អ្នកស្រី វណ្ណា អ្នកលក់អាវរងារបានលើកឡើងថា អ្នកមកទិញអាវរងារមានស្ទើរាល់ថ្ងៃ ប៉ុន្តែនៅប៉ុន្មានថ្ងៃនេះអតិថិជនមកទិញច្រើនដោយអ្នកខ្លះទិញពាក់ខ្លួនឯង និងទិញផ្ញើចាស់ៗ។ សម្រាប់តម្លៃវិញអ្នកស្រីបញ្ជាក់ថាគឺមានតម្លៃនៅថេរដូចយើងលក់រាល់ថ្ងៃដែរ, របស់ណាធូរលក់ធូរ, របស់ថ្លៃលក់ថ្លៃ ថោកបំផុត១កំផ្លេរ១ម៉ឺនរៀល។

ជាមួយគ្នានេះដែរអាជីវកវ័យក្មេង កញ្ញា សម្ភស្ស បានឲ្យដឹងថា នៅរដូវរងារនិងខែក្តៅគឺមានការលក់ដាច់បានច្រើន ពេលខ្លះថ្ងៃសៅរ៍អាទិត្យកញ្ញាលក់បានជាង ២០អាវក៏មាន ដោយអ្នកខ្លះទិញទៅសម្រាប់ដំណើរកម្សាន្តនៅស្រុកក្រៅ។

ចំណែកអ្នកស្រី ស្រីមុំ អាជីវករលក់អាវរងារនៅផ្សារបឹងកេងកង ក៏បានបង្ហាញនូវអារម្មណ៍រីករាយបន្ទាប់ពីអ្នកមកទិញមានចំនួនច្រើនស្ទើរាល់ថ្ងៃ។ ការមានអ្នកគាំទ្រច្រើននេះដោយសារអ្នកស្រីគាស់ឥវ៉ាន់ក្បាលគីបមកលក់រាយផង និងលក់ដុំផង។ សម្រាប់តម្លៃអ្នកស្រីបញ្ជាក់ថា ទីផ្សារអាវងារគឺមានឡើងមានចុះទៅតាមតម្លៃអាវ និងទៅលើការចរចារពីភ្ញៀវ។

យោងតាមការព្យាករអាកាសធាតុលើកទី១ របស់ ក្រសួងធនធានទឹក និងឧតុនិយម បានឱ្យដឹងថានៅក្នុងខែធ្នូ ឆ្នាំ ២០២៣ ដល់ខែមករា ឆ្នាំ ២០២៤ បណ្តាខេត្តនៅភាគខាងជើងជាប់ក្បែរជួរភ្នំដងរែក និងខ្ពង់រាបឦសានៈ នៅក្នុងថ្ងៃខ្លះសីតុណ្ហភាពអប្បបរមាធ្លាក់ចុះពី ១៦ ដល់ ១៨អង្សារសេ។ចំណែកនៅបណ្តាខេត្តដទៃទៀត សីតុណ្ហភាព អប្បបរមា ១៩ ដល់ ២២អង្សារសេ។

យ៉ាងណាមិញ ចាប់ពីខែកុម្ភៈ ដល់ដើមខែឧសភា អាកាសធាតុកើនកម្តៅជាលំដាប់ ដោយសារបាតុភូតអែលនីញ៉ូ ពោលគឺនឹងក្តៅខ្លាំងនៅក្នុងខែមេសា ដល់ដើមខែឧសភា ជាមួយនឹងសីតុណ្ហភាពមធ្យមអតិបរមា ៣៨អង្សារសេ និងសីតុណ្ហភាពអតិបរមា នៅក្នុងថ្ងៃខ្លះអាចឡើងដល់ ៤១អង្សារសេ៕

The post ទឹកមុខរីករាយ! ប៉ុន្មានថ្ងៃនេះអាជីវករលក់អាវរងារកំពុងត្រូវប៉ាន់ហើយ appeared first on .