នាយករដ្ឋមន្ត្រីកាណាដា លោក Mark Carney បាននិយាយនៅក្នុងការប្រកាសអំពីការបង្កើតទីភ្នាក់ងារថ្មីនេះថា ៖” យើងកំពុងស្ថិតនៅក្នុងវិបត្តិលំនៅឋាន ហើយអ្នកគ្រប់គ្នាត្រូវមកចូលរួបរួមគ្នា ដើម្បីយកកាណាដា ចេញពីបញ្ហានេះ”។

ទីភ្នាក់ងារសហព័ន្ធនេះ ត្រូវបានផ្តល់មូលនិធិដំបូងចំនួន ៩,៤ពាន់លានដុល្លារ ដើម្បីសាងសង់លំនៅឋានតម្លៃសមរម្យសម្រាប់គ្រួសារដែលមានប្រាក់ចំណូលទាប និងចាប់ដៃគូជាមួយអ្នកអភិវឌ្ឍឯកជន ដើម្បីសាងសង់ផ្ទះសម្រាប់ពលរដ្ឋមានជីវភាពធូធា។ លោក Carney បានសង្កត់ធ្ងន់ថា ទីភ្នាក់ងារថ្មីនេះ នឹងប្រើប្រាស់ដីសាធារណៈដើម្បីសាងសង់ផ្ទះចំនួន ៤ ០០០ ខ្នង នៅក្នុងទីក្រុងចំនួន៦។

ជម្រាបជូនផងដែរថា លោក Carney ដែលជាអតីតទេសាភិបាលធនាគារកណ្តាលកាណាដា នាពេលថ្មីៗនេះ បានប្រកាសអំពីគម្រោងជាបន្តបន្ទាប់នៅក្នុងយុទ្ធនាការមួយដើម្បីធ្វើពិពិធកម្មសេដ្ឋកិច្ច និងកាត់បន្ថយការពឹងផ្អែកលើសហរដ្ឋអាមេរិក នៅពេលដែលគោលនយោបាយពន្ធគយរបស់រដ្ឋបាលលោក ដូណាល់ ត្រាំ បានចូលជាធរមាន៕​

The post កាណាដា គ្រោងចំណាយលុយជាង ៩ពាន់លានដុល្លារ សង់លំនៅឋានតម្លៃសមរម្យជូនពលរដ្ឋ appeared first on .

លោក តេង ឬទ្ធី ស្ថាបនិកក្រុមហ៊ុន R’ Investment Group បានលើកឡើងថា ​តម្រូវ​ការបាន​ធ្វើ​ឲ្យ​តម្លៃអចលនទ្រព្យមានសន្ទុះខ្លាំងពីមួយឆ្នាំទៅមួយឆ្នាំ។ លោក​បានពន្យល់ថា ដោយសារកំណើនសេដ្ឋកិច្ចទើប ធ្វើឱ្យអ្នកទិញមាន​លទ្ធភាពទិញ​លំនៅដ្ឋាន។

ក្នុងចំណោមផ្ទះទាំងអស់ ផ្ទះតម្លៃសមរម្យ ដែលមានតម្លៃក្រោម ៥ ម៉ឺនដុល្លារ នឹងមាន​តម្រូវការច្រើនជាងគេ ដោយមូលហេតុថា ប្រជាជនមួយផ្នែកធំជា​អ្នកមាន​ចំណូលមធ្យម។

យោងតាមការស្ទង់មតិអចលនទ្រព្យឆ្នាំ ២០១៩ របស់ Realestate.com.kh ក្នុងចំ​ណោមអ្នកផ្តល់ចម្លើយជាង ២០០០ នាក់ បានបង្ហាញថា ប្រហែល ៤០% នៃអ្នកផ្ដល់ចម្លើយទាំងអស់ ចាប់អារម្មណ៍ចង់ទិញផ្ទះតម្លៃក្រោម ៥ ម៉ឺនដុល្លារ និងមាន ២៦% ចាប់អាម្មណ៍ទិញផ្ទះតម្លៃ ៥ ម៉ឺនដុល្លារ ទៅ ៧.៥ ម៉ឺនដុល្លារ ៕ អត្ថបទ៖ សិរិកា

The post អ្នកជំនាញ​៖ ផ្ទះ​តម្លៃ​ក្រោម​៥ម៉ឺន​ដុ​​ល្លារ មានទីផ្សារ និង​តម្រូវ​​ការខ្ពស់ appeared first on .