កម្មវិធីពិព័រណ៌កសិកម្មនេះ ធ្វើឡើងនៅផ្សារទំនើប ជីបម៉ុង២៧១ មេហ្គា ម៉ល រាជធានីភ្នំពេញ ដែលជាផ្សារទំនើប បង្កើតឡើងដោយកូនខ្មែរ ១០០% លំដាប់ខ្នាតអន្តរជាតិ។

មានប្រសាសន៍ក្នុងពិធីនោះ លោកជំទាវបណ្ឌិត បានលើកទឹកចិត្តឱ្យមានការរៀបចំកម្មវិធីពិព័រណ៍បែបនេះជារៀងរាល់ឆ្នាំ ដើម្បីបន្តពូនជ្រុំស្មារតីជាតិនិយម កៀរគរការគាំទ្រដល់កសិផលខ្មែរ ប្រកបដោយមោទនភាពជាតិ ។

ជាមួយនេះ លោកជំទាវបណ្ឌិត ក៏បានជំរុញទឹកចិត្តប្រជាពលរដ្ឋទាំងអស់ ឱ្យចូលរួមចលនា ខ្មែរជួយខ្មែរ និងខ្មែរគាំទ្រកសិផលខ្មែរ ព្រមទាំងបានអំពាវនាវ និងលើកទឹកចិត្តដល់ក្រុមហ៊ុនផ្តល់សេវាកម្មអាហារ សមាគម និងភោជនីយដ្ឋាននានា ឱ្យចូលរួមកាន់តែច្រើនកុះករ ដោយចាប់ដៃគូសហការផ្ទាល់ជាមួយក្រុមហ៊ុនផ្គត់ផ្គង់កសិផលខ្មែរ និងសហគមន៍កសិកម្មនានា។

សូមបញ្ជាក់ថា ពិព័រណ៍និងវេទិកាពិភាក្សានេះ ធ្វើឡើងដើម្បីបំផុសស្មារតីជាតិ ជួយដល់កសិករខ្មែរ និងជំរុញការគាំទ្រកសិផលខ្មែរឱ្យ បានកាន់តែខ្លាំងក្លាឡើងថែមទៀត ជាពិសេសសម្រាប់អ្នកទទួលទាន និងអ្នកប្រើប្រាស់។ ពិព័រណ៍និងវេទិកាពិភាក្សារយៈពេល២ថ្ងៃនេះ ក៏នឹងផ្ដល់ឱកាសភ្ជាប់ទំនាក់ទំនងរវាងអ្នកផលិតនិងអ្នកទទួលទិញផងដែរ ជាពិសេសគឺការដាក់បង្ហាញនៅទីតាំងងាយស្រួលគឺផ្សារទំនើប ២៧១ មេហ្គា ម៉ល ផ្ទាល់តែម្តង។

ផ្សារទំនើប ជីប ម៉ុង 271 មេហ្គា ម៉ល មានម្ចាស់ជាកូនខ្មែរ សុទ្ធ១០០% បានក្តោបក្តាប់វិស័យលក់រាយ ដោយបានវិនិយោគទឹកប្រាក់ប្រមាណជាជាង 300 លានដុល្លារ សាងសង់ ផ្សារទំនើបខ្នាតអន្តរជាតិ ផ្សារទំនើប ជីប ម៉ុង ២៧១ មេហ្គា ម៉ល ដោយដំណើរការបានមួយឆ្នាំ គិតមកដល់បច្ចុប្បន្ននេះ មានហាងល្បីៗទាំងជាតិ និងអន្តរជាតិ ជាង១០០ហាង ដែលកំពុងមានវត្តមានក្នុងផ្សារទំនើបខ្នាតអន្តរជាតិ ដែលមានម្ចាស់ជាកូនខ្មែរនេះ៕

The post ជំទាវទី១កម្ពុជា អញ្ជើញជាអធិបតីក្នុងពិធីពិព័រណ៍កសិកម្ម” ភូមិកសិផលខ្មែរ” នៅផ្សារទំនើប ជីប ម៉ុង ២៧១ មេហ្គាម៉ល appeared first on .