ដំណឹងនៃការទទួលបានសមិទ្ធផលជាប្រវត្តិសាស្រ្តមួយនេះ ត្រូវបានប្រជាពលរដ្ឋ អ្នកកាទូត អ្នកជំនួញ អ្នកឧកញ៉ា លោកឧកញ៉ា សម្តែងការនូវអបអរសាទរចំពោះកម្ពុជាដែលទទួលនៅនៅពហុកីឡាដ្ឋានដ៏ធំស្កឹមស្កៃនេះ ហើយឈានទៅទទួលយកនូវបេក្ខភាពរៀបចំស៊ីហ្គេមនៅឆ្នាំ២០២៣។

ទាក់ទងនឹងដំណឹងដ៏រីករាយនេះ លោកឧកញ៉ា ឡេង ប្រុស ដែលជាពាណិជ្ជករម្នាក់ជោគជ័យក្នុងវិស័យអចលនទ្រព្យក៏បានសម្តែងនូវការអបអរសាទរ និងមានមោទនភាព ខណៈដែលលោកគ្រាន់តែឃើញពហុកីឡាដ្ឋានដ៏ធំស្កឹមស្កៃមួយនេះអណ្តោតផុសឡើងលើដីកម្ពុជា ធ្វើឲ្យលោករំលឹកអតីតនៅគ្រាធ្លាប់ជាអតីតពលករធ្វើការនៅប្រទេសកូរ៉េខាងត្បូង ហើយធ្លាប់ចូលថតរូប ទស្សនាទាំងក្រៅនិងក្នុង ស្តាតនៅទីរួមខេត្តមួយរបស់កូរ៉េខាងត្បូងកាលពី ៩ឆ្នាំកន្លងទៅ។

លោកឧកញ៉ា ឡេង ប្រុស អគ្គនាយកក្រុមហ៊ុន ឡេង ណាវ៉ាត្រា ខ្នាតយក្ស មានប្រសាសន៍ថា ខ្ញុំចូលចិត្តថតទេសភាព និងទីកន្លែងដែលកម្ពុជាមិនទាន់មាន ឥឡូវកម្ពុជាមានស្តាតទំនើបដែរហើយ។ លោកថា ថ្វីបើមិនច្រើនតែមានមួយ គឺមានពីរ មានពីរ នឹងមានបន្តទៀត។

គួររម្លឹកជូនថា កម្ពុជា-ចិន បានចាប់ផ្តើមបង្កើតទំនាក់ទំនងគ្នាជាផ្លូវការនៅថ្ងៃទី១៩ ខែកក្កដា ឆ្នាំ១៩៥៨ ក្រោមព្រះរាជតម្រិះព្រះមហាវីរក្សត្រខ្មែរ ព្រះបរមរតនកោដ្ឋ នរោត្តម សីហនុ និងថ្នាក់ដឹកនាំជាន់មុនរបស់រដ្ឋាភិបាលចិន។

ទំនាក់ទំនងនេះបានរីកចម្រើនជាបន្តបន្ទាប់ ហើយនៅក្នុងខែធ្នូ ឆ្នាំ២០១០ កម្ពុជា-ចិន បានសម្រេចដំឡើងទំនាក់ទំនងការទូតឲ្យដល់កម្រិត «ភាពជាដៃគូយុទ្ធសាស្ត្រគ្រប់ជ្រុងជ្រោយ» អំឡុងជំនួបវាងនាយករដ្ឋមន្ត្រីកម្ពុជា សម្ដេចតេជោ ហ៊ុន សែន និងនាយករដ្ឋមន្ត្រីចិន វេន ជាប៉ាវ (WenJiabao)។

បន្ថែមពីនេះកាលពីឆ្នាំ២០១៨ អំឡុងពេលបំពេញទស្សនកិច្ចរបស់ លោកនាយករដ្ឋមន្ត្រី លី ខឺឈាង ភាគីទាំងពីរក៏បានកសាងនូវសហគមន៍មួយ ជោគវាសនាតែមួយ ដោយធ្វើឲ្យទំនាក់ទំនងដៃជាយុទ្ធសាស្ត្រគ្រប់ជ្រុងជ្រោយកាន់តែប្រសើរថែមទៀត ហើយបន្តក្លាយទៅជាមិត្តដែកថែប៕

The post ឧកញ៉ា ឡេង ប្រុស៖ ថ្វីបើមិនច្រើនតែមានមួយ គឺមានពីរ មានពីរ នឹងមានបន្តទៀត appeared first on .

ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងជាអនុប្រធានអចិន្ត្រយ៍ គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ CAMSOC បានអញ្ជើញដឹកនាំប្រតិភូចុះត្រួតពិនិត្យមើលការសាងសង់កីឡដ្ឋានធំនៃពហុកីឡដ្ឋានជាតិមរតកតេជោ ស្ថិតនៅខណ្ឌជ្រោយចង្វារ រាជធានីភ្នំពេញ នៅព្រឹកថ្ងៃទី២៨ ខែធ្នូ ឆ្នាំ២០២០។

ឯកឧត្តមបណ្ឌិត ថោង ខុន មានប្រសាសន៍ថា នៅក្នុងស្ថានភាពវិបត្តិជំងឺកូវីដ-១៩នេះ ដំណើរការសាងសង់នៅតែបន្តធ្វើយ៉ាងសកម្មប្រកបដោយការទទួលខុសត្រូវខ្ពស់ ដើម្បីបញ្ចប់តាមគម្រោងនាអំឡុងខែឧសភា ឆ្នាំ២០២១។ ក្រុមហ៊ុនចិនដែលសាងសង់កីឡដ្ឋានធំ គ្រប់គ្រងកម្មករខ្មែរ-ចិនជាង៥០០នាក់បានល្អណាស់ ក្នុងនោះមានកម្មករខ្មែរជាង៣០០នាក់ ដោយយឺតយ៉ាវតែទៅលើការដឹកជញ្ជូនសម្ភារៈបំពាក់ដំបូលប៉ុណ្ណោះ ដែលត្រូវកុម្ម៉ងទិញមកពីអាល្លឺម៉ង់ជាដើម។

ឯកឧត្តមបណ្ឌិត ថោង ខុន មានប្រសាសន៍ទៀតថា «ពេលយើងបានទៅពិនិត្យមើលសំណង់កីឡដ្ឋានធំនេះ គឺជាមោទនភាពជាតិ មោទនភាពសម្រាប់ចំណងមិត្តភាពរវាងកម្ពុជា-ចិន ដែលនេះគឺជាអនុស្សាវរីយ៍មួយដ៏ធំធេងនាពេលបច្ចុប្បន្ន ក៏ដូចជាសម្រាប់តទៅកូនចៅខ្មែរយើងតទៅអនាគតផងដែរ»។

កីឡដ្ឋានធំនៃពហុកីឡដ្ឋានជាតិមរតកតេជោ សាងសង់​ឡើង​ដើម្បី​ត្រៀម​រៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣ ដែល​កម្ពុជា​ធ្វើ​ជា​ម្ចាស់ផ្ទះ។ កីឡដ្ឋានធំ (Main Stadium) នឹង​មានការប្រកួតមិត្តភាពរវាងកម្ពុជា-ចិន រួមទាំង​ការរប្រកួតជម្រុះអន្តរជាតិ ក្នុងតំបន់អាស៊ាន ក៏ដូចជាទ្វីបអាស៊ីផ្សេងទៀតអាចយកមកប្រកួតនៅពហុកីឡាដ្ឋានជាតិមរតកតេជោ ដើម្បីសាកល្បងនូវទីលានប្រកួតបាល់ទាត់ថ្មីបរិយាកាសថ្មី៕

The post ទប់​ទឹក​ភ្នែក​​មិន​ចង់​ជាប់ ពហុកីឡដ្ឋានជាតិមរតកតេជោ សង់​ស្ទើររួចរាល់​ទាំងស្រុង appeared first on .