បើតាមសភាពាណិជ្ជកម្ម សិក្ខាសាលានេះប្រព្រឹត្តឡើងក្នុងគោលបំណង តភ្ជាប់ទំនាក់ទំនង ប្រទេសហ្រ្វង់កូហ្វូនី ទាំង៧០ មកពីបណ្តាប្រទេសនៅអាមេរិកខាងជើង អឺរ៉ុបខាងលិច អាហ្វ្រិក និងមហាសមុទ្រឥណ្ឌា ព្រមទាំងផ្សព្វផ្សាយជំរុញ អំពីសក្តានុពល ទីផ្សារកម្ពុជា និងផ្តល់ឱកាសក្នុងការជួបពិភាក្សាធុរកិច្ច ជាមួយ ធុរជនប្រមាណ ៣៥០ នាក់ នៅក្នុងវិស័យជាច្រើនដូចជា កសិ-ឧស្សាហកម្ម ថាមពលកកើតឡើងវិញ ទំនិញ និងសេវាកម្មឌីជីថល ជាដើម។

សូមជម្រាបជូនដែរថា សិក្ខាសាលានេះមិនមែនរៀបចំជាលើកទីមួយនោះទេ ដោយកន្លងមកសភាពាណិជ្ជកម្មកម្ពុជា រួមនឹងក្រសួងស្ថាប័នផ្សេងទៀក៏បានបើកព្រឹត្តិការណ៍នេះឡើង ដើម្បីពិភាក្សាអំពីកាលានុវត្តភាពធុរកិច្ច និងវិនិយោគនៅកម្ពុជា ក្នុងវិស័យកសិឧស្សាហកម្ម ថាមពលកកើតឡើងវិញ និងទំនិញ សេវាកម្ម ឌីជីថល និងវិស័យផ្សេងទៀត។

គួរបញ្ជាក់ថា ប្រទេសជាសមាជិក និងប្រទេសអង្កេតការទាំងអស់របស់អង្កការ OIF មានសរុបចំនួន ៨៨ប្រទេស ហើយនៅឆ្នាំ ២០២០ កម្ពុជាសម្រេចបានទំហំពាណិជកម្មសរុប ៩,៦ប៊ីលានដុល្លាអាមេរិកជាមួយប្រទេស OIF ដោយក្នុងនោះកម្ពុជាបាននាំចេញ ៦,៥ប៊ីលានដុល្លាអាមេរិក កើនឡើងប្រមាណ ៤% ធៀបនឹងឆ្នាំ ២០១៩៕

The post សភាពាណិជ្ជកម្មកម្ពុជា ហៅសមាជិកមកពិភាក្សាតភ្ជាប់ទំនាក់ទំនងជាមួយធុរជនប្រមាណ ៣៥០នាក់ពីប្រទេសហ្រ្វង់កូហ្វូនី ទាំង៧០ appeared first on .