ក្នុងដំណើរដឹកនាំក្រុមការងារ​ជំនាញ ជួបសំណេះសំណាល និងពិនិត្យស្ថានភាពទឹកជំនន់ដែលបង្ក​ផលប៉ះពាល់ដល់ដំណាំស្រូវរបស់ប្រជាពលរដ្ឋ ស្ថិតនៅភូមិកាប៉ូ សង្កាត់​អូរឫស្សី ក្រុងក្រចេះ និងភូមិគោលាប់ ឃុំគោលាប់ ស្រុកចិត្របុរី ខេត្តក្រចេះ កាលពីថ្ងៃទី៧ ខែតុលា ឆ្នាំ២០២៥ លោក តូច ប៊ុនហួរ បានសម្តែងនូវការសោកស្តាយដែលទឹកជំនន់ជន់មកលឿនពេក បង្កជាផលប៉ះពាល់ដល់ដំណាំស្រូវកសិករ។

លោកបានលើកឡើង​ពីការ​ពិចារណាផ្លាស់ប្តូររបៀបនៃការធ្វើស្រែតាមទម្លាប់ និងសូមឱ្យប្រជា​កសិករតាមដានព័ត៌មានពីក្រសួងធនធានទឹក និងឧតុនិយមឱ្យបាន​ជាប់​លាប់ ដើម្បីត្រៀមការពារស្ថានភាពពាក់ព័ន្ធករណីទឹកឡើងរឺស្រក មាន​ព្យុះ​រឺ​មានភ្លៀង ជាដើម។

ទន្ទឹមនឹងនោះ លោករដ្ឋលេខាធិការ បានផ្តល់ជាអនុសាសន៍ និង​ណែនាំពូជរបស់ខ្មែរមួយចំនួនមានដូចជា៖ សែនក្រអូប០១ ចំប៉ីស៧០ ស្រង៉ែ​ថ្មីដែលមានទីផ្សារទិញសម្រាប់នាំចេញ​ទៅក្រៅប្រទេស។ សម្រាប់​ខេត្តក្រចេះជាករណីមួយដែលដាច់ដោយទ្បែក មានលក្ខណៈពិសេស​ដោយ​សារតែមានប្រភេទOMច្រើន ប៉ុន្តែនៅតែអាចលក់ចេញនៅក្នុង​តម្លៃ​មួយដែលចំណេញតិចតួច ប៉ុន្តែគួរតែពិចារណាដូរពូជដាំដើម្បី​ទទួលបាន​ផលចំណេញជាង។

ឆ្លៀតក្នុងឱកាសនោះ លោកក៏បានណែនាំមន្រ្តីកសិកម្មឃុំឱ្យ​ប្រជាពលរដ្ឋបានស្គាល់ និងតួនាទីមន្រ្តីកសិកម្មឃុំ ដែលជាអ្នក​សហការ​ចុះជួបប្រជាពលរដ្ឋនៅតាមមូលដ្ឋាន ចែករំលែកបទពិសោធ ចំណេះ​ជំនាញ​ពាក់ព័ន្ធទៅនឹងការប្រើប្រាស់ជី ថ្នាំកសិកម្ម ការប្រើប្រាស់​ពូជ​ជាដើម។

សូមបញ្ជាក់ដែរថា បើតាមក្រសួងកសិកម្ម រុក្ខាប្រមាញ់ និងនេសាទ ចំប៉ីស៧០ គឺជាពូជស្រូវក្រអូបដែលប្រើពេលត្រឹម៣ខែ ក្នុងការដាំដុះ។ ស្រូវនេះ គឺជាប្រភេទពូជស្រូវ មិនប្រកាន់រដូវ ព្រមទាំងធន់នឹងការប្រែប្រួលអាកាសធាតុ ទឹកជំនន់ និងគ្រោះរាំងស្ងួតជាដើម។ កសិករអាចដាំដុះពូជចំប៉ីស៧០ បានពី២ ទៅ៣ដងក្នុង១ឆ្នាំ ដែលនាំឱ្យមានកំណើនផលិតកម្ម និងបរិមាណផល។ ពូជស្រូវប្រភេទថ្មីនេះ ក៏នឹងរួមចំណែកយ៉ាងសំខាន់ក្នុងការកាត់បន្ថយបន្ទុកដើមទុនសម្រាប់ការដាំដុះ ការចំណាយលើការទុកដាក់ស្រូវ និងការបាត់បង់ក្រោយពេលប្រមូលផល។ ពូជស្រូវសែនក្រអូប០១ ជាពូជស្រូវមិនប្រកាន់រដូវដែលដែលត្រូវបានដាំដុះ ដោយប្រជាកសិករតាំងពីពាក់កណ្តាលទស្សវត្ស៩០។​ពូជស្រូវសែនក្រអូប០១ ជាពូជស្រូវផ្ដល់ទិន្នផលខ្ពស់ និងជាពិសេសវាមានតម្លៃខ្ពស់នៅលើទីផ្សារជាតិ និងអន្តរជាតិ។

ចំណែកពូជស្រូវស្រងែថ្មី ជាពូជស្រូវ ដែលបានបញ្ចេញដោយវិទ្យាស្ថានស្រាវជ្រាវ និងអភិវឌ្ឍន៍កសិកម្មកម្ពុជា នៃក្រសួងកសិកម្ម រុក្ខាប្រមាញ់ និងនេសាទ នាឆ្នាំ២០២៤ ជាពូជស្រូវក្រអូបមិនប្រកាន់រដូវ មានអាយុកាលចន្លោះពី ៩០-៩៥ថ្ងៃ អាចទទួលបានទិន្នផលជាមធ្យម ៥,៥-៧ តោន/ហិកតា៕

The post មន្រ្តីជាន់ខ្ពស់ក្រសួងកសិកម្ម ​ណែនាំពូជស្រូវខ្មែរដល់កសិករខេត្តក្រចេះ មានទីផ្សារទិញសម្រាប់នាំចេញ​ទៅក្រៅប្រទេស ជំនួសប្រភេទOM appeared first on .

ក្រសួងកសិកម្ម និងស្ថានទូតអូស្រ្តាលីប្រចាំកម្ពុជា បានឱ្យដឹងថា ចំប៉ីស៧០ គឺជាពូជស្រូវក្រអូបដែលប្រើពេលត្រឹម៣ខែ ក្នុងការដាំដុះ មិនប្រកាន់រដូវ ព្រមទាំងធន់នឹងការប្រែប្រួលអាកាសធាតុ ទឹកជំនន់ និងគ្រោះរាំងស្ងួតជាដើម។ ពូជនេះ ក៏ជួយកាត់បន្ថយដើមទុនសម្រាប់ការដាំដុះ ការចំណាយលើការទុកដាក់ស្រូវ និងការបាត់បង់ក្រោយពេលប្រមូលផលផងដែរ។

លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានលើកឡើងថា៖ « ចំប៉ីស៧០ ត្រូវបានដាក់ឈ្មោះ ដោយ សម្តេចតេជោ ហ៊ុន សែន ក្នុងន័យអបអរសាទរខួប៧០ឆ្នាំនៃទំនាក់ ទំនងការទូតដ៏សំខាន់ ជាងប្រទេសកម្ពុជា និងប្រទេសអូស្ត្រាលី ខណៈលោកថា ពូជស្រូវថ្មីមួយនេះ នឹងរួមចំណែកយ៉ាងសំខាន់ក្នុងដំណើរការពិពិធកម្ម ផលិកម្មអង្ករក្រអូប និងការនាំចេញអង្ករក្រអូបទៅកាន់ទីផ្សារអន្តរជាតិ ដែលធ្វើឱ្យជីវភាពរបស់ប្រជាកសិករកម្ពុជាកាន់តែប្រសើរឡើង។

ជាមួយគ្នានេះ ឯកអគ្គរាជទូតអូស្ត្រាលីប្រចាំកម្ពុលោក Justin Whyatt បានលើកឡើងដែរថា « ប្រទេសអូស្ត្រាលីមានមោទកភាព ដែលបាន គាំទ្រក្រសួងកសិកម្ម រុក្ខាប្រមាញ់ និងនេសាទ និងវិទ្យាស្ថានស្រាវជ្រាវ និងអភិវឌ្ឍន៍កសិកម្មកម្ពុជា ក្នុងការបង្កើតពូជស្រូវចំប៉ីស៧០នេះ ខណៈលោកសង្ឃឹមថា កសិករទូទាំងប្រទេសកម្ពុជា នឹងដាំដុះពូជស្រូវចំប៉ីស៧០នេះ ដើម្បីផ្គត់ផ្គង់ទីផ្សារក្នុងស្រុក និងអន្តរជាតិ។

​គួរបញ្ជាក់ដែរថា បើតាមសេ​ច​ក្តីប្រ​កា​សព័​ត៌​មាន​​រួ​មរបស់ក្រសួងកសិកម្ម និងស្ថានទូតអូស្រ្តាលី ​​បាន​​ប​ញ្ជាក់​ថា​ ពូ​ជស្រូ​វចំ​ប៉ី​ស៧​០​ គឺ​ជា​លទ្ធ​ផ​ល​នៃកិ​ច្ច​សហ​ប្រ​តិប​ត្តិ​ការ​ ​រវា​ង​វិ​ទ្យា​ស្ថាន​ស្រា​វជ្រា​វ​ និ​ង​អភិ​វ​ឌ្ឍ​​ន៍​ក​សិ​ក​ម្មក​ម្ពុ​ជា (កា​ឌី) ​​និ​ង​រ​ដ្ឋាភិ​បា​ល​​​អូ​ស្ត្រាលី​។​ ចំ​ប៉ី​ស​៧​០ត្រូ​វ​បាន​ប​ង្កាត់​ចេ​ញពី​ពូ​​ជស្រូ​វ​ផ្ការំ​ដួ​លរ​ប​ស់​​​ក​ម្ពុជា​​ដែ​ល​ជា​ស្រូ​វ​ជាប់​ពាន​រ​ង្វា​ន់​ល្អ​ដាច់​គេ​ក្នុ​ងពិ​ភ​ពលោ​ក​ ជាមួ​យ​នឹង​ស្រ​ឡាយ​​ស្រូ​វមិ​ន​ប្រ​កាន់​រ​ដូវ​ ​C​Ni​9​02​4។​ ​ពូ​ជស្រូ​វ​នេះ​​ បា​នឆ្ល​ង​កាត់​កា​រធ្វើ​ពិ​សោធ​ន៍នៅ​លើ​ស្រែ​ក​សិក​រ​ចំនួ​ន​៨០​ក​ន្លែ​ង ​​​ទាំង​ក្នុ​ងរ​ដូ​វប្រាំ​ង​​​និ​ងរ​ដូ​វវ​ស្សា​។​ ​

ជាងនេះទៀត ​​ពូ​ជស្រូ​វ​ថ្មី​ «​ចំ​ប៉ីស​៧​០» ជា​ពូជ​ស្រូ​វស្រា​ល​ក្រ​អូ​ប​ ​មិ​នប្រ​កា​ន់រ​ដូ​វ ​ដែ​លមា​ន​អាយុ​​​កា​ល​​​​ពី​​៩​៣​ថ្ងៃ ​(​ពង្រោះ​)​ ​ទៅ៩​៧​ថ្ងៃ ​(ស​ន្ទូង)។ ​ពូជ​ស្រូ​វចំ​ប៉ី​ស៧​០​នេះ​ ត្រូ​វ​បា​នធ្វើ​​​ការ​ប​ង្កា​ត់រ​វា​ងពូ​ជ​ស្រូ​វផ្កា​រំ​ដួល​​ ជា​ពូ​ជ​ស្រូវ​ក្រ​អូ​ប​ប្រកាន់​​រដូវ(មេ) និងស្រ​ឡាយ​ស្រូ​វ​ ​CN​i9024 ជាពូជស្រូវ​ស្រាលមិនប្រ​កាន់​រ​ដូវ​ ​ដែ​ល​មាន​​ប្រភព​ពីប្រទេស​ចិន​៕ អត្ថបទ៖​ពិសី

The post ពូជស្រូវក្រអូបថ្មី «ចំប៉ីស៧០» ដែលប្រើពេល​ស្រាវជ្រាវរហូត៩ឆ្នាំ បានដាក់ឱ្យប្រើប្រាស់ហើយ appeared first on .