផលរបស់សហគ្រាសលក់ដាច់ ឬពេញនិយមច្រើន នៅថ្ងៃសិទ្ធិនារី ៨មីនា និងរដូវកាលរៀបចំអាពាហ៍ពិពាហ៍របស់ប្រជាពលរដ្ឋខ្មែរ។ ស៊ឹង ហូល ក្រម៉ា និងផាមួងខ្មែរ ធ្វើឡើងដោយដៃនេះ វាមានគុណតម្លៃពិសេសរបស់វា ហើយក៏ជាផលិតផលកេរ្តិ៍តំណែលរបស់ខ្មែរផងដែរ។

អ្នកស្រី មានប្រសាសន៍ថា “តាមបទពិសោធន៍ជាក់ស្តែង ខ្ញុំមើលឃើញថាប្រជាពលរដ្ឋខ្មែរស្រលាញ់ផលិតផលធ្វើឡើងដោយដៃច្រើន ដូចជាមន្ត្រីរាជការនៅគ្រប់ស្ថាប័ន ដែលពួកគាត់ជា លោកជំទាវ ឯកឧត្តម ដែលមានតួនាទីនៅក្នុងស្ថាប័នរដ្ឋ តែងតែគាំទ្រផលិតផលខ្មែរធ្វើដោយដៃ។ លើសពីនេះ ដូចជា សហគ្រិន ម្ចាស់ក្រុមហ៊ុន និងអ្នកជំនួញ រួមទាំងអ្នកគ្រូបង្រៀន មន្ត្រីសង្គមស៊ីវិលពួកគាត់និយមប្រើប្រាស់ច្រើន”។

ទន្ទឹមនិងផលិតផលរបស់សហគ្រាសកំពុងទទួលការគាំទ្រពីអ្នកប្រើប្រាស់, អ្នកស្រី ចេន សុភាពបានធ្វើការអំពាវនាវថា សូមឱ្យប្រជាពលរដ្ឋជួយគាំទ្រផលិតផលខ្មែរទាំងអស់ មិនថាផ្នែកម្ហូបអាហារ ឬផលិតផលក្រណាត់អ្វីនោះទេ សូមជួយគាំទ្រដល់ការផលិតនៅក្នុងស្រុកហើយប្រើប្រាស់ឱ្យបានច្រើន កាលណាមានការប្រើប្រាស់ច្រើនធ្វើឱ្យម្ចាស់សហគ្រាសនីមួយៗព្យាយាមពង្រឹងគុណភាពផលិតផលឱ្យកាន់តែល្អថែមទៀត ហើយវាក៏ជាការលើកមុខម៉ាត់របស់ប្រទេសជាតិយើងឱ្យមានម៉ាកផលិតផលរបស់យើងមាននៅលើទីផ្សារយើងមានលក់ផលិតផលខ្មែរបានកាន់តែច្រើន កុំឱ្យតែមានផលិតផលបរទេស ខ្ញុំជឿថា នេះគឺជាជោគជ័យមួយដ៏ធំសម្រាប់ប្រទេសជាតិយើងទាំងអស់គ្នា៕ អត្ថបទ៖ សារេត

The post ស៊ឹង ហូល និងផាមួងខ្មែរ កំពុងទទួលការពេញនិយមប្រើប្រាស់ពីមន្ត្រីថ្នាក់ខ្ពស់ និងអ្នកធុរកិច្ចក្នុងសង្គម appeared first on .

ដោយសារ​មើលឃើញ​ការប្រើប្រាស់ប្រព័ន្ធផ្សព្វផ្សាយគឺមិនអាចខ្វះបានក្នុងបរិបទឌីជីថល ឧកញ៉ាញូស៍ដាក់គោលដៅជាយុទ្ធសាស្ត្របញ្ជ្រាបលើការគាំទ្រផលិតផលក្នុងស្រុក ដោយចាប់ផ្តើមឲ្យពលរដ្ឋស្គាល់បន្តិចម្តងៗ កាត់បន្ថយផ្នត់គំនិតគាំទ្រផលិតផលបរទេស ដែលនាំឲ្យខាតបង់ដល់សេដ្ឋកិច្ចជាតិ។

យុទ្ធនាការគាំទ្រនិង​ទិញផលិតផលខ្មែរនេះ នឹងរួមចំណែកពង្រឹងចង្វាក់ផលិតកម្មក្នុងស្រុក បង្កើតឱកាសការងារកាន់តែច្រើននៅតាមមូលដ្ឋាន ដោយនឹង​បង្ហាញ​ពី​បទពិសោធន៍ល្អៗពីសិប្បកម្ម​និង​សហគ្រាស​ក្នុង​ស្រុក​ដល់ផលិតករកម្ពុជា សំដៅធ្វើយ៉ាងណាជំរុញផលិតនូវទំនិញ និងសេវា ដែលមានគុណភាព មានសុវត្ថិភាព មានអនាម័យល្អ មានតម្លៃសមរម្យ និងជាទីទុកចិត្តសម្រាប់អ្នកប្រើប្រាស់ ដែល​នឹង​អាចចូលរួមប្រកួតប្រជែងជាមួយទំនិញនាំចូលពីបរទេស ដែលបានកំពុងធ្វើចរាចរក្នុងទីផ្សារកម្ពុជា។

បច្ចុប្បន្ននេះគេមើលឃើញថា ការនាំចូលផលិតផលពីបរទេស​ជាពិសេស​ប្រទេសជិតខាង​ហូហៀរពេញទីផ្សារ ហើយ​​មានការ​ផ្សព្វផ្សាយ​យ៉ាងខ្លាំង​ទៀត​នោះ បាន​បង្អាក់​ផលិតកម្ម​ក្នុងស្រុកក្នុងការដណ្ដើមទីផ្សារ ខណៈ​ផ្នត់គំនិតពលរដ្ឋមួយចំនួនមើលឃើញផលិតផលបរទេសមានស្តង់ដារជាង និងតម្លៃធូរជាង។

យ៉ាងណាមិញ ការចូលរួមគាំទ្រពីបណ្តាញផ្សព្វផ្សាយ ត្រូវតែចាប់ផ្តើម​ធ្វើពីពេលនេះទៅ ហើយឧកញ៉ាញូសន៍នឹងចាប់ផ្តើមប្រើប្រាស់បណ្តាញព័ត៌មានរបស់ខ្លួន ដើម្បីជា​ការ​រួមចំណែក​លើកស្ទួយ​ដល់​សហគ្រាសក្នុងស្រុក និង​បង្វែរអារម្មណ៍ពលរដ្ឋឲ្យងាកមកគាំទ្រទិញផលិតជាតិ ដើម្បីប្រយោជន៍ជាតិ និងប្រយោជន៍ប្រជាពលរដ្ឋ៕

The post ឧកញ៉ាញូស៍ ប្រើប្រព័ន្ធផ្សព្វផ្សាយចូលរួមលើកស្ទួយផលិតផលក្នុងស្រុក appeared first on .

ឆ្លើយតបទៅនឹងប្រធានបទ “ គាំទ្រផលិតផលខ្មែរ គឺថែរក្សាសេដ្ឋកិច្ចជាតិ “ ក្នុងទិវាជាតិ លើកកម្ពស់ការប្រើប្រាស់ផលិតផលខ្មែរ លើកទី៥ នៅ​ឆ្នាំ​នេះ ប្រមុខ​រដ្ឋាភិបាល​ក៏​បានផ្តល់​មតិណែនាំមួយចំនួនដល់​ក្រសួង ស្ថាប័នពាក់ព័ន្ធ រដ្ឋបាល​ថ្នាក់ក្រោមជាតិ និងបងប្អូនប្រជាពលរដ្ឋចូលរួម​ក្នុងការ​លើក​កម្ពស់​និង​គាំទ្រ​ផលិតផល​ខ្មែរដូច​ខាងក្រោម​៖

ទីមួយ៖ គណៈកម្មាធិការជាតិជំរុញចលនាភូមិមួយផលិតផលមួយក្រសួងពាណិជ្ជកម្ម និងក្រសួងស្ថាប័នពាក់ព័ន្ធត្រូវបន្តកិច្ចសហការនិងសម្របសម្រួលជាមួយគ្នាឱ្យបានរលូនបន្តទៀត ដើម្បីលើកកម្ពស់ការ ប្រើប្រាស់ផលិតផលខ្មែរបន្តផ្សព្វផ្សាយឱ្យបានទូលំទូលាយពីផលិតផលខ្មែរ និងបន្តផ្តល់ជំនាញនានាដល់ ផលិតករលើដំណើរការខ្សែសង្វាក់ផលិតកម្ម ការពង្រឹងគុណភាព សុវត្ថិភាពផលិតផល ការកែច្នៃ និងការ វេចខ្ចប់ដើម្បីឆ្លើយតបទៅនឹងទីផ្សារក្នុងប្រទេសនិងក្រៅប្រទេស។

ទីពីរ៖ គណៈកម្មាធិការជាតិជំរុញចលនាភូមិមួយផលិតផលមួយ គណៈកម្មាធិការជំរុញចលនាភូមិ មួយផលិតផលមួយរាជធានី​ខេត្តទាំងអស់ និងក្រសួងពាណិជ្ជកម្ម ត្រូវសហការជាមួយនឹងវិស័យឯកជន រៀបចំទីផ្សារ​អនឡាញ​ជួយ​ផលិតផលខ្មែរក្នុងការទិញ-លក់ និងដាក់បង្ហាញក្នុងព្រឹត្តិការណ៍ពិព័រណ៍ផលិតផល នានាទាំងក្នុងប្រទេសនិងក្រៅប្រទេស និងតាមស្ថានតំណាងកម្ពុជាប្រចាំនៅបរទេស។

ទីបី៖ គណៈកម្មាធិការជាតិជំរុញចលនាភូមិមួយផលិតផលមួយ និងក្រសួងពាណិជ្ជកម្ម ត្រូវសហការជាមួយនឹងក្រសួងការបរទេសនិងសហប្រតិបត្តិការអន្តរជាតិ ដើម្បីឱ្យស្ថានតំណាងកម្ពុជាប្រចាំនៅ​បរទេសផ្សព្វផ្សាយផលិតផល​ខ្មែរនៅក្នុងព្រឹត្តិការណ៍ផ្សេងៗ ជាពិសេសផ្សារភ្ជាប់ការងារជំរុញចលនាភូមិ មួយផលិតផលមួយនៅកម្ពុជាទៅក្នុងក្របខ័ណ្ឌកិច្ចសហប្រតិបត្តិការក្នុងតំបន់ក្រោមការសម្របសម្រួលរបស់ អគ្គលេខាធិការដ្ឋានអាស៊ាន។

ទីបួន៖ គណៈកម្មាធិការជំរុញចលនាភូមិមួយផលិតផលមួយរាជធានីខេត្តទាំងអស់ ត្រូវបន្តសហការជាមួយនឹងគណៈកម្មាធិការជាតិជំរុញចលនាភូមិមួយផលិតផលមួយ ក្រសួងពាណិជ្ជកម្ម និងក្រសួងស្ថាប័នពាក់ព័ន្ធ រៀបចំ​ចងក្រង​ផលិតផលក្នុងស្រុកដែលមានសក្តានុពលនៅក្នុងមូលដ្ឋានរបស់ខ្លួន ដោយបញ្ចូលជាផលិតផលភូមិមួយផលិតផលមួយ ដើម្បីតាមដាននិងវាយតម្លៃវឌ្ឍនភាពនៃការងារជួយដល់ផលិតផលក្នុងស្រុក​ពីបណ្តាក្រសួង ស្ថាប័នពាក់ព័ន្ធ និងកៀរគរការវិនិយោគនានាលើផលិតផលក្នុងស្រុក ស្របតាមគោលនយោបាយជាតិស្តីពីការជំរុញចលនាភូមិមួយផលិតផលមួយ ២០១៦ -២០២៦។

ទីប្រាំ៖ ប្រជាជនកម្ពុជាគ្រប់រូបត្រូវចូលរួមគាំទ្រលើកកម្ពស់ផលិតផលខ្មែរ តាមពាក្យស្លោក ប្រជាជនម្នាក់ទិញផលិតផលខ្មែរយ៉ាងតិចមួយមុខ និងសូមឱ្យក្រសួងស្ថាប័នពាក់ព័ន្ធទាំងថ្នាក់ជាតិ ថ្នាក់ក្រោមជាតិ ត្រូវសហការជាមួយនឹងអង្គការដៃគូអភិវឌ្ឍ វិស័យឯកជន សហគ្រាសធុនតូចនិងមធ្យម សហគមន៍ សមាគម​ជា​ដើម បន្តកិច្ចខិតខំប្រឹងប្រែងជួយជំរុញ អភិវឌ្ឍ និងចូលរួមសហការគ្នាយ៉ាងសកម្មនិង ជិតស្និទ្ធក្រោមកិច្ចសម្របសម្រួលរបស់គណៈកម្មាធិការជាតិជំរុញចលនាភូមិមួយផលិតផលមួយ ដើម្បីអនុវត្ត ឱ្យបានជោគជ័យនូវទិសដៅលើកកម្ពស់ផលិតផលខ្មែរ៕

The post សម្តេច​តេជោ​​ណែនាំ ៥ ចំណុច​ ដល់​​ក្រសួង​ស្ថាប័ន​ ​​​​យកចិត្ត​ទុក​ដាក់​​លើក​​កម្ពស់​​ផលិតផល​ក្នុង​​ស្រុក appeared first on .