សំណើនេះទាក់ទងនឹងពន្ធគយថ្មីចំនួន ២៥% ដែលដាក់ដោយសហរដ្ឋអាមេរិក លើការនាំចូលទំនិញប្រេស៊ីលមួយចំនួនសម្រាប់ការចោទប្រកាន់ពីការអនុវត្តពាណិជ្ជកម្មមិនយុត្តិធម៌ និងពន្ធគយរហូតដល់ ១២,៥% ​​លើទំនិញពីប្រទេសរាប់សិប រួមទាំងប្រេស៊ីលផងដែរ ដែលជាប់ទាក់ទងនឹងការចោទប្រកាន់ពីការអនុវត្តច្បាប់ហាមឃាត់ការងារដោយបង្ខំ។

ប្រេស៊ីលបាននិយាយថា វិធានការទាំងនេះគឺ “មិនសមហេតុផល និងមិនស៊ីសង្វាក់គ្នា” ជាមួយនឹងកាតព្វកិច្ចរបស់សហរដ្ឋអាមេរិក ក្រោម “កិច្ចព្រមព្រៀងទូទៅស្តីពីពន្ធគយ និងពាណិជ្ជកម្មឆ្នាំ១៩៩៤” របស់អង្គការពាណិជ្ជកម្មពិភពលោក និង “ការយល់ដឹងអំពីច្បាប់ និងនីតិវិធីគ្រប់គ្រងការដោះស្រាយវិវាទ”។

មិនតែប៉ុណ្ណោះ រដ្ឋាភិបាលរបស់ប្រធានាធិបតី លោក Luiz Inacio Lula da Silva បាននិយាយរួចហើយថា ខ្លួននឹងលើកយកបញ្ហានេះទៅអង្គការ WTO។ ប្រេស៊ីលធ្លាប់បានចាត់វិធានការស្រដៀងគ្នានេះរួចហើយ កាលពីឆ្នាំមុន បន្ទាប់ពីមានការដាក់ចេញពន្ធគយជុំដំបូងរបស់លោក ត្រាំ ដែលក្រោយមកត្រូវបានលុបចោលវិញ​ ដោយតុលាការកំពូលសហរដ្ឋអាមេរិក៕​

The post ប្រេស៊ីល កំពុងស្នើឲ្យអង្គការពាណិជ្ជកម្មពិភពលោក ពិនិត្យមើលទៅលើពន្ធគយថ្មីរបស់រដ្ឋបាលលោក ត្រាំ appeared first on .

តំណាងពាណិជ្ជកម្មសហរដ្ឋអាមេរិក (USTR) បានប្រកាសថា ពន្ធបន្ថែមនឹងត្រូវបានអនុវត្តចំពោះទំនិញដែលកំពុងដំណើរការសម្រាប់ការប្រើប្រាស់ ឬដកចេញពីឃ្លាំងដែលមានប័ណ្ណបំណុល ដែលមានប្រសិទ្ធភាពចាប់ពីថ្ងៃទី២៤ ខែកក្កដា ឆ្នាំ២០២៦ នេះតទៅ។ ចំពោះពន្ធថ្មីនេះមានអត្រាពីរគឺមាន ១០% និង ១២,៥% ​។

យោងតាម ​​​​USTR ពន្ធគយ ១០% ត្រូវបានអនុវត្តចំពោះការនាំចូលពីប្រទេសដូចជាអាហ្សង់ទីន បង់ក្លាដែស ចក្រភពអង់គ្លេស កម្ពុជា កាណាដា អេក្វាឌ័រ អែលសាល់វ៉ាឌ័រ ហ្គាតេម៉ាឡា ហុងឌូរ៉ាស ឥណ្ឌា ឥណ្ឌូណេស៊ី ហ្ស៊កដានី ម៉ាឡេស៊ី ម៉ិកស៊ិក និងប្រទេសដទៃទៀត។

ដោយឡែកសម្រាប់សហភាពអឺរ៉ុប (EU) តៃវ៉ាន់ ជប៉ុន កូរ៉េខាងត្បូង និងស្វីស អត្រាពន្ធគយថ្មី នឹងត្រូវបន្ថែមទៅលើពន្ធគយដែលមានស្រាប់ ដោយអាចមានចំនួនសរុប ១០% ឬ ១២,៥% ​​អាស្រ័យលើសេដ្ឋកិច្ច។

យ៉ាងណាមិញ ចំពោះប្រទេសចំនួន ៣៨ ដែលនៅសល់ត្រូវបង់ពន្ធ ១២,៥% ពេញ រួមទាំងវៀតណាម ចិន ហ្វីលីពីន ថៃ និងប្រទេសដទៃទៀត។

គួរជម្រាបជូនថា សហរដ្ឋអាមេរិកបានស្នើពន្ធថ្មីទាំងនេះ នៅដើមខែមិថុនា បន្ទាប់ពីមានការស៊ើបអង្កេតរយៈពេលជាច្រើនខែលើគោលនយោបាយរបស់ដៃគូពាណិជ្ជកម្មរបស់ខ្លួនក្នុងការទប់ស្កាត់ចរាចរផលិតផលដែលផលិតដោយកម្លាំងពលកម្មដោយបង្ខំ។ ការស៊ើបអង្កេតនេះត្រូវបានធ្វើឡើងក្រោមមាត្រា ៣០១ នៃច្បាប់ពាណិជ្ជកម្មឆ្នាំ១៩៧៤។ ក្រសួងពាណិជ្ជកម្មសហរដ្ឋអាមេរិកបានអះអាងថា ការធ្វើបែបនេះដើម្បីធ្វើឱ្យសហរដ្ឋអាមេរិកចៀសវាងការខាតបង់ក្នុងការប្រកួតប្រជែង៕​

The post រដ្ឋបាលលោក ត្រាំ ចាប់ផ្តើមដាក់ពន្ធគយថ្មីលើប្រទេសចំនួន ៦០ ជុំវិញការអនុវត្តពាណិជ្ជកម្មមិនយុត្តិធម៌ appeared first on .

លោក ត្រាំ កាលពីថ្ងៃទី២១ ខែកក្កដា បានសរសេរនៅលើបណ្តាញសង្គម Truth Socia របស់ខ្លួនថា ឱសថទូទៅដែលនាំចូលទៅក្នុងទឹកដីសហរដ្ឋអាមេរិកនឹងត្រូវបានដំឡើងបន្តិចម្តងៗពី ០% រហូតដល់ ២០០% ក្នុងរយៈពេលច្រើនឆ្នាំទៅមុខ។

នៅក្នុងនោះដែរប្រធានាធិបតីអាមេរិករូបនេះ ក៏បានសង្កត់ធ្ងន់ទៀតថា ចាប់ពីខែសីហាឆ្នាំ២០២៨ តទៅ ផលិតផលទាំងនោះនឹងត្រូវទទួលរងពន្ធគយ ១០០% ហើយនឹងបន្តកើនឡើងដល់ ២០០% នៅឆ្នាំ២០២៩ ។

យ៉ាងណាមិញ ជុំវិញផែនទីបង្ហាញផ្លូវនេះមានបំណងលើកទឹកចិត្តក្រុមហ៊ុនផលិតឱសថឱ្យផ្លាស់ប្តូរផលិតកម្មរបស់ពួកគេត្រឡប់ទៅសហរដ្ឋអាមេរិកវិញ។ លោក ត្រាំ ក៏បានពន្យល់ទៀតថាពន្ធដែលកើនឡើងបន្តិចម្តងៗនេះនឹងជាការដាក់ពិន័យ សម្រាប់អាជីវកម្មដែលមិនព្រមសាងសង់រោងចក្រ និងបង្កើតរោងចក្រនៅសហរដ្ឋអាមេរិកក្នុងអំឡុងពេលលើកទឹកចិត្ត។

គួរជម្រាបជូនផងដែរថា ពាក់ព័ន្ធទៅនឹងគោលនយោបាយពន្ធថ្មីនេះ ឥណ្ឌា ស្ថិតនៅក្នុងចំណោមប្រទេសដែលនឹងរងផលប៉ះពាល់ខ្លាំងបំផុត ដោយសារតែក្រុមហ៊ុនឱសថរបស់ខ្លួនផ្គត់ផ្គង់ថ្នាំទូទៅជិត ៥០% នៃការប្រើប្រាស់ថ្នាំទូទៅទាំងអស់ នៅសហរដ្ឋអាមេរិក៕​

The post លោក ត្រាំ ត្រៀមដំឡើងពន្ធ ២០០% លើឱសថដែលនាំចូលមកទឹកដីសហរដ្ឋអាមេរិក appeared first on .

លោកស្រី Jenna Ghasabeh អ្នកនាំពាក្យរបស់រដ្ឋមន្ត្រីក្រសួងហេដ្ឋារចនាសម្ព័ន្ធកាណាដា គឺលោក Gregor Robertson បាននិយាយនៅថ្ងៃទី២១ ខែកក្កដាថា ៖”ដោយសារវិធានការពាណិជ្ជកម្មដែលសហរដ្ឋអាមេរិកបានគំរាមកំហែងដាក់លើកាណាដានៅដើមសប្តាហ៍នេះ ការបន្តរៀបចំព្រឹត្តិការណ៍អបអរសាទររវាងប្រទេសទាំងពីរ នឹងមិនត្រូវធ្វើឡើងនោះឡើយ”។

ស្ពាន Gordie Howe ដែលតភ្ជាប់ពីទីក្រុង Windsor ក្នុង Ontario ប្រទេសកាណាដា ជាមួយទីក្រុង Detroit រដ្ឋ Michigan នៅសហរដ្ឋអាមេរិក គ្រោងនឹងបើកដំណើការជាផ្លូវការនៅថ្ងៃទី២៧ ខែកក្កដាខាងមុខ។ ហើយយ៉ាងណាមិញ ផែនការដើមសម្រាប់ពិធីកាត់ខ្សែបូរ ដំបូងឡើយត្រូវធ្វើឡើងនៅថ្ងៃទី២៤ ខែកក្កដា ដោយមានការចូលរួមពីមន្ត្រីជាន់ខ្ពស់នៃប្រទេសទាំងពីរ។

ប៉ុន្តែទន្ទឹមនឹងនេះ លោកស្រី Ghasabeh បាននិយាយថា ប្រទេសកាណាដានៅតែប្តេជ្ញាចិត្តក្នុងការដាក់ឲ្យស្ពាននេះដំណើរការតាមកាលវិភាគ ប៉ុន្តែនឹងរៀបចំពិធីសម្ពោធតែនៅក្នុងស្រុកប៉ុណ្ណោះ។

គួរជម្រាបជូនថា នៅថ្ងៃទី២០ ខែកក្កដា ប្រធានាធិបតីអាមេរិក លោក ត្រាំ បានប្រកាសដាក់ពន្ធ ៥០% លើទំនិញនាំចូលជាច្រើនពីប្រទេសកាណាដា ដើម្បីឆ្លើយតបទៅនឹងការចោទប្រកាន់ថាប្រទេសនេះរើសអើងចំពោះរថយន្ត ភេសជ្ជៈមានជាតិអាល់កុល និងផលិតផលទឹកដោះគោដែលផលិតនៅសហរដ្ឋអាមេរិក៕​

The post កាណាដា លុបចោលពិធីដាក់សម្ពោធស្ពានព្រំដែនជាមួយអាមេរិក ក្រោយលោក ត្រាំ គំរាមដំឡើងពន្ធ appeared first on .

លោក ត្រាំ បានបង្ហោះសារមួយនៅលើវេទិកាប្រព័ន្ធផ្សព្វផ្សាយសង្គម Truth Social កាលពីថ្ងៃទី១៨ ខែកក្កដាថា ៖”ការខូចខាតគឺមិនអាចវាស់វែងបាន។ នេះគឺជាការធ្វេសប្រហែសដោយចេតនា ហើយកំពុងក្លាយជារឿងដដែលៗកើតឡើងជារៀងរាល់ឆ្នាំ ដែលធ្វើឱ្យអាមេរិកខាតបង់រាប់ពាន់លានដុល្លារ។ ថ្លៃដើមនៃការបំពុលត្រូវតែបន្ថែមទៅក្នុងពន្ធដែលប្រទេសកាណាដាកំពុងបង់”។

គួរឲ្យដឹងផងដែរថា លោក ត្រាំ បានប្រើប្រាស់ពន្ធគយជាយូរមកហើយដើម្បីជាឧបករណ៍នៃការដាក់សម្ពាធក្នុងជម្លោះជាមួយប្រទេសដទៃទៀត បើទោះបីជាការចំណាយត្រូវបានទទួលដោយអាជីវកម្ម និងអ្នកប្រើប្រាស់អាមេរិកក៏ដោយ។

មិនតែប៉ុណ្ណោះ មេដឹកនាំអាមេរិករូបនេះ ក៏បាននិយាយផងដែរថា លោកនឹងទូរស័ព្ទទៅនាយករដ្ឋមន្ត្រីកាណាដា លោក Mark Carney ដើម្បីសួរថា “តើពួកគេមានគម្រោងឆ្លើយតបទៅនឹងបញ្ហានេះយ៉ាងដូចម្តេច”។

តំបន់ជាច្រើននៅក្នុងប្រទេសកាណាដាកំពុងជួបប្រទះនឹងភ្លើងឆេះព្រៃជាបន្តបន្ទាប់ដោយសារតែអាកាសធាតុក្តៅ។ មជ្ឈមណ្ឌលបង្ការអគ្គីភ័យអន្តរស្ថាប័នកាណាដា (CIFFC) បានរាយការណ៍ថា គិតត្រឹមថ្ងៃទី១៧ ខែកក្កដា ប្រទេសនេះបានកត់ត្រាភ្លើងឆេះព្រៃចំនួន ៨៩៧ ករណី ដែលក្នុងនោះជិត ១០០ ករណីស្ថិតក្រោមការគ្រប់គ្រងរួចហើយ។

ជម្រាបជូនថា ផ្សែងពីភ្លើងឆេះព្រៃនៅក្នុងប្រទេសកាណាដា និងរដ្ឋមីនីសូតា សហរដ្ឋអាមេរិក បានរីករាលដាល គ្របដណ្តប់លើទីក្រុងធំៗដូចជា Minneapolis, Chicago, Detroit, Cleveland, Pittsburgh, Philadelphia និង New York និងថែមទាំងឆ្លងកាត់មហាសមុទ្រអាត្លង់ទិកទៀតផង៕​

The post អាមេរិក ព្រមានដំឡើងពន្ធនាំចូលលើកាណាដា ដោយសារតែផ្សែងពីភ្លើងឆេះព្រៃ appeared first on .

ជុំវិញសកម្មភាពចុងក្រោយនេះ ត្រូវធ្វើឡើងបន្ទាប់ពីមានការស៊ើបអង្កេតអស់រយៈពេលមួយឆ្នាំ ដែលបានសន្និដ្ឋានថា គោលនយោបាយរបស់ប្រេស៊ីលលើពាណិជ្ជកម្មឌីជីថល ពន្ធ កម្មសិទ្ធិបញ្ញា ការចូលប្រើប្រាស់អេតាណុល និងការកាប់បំផ្លាញព្រៃឈើ គឺជាការដាក់បន្ទុកពាណិជ្ជកម្មរបស់សហរដ្ឋអាមេរិក។

យ៉ាងណាមិញ ប្រេស៊ីលកំពុងត្រៀមខ្លួនរួចជាស្រេចហើយ សម្រាប់ការឆ្លើយតបទៅកាន់សហរដ្ឋអាមេរិកវិញ ពាក់ពន្ធទៅនឹងការដាក់ទណ្ឌកម្ម ២៥% លើការនាំចូលទំនិញរបស់ខ្លួននេះ បន្ទាប់ពីការចរចាអស់រយៈពេលជាច្រើនខែ ប៉ុន្តែមិនទទួលបានផល។

មិនតែប៉ុណ្ណោះ លោក Greer បាននិយាយថាសកម្មភាពនៃការដាក់ពន្ធគយចុងក្រោយនេះ​ គឺមានភាពចាំបាច់ ដើម្បីដោះស្រាយការអនុវត្តពាណិជ្ជកម្មមិនយុត្តិធម៌ ដើម្បីបានធានាថា កម្មករ និងក្រុមហ៊ុនអាមេរិកអាចប្រកួតប្រជែងដោយស្មើភាពគ្នា។

គួរជម្រាបជូនថា ​ប្រេស៊ីល​នឹង​ក្លាយជា​ប្រទេស​ដំបូង​គេ​ដែល​ត្រូវ​បាន​កំណត់​គោលដៅ​ក្រោម​យុទ្ធសាស្ត្រ​ពន្ធ​ថ្មី​របស់​ប្រធានាធិបតី​អាមេរិក លោក ដូណាល់ ត្រាំ ដែល​ពឹងផ្អែក​លើ​មាត្រា ៣០១ នៃ​ច្បាប់​ពាណិជ្ជកម្ម​របស់​សហរដ្ឋអាមេរិក និងជា​បទប្បញ្ញត្តិ​ដែល​អនុញ្ញាត​ឲ្យ​មាន​ការ​ស៊ើបអង្កេត​លើ​ការ​អនុវត្ត​ពាណិជ្ជកម្ម​មិន​យុត្តិធម៌​៕​

The post អាមេរិក ប្រកាសដាក់ពន្ធ ២៥% លើការនាំចូលទំនិញមួយចំនួនពីប្រទេសប្រេស៊ីល appeared first on .

កាលពីពេលថ្មីៗនេះ លោក ត្រាំ បាននសរសេរនៅលើវេទិកាប្រព័ន្ធផ្សព្វផ្សាយសង្គម Truth Social របស់ខ្លួនថា៖ “ប្រទេសអឺរ៉ុបជាច្រើនកំពុងពិភាក្សាអំពីការអនុវត្តពន្ធសេវាកម្មឌីជីថលលើក្រុមហ៊ុនអាមេរិក។ ហើយមានប្រទេសខ្លះកំពុងខិតជិតធ្វើវាហើយ”។

ដូច្នេះ ដើម្បីជាការឆ្លើយតប លោក ត្រាំ បានគំរាមថាប្រទេសណាមួយដែលដាក់ពន្ធបែបនេះនឹងប្រឈមមុខនឹងពន្ធ ១០០% ត្រលប់ទៅវិញ លើទំនិញទាំងអស់ដែលនាំចេញទៅសហរដ្ឋអាមេរិកភ្លាមៗ។ ពន្ធថ្មីនេះនឹងជំនួសកិច្ចព្រមព្រៀងពាណិជ្ជកម្មណាមួយជាមួយសហរដ្ឋអាមេរិក ដោយមិនគិតពីថាតើវាត្រូវបានអនុវត្ត ចុះហត្ថលេខា ឬអត់នោះទេ។

មិនតែប៉ុណ្ណោះ ជុំវិញពន្ធគយថ្មីនេះ ក៏នឹងរួមបញ្ចូលទាំងកិច្ចព្រមព្រៀងដែលសម្រេចបានកាលពីឆ្នាំមុនរវាងសហរដ្ឋអាមេរិក និងសហភាពអឺរ៉ុប (EU) ផងដែរ ខណៈពីមុនកិច្ចព្រមព្រៀងនេះបានកំណត់ពន្ធនាំចូលរបស់សហរដ្ឋអាមេរិកលើទំនិញអឺរ៉ុបនៅត្រឹម ១៥%។

គួរជម្រាបជូនថា លោក ត្រាំ បាននិយាយម្តងហើយម្តងទៀតថា លោកនឹងសងសឹកប្រឆាំងនឹងប្រទេសដែលដាក់ពន្ធលើសេវាកម្មឌីជីថល ដោយអះអាងថាពន្ធទាំងនេះកំណត់គោលដៅដោយអយុត្តិធម៌ដល់ក្រុមហ៊ុនបច្ចេកវិទ្យាយក្សអាមេរិក។ កាលពីខែមិថុនាកន្លងទៅ លោកបានបញ្ឈប់ការចរចាពាណិជ្ជកម្មជាមួយប្រទេសកាណាដា ដោយសារតែប្រទេសនេះមានគម្រោងអនុវត្តពន្ធស្រដៀងគ្នាផងដែរ៕

The post លោក ត្រាំ គំរាមដាក់ចេញពន្ធនាំចូល ១០០% ទៅលើប្រទេសជាច្រើន appeared first on .

ការិយាល័យតំណាងពាណិជ្ជកម្មសហរដ្ឋអាមេរិក (USTR) បានដាក់ចេញសំណើនេះឡើង បន្ទាប់ពីមានការស៊ើបអង្កេតលើការអនុវត្តពាណិជ្ជកម្មមិនយុត្តិធម៌ ដោយផ្អែកលើមាត្រា ៣០១។

មិនតែប៉ុណ្ណោះ សំណើនេះ គឺជាផ្នែកមួយនៃកិច្ចខិតខំប្រឹងប្រែងរបស់រដ្ឋបាលលោក ត្រាំ ដែលកំពុងស្វែងរកការដាក់ចេញឡើងវិញនៃពន្ធគយបន្ទាន់របស់ខ្លួន បន្ទាប់ពីត្រូវបានលុបចោលដោយតុលាការកំពូលសហរដ្ឋអាមេរិក កាលពីខែកុម្ភៈ។

USTR បាននិយាយថា ខ្លួនបានកំណត់ដាក់ពន្ធ ១០% ទាក់ទងនឹងការស៊ើបអង្កេតកម្លាំងពលកម្មដោយបង្ខំលើការនាំចូលពីប្រទេសកាណាដា អេក្វាឌ័រ សហភាពអឺរ៉ុប ឥណ្ឌូណេស៊ី ម៉ិកស៊ិក ប៉ាគីស្ថាន អាហ្សង់ទីន បង់ក្លាដែស កម្ពុជា អែលសាល់វ៉ាឌ័រ ហ្គាតេម៉ាឡា ម៉ាឡេស៊ី តៃវ៉ាន់ និងអង់គ្លេស។

ទីភ្នាក់ងារពាណិជ្ជកម្មដដែលបាននិយាយទៀតថា ខ្លួននឹងដាក់ពន្ធបន្ថែមចំនួន ១២,៥% ​​លើប្រទេសចំនួន ៤៥ ផ្សេងទៀត ដែលបានស៊ើបអង្កេតពាក់ព័ន្ធទៅនឹងការបង្ខិតបង្ខំកម្លាំងពលកម្មដូចគ្នានេះ។

គួរជម្រាបជូនផងដែរថា ជុំវិញការប្រកាសនេះត្រូវបានធ្វើឡើងមុនពេលផុតកំណត់នៅថ្ងៃទី២៤ ខែកក្កដានៃពន្ធបណ្ដោះអាសន្ន ១០% ដែលដាក់ដោយរដ្ឋបាលលោក ត្រាំ កាលពីថ្ងៃទី២០ ខែកុម្ភៈ ជាថ្ងៃដែលតុលាការកំពូលបានលុបចោលពន្ធគយរបស់ប្រធានាធិបតីអាមេរិក ក្រោមច្បាប់អំណាចសេដ្ឋកិច្ចបន្ទាន់អន្តរជាតិ៕

The post អាមេរិក ស្នើដាក់ពន្ធថ្មី ១០-១២% លើប្រទេសរហូតដល់ ៦០ ជុំវិញការបង្ខិតបង្ខំកម្លាំងពលកម្ម appeared first on .

ជុំវិញការប្រកាសនេះបានកើតឡើង នៅថ្ងៃទី១ ខែមិថុនា បន្ទាប់ពីមានការស៊ើបអង្កេតដោយការិយាល័យតំណាងពាណិជ្ជកម្មសហរដ្ឋអាមេរិក ដែលបានចោទប្រកាន់ប្រេស៊ីលថាបានចូលរួមក្នុងការអនុវត្តពាណិជ្ជកម្ម “មិនសមហេតុផល” ដែល “ដាក់បន្ទុក ឬរឹតត្បិតពាណិជ្ជកម្មរបស់សហរដ្ឋអាមេរិក”។

ពីមុន រដ្ឋបាលរបស់ប្រធានាធិបតីអាមេរិក លោក ដូណាល់ ត្រាំ បានអំពាវនាវឲ្យមានការពិនិត្យលើមាត្រា ៣០១ នៃច្បាប់ពាណិជ្ជកម្មឆ្នាំ១៩៧៤ ដើម្បីចាប់ផ្តើមបើកការស៊ើបអង្កេតលើការអនុវត្តពាណិជ្ជកម្មរបស់ប្រេស៊ីល ដែលជាប្រទេសមានសេដ្ឋកិច្ចធំជាងគេបំផុត១០ របស់ពិភពលោក។

យ៉ាងណាមិញ លោក Jamieson Greer តំណាងពាណិជ្ជកម្មសហរដ្ឋអាមេរិក បាននិយាយថា លោក និងលោកប្រធានាធិបតី ដូណាល់ ត្រាំ បានពិភាក្សាប្រកបដោយស្ថាបនាមួយ ជាមួយលោកប្រធានាធិបតីប្រេស៊ីល លោក Lula da Silva ប៉ុន្តែទោះជាយ៉ាងណាក៏ដោយ វាហាក់នៅមិនទាន់មានភាពចុះសម្រុងគ្នានៅឡើយ ក្នុងការដោះស្រាយបញ្ហាដែលបានកំណត់ នៅក្នុងការស៊ើបអង្កេតពាក់ពន្ធលើពាណិជ្ជកម្មទាំងនេះ។

ទន្ទឹមនឹងនេះ លោក Lula បានអះអាងថា ជុំវិញការប្រកាសដំឡើងពន្ធរបស់សហរដ្ឋអាមេរិកនេះ បានកើតឡើង បន្ទាប់ពីដំណើរទស្សនកិច្ចរបស់សមាជិកព្រឹទ្ធសភា លោក Flavio Bolsonaro ទៅកាន់ទីក្រុងវ៉ាស៊ីនតោនកាលពីសប្តាហ៍មុន។

លោក Flavio Bolsonaro គឺជាកូនប្រុសរបស់អតីតប្រធានាធិបតី Jair Bolsonaro ដែលជាសម្ព័ន្ធមិត្តជិតស្និទ្ធរបស់លោក ត្រាំ ហើយលោកនឹងប្រកួតប្រជែងជាមួយប្រធានាធិបតីប្រេស៊ីលបច្ចុប្បន្ន នៅក្នុងការបោះឆ្នោតនាខែតុលាខាងមុខ៕​

The post រដ្ឋបាលលោក ត្រាំ ពិចារណាដាក់ពន្ធ ២៥% ទៅលើទំនិញរបស់ប្រទេសប្រេស៊ីល appeared first on .

យោងតាមទីភ្នាក់ងារព័ត៌មាន Bloomberg បានរាយការណ៍នៅថ្ងៃទី១៤ ខែឧសភា ថា វិធីសាស្ត្រយកពន្ធថ្មីនេះ គឺកំពុងស្ថិតក្រោមការពិចារណារបស់អ្នកតាក់តែងច្បាប់សម្រាប់ផ្ទះដែលទិញដោយសាច់ប្រាក់ ខណៈផែននេះរំពឹងថានឹងអាចបង្កើតប្រាក់ចំណូលបានជាង ១៦០លានដុល្លារសម្រាប់ទីក្រុងញូវយ៉ក។

យ៉ាងណាមិញ អភិបាលរដ្ឋ លោកស្រី Kathy Hochul បានបង្ហាញឲ្យដឹងទៀតថា ព័ត៌មានលម្អិតអំពីផែនការយកពន្ធថ្មីលើប្រតិបត្តិការទិញផ្ទះជាសាច់ប្រាក់នេះ នឹងត្រូវបានគូសបញ្ជាក់នៅក្នុងច្បាប់ថវិកាចុងក្រោយ។

ទន្ទឹមនឹងនេះ ប្រធានសភាញូវយ៉ក លោក Carl Heastie បាននិយាយផងដែរថា ពន្ធថ្មីនេះគឺជាផ្នែកមួយនៃផែនការដើម្បីជួយទីក្រុងញូវយ៉កកាត់បន្ថយឱនភាពថវិការបស់ខ្លួន។ ស្របពេលលោក James Skoufis សមាជិកនៃគណៈកម្មាធិការហិរញ្ញវត្ថុព្រឹទ្ធសភារដ្ឋញូវយ៉ក ក៏បានបញ្ជាក់ផងដែរថា សភានីតិបញ្ញត្តិបានពិភាក្សាអំពីជម្រើសនេះរួចរាល់ហើយផងដែរ។

គួរជម្រាបជូនផងដែរ ចំនួននៃការទិញផ្ទះជាសាច់ប្រាក់នៅក្នុងទីក្រុងញូវយ៉កកំពុងកើនឡើងយ៉ាងខ្លាំង ដោយសារតែការកើនឡើងនៃថ្លៃប្រាក់កម្ចីទិញផ្ទះ ដែលធ្វើឱ្យមនុស្សជាច្រើនស្ទាក់ស្ទើរក្នុងការខ្ចីប្រាក់ពីធនាគារ។ នៅក្នុងទីផ្សារអចលនទ្រព្យដែលមានការប្រកួតប្រជែងខ្ពស់ដូចជាទីក្រុងញូវយ៉ក ការទូទាត់ជាសាច់ប្រាក់ក៏ជាជម្រើសដ៏ទាក់ទាញសម្រាប់អ្នកលក់ផងដែរ ដោយសារដំណើរការប្រតិបត្តិការលឿនជាងមុន និងមានហានិភ័យតិចជាងការរង់ចាំការអនុម័តប្រាក់កម្ចីពីធនាគារ៕​

The post ទីក្រុងញ៉ូវយ៉ក កំពុងពិចារណាដាក់ពន្ធថ្មីលើផ្ទះដែលមានតម្លៃរាប់លានដុល្លារ appeared first on .