ពែកមី

ផ្ទះ ពាក់មី នៅស្វាយរៀង ធ្លាប់តែសប្បាយរាល់ឆ្នាំ តែឆ្នាំនេះស្ងាត់ហើយ

កូនចៅឧកញ៉ា — Fri, 10 Apr 2020 03:08:43 +0000

តារាកំប្លែងប្រចាំស្ថានីយទូរទស្សន៍ស៊ី ធី អិន លោក ចែម ចាន់រ៉ា ហៅនាយ ពាក់មី ប្រកាសថា ផ្ទះតារឹមដែលធ្លាប់តែសប្បាយក្នុងឱកាសបុណ្យចូលឆ្នាំខ្មែរ ប្រពៃណីជាតិរាល់ឆ្នាំនោះ ឆ្នាំនេះត្រូវផ្អាកហើយ ដើម្បីការពារជាមួយ រដ្ឋាភិបាលបង្ការរីករាលដាល ការឆ្លងមេរោគកូវិដ-១៩។

ការប្រកាសផ្អាកលេងល្បែងប្រជាប្រិយ និងជួបជុំសាច់ញាតិហូបចុកនៅផ្ទះរបស់ឪពុក-ម្ដាយរបស់លោកនាភូមិពពេត ស្រុកស្វាយទាប ខេត្តស្វាយរៀងនាពេលនេះ ធ្វើឡើងបន្ទាប់ពីប្រមុខរាជ រដ្ឋាភិបាលកម្ពុជា សម្រេចផ្អាកការធ្វើពិធីជួបជុំ ឬបុណ្យចូលឆ្នាំដែលមានមនុស្សម្នាច្រើនជួបជុំគ្នា ដែលប្រឈមនឹងការឆ្លងមេរោគកូវិដ-១៩។

ពាក់មី បាន បានលើកឡើងថា ជារៀងរាល់ឆ្នាំ អ្នកភូមិដែលធ្លាប់លេងជួបជុំគ្នាចន្លោះពី៧០នាក់ ទៅ១០០នាក់ នៅផ្ទះរបស់លោក ដើម្បីអបអរឱកាសបុណ្យចូលឆ្នាំខ្មែរ ប្រពៃណីជាតិ ដោយលោកបានរៀបចំឲ្យអ្នកភូមិក្មេង-ចាស់ ហូបចុក និងកម្សាន្តសប្បាយរយៈពេលបីថ្ងៃពេញតែម្ដង។ ការជួបជុំនាពេលកន្លងមកនោះ លោកបានរៀបចំឲ្យ មានការប្រកួតទាត់បាល់ លេងល្បែងប្រជាប្រិយខ្មែរ និងជូនលុយចាស់ជាដើម។ រីឯនៅពេលយប់វិញ មានកម្មវិធីច្រៀងរាំលេងកម្សាន្តសម្រាប់ក្មេង ជាពិសេសសម្រាប់កំលោះ និងក្រមុំក្នុងភូមិ។

បែបនេះ ក្ដីឆ្នាំនេះ មិនមានការធ្វើពិធីជួបជុំដូចរាល់ឆ្នាំទៀតឡើយ តារាកំប្លែងរូបនេះ ក៍ស្នើសូមឲ្យប្រជាជនទាំងអស់ក៏ដូចជាសាច់ញាតិលោក មានការយោគយល់ ហើយសូមស្ដាប់តាមការណែនាំ របស់រាជរដ្ឋាភិបាល ក្រសួងសុខាភិបាល ដើម្បី បង្ការរីករាលដាល ការឆ្លងមេរោគកូវិដ-១៩។

ជាមួយនឹងការផ្អាកនេះផងដែរ ក្នុងន័យបង្ការរីករាលដាល ការឆ្លងមេរោគកូវិដ-១៩ រាជរដ្ឋាភិបាល កាលពីម្សិលមិញនេះ បានចេញបំរាម មួយ គឺហាមឃាត់មិនឲ្យធ្វើដំណើរឆ្លងកាត់ពីខេត្តមួយ ទៅ ខេត្ត មួយ និងពីខេត្តចេញ-ចូលរាជធានីភ្នំពេញ ចាប់ពីម៉ោង២៤.០០ យប់ថ្ងៃទី០៩ ខែមេសា រហូតដល់ម៉ោង ម៉ោង២៤.០០ យប់ថ្ងៃ ១៦ ខែ មេសា ឆ្នាំ២០២០។

The post ផ្ទះ ពាក់មី នៅស្វាយរៀង ធ្លាប់តែសប្បាយរាល់ឆ្នាំ តែឆ្នាំនេះស្ងាត់ហើយ appeared first on .

ប្រើទុនជាង១០ម៉ឺនដុល្លារ ពែកមី ទទួលសិទ្ធិផ្ដាច់មុខលើមុខជំនួញធំមួយ ពីឧកញ៉ាល្បីឈ្មោះម្នាក់

កូនចៅឧកញ៉ា — Mon, 17 Feb 2020 04:50:51 +0000

បន្ទាប់ពីមានទំនាក់ទំនងកាត់តែជិតស្និទ្ធជាមួយ ឧកញ៉ាល្បីឈ្មោះម្នាក់ ដែលជាម្ចាស់ក្រុមហ៊ុន នាំចូលផ្ដាច់មុខស្រាបៀIceberg Beerចូលក្នុងកម្ពុជា តារាកំប្លែង នាយពែកមី ត្រូវបានលោកឧកញ៉ាល្បីឈ្មោះរូបនោះ ផ្ដល់សិទ្ធិ ចែកចាយ ផលិតផលស្រាបៀនេះ ផ្ដាច់មុខនៅ ខេត្ត ស្វាយរៀងតែម្ដង ដោយមុខជំនួញមួយនេះ តារាកំប្លែងរូបនេះ ប្រើទុនជាង១០ម៉ឺនដុល្លារឡើយ ក្នុងការវិនិយោគ។

ក្នុងពិធីជួបជុំអ្នកជំនួញរាប់រយនាក់ របស់តំណាងចែកចាយស្រាបៀរ Iceberg ទូទាំងប្រទេសកាលរាត្រី ថ្ងៃទី១៦ខែ កុម្ភៈ ឆ្នាំ ២០២០ នៅសណ្ឋាគារលំដាប់ផ្កាយ សូហ្វីតែលតារាកំប្លែងល្បី នាយ ពែកមីបាន ផ្ដល់បទសម្ភាសន៍ជាមួយបណ្តាញផ្សព្វផ្សាយថា សម្រាប់ស្រាបៀ Iceberg លោក មិនមែនមានវត្តមានត្រឹមតែ ជាតារាផ្សព្វផ្សាយឲ្យ Iceberg ប៉ុណ្ណោះទេ ជាមួយមុខជំនួញនេះ លោក បានចំណាយទុនរហូតដល់ទៅជាង១០ម៉ឺដុល្លារ នាំស្រាបៀរនេះទៅលក់ផ្តាចមុខនៅខេត្ត ស្វាយរៀង។

ការសម្រេចបោះទុនលើមុខជំនួញ ស្រាបៀដែលនាំចូលមកពីប្រទេសសាំងហ្គាពួរ នេះ ក៏ព្រោះតែលោកមើលឃើញថា ស្រាបៀមួយនេះកំពុងតែពេញនិយម ដោយឃើញឱកាសចំណេញច្រើន នាពេលបច្ចុប្បន្នក៏ដូចជា អនាគត គួបផ្សំលោកស្គាល់ថៅកែក្រុមហ៊ុន នាំចូលផ្ដាច់មុខស្រាបៀIceberg Beerចូលក្នុងកម្ពុជាផងនោះ ក៏សម្រេចសុំសិទ្ធិផ្ដេចមុខក្នុងខេត្ត ស្វាយរៀងតែម្ដង ។ ពែកមី និយាយថា ទាន់ឧកាស កម្លាំងនៅមាន ត្រូវតែខំប្រឹងរកស៊ី ដើម្បីបង្ការពេលចាស់ទៅ ឬ អាជីពសិល្បៈ ប្រើការលែងកើត មានទ្រព្យសល់ច្រើន កូនចៅរស់នៅស្រួល។

លោក ប៉ុល វិបុល អនាគតស្វាមីអ្នកនាង ម៉ាក សែនសូនីតា ដែលជាប្រធានគ្រប់គ្រងធំមួយលើ ជំនួញនេះ បានឲ្យដឹងថា Iceberg ចាប់កំណើតលើទឹកដីព្រះរាជាណាចក្រកម្ពុជា មានអាយុកាលមួយឆ្នាំ ដោយនៅថ្ងៃនេះជាថ្ងៃបើកបង្ហាញពីការរីកចំរើនទីផ្សារប្រកួតប្រជែង ក្រោមវត្តមានអ្នកតំណាងចែកចាយទូទាំងប្រទេស។ លោកថា កំពុងតែទទួលការគាំទ្រខ្លាំងលើទីផ្សារ ស្រាបៀនាពេលបច្ចុប្បន្ននេះ ទាំងរសជាតិ ទាំងតម្លៃ ហើយទន្ទឹមនឹងនោះក៏មានរង្វាន់ជាច្រើនសន្ធឹកសន្ធាប់ផងដែរ។

កាន់តែទាញចំណាប់អារម្មណ៍អ្នកទទួលទានIceberg មានលក្ខណៈពិសេសជាស្រាបៀរដទៃ ដោយ អ្នកទទួលទានមិនចាំបាច់ប្រើកូនចៅ ឬចេញមកដើររកទិញខ្លួនឯង អាចបញ្ជារទិញតាមទូរស័ព្ទបានដោយគ្រាន់តែចុចទូរស័ព្ទមកក្រុមហ៊ុន នោះ ដេបូឬហាងនៅជិះលោកអ្នកនឹងនាំយក Iceberg ទៅជូនបងប្អូនភ្លាម៕

The post ប្រើទុនជាង១០ម៉ឺនដុល្លារ ពែកមី ទទួលសិទ្ធិផ្ដាច់មុខលើមុខជំនួញធំមួយ ពីឧកញ៉ាល្បីឈ្មោះម្នាក់ appeared first on .

ឧកញ៉ា ហ៊ុន ជា ចោទសួរទៅ ពែក មី រឿងថតលុយផុស ជាប់ប៉ូលិសផាក

កូនចៅឧកញ៉ា — Tue, 21 Jan 2020 04:58:15 +0000

មុននេះតារាកំប្លែងល្បីឈ្មោះនាយ ពែកមី ត្រូវបាន ប៉ូលិសផាក អស់រហូតដល់ទៅ៤០ម៉ឺនរៀល ពីបទបកលើសល្បឿនកំណត់ នឹង ប័ណ្ណបើកបរ។ ទទឹមនឹងការផាកនោះ តារាកំប្លែងរូបនេះបានផុស លើផេកផ្លូវការរបស់លោកPek Mi CBS សរសេររៀបរាប់ពីហេតុការនោះ ព្រមទាំងថតសែលហ្វី ប្រាក់១០០ ដុល្លារ ជាមួយសមត្ថកិច្ចដែលកំពុងតែបំពេញការថែមទៀត។

ផេកPek Mi CBS សរសេររៀបរាប់បែបនេះថា(ប៉ូលិសចរាចរណ៏ នៅបាត់ដំបង ចាប់អស់40ម៉ឺនរៀល មើលមុខ ប៉ូលិសញញឹម សូមបងប្អូនប្រយត៏អស់លុយដូចខ្ញុំ (ចាប់ល្បឿន នឹងប័ណបើកបរ) ភូមិ បញ្ញា ឃុំកំពង់ព្រះ.)។

មិនបានប៉ុន្មាននាទីផង លោក ឧកញ៉ា ហ៊ុន ជា ដែលបានឃើញការផុសនេះ ក៏បានស៊ែរបន្ត ហើយបានដាក់ជាចម្ងល់បែបនេះថា ( ថតផុសធ្វើបែបណឹងបានន័យថាមុិចវិញ ? ខុស គឺ ខុស កុំចង់ល្បីខុសរឿង ១ គាត់មានលុយ ២ គាត់ជាតារាល្បី?)

ជុំវិញការផុស បណ្ដាលឲ្យមានការចោទសួរ ពីលោក ឧកញ៉ា មានឥទ្ធិពល ខាងលើ នៅមិនទាន់ស្នើសុំការបកស្រាយបន្ថែម ពីតារាកំប្លែងនាយ ពែកមីបានឡើយ ដោយទូរសព្ទ័ខលចូលមិនមានអ្នកលើក៕

The post ឧកញ៉ា ហ៊ុន ជា ចោទសួរទៅ ពែក មី រឿងថតលុយផុស ជាប់ប៉ូលិសផាក appeared first on .

គួរឲ្យសរសើរមែន!ពែកមីជួយ យាយម្នាក់ ដើរបេះត្រកួនលក់ រស់ស្រួលយ៉ាងតិច២ឆ្នាំ

កូនចៅឧកញ៉ា — Wed, 03 Jul 2019 23:34:30 +0000

បន្ទាប់ពីឃើញវីដេអូ លើបណ្ដាញសង្គម របស់លោកយាយម្នាក់ដើរបេះត្រកួនយល់ ដើម្បីរកប្រាក់មកចិញ្ចឹមជីវិត យ៉ាងលំបាកវេទនា តារាកំប្លែងនាយ ពែកមី បានកៀរគរមិត្តភ័ក្ដិរបស់ខ្លួន យកទៅជួយលោកយាយ ប្រាក់សរុបបានមកនោះមានរហូតដល់ទៅ៤លានរៀល ខណៈដែលលោកយាយដើរបេះត្រកួនលក់បាន១ថ្ងៃត្រឹមតែ៥ពាន់រៀលប៉ុណ្ណោះ។

លោកយាយដែលមានសំណាងត្រូវបាននាយ ពែកមី ជួយនេះ មានឈ្មោះ សុន វ័យប្រហែល៧០ឆ្នាំជាង រស់នៅ ភូមិ ស្រែរំដួល ឃុំ អណ្ដូងកណ្ដាល ស្រុក ស្ទឹងត្រង់ ខេត្ត កំពង់ចាម។ ពែកមីបាន ប្រាប់ថា ក្រោយពីឃើញពីជីវភាពលោកយាយខាងលើ ធ្វើឲ្យលោកដេកមិនលក់សោះ មានចិត្តចង់ជួយលោកយាយម្នាក់នេះជាខ្លាំង បន្ទាប់មកលោកក៏បានកៀរគរសប្បុរសជនដែលជាមិត្តភ័ក្ដិ និងជាដៃគូរកស៊ីជាមួយគ្នាក៏បានប្រាក់ចំនួន៤លានរៀល ក្នុងនោះ៖

1/ ក្រុមហ៊ុនត្រាសមី វីឡាកំពង់ចាម = 1000000៛

2/ ខ្ញុំបាទ ពាក់មី =400000៛

3/ បងប្រុស ហេងឡុង =400000៛

4/ឧ ឡេងណាវាត្រា =400000៛

5/សំឡាញ់ ហួតជា =400000៛

6/អ្នកនាង ខ្ញុង =400000៛

7/ កញ្ញា កែវវត្តី =400000៛

8/ក្រុមហ៊ុនអេតសឹលូសិនរៀលអុីស្ទេត =200000៛

9/ក្រុមជាងមាស បងប្អូនវិបុល =200000៛

10/សប្បរសជនផ្សេងៗ =200000៛

សរ៉ុបថវិកាទាំងអស់ជូនលោកយាយ = 4000000

លោកថ្លែងថា ថវិកាខាងលើ និងជួយសម្រួលដល់ជីវភាពលោកយាយ យ៉ាងតិចក៏បាន២ឆ្នាំផងដែរ ខណៈដែល លោកយាយដើរបេះត្រកួនលក់បានត្រឹមតែ៥ពាន់រៀលប៉ុណ្ណោះក្នុង១ថ្ងៃ។ នេះមិនមែនជាលើកទី១ឡើយ របស់នាយពែកមី ដែលរួមចំណែកលើការងារសប្បុរសធម៌នេះ ជារឿយៗតារាកំប្លែងមានកំណើតពីខេត្ត ស្វាយរៀងរូបនេះតែងតែ ដើរធ្វើបុណ្យធ្វើទាន ជាញឹកញាប់។ ប៉ុន្មានថ្ងៃមុននេះ លោកក៏បានចុះទៅចែកអំណោយដល់ពលរដ្ឋរកគ្រោះដោយខ្យល់កន្ត្រាក់ ជាច្រើនគ្រួសារ នៅស្រុកពោធិ៍រៀង ខេត្ត ព្រៃវែង ជាមួយ ព្រះអង្គគូ សុភាព ផងដែរ៕

The post គួរឲ្យសរសើរមែន!ពែកមីជួយ យាយម្នាក់ ដើរបេះត្រកួនលក់ រស់ស្រួលយ៉ាងតិច២ឆ្នាំ appeared first on .

ឧកញ៉ា ហ៊ួត ជា រួមជាមួយព្រះគ្រូ គូ សុភាព នាំអំណោយចែកជូនជនរងគ្រោះដោយខ្យល់កន្ត្រាក់៨៤គ្រួសារនៅខេត្ត ព្រៃវែង

កូនចៅឧកញ៉ា — Tue, 02 Jul 2019 03:50:00 +0000

នៅថ្ងៃទី០១ ខែ កក្កដា ឆ្នាំ ២០១៩ ម្សិលមិញ លោក ឧកញ៉ា ហ៊ួត ជា រួមជាមួយព្រះគ្រូ គូ សុភាព ហើយមានទាំងតារាកំប្លែងល្បីឈ្មោះប្រចាំCTN នាយពេកមី បាននាំអំណោយជាច្រើន ទៅចែកជូនដល់ពលរដ្ឋរងគ្រោះដោយខ្យល់កន្ត្រាក់ សរុប ៨៤គ្រួសារ ស្ថិតនៅស្រុក ពោធិ៍រៀង ខេត្ត ព្រៃវែង។

ថវិកាដែលបានចែកជូននេះ តាមការឲ្យដឹងពី ឧកញ៉ា ហ៊ួត ជា លោកបានជូនថវិការ20 ម៉ឺនរៀល ក្នុង1គ្រួសារ ដល់បងប្អូនរលំផ្ទះ17 គ្រួសារ និង ដី ជូន10ម៉ឺន ក្នុង១គ្រួសារ ចំនួន 37 គ្រួសារនិងចាស់ៗប្រមាណ 80 នាក់ ជាមួយគ្នានោះ លោក ឧកញ៉ា ហ៊ួត ជា ក៏បានថ្លែងអំណរគុណ ដល់ម្ចាស់ផ្ទះសំណាក់ អ៊ែវេ ជាប់ព្រលាន 100$ ប្អូន សែម សុភីនិង គ្រួសារ 200$ និង ផល្លា ថៅកែតេលានៅអ្នកលឿង 200$ និង អរគុណម្ចាស់គ្រូ គូ សុភាព ថវិកាតាមរយៈព្រះអង្គ ប្រមាណ សរុបបាន ប្រហែល 4500$ ។ជាមួយ និង សកម្មភាពសប្បុរសធម៌នេះ ផេកផ្លូវការរបស់ព្រះគ្រូ គូ សុភាព ក៏បានបង្ហោះបង្ហាញពីសកម្មភាពនោះផងដែរ។

ព្រះគ្រួ គូ សុភាព និង លោក ឧកញ៉ា ហ៊ួត ជា ព្រមទាំង តារាកំប្លែងល្បីឈ្មោះប្រចាំCTN នាយពេកមី ត្រូវបានមហាជនមើលឃើញថា មានភាពស្និទ្ធស្នាលជារឿយៗអ្នកទាំងពីរតែងតែចូលរួមសកម្មភាពសប្បុរសនេះ ជាមួយ ព្រះគ្រូ គូ សុភាព ញឹកញាប់។ ថ្មីៗនេះ ឧកញ៉ា ហ៊ួត ជា ក៏បានសម្រេចចិត្តសាងផ្នួសនៅ ទីអារាម វត្ត និគ្រោធវ័ន្ត ហៅ វត្តគល់ទទឹង ដែលជាវត្ត ព្រះអង្គគង់នៅ ចំនួន១សប្ដាហ៍ផងដែរ។

The post ឧកញ៉ា ហ៊ួត ជា រួមជាមួយព្រះគ្រូ គូ សុភាព នាំអំណោយចែកជូនជនរងគ្រោះដោយខ្យល់កន្ត្រាក់៨៤គ្រួសារនៅខេត្ត ព្រៃវែង appeared first on .

ពែកមី

ផ្ទះ ពាក់មី នៅ​ស្វាយ​រៀង ​ធ្លាប់​តែ​​សប្បាយ​រាល់​ឆ្នាំ ​តែ​​ឆ្នាំ​​នេះ​ស្ងាត់​​ហើយ

ប្រើទុនជាង​១០ម៉ឺន​ដុល្លារ ពែកមី ទទួល​សិទ្ធិ​ផ្ដាច់មុខ​លើ​មុខ​ជំនួញ​ធំ​មួយ ពី​ឧកញ៉ា​ល្បី​ឈ្មោះ​ម្នាក់

ឧកញ៉ា ហ៊ុន​ ជា ចោទ​សួរ​ទៅ ពែក មី រឿង​ថត​លុយ​ផុស ជាប់ប៉ូលិស​​ផាក

គួរឲ្យ​សរសើរ​មែន!ពែកមី​ជួយ យាយ​ម្នាក់ ដើរ​បេះ​ត្រកួន​លក់ រស់​ស្រួល​​​យ៉ាង​តិច​២ឆ្នាំ

ផ្ទះ ពាក់មី នៅស្វាយរៀង ធ្លាប់តែសប្បាយរាល់ឆ្នាំ តែឆ្នាំនេះស្ងាត់ហើយ

ប្រើទុនជាង១០ម៉ឺនដុល្លារ ពែកមី ទទួលសិទ្ធិផ្ដាច់មុខលើមុខជំនួញធំមួយ ពីឧកញ៉ាល្បីឈ្មោះម្នាក់

ឧកញ៉ា ហ៊ុន ជា ចោទសួរទៅ ពែក មី រឿងថតលុយផុស ជាប់ប៉ូលិសផាក

គួរឲ្យសរសើរមែន!ពែកមីជួយ យាយម្នាក់ ដើរបេះត្រកួនលក់ រស់ស្រួលយ៉ាងតិច២ឆ្នាំ