ភ្នាក់ងារតំណាងប្រទេសអ៊ីតាលីបាននិយាយថា វាគឺជាការខកចិត្តជាខ្លាំង នៅពេលដែលអារ៉ាប៊ីសាអូឌីត ទទួលបានជ័យជម្នះដែលនឹកស្មានមិនដល់បែបនេះ ខណៈ​ខាងកូរ៉េខាងត្បូងក៏បានបង្ហាញការខូចចិត្តដូចគ្នា ដោយបញ្ជាក់ថា ពួកគេព្យាយាមចរចា​ជាមួយដៃគូនានា ទាំងបែបឯកជន និងសាធារណៈ ប៉ុន្តែលទ្ធផលមិនដូចជាការគិតរបស់ពួកគេ។ នេះបើតាមការចុះផ្សាយពីគេហទំព័រ CNA។

រំលឹកបន្តិចថា សម្រាប់ការបោះឆ្នោតធ្វើជាម្ចាស់ផ្ទះព្រឹត្តិការណ៍ពិព័រណ៍ពិភពលោកឆ្នាំ២០៣០ ទីក្រុងរីយ៉ាដទទួលបានសម្លេងគាំទ្រ ១១៩ ទីក្រុងប៊ូសានបាន ២៩សម្លេង និងទីក្រុងរ៉ូម បានត្រឹម ១៧សម្លេងប៉ុណ្ណោះ ពីសមាជិក ១៨២ប្រទេស។

ជម្រាបបន្ថែមថា ព្រឹត្តិការណ៍លំដាប់ពិភពលោកមួយនេះ គឺជាឱកាសមាសឱកាសប្រាក់ សម្រាប់ប្រទេសជាម្ចាស់ផ្ទះ អូសទាញភ្ញៀវទេសចរណ៍រាប់លាននាក់ និងគម្រោងវិនិយោគ រាប់ពាន់លានដុល្លារ ខណៈអារ៉ាប៊ីសាអូឌីត ក៏ធ្លាប់ទទួលបានឱកាសធ្វើជាម្ចាស់ផ្ទះព្រឹត្តិការណ៍​បាល់ទាត់ពិភពលោក Qatar World Cup កាលពីឆ្នាំទៅ ដែលមានអ្នកចូលរួមទស្សនារាប់លាននាក់​ផងដែរ៕

The post កូរ៉េខាងត្បូង និងអ៊ីតាលី បង្ហាញការខកចិត្ត ក្រោយបរាជ័យក្លាយជាម្ចាស់ផ្ទះពិព័រណ៍ពិភពលោក appeared first on .

បើតាមលោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានបញ្ជាក់ថា នេះជាលើកទី២ ដែលកម្ពុជាមាន​កិត្តិ​យស​បានទទួលពានរង្វាន់ប្រាក់នេះ បន្ទាប់ពីបានទទួលពានរង្វាន់ប្រាក់លើកដំបូងពីការចូលរួមពិព័រណ៍​ពិភព​លោកឆ្នាំ ២០១៥ នៅទីក្រុងមីឡង់ ប្រទេសអ៊ីតាលី។

លោក ប៉ាន សូរស័ក្តិ បានបន្តថា ពានរង្វាន់នេះ ធ្វើឡើងតាមរយៈការវាយតម្លៃយ៉ាងសុក្រឹត ដោយផ្អែក​លើការ​រៀបចំតុបតែងពន្លាជាតិស្របតាមខ្លឹមសារ និងប្រធានបទ រួមទាំងកំណត់ទៅតាមទំហំ និងប្រភេទពន្លាជាតិ ដោ​យ​​ត្រូវឆ្លងកាត់ការវាយតម្លៃផ្អែកលើទិដ្ឋភាពរួមចំនួន ៣ គឺ៖ ១. ស្ថាបត្យកម្ម និងទស្សនីយភាព ២. ការរចនា​ពន្លា​ជាតិ និង ៣. ការបកស្រាយប្រធានបទ។

លោករដ្ឋមន្ត្រី បន្ថែមថា ពានរង្វាន់នេះជាស្នាដៃមួយដែលមានតម្លៃជាប្រវត្តិសាស្រ្ត ហើយបានបញ្ជាក់ពី​ការ​ទទួ​ល​​​ស្គាល់មុខមាត់កម្ពុជាលើឆាកអន្តរជាតិ និងធ្វើឱ្យកេរ្តិ៍ឈ្មោះរបស់កម្ពុជាបានល្បីល្បាញជាសកល តាម​រយៈ​ការរៀបចំ និងចូលរួមក្នុងព្រឹត្តិការណ៍កម្រិតពិភពលោកនានា ព្រមទាំងនាំមកនូវមោទកភាពជូនជាតិក្នុង​ការ​ចូល​រួម​ពិព័រណ៍​ពិភពលោក ២០២០ ឌុយបៃ។

គួរបញ្ជាក់ថា កម្ពុជាធ្លាប់មានបទពិសោធន៍ និងទទួលបានជោគជ័យចំនួន ០៤ លើករួចមកហើយ ក្នុងការចូលរួម​ពិព័រណ៍ពិភពលោកចាប់តាំងពីឆ្នាំ២០០០ រហូតដល់បច្ចុប្បន្ន ក្នុងនោះពិព័រណ៍ពិភពលោក ២០០៥ នៅទីក្រុង​អាយ​ជី ប្រទេសជប៉ុន ពិព័រណ៍ពិភពលោក ២០១០ នៅទីក្រុងសៀងហៃ ប្រទេសចិន ពិព័រណ៍ពិភពលោក ២០១៥ នៅ​ទីក្រុងមីទ្បង់ ប្រទេសអ៊ីតាលី និងពិព័រណ៍ពិភពលោក ២០២០ ឌុយបៃ នៅសហភាពអារ៉ាប់រួម ហើយនៅ​ឆ្នាំ២០២៥ ខាងមុខ ដោយមានការអនុញ្ញាតពីរាជរដ្ឋាភិបាល កម្ពុជានឹងចូលរួមពិព័រណ៍ពិភពលោក ២០២៥ អូសាកា-កាន់សៃ ជប៉ុន (Expo 2025 Osaka, Kansia, Japan) ក្រោមប្រធានបទ “Designing Future Society for Our Lives”៕

The post កម្ពុជា ឈ្នះពានរង្វាន់ប្រាក់ ពីពិព័រណ៍ពិភពលោក​២០២០នៅទីក្រុងឌុយបៃ appeared first on .