ព្រឹត្តិការណ៍ដ៏ធំប្រចាំឆ្នាំនេះ នឹងនាំមកនូវឱកាសការងារសរុបជាង ៣០,០០០ កន្លែង ពីក្រុមហ៊ុន សហគ្រាស និងស្ថាប័នធំៗប្រមាណ ១៥០ ដែលនេះជាឱកាសមាសសម្រាប់សិស្ស និស្សិត អ្នកស្វែងរកការងារធ្វើ និងយុវជនទាំងអស់ ក្នុងការជួបប្រាស្រ័យទាក់ទងដោយផ្ទាល់ជាមួយតំណាងក្រុមហ៊ុន និងនិយោជក។

នៅក្នុងព្រឹត្តិការណ៍នេះ បេក្ខជនអាចយកប្រវត្តិរូបសង្ខេប (CV) មកដាក់ពាក្យ និងចូលរួមការសម្ភាសន៍ផ្ទាល់នៅនឹងកន្លែងបានភ្លាមៗ ជាមួយនឹងមុខតំណែង និងជំនាញជាច្រើនជម្រើស ដែលឆ្លើយតបទៅតាមតម្រូវការទីផ្សារការងារបច្ចុប្បន្ន។ លើសពីនេះ ក្រៅពីឱកាសទទួលបានការងារធ្វើ អ្នកចូលរួមថែមទាំងទទួលបានការចែករំលែកបទពិសោធន៍ ព្រមទាំងព័ត៌មានសំខាន់ៗពាក់ព័ន្ធនឹងការរៀបចំខ្លួន និងការបង្កើនផលិតភាពការងារផងដែរ។

អាស្រ័យហេតុនេះ សូមយុវជន និងសាធារណជនទាំងអស់ ត្រៀមរៀបចំប្រវត្តិរូបសង្ខេប (CV) ឱ្យបានរួចរាល់ ដើម្បីចូលរួមចាប់យកឱកាសការងារក្នុងក្តីស្រមៃរបស់អ្នក នៅក្នុងព្រឹត្តិការណ៍ដ៏ពិសេសនេះ៕

The post នៅសល់តែ ២ថ្ងៃទៀតប៉ុណ្ណោះ! ពិព័រណ៍ជាតិការងារ និងផលិតភាពការងារ ឆ្នាំ២០២៦ នឹងនាំមកនូវឱកាសការងារជាង ៣ម៉ឺនកន្លែង appeared first on .