ក្រសួងព័ត៌មាន សម្រេចលុបអាជ្ញាបណ្ណ គេហទំព័រព័ត៌មាន របស់លោក ផែង វណ្ណៈ បន្ទាប់ពីការប្រមាថជេរព្រះសង្ឃ

ឧកញ៉ាកោះក្របី — Thu, 18 Mar 2021 10:11:33 +0000

ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន បានសម្រេចលុបអាជ្ញាបណ្ណ គេហទំព័រ Peng Vannaknews របស់លោក ផែង វណ្ណៈ បន្ទាប់ពីម្ចាស់គេហទំព័រម្នាក់នេះ ជេរប្រមាថចំពោះព្រះសង្ឃ ធ្វើឲ្យប៉ះពាល់យ៉ាងធ្ងន់ធ្ងរលើវិស័យព្រះពុទ្ធសាសនាដែលជាសាសនារបស់រដ្ឋ ដែលជាការបំពានយ៉ាងធ្ងន់ធ្ងរលើវិជ្ជាជីវៈ និងកិច្ចសន្យាអាជីវកម្មដែលបានតំកល់ទុកនៅក្រសួងព័ត៌មាន។

នៅថ្ងៃទី១៧ ខែមីនា សាលាគណៈសង្ឃខេត្តសៀមរាប ស្នើឱ្យរាជរដ្ឋាភិបាលកម្ពុជាថ្កោលទោសពីបទប្រមាថសមាជិកថេរសភាសង្ឃខេត្ត និងមន្ត្រីរដ្ឋបាលខេត្តសៀមរាបរបស់លោក ផែង វណ្ណៈ សំណើរនេះត្រូវបានធ្វើឡើងបន្ទាប់ពី លោក ផែង វណ្ណៈ បានផ្សាយផ្ទាល់តាមផេករបស់លោកថា “បើវាយកូនខ្ញុំបែបនេះ ខ្ញុំអត់ទៅប្ដឹងទេ ខ្ញុំទៅបាញ់ចោលតែម្ដង”។

សូមរំលឹកថា ករណីផ្ទុះក្នុងបណ្ដាញសង្គមហ្វេសបុកនេះ មានករណីអំពើហិង្សានៅក្នុងវត្តរាជបូព៌បានកើតឡើងកាលពីថ្ងៃថ្ងៃទី ១៤ ខែមីនា ឆ្នាំ២០២១ ស្ថិតក្នុងវត្តរាជបូណ៌ សង្កាត់សាលាកំរើក ក្រុងសៀមរាបន ខេត្តសៀមរាប។

រឿងនេះដែរមហាជនខ្លះបានសម្ដែងការគាំទ្រចំពោះចំណាត់ការរបស់ព្រះចៅអធិការវត្តរាជបូណ៌ទៅលើព្រះសង្ឃដែលមិនគោរពវិន័យ។ រីឯមហាជនខ្លះ ក៏បានរិះគន់យ៉ាងចាស់ដៃថាក្នុងនាមជាព្រះសង្ឃមិនគួរធ្វើទារុណកម្មយ៉ាងធ្ងន់ធ្ងរបែបនេះទេ៕

The post ក្រសួងព័ត៌មាន សម្រេចលុបអាជ្ញាបណ្ណ គេហទំព័រព័ត៌មាន របស់លោក ផែង វណ្ណៈ បន្ទាប់ពីការប្រមាថជេរព្រះសង្ឃ appeared first on .

ភរិយាអភិបាលខេត្តព្រះសីហនុ ប្រតិកម្មលើពាក្យសម្តីរបស់លោក ផែង វណ្ណៈ ដែលបានប្រមាថដល់សមាជិកថេរសភាសង្ឃខេត្តសៀមរាប

ឧកញ៉ាកោះក្របី — Thu, 18 Mar 2021 09:05:42 +0000

សាលាគណៈសង្ឃខេត្តសៀមរាប ស្នើឱ្យរាជរដ្ឋាភិបាលកម្ពុជាថ្កោលទោសពីបទប្រមាថសមាជិកថេរសភាសង្ឃខេត្ត និងមន្ត្រីរដ្ឋបាលខេត្តសៀមរាបរបស់លោក ផែង វណ្ណៈ សំណើរនេះត្រូវបានធ្វើឡើងបន្ទាប់ពី លោក ផែង វណ្ណៈ បានផ្សាយផ្ទាល់តាមផេករបស់លោកថា “បើវាយកូនខ្ញុំបែបនេះ ខ្ញុំអត់ទៅប្ដឹងទេ ខ្ញុំទៅបាញ់ចោលតែម្ដង”។

ភរិយារបស់អភិបាលខេត្តព្រះសីហនុ លោក គួច ចំរើន គឺលោកជំទាវ អ៊ូ ធីតាពៅ បានបង្ហោះលើទំព័រហ្វេសបុកនៅរសៀលនេះថា “ខ្ញុំថាមិនចង់និយាយទេ តែ! លោកប្រើពាក្យពេជ្រធ្ងន់ធ្ងរលើសលភ់ពេកហើយក្នុងនាមខ្ញុំជាអ្នកដែលគោរពព្រះពុទ្ធ ខ្ញុំទទួលយកមិនបានទេ”។

លោកជំទាវបន្តថា លោកដែលហារមាត់ថា គេអត់មានមេត្តា សួរខ្លួនឯងមើលៗថា តើរាល់ថ្ងៃហ្នឹងលោកមានមេត្តាស្មើរនឹងបុគ្គលដែលលោកដៀលកប់កប់មាត់ហើយនៅ? លោកយកអីមកប្រមាថបុគ្គលគួរជាទីគោរព ចុះទង្វើ និងចិត្តលោកវិញ លោកមានដែលបានយកពេលមកមើលខ្លួនលោកទេ?

លោកជំទាវបានឆោទសួរថា តើចិត្តគំនិតនិងទង្វើពាក្យសម្តីលោករាល់ថ្ងៃហ្នឹងបរិសុទ្ធប៉ុណ្ណា មុននឹងយកពេលមកឡាយតាមការគិតរបស់លោកតែម្នាក់ឯង ឬគ្នាលោកតែមួយផ្នែកតូច។

សូមរំលឹកថា ករណីផ្ទុះក្នុងបណ្ដាញសង្គម facebook នេះថាមានករណីអំពើហិង្សានៅក្នុងវត្តរាជបូណ៌ ដោយព្រះចៅអធិការវត្តព្រះនាម ពិន សែម ព្រះជន្ម៨០វស្សា ទៅលើសិស្សគណរបស់លោក ដែលបានកើតឡើងកាលពីថ្ងៃថ្ងៃទី១៤ ខែមីនាឆ្នាំ២០២១ ស្ថិតក្នុងវត្តរាជបូណ៌ ដែលស្ថិតនៅភូមិវត្តបូណ៌ សង្កាត់សាលាកំរើក ក្រុងសៀមរាប៕

The post ភរិយាអភិបាលខេត្តព្រះសីហនុ ប្រតិកម្មលើពាក្យសម្តីរបស់លោក ផែង វណ្ណៈ ដែលបានប្រមាថដល់សមាជិកថេរសភាសង្ឃខេត្តសៀមរាប appeared first on .