តាមការចុះផ្សាយពីសារព័ត៌មាន Bangkok Post នៅថ្ងៃសុក្រនេះ បានបង្ហាញឲ្យដឹងថា លោក Lavaron គ្រោងនឹងអញ្ជើញមន្ត្រីមកពីនាយកដ្ឋានគយ និងនាយកដ្ឋានពន្ធដារ ដើម្បីពិភាក្សាអំពីវិធានការនេះ ដែលស្របតាមគោលនយោបាយរបស់រដ្ឋាភិបាល ក្នុងការបង្កើនការប្រើប្រាស់ និងទេសចរណ៍ក្នុងប្រទេស។

យោងតាមសេចក្តីរាយការណ៍ បានបង្ហាញថា​ចំពោះវិធានការទីមួយ គឺមានគោលបំណងលើកទឹកចិត្តដល់ការចំណាយក្នុងស្រុក ក្នុងចំណោមភ្ញៀវទេសចរក្នុងស្រុក និងភ្ញៀវទេសចរបរទេស តាមរយ:ការលុបចោលពន្ធនៅតាមហាងនានាក្នុងតំបន់ទេសចរណ៍ ជាពិសេសនៅប្រលានយន្តហោះ ដើម្បីលើកទឹកចិត្តដល់ការចំណាយកាន់តែច្រើនរបស់ភ្ញៀវ ក្នុងអំឡុងពេលស្នាក់នៅប្រទេសថៃ។

ដោយឡែកសម្រាប់វិធានការ​ទី​ពីរ​ គឺទាក់ទង​នឹង​ការ​កាត់​បន្ថយ​ពន្ធ​ភេសជ្ជៈ​ជាច្រើនប្រភេទ ដើម្បី​បង្កើន​ការ​ប្រើប្រាស់​ក្នុង​ស្រុក ស្របពេលលោក Lavaron បានបង្ហើបឲ្យដឹងទៀតថា ក្រសួងការបរទេស ក៏កំពុងសិក្សាពីលទ្ធភាពនៃការបន្តគោលនយោបាយលើកលែងទិដ្ឋាការ ដល់ភ្ញៀវទេសចរមកពីប្រទេសជាច្រើនទៀត ផងដែរ។

ជម្រាបជូនផងដែរថា ជុំវិញផែនការដែលគ្រោងនឹងដាក់ចេញនេហ គឺមានគោលដៅគឺដើម្បីបង្កើនប្រាក់ចំណូល និងបង្កើតការងារសម្រាប់សហគ្រិន អាជីវកម្មទាក់ទងនឹង​វិស័យទេសចរណ៍ ដូចជាភោជនីយដ្ឋាន សណ្ឋាគារ កន្លែងកម្សាន្ត និងអ្នកផ្តល់សេវាដឹកជញ្ជូន ជាដើម៕

The post ថៃ គ្រោងធ្វើការកែសម្រួលទៅលើការយកពន្ធភេសជ្ជ: ដើម្បីជំរុញដល់វិស័យទេសចរណ៍ appeared first on .

ប្រធាន FTS លោក Daniil Egorov ដែលបានជួបជាមួយប្រធានាធិបតីរុស្ស៊ី លោក វ្ល៉ាឌីមៀ ពូទីន កាលពីល្ងាចថ្ងៃចន្ទនោះ បាននិយាយថា តួលេខនៃចំណូលពន្ធក្នុងរយៈពេល ១០ ខែដំបូងនៃឆ្នាំ ២០២៣ នេះ​មានចំនួនប្រមាណ ៤២៨ ពាន់លានដុល្លារ ហើយវាបានកើនឡើងដល់ទៅ ៤១ ពាន់លានដុល្លារបើធៀបនឹងឆ្នាំមុន។

ម្យ៉ាងវិញទៀត កាលពីឆ្នាំ ២០២២ រុស្ស៊ីបានប្រមូលពន្ធសរុបចំនួន ៤៧៨ ពាន់លានដុល្លារ ខណៈនៅឆ្នាំនេះ រុស្ស៊ីនៅតែរំពឹងថានឹងអាចប្រមូលបានចំនួន ៥២៨ ពាន់លានដុល្លារ។

ជាមួយគ្នានេះដែរ បើយើងមិនរាប់បញ្ចូលពីប្រាក់ចំណូលដែលបានមកពីប្រេង និងឧស្ម័ននោះ លោក Egorov បាននិយាយថា បង្កាន់ដៃពន្ធលើប្រាក់ចំណូលនៅចន្លោះខែមករា និងខែតុលា បានកើនឡើង ២០% ចំណែកពន្ធលើតម្លៃបន្ថែម (VAT) បានកើនឡើង ១១% ព្រមទាំងបុព្វលាភធានារ៉ាប់រងកើនឡើង ២៩% ហើយពន្ធលើប្រាក់ចំណូលផ្ទាល់ខ្លួនបានកើនឡើង ១៣% ផងដែរ៕

The post រយៈពេល ១០ ខែដំបូងនៅឆ្នាំនេះ រុស្ស៊ីប្រមូលពន្ធបានជាង ៤២៨ ពាន់លានដុល្លារ appeared first on .

លោក គង់ វិបុល អគ្គនាយកនៃអគ្គនាយកដ្ឋានពន្ធដារ បានឱ្យដឹងថា សរុបរយៈពេល១២ខែ ឆ្នាំ២០២២ ចំណូលពន្ធ-អាករ បានចំនួន ១៣ ៩៩៣,២០ ប៊ីលានរៀល (ប្រមាណជា ៣ ៤៥៥,១១លានដុល្លារ) ស្មើនឹង ១២២,៥៤%នៃផែនការច្បាប់ហិរញ្ញវត្ថុប្រចាំឆ្នាំ។ ដែលទិន្នន័យនេះ បើធៀបនឹងចំណូលពន្ធ-អាករ ក្នុងរយៈពេលដូចជា ឆ្នាំ២០២១ ឃើញថា មានការកើនឡើងចំនួន ២ ៧០២,៧៣ប៊ីលានរៀល(ប្រមាណ ៦៦៧,៣៤លានដុល្លារ) ស្មើនឹង២៣,៩៦%។

ដោយឡែក ចំណូលពន្ធ-អាករគ្រប់ប្រភេទ ដែលអគ្គនាយកដ្ឋានពន្ធដារប្រមូលបានក្នុងខែធ្នូ ឆ្នាំ២០២២ ដោយជាក់ស្តែងតាមប្រព័ន្ធគ្រប់គ្រងទិន្នន័យចំណូលអនឡាញ មានចំនួន ៩៧៥,៤៦ ប៊ីលានរៀល(ប្រមាណជា ២៤០,៨៥លានដុល្លារ) ស្មើនឹង៨,៥៤% នៃផែនការច្បាប់ស្តីពីហិរញ្ញវត្ថុសម្រាប់គ្រប់គ្រងឆ្នាំ២០២២។ បើប្រៀបធៀបនឹងឆ្នាំ២០២១ មានការកើនឡើងប្រមាណ ៧៧,៦៤ប៊ីលានរៀល(ប្រមាណ ១៩,១៧លានដុល្លារ) ស្មើនឹង ៨,៦៥%។

ក្នុងនោះ ចំណូលពីប្រភពសំខាន់ៗ បានរក្សាកំណើនធៀបនឹងរយៈពេលដូចគ្នាក្នុងឆ្នាំ២០២១ ក្នុងនោះពន្ធលើប្រាក់ចំណូល២៣,៧៣%អាករលើតម្លៃបន្ថែម ៣៤,១០% ពន្ធលើប្រាក់បៀវត្ស ២២,៤៥% អាករពិសេស ២៥,៧០% និងពន្ធប្រថាប់ត្រាលើការផ្ទេរកម្មសិទ្ធិ និងសិទ្ធិ កាន់កាប់អចលនទ្រព្យ ១២,៧០%។

គួររម្លឹកផងដែរថា ក្នុងរយៈពេលពេញមួយឆ្នាំ២០២១កន្លងទៅ អគ្គនាយកដ្ឋានពន្ធដារសម្រេចបានចំណូលពន្ធ-អាករសរុបចំនួនជាង២,៧ពាន់លានដុល្លារ(២៧៨១,៩២លានដុល្លារ) ស្មើនឹង១២៤,០២% នៃផែនការច្បាប់ហិរញ្ញវត្ថុសម្រាប់ការគ្រប់គ្រងក្នុងឆ្នាំ២០២១៕

The post ក្នុងឆ្នាំ២០២២ រដ្ឋប្រមូលពន្ធបានប្រមាណជាង៣ពាន់លានដុល្លារ កើនឡើងជិត២៤ភាគរយ appeared first on .