ដោយថ្លែងនៅក្នុងពិព័រណ៍ត្បូង និងគ្រឿងអលង្ការទីក្រុងបាងកក លើកទី ៦៧ ដែលធ្វើឡើងក្នុងពេលថ្មីៗនេះ លោក Jurin បាននិយាយថា តម្លៃនៃការនាំចេញត្បូង និងគ្រឿងអលង្ការ ដែលមិនរាប់បញ្ចូលទាំងមាស បានកើនឡើងដល់តម្លៃ ៤,៤៨ ពាន់លានដុល្លារ ក្នុងរយ:ពេល ៧ ខែដំបូងនៃឆ្នាំនេះ ពោលគឺបានកើនឡើង ៣៧,៦% ធៀបនឹងរយ:ពេលដូចគ្នា កាលពីឆ្នាំមុន ។

លើសពីនេះ កាសែត Bangkok Post បានដកស្រង់សម្តីរបស់លោក Jurin ថា ” ដោយសារតែកម្រិតជំនាញនៃការកែច្នៃ បូករួមគោលនរយោបាយរបស់រដ្ឋាភិបាល ក្នុងការគាំទ្រដល់ការរៀបចំពិព័រណ៍ពាណិជ្ជកម្មអន្តរជាតិ គឺបានធ្វើឱ្យប្រទេសថៃ ក្លាយជាមជ្ឈមណ្ឌលត្បូង និងគ្រឿងអលង្ការដ៏សំខាន់បំផុតរបស់ពិភពលោក ” ។

ជាការពិតណាស់ ត្បូង និងគ្រឿងអលង្ការ គឺជាឧស្សាហកម្មដ៏ធំមួយរបស់ប្រទេសថៃ ដែលមានសហគ្រាសធុនតូច និងមធ្យម ជាង ៩០% ហើយបានផ្តល់ឱកាសការងារដល់កម្មករចំនួន ៦៦៤ ០០០ នាក់ តាមរយៈខ្សែសង្វាក់ផ្គត់ផ្គង់របស់ខ្លួន។

គួរឱ្យដឹងផងដែរថា កាលពីឆ្នាំ ២០២១ តម្លៃនៃការនាំចេញត្បូង និងគ្រឿងអលង្ការរបស់ថៃ (មិនរាប់បញ្ចូលមាស) បានកើនឡើង ២៦,៩% បើធៀបនឹងឆ្នាំមុន ដែលឈានដល់តម្លៃ ៦,១៦ ពាន់លានដុល្លារ ៕

The post ការនាំចេញត្បូង និងគ្រឿងអលង្ការរបស់ថៃ កើនឡើងដល់តម្លៃជាង ៤ ពាន់លានដុល្លារ ត្រឹម ៧ ខែដំបូងឆ្នាំនេះ appeared first on .

នៅក្នុងពិព័រណ៍នេះ នឹងមានការដាក់បង្ហាញទំនិញគ្រឿងអលង្ការ ត្បូងពេជ្រមានតម្លៃ និងឧបករណ៍សម្ភារៈ សំរាប់ផលិតគ្រឿងអលង្ការជាច្រើនប្រភេទ ដែលផលិតនៅប្រទេសថៃ និងនៅបរទេស។

ស្ថានតំណាងពាណិជ្ជកម្ម នៅរាជធានីភ្នំពេញ បានចេញសេចក្តីជូនដំណឹងដល់ពាណិជ្ជករខ្មែរ ដែលមានចំណាប់អារម្មណ៍ ទៅទស្សនាពិព័រណ៍ «គ្រឿងអលង្ការ និងត្បូងពេជ្រមានតម្លៃ ចាប់ពីថ្ងៃទី៦-៩ ខែកញ្ញា ឆ្នាំ២០២២ ដោយនឹងផ្ដល់កន្លែងស្នាក់នៅចំនួន ៣ យប់ ជូនដល់ក្រុមហ៊ុនដែលមានគុណសម្បត្តិគ្រប់គ្រាន់តាមការកំណត់»។

ព័ត៌មានបន្ថែម និងការចុះឈ្មោះទៅទស្សនាពិព័រណ៍ សូមទាក់ទងស្ថានតំណាងពាណិជ្ជកម្មថៃ នៅរាជធានីភ្នំពេញ តាមរយៈទូរស័ព្ទលេខ ០១១ ៩២៨ ៥២៣ និង E-mail : thaicompnh@oknranhen៕

The post ថៃរៀបចំពិព័រណ៍គ្រឿងអលង្ការ និងត្បូងពេជ្រ អញ្ជើញ​ពាណិជ្ជករ​ខ្មែរ ដោយ​ផ្តល់កន្លែង​ស្នាក់នៅ ៣ យប់ appeared first on .