លោកថា សម្រាប់អ្នកដែលមិនប្រញាប់ប្រញាល់ក្នុងការរកប្រាក់ចំណេញនោះ ការវិនិយោគលើអ្វីដែលអ្នកជឿជាក់ និងបានធ្វើការស្រាវជ្រាវហ្មត់ចត់ អាចជាជំហានបន្ទាប់ដ៏ល្អបំផុត ក្នុងការបង្កើតចំណូលអកម្ម។ បើតាមអ្នកឧកញ៉ា យើងគ្រប់គ្នាអាចទុកដោយឡែកប្រាក់ចំណូលប្រចាំឆ្នាំរបស់យើងចំនួនពី១០-១៥% ក្នុងការប្រើប្រាស់សម្រាប់គោលបំណងវិនិយោគទៅអនាគត។

អ្នកឧកញ៉ា គិត ម៉េង ថ្លែងបញ្ជាក់ក្នុងន័យដើមយ៉ាងដូច្នេះថា យើងមិនមានរូបមន្តល្អឥតខ្ចោះនៅពីក្រោយការគ្រប់គ្រងហិរញ្ញវត្ថុនោះទេ។ របៀបដែលអ្នកសន្សំប្រាក់ ចំណាយប្រាក់ និងវិនិយោគទាំងអស់គឺអាស្រ័យលើអាទិភាព និងគោលដៅរបស់អ្នក ទាំងរយៈពេលខ្លី និងរយៈពេលវែង។ ជាការពិត វិធីសាស្ត្រលឿនបំផុតដើម្បីទទួលបានកាន់តែច្រើនគឺការវិនិយោគ ប៉ុន្តែត្រូវចងចាំថាការទទួលបានមកវិញពីការវិនិយោគកាន់តែច្រើន កម្រិតនៃហានិភ័យក៏កាន់តែខ្ពស់តាមនោះដែរ។

អ្នកឧកញ៉ាបានសង្កត់ធ្ងន់ថា ការចំណាយទាំងអស់មិនមែនសុទ្ធតែការខ្ជះខ្ជាយប្រាក់នោះទេ។ ពេលខ្លះ ការចំណាយមួយចំនួនបង្កើតនូវភាពសប្បាយក្នុងចិត្ត ដែលធ្វើឱ្យមានតុល្យភាពសុខភាពផ្លូវចិត្តរបស់អ្នក ហើយទាំងនេះអាចជួយឱ្យមានការលើកទឹកចិត្តខ្លួនឯងឱ្យខិតខំធ្វើការបន្តថែមទៀត។ លោកបន្ថែមទៀតថា វាសមហេតុផលណាស់ដែលអ្នកសមនឹងទទួលបានការចំណាយក្នុងការថែទាំខ្លួនឯងម្តងម្កាល។ តែយ៉ាងណា លោកបានលើកទឹកចិត្តឱ្យមាន “ការចំណាយត្រឹមត្រូវ” នោះគឺគិតមុនពេលការចំណាយធំណាមួយ ហើយសូមកុំចំណាយហួសកម្រិតលើសពីសមត្ថភាព។

អ្នកឧកញ៉ាបញ្ជាក់បន្ថែម៖ ប្រសិនបើគោលដៅរបស់អ្នកគឺដើម្បីសន្សំប្រាក់១០ម៉ឺនដុល្លារ ក្នុងរយៈពេល២០ឆ្នាំ អ្នកគ្រាន់តែត្រូវការសន្សំ ១៣.៧ដុល្លារជារៀងរាល់ថ្ងៃតែប៉ុណ្ណោះ។ ចំនួនតិចតួចជារៀងរាល់ថ្ងៃនឹងកើនឡើង ប៉ុន្តែ “ការសន្សំ” ត្រូវការការអត់ធ្មត់ ការខិតខំប្រឹងប្រែង និងស្ថិរភាពជាប់ជានិច្ច។ ការសិក្សាស្រាវជ្រាវជាច្រើនបានបង្ហាញថា ២០%នៃប្រាក់ចំណូលប្រចាំឆ្នាំរបស់អ្នកគឺជាចំនួនសមស្របមួយដែលគួរតែបញ្ចូលទៅក្នុងគណនីសន្សំរបស់អ្នក៕

The post អ្នកឧកញ៉ា គិត ម៉េង៖ ការវិនិយោគទាមទារឱ្យមានការអត់ធ្មត់ច្រើន វាដូចជាការដាំដើមឈើ ហើយត្រូវរង់ចាំផ្លែផ្ការបស់វា appeared first on .

វាគ្មិនពូកែវោហារ និយមចែករំលែកបទពិសោធន៍ក្បួនរកស៊ី តាមប្រព័ន្ធឌីជីថល រូបនេះថ្លែងថា៖ “កាលពីមុន ពេលខ្លះខ្ញុំសឹងមិនអាចទ្រាំបាន ជីវិតខ្ញុំធ្លាប់ឆ្លងកាត់ទាំងជោគជ័យ និងបរាជ័យ។ ទម្រាំមកដល់ចំណុចនេះ អាយុប៉ុណ្ណឹង ភាពបរាជ័យ និងជោគជ័យ កាលពីអតីតកាលសរបស់ខ្ញុំ គឺដើរទន្ទឹមគ្នា ហាក់បីដូចជាស្រមោលអន្ទោលតាមប្រាណ”។

ងាកមកនិយាយដល់បច្ចុប្បន្នភាពរបស់ខ្លួនវិញ ម៉ិច សីហា បញ្ជាក់ថា សព្វថ្ងៃ គាត់អាចសម្រេចក្ដីសុបន្តិបានមួយផ្នែកក្នុងជីវិត ពោលគឺអាចមានលទ្ធភាពមើលថែឳពុកម្ដាយ ភរិយា ខ្លួនឯង និងគ្រួសារទាំងមូលបានសមរម្យ ហូបឆ្ងាញ់ រស់នៅស្រួល ប្រកបដោយកិត្តិយស។

អគ្គនាយកវិទ្យាស្ថានអន្តរជាតិ ikey រូបនេះឱ្យដឹងទៀតថា គាត់សប្បាចិត្ត និងអ្វីដែលលោកទទួលបានសព្វថ្ងៃ ក៏ប៉ុន្តែលោកសង្កត់ធ្ងន់ថា ភាពជោគជ័យវាមានកម្រិតគួរអោយកត់សម្គាល់ ជីវិតរបស់គាត់នៅអាយុប្រហែលជា ២៥ឆ្នាំ គាត់បានជួបឧបសគ្គធំៗ ធ្វើអោយលោករើខ្លួនសឹងមិនផុត ហើយក៏ត្រូវបណ្ដែតបណ្ដោយខ្លួននៅក្នុងស្ថាននោះ បីទៅបួនឆ្នាំថែមទៀតផង។

លោកក៏បានរំលឹកទៀតថា ចាប់តាំងពីអាយុ២៥ឆ្នាំ មក ការបរាជ័យរបស់ខ្លួន ទាំងការងារ ការរកសុី ទាំងទ្រព្យសម្បត្តិ ថវិកា បានបាត់បង់ទាំងអស់ ស្ទើរតែពេលនោះទ្រាំមិនបាននៅអ្វីដែល យើងគិតថាយើងអាចឈ្នះតែបែរជាបរាជ័យទៅវិញ។ ការបរាជ័យធំមួយទៀតដែលធ្វើអោយគាត់ស្ទើរតែចង់បោះបង់សូម្បីតែជីវិត គឺការបែកបាក់គ្រួសារ ហើយការបែកបាក់គ្រួសារនេះហើយដែលធ្វើអោយគាត់មានសតិ ឬក៏អាចហៅថា សម្ពាធផ្លូវចិត្ត មួយកម្រិតធ្ងន់។

ក្នុងន័យនេះ អគ្គនាយកវិទ្យាស្ថានអន្តរជាតិ ikey លោក ម៉ិច សីហា ចង់ចែករំលែកបទពិសោធន៍ជីវិតពិត និងជាពិសេសដាស់តឿនដល់អ្នកដែលឆ្លងកាត់រសជាតិបែបនេះ សូមកុំបោះបង់ខ្លួនឯងចោលឱ្យសោះ ឬឈានដល់ការគិតខ្លីដូចលោក ព្រោះគ្រប់បញ្ហាតែងតែមានដំណោះស្រាយ៕  

ទស្សនាវីដេអូពេញ៖ បើអ្នកបាក់ទឹកចិត្តនៅក្នុងជីវិត ពិបាកគំនិតរកស៊ីសូមស្ដាប់វីឌីអូនេះ

The post អតីតកាល លោក ម៉ិច សីហា ធ្លាប់គិតចង់សម្លាប់ខ្លួនឯងម្ដងៗ ដោយសាររឿងទាំងនេះ! appeared first on .

ដោយសារតែបញ្ហានេះហើយ រាល់ពេលដែលអ្នកចង់សម្រេចចិត្តខ្ចីលុយពីនរណាម្នាក់ ពីធនាគារ ឬពីគ្រឹះស្ថានមីក្រូហិរញ្ញវត្ថុណាមួយ ត្រូវតែគិតគូឲ្យបានល្អិតល្អន់សិន។ យ៉ាងណា បើតាមការចែករំលែកពីលោក អួន សារ៉ាត់ ម្ចាស់ក្រុមហ៊ុន យូ ខេន និងជាអ្នកនិពន្ធសៀវភៅដ៏ល្បីល្បាញម្នាក់ បានបង្ហាញពីចំណុចធំៗចំនួន ៣ ដែលយើងត្រូវគិត មុនខ្ចីលុយពីគេយកមកប្រើ ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ទី១ ត្រូវយល់ច្បាស់ពីរយ:ពេលនៃការប្រាក់កម្ចីនោះ

មុននឹងយើងចង់ខ្ចីលុយ រឿងសំខាន់ទីមួយត្រូវសិក្សាឲ្យបានច្បាស់ចំពោះអត្រាការប្រាក់នៃកម្ចីនោះ ថាអាចផ្តល់រយៈពេលវែងដល់យើងដែរឬអត់ ព្រោះថារយៈពេលវែងអាចផ្តល់លទ្ធភាពឲ្យយើងក្នុងការប្រើប្រាស់លុយ ឬអាចផ្តល់លទ្ធភាពដល់យើង នៅក្នុងការរកលុយសងទៅគេវិញបានស្រួល។ លោក អួន សារ៉ាត់ បានធ្វើការឧទាហរណ៍ជាក់ស្តែងថា ៖ នៅពេលយើងខ្ចីលុយគេ ១ម៉ឺនដុល្លារ ក្នុងរយ:ពេលត្រឹមតែ ២ ឆ្នាំ ដូច្នេះយើងនឹងត្រូវសងគេច្រើន ប៉ុន្តែបើខ្ចីក្នុងរយ:ពេល ៤ ទៅ៥ ឆ្នាំ នោះយើងនឹងអាចមានលទ្ធភាពសងគេតិចជាងមុន ហើយអាចយកលុយនោះទៅប្រើប្រាស់ ក្នុងឱកាសផ្សេងៗបានច្រើន ដូច្នេះបើយើងរកស៊ីឆាប់បានផល នោះវានឹងធ្វើឲ្យយើងសល់ប្រាក់ចំណេញពីលើការសងគេវិញទៀតផង ។

ទី ២ ត្រូវខ្ចីលុយគេឱ្យសល់ កុំឱ្យខ្វះ

នៅក្នុងន័យនេះម្ចាស់ក្រុមហ៊ុន យូ ខេន ចង់មានសំដៅ ថាប្រសិនបើយើងចង់ខ្ចីលុយគេ ១ម៉ឺនដុល្លារ ប៉ុន្តែបានតែ ៧ពាន់ ឬ៦ពាន់ដុល្លារ ដូច្នេះវាប្រផុតប្រផើយ ដែលធ្វើឲ្យប្រើប្រាស់លុយទាំងនោះមិនត្រឹមត្រូវ យ៉ាងណាត្រូវខ្ចីឱ្យគ្រប់ចំនួន។ ក្នុងនោះដែរ លោកក៏ បានសង្កត់ធ្ងន់ទៀតថា លុយ ១ម៉ឺនដុល្លារនេះ គឺមិនមែនយើងយកមកប្រើទាំងអស់ឡើយ ពោលគឺប្រើត្រឹម ៥ ទៅ ៧ពាន់ដុល្លារ ប៉ុន្តែត្រូវខ្ចីឲបាន ១ ម៉ឺនដុល្លារ ដើម្បីត្រៀមទុក ព្រោះថានៅពេលយើងរកមិនបាន យ៉ាងហោចណាស់យើងនៅសល់លុយខ្លះដើម្បីសងគេវិញ។

ទី ៣ ត្រូវមានគោលបំណងច្បាស់លាស់ ក្នុងការប្រើប្រាស់ប្រាក់កម្ចីនោះ

ចំនុចនេះមានន័យថានៅពេលចង់ខ្ចីលុយនៅក្នុងចំនួនតិចតួចយកមកបង្កើតអាជីវកម្ម ដោយយើងនៅមិនទាន់មានប្រភពប្រាក់ចំណូលនៅឡើយ នោះយើងគួរតែស្វែងរកមុខរបរណាតូចៗណា ដែលអាចផ្តល់ប្រាក់ចំណូលមកយើងវិញបានភ្លាមៗ ប៉ុន្តែបើយើងខ្ចីលុយមកបង្កើតមុខរបរ ដែលនឹងផ្តល់ផលឲ្យយើងវិញ ក្នុងរយ:ពេល ១ ឆ្នាំខាងមុខ ឬយូរជាងនេះ នោះច្បាស់ជាធ្វើឱ្យយើងមានបញ្ហាលុយកាក់តទៅមុខទៀតមិនខាន៕

The post មុនខ្ចីលុយគេយកមកប្រើ ស្ដាប់អ្នកជំនាញពន្យល់ពីចំណុចធំៗទាំង ៣ នេះសិន appeared first on .

សូមចុច Subscribe Telegram oknha_news ដើម្បីទទួលព័ត៌មានពីសកម្មភាព​ឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព!

លោកឧកញ៉ាក៏បានលើកឡើងនៅសញ្ញា ៧ យ៉ាងបញ្ជាក់ពីឥរិយាបទមនុស្សរីកចម្រើន និងគំនិតសហគ្រិន ដូចខាងក្រោម៖

១.ស្គាល់ខ្លួនឯង មានគោលដៅច្បាស់លាស់៖ ភាពជោគជ័យ​ដែល​យើងស្រមៃ​ចង់បាន​នោះ បាន​រសាត់​បន្តិចម្តងៗរហូត​ធ្វើ​ឲ្យ​យើង​បាក់​ទឹកចិត្ត​ក៏មានដែរ ព្រោះតែយើង​មិនបាន​ស្វែងយល់​ពី​ខ្លួនឯង​ច្បាស់ និង​មិនមាន​គោលដៅ​ជីវិត​ពិតប្រាកដ។ បើយើងមិនស្គាល់ខ្លួនឯងឲ្យច្បាស់លាស់នោះទេ ជីវិតរបស់យើងមិនដឹងចង់បានអ្វីឲ្យពិតប្រាដកជោគជ័យនឹងមិនកើតមានបានឡើយ។

ស្គាល់​ខ្លួនឯង គឺ​ត្រូវ​ដឹង​ពី​ចំណង់​ចំណូលចិត្ត ទេ​ព្យ​កោសល្យ​ខ្លួនឯង ចំណុចខ្លាំង​និង​ចំណុច​ខ្សោ​ខ្លួនឯង​ឲ្យ​បាន​ច្បាស់ ព្រមទាំងកំណត់​គោលដៅ​សម្រាប់​ជីវិត និង​រៀបចំ​ផែនការ​សកម្មភាព​សម្រាប់​អនុវត្តន៍​ពីមួយ​ជំហាន​ទៅមួយ​ជំហាន​ឲ្យ​បាន​ច្បាស់។ 

២.ឧស្សាហ៍ព្យាយាម៖ គឺជាគុណភាពមួយដែលអាចអភិវឌ្ឍន៍បានប្រសិនបើយើងរៀនគ្រប់គ្រងពេលវេលានិងធនធានក្នុងការអនុវត្តភារកិច្ចនិងកាតព្វកិច្ចរបស់យើង។ លើសពីនេះទៀតវាគឺជាគុណធម៌គ្រឹះដែលជួយប្រយុទ្ធប្រឆាំងនឹងភាពខ្ជិលច្រអូសរបស់យើងទៀតផង។

៣.ខិតខំស្វែងរកចំណេះដឹងថ្មីៗ៖ ការប្រមូលបានព័ត៌មានល្អៗជាក់លាក់ ពិតជារួមចំណែកយ៉ាងសំខាន់ក្នុងការបណ្តុះផ្តត់គំនិតជោគជ័យបង្កើនចំណេះដឹងថ្មី។ ក្នុងន័យជាក់លាក់ចំណេះដឹងត្រូវបានកំណត់ជាសំណុំនៃសមត្ថភាពជំនាញ ដែលអាចបកស្រាយការពិតដោះស្រាយបញ្ហានិងដឹកនាំឥរិយាបថរបស់ខ្លួន។

ទោះយ៉ាងណាយើងដឹងគ្រប់គ្នាហើយថា ដំណើរការនៃការកសាងចំណេះដឹងគឺវាស្មុគស្មាញខ្លាំងណាស់ ដូច្នេះបានជាមានសាលារៀន វគ្គបណ្តុះបណ្តាលផ្សេងៗគ្នាដែលបានបង្កើតឡើងសម្រាប់ការបង្កើត ទ្រឹស្តីនៃចំណេះដឹង។ លោកឧកញ៉ាបន្ថែម។

៤.សេពគប់កល្យាណមិត្ត៖ មានច្រើនប្រភេទណាស់ក្នុងការសេពគប់មិត្ត ព្រោះមិត្តខ្លះក៏នាំយើងឲ្យបានជោគជ័យ ខណៈមិត្តមួយចំនួនក៏នាំឲ្យខាតបង់ប្រយោជន៍ផងដែរ។ មិត្ត​ដែលគួរ​ឲ្យ​សេពគប់ គឺមិត្ត​ចេះ​ថែទាំ​មិត្ត ទំនុកបម្រុង​មិត្ត ហ៊ាន​លះបង់​ជីវិត​ខ្លួន ដើម្បី​ការពារ​មិត្ត ប្រាប់​អាថ៌កំបាំង​ផ្ទាល់ខ្លួន​ដល់​មិត្ត បង្ហាញ​នូវ​អំពើ​ល្អ និង​បង្ហាញផ្លូវ​ទៅកាន់​សេចក្តីសុខ និងមិត្ត​មិន​ត្រេកអរ​ចំពោះ​គ្រោះថ្នាក់​របស់​យើង ចេះ​ជួយ​អាសា​គ្នា។

លោកឧកញ៉ាបានអះអាងថា៖ “មិត្តភាពជួយឱ្យមានការចេះដឹង ការចេះដឹងជួយឱ្យមិត្តភាពរឹងមាំ”។

៥.ទំនេរគិតរឿងរកស៊ី បង្កើតមុខរបរ ការងារ៖ នៅពេលដែលយើងបណ្តុះផ្នត់គំនិតចង់ចេញរកស៊ី គឺយើងមើល​ឃើញ​ឧបសគ្គ និង​ការ​​រាថយ​របស់​​អ្នក​ចង់​រកស៊ី ឬ​​អ្នក​កំពុង​ជួប​បរាជ័យ​។ ម្យ៉ាងយើងក៏ឈ្វែងយល់បន្ថែមទៀតពី​​បុគ្គល​ល្បី​ៗ​កើត​ចេញ​ពី​ភាព​បរាជ័យ ហើយក្រោយមកក៏បាននាំភាពជោគជ័យត្រឡប់កមវិញ។ បើចង់កើត ត្រូវតែប្រឹង បើមិនប្រឹង គឺមិនកើត។

៦.តែងលើកទឹកចិត្តផ្តល់យោបល់ដល់អ្នកផ្សេង៖ មនុស្សក្នុងពិភពលោកតែងតែជួបប្រទះនូវការបាក់ទឹកចិត្តជាច្រើនលើកជាច្រើនសានៅក្នុងជីវិត តែអ្វីដែលសំខាន់នោះគឺថាតើអ្នកអាចងើបចេញពីស្ថានការណ៍នោះបានដែរឬមួយក៏អត់ទេ។ បើអ្នកឃើញមនុស្សស្ថិតក្នុងស្ថានភាពបែបនេះ អ្នកគឺជាគ្រូពេទ្យចិត្តសាស្រ្តដ៏ចំណានម្នាក់ក្នុងការផ្តល់យោបល់លើកទឹកចិត្តអូសទាញផ្តល់ឱ្យពួកគេនូវការទទួលខុសត្រូវថ្មីហើយប្រាប់ពួកគេថា អ្នកជឿជាក់ថាអ្នកអាចធ្វើវាបាន។

៧.រីករាយពេលមនុស្សជុំវិញខ្លួនបានជោគជ័យ៖ ការដែលមានចិត្តរីករាយសាទរចំពោះមនុស្សនៅជុំវិញខ្លួនសម្រេចបំណងធំអ្វីមួយ គឺវាពិតជាជម្រុញលើកទឹកចិត្តខ្លាំងមែនទែនសម្រាប់ជីវិតរបស់យើង ខណៈការអបអរសាទរទាំងនេះក៏ជាកម្លាំងមិត្តភាពរបស់យើងចំពោះមនុស្សជុំវិញខ្លួនផងដែរ៕

The post មកដឹងឥរិយាបថមនុស្សរីកចម្រើន និងមានគំនិតសហគ្រិនទាំង ៧យ៉ាងនេះ ឧកញ៉ា ផន វណ្ណិត បញ្ជាក់ប្រាប់ច្បាស់ៗ appeared first on .

សូមចុច Subscribe Telegram oknha_news ដើម្បីទទួលព័ត៌មានពី​សកម្មភាព​ឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព!

អ្នកស្រីថ្លែងថា ខ្ញុំអាចនិយាយបានថា ការចេះគ្រប់គ្រងពេលវេលា គឺជាវិធីសាស្ត្រតែមួយគត់ គឺតែមួយផ្លូវនេះប៉ុណ្ណោះ ក្នុងការបន្ថែមពេលវេលាប្រកបដោយទិន្នផល ក្នុងចំណោមពេលវេលាដែលមិនអាចប្ដូរតួលេខបានរបស់គ្រប់គ្នា គឺ ២៤ ម៉ោងក្នុងមួយថ្ងៃ។

អ្នកស្រីបន្តថា អ្នកស្គាល់គ្នាមួយចំនួនបានសរសើរខ្ញុំថា ខ្ញុំមានកូន មានគ្រួសារ ខ្ញុំអាចទាំងធ្វើការ ចូលរួមសកម្មភាពសង្គម អាចធ្វើអាហារដោយដៃសម្រាប់គ្រួសារ អាចហាត់កីឡា អាចសរសេរសៀវភៅ និងអាចតុបតែងរូបរាងឲ្យចូលចំណោមជានិច្ច តើខ្ញុំធ្វើយ៉ាងម៉េច? ចម្លើយរបស់ខ្ញុំ មិនថាយើងរហ័សប៉ុនណា អ្វីដែលគ្មានផែនការតែងតែច្រឡំបល់។ ខ្ញុំរៀបសូម្បីខោអាវសម្រាប់ព្រឹកស្អែក និងកម្មវិធីនៃថ្ងៃនីមួយៗត្រូវមានកាលវិភាគច្បាស់។ ប្រសិនបើខ្ញុំទុកថ្ងៃសៅរ៍មួយសម្រាប់សម្អាត ហើយថ្ងៃអាទិត្យសម្រាប់កម្សាន្ត គឺខ្ញុំធ្វើវាទាល់តែបាន។

ម្ចាស់សៀវភៅពេលវេលារូបនេះ ក៏បង្ហាញនូវគន្លឹះខាងក្រោម អ្នកស្រីធ្លាប់ជួយឲ្យខ្លួនឯងអនុវត្តអ្វីៗសឹង ៨០ ភាគរយបានតាមគម្រោង គឺទីមួយដោយអ្នកស្រីផ្ដោតលើភារកិច្ចសំខាន់ៗ ដែលមានឥទ្ធិពលធំធេងក្នុងការប្រើប្រាស់ពេលវេលាឲ្យមានប្រសិទ្ធភាព ដូចជា អាទិភាពគឺការងារដែលធ្វើឲ្យគាត់ទទួលអារម្មណ៍ថា គាត់មានការទទួលខុសត្រូវល្អ។

អ្នកស្រី សុធារី បានអះអាងថា ជាម្ដាយ ជានិយោជិត ជាអ្នកសិល្បៈផ្នែកសរសេរ បើខ្ញុំបំពេញភារកិច្ចធំៗបាន ហត់ប៉ុនណា ខ្ញុំមិនដែលបាក់ទឹកចិត្ត បាក់កម្លាំងគេង ដូចសាកថ្មអាគុយ ហើយចិត្តសប្បាយ។ ចិត្តសប្បាយ យើងមិនងាយមានបញ្ហាធំដុំទេ។ បើយើងចោលការងារអាទិភាព គេចវេះពីការទទួលខុសត្រូវ យើងនឹងមិនសប្បាយចិត្ត ហើយគ្រប់យ៉ាងងាយស្រួលក្នុងការវិវត្តទៅរកភាពថប់បារម្ភ។ ខ្ញុំមិននិយាយថា អ្នកបាក់ទឹកចិត្តទាំងអស់មិនបានបំពេញការទទួលខុសត្រូវ បានជាគេរងគំនាបផ្លូវចិត្តនោះទេ តែខ្ញុំហ៊ាននិយាយថា ក្នុងចំណោមពួកគេ មានអ្នកដែលបាក់ទឹកចិត្តដោយសារមិនបានបំពេញការងារសំខាន់ៗឲ្យបានត្រឹមត្រូវ ឬខូចបង់ពេលវេលាគួរឲ្យសោកស្ដាយ។

អ្នកស្រីបញ្ជាក់ថា ដូចខ្ញុំតែងនិយាយ ពេលវេលាជាអ្វីដែលបាត់ហើយ និងមិនអាចរកមកវិញជារៀងរហូត។ ដូច្នេះ ការសោកស្ដាយនេះជាវិប្បដិសារៈដែលនាំទៅដល់ការខូចចិត្ត។ សិល្បវិធីមួយទៀត គឺការរៀបចំបរិយាកាសការងារល្អ និងបង្កើតលក្ខខណ្ឌការងារមានលំអានត្រឹមត្រូវ ដើម្បីបំបាត់ចោលរាល់ការរំខានខាតពេលវេលា។

ខ្ញុំឧទាហរណ៍ ខ្ញុំមានក្រុមការងារច្រើន ខ្ញុំមិនដែលកំណាញ់ក្នុងការចែករំលែក ឬបង្ហាត់បង្រៀន ចូលរួមយោបល់ ប៉ុន្តែខ្ញុំជ្រើសរើសប្រភេទគម្រោង និងប្រភេទមនុស្សដែលពាក់ព័ន្ធនឹងគម្រោង ការចំណាយពេលទៅលើបុគ្គលដែលមិនយល់អំពីតម្លៃនៃពេលវេលា ភាគច្រើនខ្ញុំមិនចំណាយឡើយ។

ប្រិយមិត្តក៏អាចរកជាវសៀវភៅ ពេលវេលា ដែលនិពន្ធដោយអ្នកស្រី ម៉ីសន សុធារី ក្នុងមួយក្បាលតម្លៃត្រឹម ២៥០០០រៀលប៉ុណ្ណោះ តាមរយៈលេខទូរសព្ទ ​០១៥ ២១៣ ១១។ ខណៈដែលនេះគឺជាការបោះពុម្ភលើកទីពីររបស់គ្រឹះស្ថានតម្រា បន្ទាប់ពីលក់ដាច់ខ្លាំងត្រឹមរយៈពេលដ៏ខ្លី។

The post សៀវភៅ “ពេលវេលា” ស្នាដៃរបស់អ្នកកាសែតជើងចាស់ម្នាក់ លក់ដាច់បំផុតដល់ថ្នាក់សម្រេចចូលរោងពុម្ភជាលើកទីពីរ appeared first on .