ពិធី​សម្ពោធ​ការិយាល័យ​លក់​តូប​នៅ​ក្នុង​ផ្សារសិនជូរី ផ្លាហ្សា ​​ខាង​លើ​នេះ​ ​មាន​ការ​អញ្ជើញ​​​ពី​សំណាក់​​អាជីវករ និង​ភ្ញៀវ​កិត្តិយស​ជា​ច្រើន​រូប​ផង​ដែរ។ ក្រុមហ៊ុន Han Thong Group ក្រោមការដឹកនាំរបស់លោកឧកញ៉ា លីម លាង និង​ផ្សារ​សិនជូរី ផ្លាហ្សា របស់​អ្នកឧកញ៉ា ចាន់ សុទ្ធា អភិវឌ្ឍន៍គម្រោងដោយក្រុមហ៊ុន JLECC បានចុះអនុស្សរណៈយោគយល់ស្តីពី «ការសហការ​ជាដៃគូ​យុទ្ធសាស្ត្រ» និងបើកលក់ជាន់ផ្ទាល់ដីជាផ្លូវការ ចាប់តាំងពីថ្ងៃទី០១ ខែមករា ឆ្នាំ២០២៤។

ឧកញ៉ា លីម លាង មានទំនុកចិត្ត​ថា ផ្សារសិនជូរី ផ្លាហ្សា ដែលមានប្រវត្តិដំណើរការបានជាង៣០ឆ្នាំមកហើយ នឹងអាច​ជួយឱ្យ​បងប្អូនអាជីវករទាំងអស់ ​ប្រកបអាជីវកម្ម​ដោយស្ថេភាព និង​ទទួលបានប្រាក់ចំណូលខ្ពស់ ហើយ​នឹងក្លាយជា​ចំណែក​មួយដ៏សំខាន់ ក្នុងការជួយជំរុញ​សេដ្ឋកិច្ចជាតិ​កាន់តែលូតលាស់​បន្ថែម​ទៀត។ លោក​ឧកញ៉ា ធ្លាប់​បាន​បញ្ជាក់​យ៉ាង​ដូច្នេះ​ថា៖ “ផ្សារសិនជូរី ផ្លាហ្សា នឹងប្រគល់តូបជូនអតិថិជនក្នុងអំទ្បុងចុងខែមករា ដល់ខែកុម្ភៈ ឆ្នាំ២០២៤នេះ ហើយ​ផ្សារសិនជូរី ផ្លាហ្សា នឹងចាប់ផ្តើមបើកធ្វើអាជីវកម្មនៅខែមេសា​ ឆ្នាំ២០២៤ ឆាប់ៗខាងមុខ”។

សូម​ជម្រាប​ថា ផ្សារទំនើបសិនជូរី ផ្លាហ្សា បាន​សម្ពោធបើកការដ្ឋាន កាលពី​ថ្ងៃទី២៧ ខែវិច្ឆិកា ឆ្នាំ២០១៩ ​​​ក្រោម​អធិបតីភាព​លោក ឃួង ស្រេង អភិបាលរាជធានីភ្នំពេញ និង​អ្នកឧកញ៉ា ចាន់ សុទ្ធា អគ្គនាយិកា​ក្រុមហ៊ុន សិនជូរី គ្រុប។ ផ្សារ​ទំនើប​សេនជូរីផ្លាហ្សា ជាផ្សារប្រពៃណីបោះដុំ និងលក់រាយដ៏ធំជាងគេបំផុត ក្នុងតំបន់ខណ្ឌពោធិ៍សែនជ័យ ដែល​សាងសង់លើផ្ទៃដី ១,១៤០០ម៉ែត្រការ៉េ ស្ថិត​នៅ​លើ​ផ្លូវ​សហព័ន្ធ​រុស្ស៊ី សង្កាត់កាកាបទី១ មានកម្ពស់​៧ជាន់ ផ្នែកខាង​លើ៥ជាន់ និងក្រោមដី២ជាន់។ ផ្សារទំនើបសិនជូរីផ្លាហ្សានេះ នឹងក្លាយជាតំបន់ ឧស្សាហកម្ម ពាណិជ្ជកម្ម សេវាកម្ម និងតំបន់ទេសចរណ៍ដ៏សំខាន់ សម្រាប់បម្រើឱ្យសេចក្ដីត្រូវការរបស់អតិថិជន៕​​​​

The post ឧកញ៉ា លីម លាង បើកសម្ពោធការិយាល័យលក់ «ផ្សារសិនជូរី ផ្លាហ្សា» ជាផ្លូវការ appeared first on .

អគារផ្សារទំនើបសិនជូរីផ្លាហ្សាថ្មី ត្រូវបាន​ពន្យាពេល​យឺត​ពី​គម្រោង ប៉ុន្តែ​ក្រោយមានការ​ជំរុញ​ពី​រដ្ឋបាល​រាជធានី​ភ្នំពេញ បាន​បន្ត​សាងសង់ ដែលគ្រោង​សម្ពោធ​ឲ្យ​អាជីវករ​ចូលលក់​នៅ​មុន​ពិធី​ចូល​ឆ្នាំ​ខ្មែរ។

អតីតផ្សារ​សិន​ជូរី ត្រូវ​បាន​អភិវឌ្ឍ​ជាមជ្ឈមណ្ឌលពហុពាណិជ្ជកម្ម មានទាំងផ្សារកសិកម្ម ផ្សារទំនិញទូទៅ មជ្ឈមណ្ឌលកម្សាន្ត មជ្ឈមណ្ឌលថែទាំសុខភាព-សម្ផស្ស ភោជនីយដ្ឋាន សណ្ឋាគារ ស្កាយបារ-ល- ដែលបម្រើតម្រូវការគ្រប់បែបយ៉ាងរបស់អតិថិជន។ ភាពចម្រុះ ទាំងនេះរួមមាន៖

ជាន់ផ្ទាល់ដី៖ មានត្រី សាច់ បន្លែ ផ្លែឈើ ដែលជាតម្រូវការជីវភាពប្រចាំថ្ងៃ សម្រាប់ប្រជាពលរដ្ឋជុំវិញ។ ជាន់ទី១. ផ្គត់ផ្គង់ទំនិញទូទៅ គ្រឿងឧបភោគ បរិភោគប្រចាំ សម្លៀកបំពាក់ គ្រឿងអលង្ការ វត្ថុអនុស្សាវរីយ៍។

ជាន់ទី២៖ ប្រមូលផ្តុំទៅដោយហាង ប្រណិតល្បីៗ ជុំវិញពិភពលោក ជាពិសេសមានសេវាកម្មថែទាំ សុខភាពនិងសម្ផស្ស។ ជាន់ទី៣៖ ភោជនីយដ្ឋានដែលប្រជុំទៅដោយរសជាតិល្បីៗទូទាំងពិភពលោក។

ជាន់ទី៤, ៥, និងជាន់ទី៦៖ ជាសណ្ឋាគារលំដាប់ផ្កាយ៤ ដែលជាចំណតទីមួយរបស់ភ្ញៀវទេសចរអន្តរជាតិ។ សួនច្បារលើអាកាសអាចឱ្យលោកអ្នកបណ្តែតអារម្មណ៍ទៅតាមខ្យល់ត្រជាក់ និងទស្សនីយ ភាពដ៏អស្ចារ្យ៕

The post រង់ចាំជាច្រើន​ឆ្នាំ​ ផ្សារទំនើប​សិនជូរី​ជិត​ព្រលាន​​បញ្ចប់ផ្នែក​គ្រឿង​បង្គុំ គ្រោង​សម្ពោធ​មុន​ចូលឆ្នាំ​ខ្មែរ appeared first on .