លោកបន្តថា កំណាត់ផ្លូវជាតិលេខ៥(សិរីសោភ័ណ-ប៉ោយប៉ែត) គឺជាកំណាត់ចុងក្រោយ នៃគម្រោងស្តារ និងលើកកម្រិតគុណភាពផ្លូវជាតិលេខ៥។ គម្រោងនៃកំណាត់ចុងក្រោយនេះ នឹងបញ្ចប់ក្នុងអំឡុងឆ្នាំ២០២៦ ខាងមុខនេះ។

ជាមួយគ្នានេះ លោក ផន រឹម ក៏បានអំពាវនាវដល់អ្នកប្រើប្រាស់កំណាត់ផ្លូវជាតិលេខ៥(សិរីសោភ័ណ-ប៉ោយប៉ែត)មេត្តាប្រុងប្រយ័ត្នខ្ពស់ ដោយត្រូវបើកបរក្នុងល្បឿនមួយអាចគ្រប់គ្រងបាន ដើម្បីធានាសុវត្ថិភាពខ្លួនឯង និងអ្នកដទៃ។

សូមជម្រាបជូនថា គម្រោងធ្វើឱ្យប្រសើរឡើងផ្លូវជាតិលេខ៥ បែងចែកជាកំណាត់ៗ រួមមាន៖ កំណាត់ទី១ ភាគខាងជើង បាត់ដំបង-សិរីសោភ័ណ ប្រវែងជាង ៨៤គីឡូម៉ែត្រ (សម្ពោធកាលខែមករា ឆ្នាំ២០២២), កំណាត់ទី២ ភាគខាងត្បូង ព្រែកក្តាម-ធ្លាម្អម ប្រវែង ១៣៥គីឡូម៉ែត្រ ,កំណាត់ទី៣ ភាគកណ្តាល ធ្លាម្អម-បាត់ដំបង ប្រវែង ១១០,៩គីឡូម៉ែត្រ។ (ត្រូវបានសម្ពោធកាលពីខែវិច្ឆិកា ឆ្នាំ២០២៣) រីឯណាត់ចុងក្រោយ សិរីសោភ័ណ-ប៉ោយប៉ែត មានប្រវែងសរុប ៣៥,១៤គីឡូម៉ែត្រ កំពុងសាងសង់បាន២៩%។

គម្រោងធ្វើឱ្យប្រសើរឡើងវិញកំណាត់ផ្លូវជាតិលេខ ៥ គឺជាគម្រោងក្រោមកម្ចីឥណទានសម្បទានពីរដ្ឋាភិបាលជប៉ុន តាមរយៈទីភ្នាក់ងារសហប្រតិបត្តិការ អន្តរជាតិជប៉ុនប្រចាំកម្ពុជា ដែលផ្តើមសាងសង់ចេញពីព្រែកក្តាម រហូតដល់ក្រុងប៉ោយប៉ែត ឆ្លងកាត់ខេត្តកណ្តាល កំពង់ឆ្នាំង ពោធិ៍សាត់ បាត់ដំបង និង ខេត្តបន្ទាយមានជ័យ មានប្រវែងសរុបជាង៣០០គីឡូម៉ែត្រ៕

The post កំណាត់ផ្លូវជាតិលេខ៥ (សិរីសោភ័ណ-ប៉ោយប៉ែត) សម្រេចបាន២៩%ហើយ appeared first on .

លោក ផន រឹម បានឱ្យដឹងថា កំណាត់ផ្លូវចុងក្រោយ នៃគម្រោងស្តារ និងលើកកម្រិតគុណភាពផ្លូវជាតិលេខ៥ ចាប់ពីសិរីសោភ័ណ-ប៉ោយប៉ែត ខេត្តបន្ទាយមានជ័យ មានប្រវែង ៣៥,១៤គីឡូម៉ែត្រ សម្រចបានលទ្ធផលសាងសង់​បានចំនួន ២៥%ហើយ គិតត្រឹមដើមខែកញ្ញា ឆ្នាំ២០២៤នេះ។

គួរបញ្ជាក់ដែរថា នៅរយៈពេលប៉ុន្មានថ្ងៃជាប់ៗនេះ ភ្លៀងបានបន្តធ្លាក់ឥតដាច់ ដែលជាផ្នែកមួយដ៏ធំនៃដំណើរការរាំងស្ទះខ្លះដល់ការដ្ឋានស្តារ និងលើកកម្រិតគុណភាពផ្លូវ។យ៉ាងណាបើតាមអ្នកនាំពាក្យខាងលើ អះអាងថា គម្រោងនៃកំណាត់ចុងក្រោយនេះ នឹងបញ្ចប់ក្នុងអំឡុងឆ្នាំ២០២៥ ខាងមុខ (បើគ្មានការប្រែប្រួលទេ)។

ជាមួយគ្នានេះ ក្រុមការងារការដ្ឋានបានយកចិត្តទុកដាក់ខ្ពស់​លើកិច្ចការនេះ និងបានសម្រួលទាំងភ្លៀងដល់ការធ្វើចរាចរណ៍របស់បងប្អូនប្រជាពលរដ្ឋផងដែរ។ទន្ទឹមគ្នានេះ ក្នុងនាមអ្នកនាំពាក្យក្រសួងសាធារណការ និងដឹកជញ្ជូន លោក ផន រឹម ក៏បានសុំខន្តីអភ័យទោសចំពោះការរំខានក្នុងអំឡុងពេលសាងសង់ ហើយការដ្ឋានបានប្រឹងប្រែងនិងខិតខំឱ្យបញ្ចប់ការងារ​សាងសង់តាមកាលវេលាដែលបានគ្រោងទុក។

សូមរម្លឹកដែរថា កំណាត់ចុងក្រោយនេះមានប្រវែង ៣៥,១៤គីឡូម៉ែត្រ គិតចាប់ពី(សិរីសោភ័ណ-ប៉ោយប៉ែត) ត្រូវបានបើកការដ្ឋានសាងសង់កាលថ្ងៃទី ២២ ខែវិច្ឆិកា ឆ្នាំ២០២៣ កន្លងទៅនេះ៕អត្ថបទ៖ រង្សី

The post កំណាត់ចុងក្រោយផ្លូវជាតិលេខ៥(សិរីសោភ័ណ-ប៉ោយប៉ែត) សង់បាន២៥% គ្រោងបញ្ចប់នៅឆ្នាំ២០២៥ appeared first on .

ក្រសួងសាធារណការ និងដឹកជញ្ជូន កាលពីថ្ងៃទី១១ ខែកក្កដា ឆ្នាំ២០២៣ បានឱ្យដឹងថា គម្រោងធ្វើឱ្យប្រសើរឡើងផ្លូវជាតិ៥នេះ ជាផ្លូវអាស៊ានហាយវេលេខ១ នឹងផ្តល់អត្ថប្រយោជន៍យ៉ាងធំធេង ដូចជា អាចបង្កើនការនាំចេញ-នាំចូល និងជាផ្លូវមួយប្រកបដោយសក្តានុពលខ្ពស់សម្រាប់បម្រើវិស័យសេដ្ឋកិច្ចកម្ពុជា ពិសេសអាចកាត់ បន្ថយគ្រោះថ្នាក់ និងការ កកស្ទះចរាចរណ៍បានយ៉ាងច្រើន។

លើសពីនេះទៅទៀត ក្រសួងសាធារណការ និងដឹកជញ្ជូន បានបញ្ជាក់ដែរថា ប្រជាពលរដ្ឋតាមដងផ្លូវនេះនឹងមានជីវភាពកាន់តែល្អប្រសើរតាមរយៈកំណើននៃការអភិវឌ្ឍ វិនិយោគ និងទេសចរណ៍ថែមទៀត។

គួរបញ្ជាក់ដែរថា បើតាមក្រសួងសារធារណការ បានបញ្ជាក់ថា គម្រោងធ្វើឱ្យប្រសើរឡើងផ្លូវជាតិលេខ៥ (ផ្លូវអាស៊ានហាយវេលេខ១) គឺមានប្រវែងផ្លូវ៖ ៣៦៦គីឡូម៉ែត្រ ឆ្លងកាត់ខេត្តកណ្តាល កំពង់ឆ្នាំង ពោធិ៍សាត់ បាត់ដំបង និងបន្ទាយមានជ័យ។ ផ្លូវនេះ មានចំណុចចាប់ផ្ដើម៖ ពីព្រែកក្តាម និងចំណុចបញ្ចប់ នៅក្រុងប៉ោយប៉ែត ខេត្តបន្ទាយមានជ័យ។

ផ្លូវនេះ ត្រូវបានបែងចែកចេញជា ៣កំណាត់ គឺកំណាត់ទី១ ភាគខាងជើង (បាត់ដំបង-សិរីសោភ័ណ) កំណាត់ទី២ ភាគខាងត្បូង (ព្រែកក្តាម-ធ្លាម្អម) និងកំណាត់ទី៣ ភាគកណ្តាល (ធ្លាម្អម-បាត់ដំបង និងសិរីសោភ័ណ-ប៉ោយប៉ែត)។ ផ្លូវជាតិ៥ នេះ បានបើកការដ្ឋានសាងសង់កាលពីថ្ងៃទី ២៦ ខែមីនា ឆ្នាំ២០១៨ បញ្ចប់ការសាងសង់នៅថ្ងៃទី១០ ខែមករា ឆ្នាំ២០២២។ ផ្លូវនេះដែរ បានប្រើពេលសាងសង់អស់រយៈពេលសាងសង់ ៥៥ខែ ជាប្រភេទផ្លូវ បេតុងកៅស៊ូ (AC) ដោយបានចំណាយថវិការសាងសង់ក្នុងទំហំទឹកប្រាក់គម្រោង ប្រមាណ ៥០០លានដុល្លារសហរដ្ឋអាមេរិក។

ផ្លូវនេះ បានសាងសង់ឡើងដោយ ក្រុមហ៊ុនសម្ព័ន្ធក្រុមហ៊ុន Tekken-Taiyo JV និងក្រុមហ៊ុនសម្ព័ន្ធក្រុមហ៊ុន Daiho-Asanuma JV និងធ្វើការត្រួតពិនិត្យបច្ចេកទេសដោយ ក្រុមហ៊ុនទីប្រឹក្សាបច្ចេកទេស KEI-OCG-KCI Joint Venture in association with KCEC និង TANCONS ៕

អត្ថបទ៖ ពិសី

The post ផ្លូវជាតិលេខ៥ តម្លៃ៥០០លានដុល្លារ នឹងជំរុញវិស័យសេដ្ឋកិច្ច និងពាណិជ្ជកម្មកម្ពុជាឱ្យកាន់តែខ្លាំង appeared first on .

ក្នុងដំណើរចុះពិនិត្យវឌ្ឍនភាពការងារសាងសង់គម្រោងធ្វើឱ្យប្រសើរ​ឡើងវិញកំណាត់ផ្លូវជាតិ​លេខ៥ ភាគខាងត្បូង (ព្រែក​ក្តាម -ធ្លាម្អម)កាលពីថ្ងៃទី២៣ ខែមិថុនា ឆ្នាំ២០២២ លោក ស៊ុន ចាន់ថុល ទេស​រដ្ឋមន្ត្រី រដ្ឋមន្ត្រីក្រសួងសាធារណការ និង​ដឹក​ជញ្ជូន បាន​អំពាវនាវសុំឱ្យអ្នកប្រើប្រាស់​ផ្លូវទាំងអស់​​គោរព​​ច្បាប់ចរាចរណ៍ និងច្បាប់ផ្លូវថ្នល់ទាំងអស់គ្នា ដើម្បីចូលរួម​ជាមួយ​​រាជរដ្ឋាភិបាល​​ក្នុងការថែរក្សា​​ទ្រព្យ​​សម្បត្តិជាតិនិង កាត់បន្ថយគ្រោះថ្នាក់ចរាចរណ៍ ។

គម្រោងធ្វើឱ្យប្រសើរឡើងវិញកំណាត់ផ្លូវជាតិលេខ៥ ភាគខាងត្បូងនេះមានប្រវែង​១៣៥,​២៥ គីឡូ​ម៉ែត្រ ត្រូវ​បាន​បែង​ចែកជាបីកញ្ចប់ការងារ ចាប់ផ្តើមបើកការដ្ឋានសាងសង់​​នៅថ្ងៃទី២១ ខែឧសភា ឆ្នាំ​២០១៨ គ្រោងចំណាយពេល​សាងសង់​ចំនួន៤៨ខែ និងគ្រោងចំណាយថវិកាប្រមាណ ២៤៦,៣៥ លានដុល្លារ អាមេរិក។

គួរបញ្ជាក់ថា គម្រោងធ្វើឱ្យប្រសើរឡើងផ្លូវជាតិលេខ៥ មានប្រវែងសរុបចំនួន៣៦៦គីឡូម៉ែត្រ ឋិតក្នុងខេត្តកំពង់ឆ្នាំង ពោធិ៍សាត់ បាត់ដំបង និងបន្ទាយមានជ័យ ជាគម្រោងក្រោមកម្ចីឥណទាន សម្បទានពីរដ្ឋាភិបាលជប៉ុន តាមរយៈ​ទីភ្នាក់ងារ​សហប្រតិបត្តិការអន្តរជាតិជប៉ុនប្រចាំកម្ពុជា គ្រោងចំណាយថវិកាប្រមាណ៥០០ លានដុល្លារសហរដ្ឋអាមេរិក ។

ការងារស្ថាបនាត្រូវបានបែងចែកជាបីផ្នែក ធំៗរួមមាន៖ ភាគខាងជើង ភាគខាងត្បូង និងភាគកណ្តាល ដោយក្នុងនោះ មាន​ការពង្រីកកំណាត់ផ្លូវ ជាតិមានស្រាប់ពី២គន្លង ទៅ៤គន្លង ទទឹង២៣ម៉ែត្រ មាន​ប្រវែងសរុប៣០៤គីឡូម៉ែត្រ ក្រាល​ជំនួស ដោយបេតុងកៅស៊ូ(AC) និងមានសួរច្បារកណ្តាល។

គម្រោងនេះមានការសាងសង់ផ្លូវវាងក្រុងសរុបមានចំនួន៥ខ្សែ មានប្រវែងសរុប៦២គីឡូម៉ែត្រ មាន៤​គន្លង ទទឹង២៣​ម៉ែត្រ និងសួរច្បារកណ្តាល មានការពង្រីកស្ពានចាស់ និងសាងសង់ស្ពានថ្មី ដែលស្ថិត​ក្នុង កំណាត់ផ្លូវជាតិលេខ៥ មាន​ចំនួនសរុប៨០កន្លែង៕

The post សល់តែ២០ភាគរយទៀតទេ កំណាត់ផ្លូវជាតិលេខ៥ ពី​ព្រែក​​ក្តាម ដល់ធ្លាម្អម នឹងពង្រីករួចរាល់ appeared first on .