តាមរយៈទំព័រហ្វេសប៊ុកផ្លូវការផ្ទាល់ខ្លួន នាព្រឹកថ្ងៃចន្ទនេះ អ្នកនាង សឿ សុធារ៉ា បានសម្តែងការដឹងគុណដល់លោករដ្ឋមន្រ្តីក្រសួងព័ត៌មាន ខៀវកញ្ញារិទ្ធ និងលោកជំទាវ ដែលបានផ្តល់ជម្រឱ្យអ្នកនាងនិងកូនៗបានរស់រានមានជីវិតសារជាថ្មីឡើងវិញ ដែលមានតំលៃ 20000$។ 

ដើម្បីជាការនឹករលឹកដឹងគុណដល់លោកទាំងពីរ (លោក ខៀវ កាញារិទ្ធិ និងលោកជំទាវ) អ្នកនាង សឿសុធារ៉ា និងកូនៗ ប្រកាសនឹងខិតខំបំរើដល់សិល្បៈជាថ្មីឡើងវិញទាំងម្តាយ ទាំងកូនឱ្យអស់ពីកំលាំងកាយចិត្តហើយក៏ដើម្បីបំរើដល់អារម្មណ៍បងប្អូនទាំងអស់គ្នាក្នុងវិស័យសិល្បៈនេះឱ្យជាប់លាប់ មិនឱ្យលោកទាំងពីរខកបំណងឡើយ៕

The post រដ្ឋមន្ត្រីក្រសួងព័ត៌មាន ផ្តល់ផ្ទះវីឡាទោលមួយខ្នងឱ្យតារាសម្តែង សឿ សុធារ៉ា appeared first on .

Creamfields មហោស្រពតន្ត្រីដ៏ពេញនិយមបែបអេឡិកត្រូនិច ដែលត្រូវបានបង្កើត និងរៀបចំដោយ Cream អ្នកផ្សព្វផ្សាយតន្រ្តីជនជាតិអង់គ្លេស ហើយក៏ជាកម្មវិធីប្រគំតន្ត្រីដ៏ល្បីល្បាញលំដាប់ពិភពលោក ដែលតែងតែប្រារពធ្វើឡើងនៅចុងខែសីហា ជារៀងរាល់ឆ្នាំជាលក្ខណៈអន្តរជាតិនៅទូទាំងពិភពលោក។
Creamfields បានប្រារព្ធឡើងជាលើកដំបូងក្នុងឆ្នាំ១៩៩៨ នៅ Winchester ដើម្បីជាការអបអរនៅក្នុងការផ្លាស់ប្តូរទីក្រុងកំណើតរបស់ Cream នៅ Liverpool ហើយនៅឆ្នាំបន្ទាប់ក៏បានធ្វើឡើងនៅអាកាសយានដ្ឋាន Liverpool ចាស់ មុនពេលផ្លាស់ទៅទីតាំងបច្ចុប្បន្នរបស់ខ្លួននៅ Daresbury នៃ Cheshire។ កាលពីមុនពិធីប្រគំនេះជាព្រឹត្តិការណ៍មួយដែលធ្វើឡើងតែមួយថ្ងៃប៉ុណ្ណោះ ដែលមានមនុស្សចូលរួមចំនួន ២៥,០០០ នាក់ ប៉ុន្តែឥឡូវនេះ គឺជាព្រឹត្តិការណ៍ដែលមានរយៈពេល ៤ ថ្ងៃ ជាមួយនឹងជម្រើសនៃការបោះជំរុំដែលអាចទទួលភ្ញៀវបាន ៧០,០០០ នាក់ក្នុងមួយថ្ងៃ។

ការប្រគំតន្ត្រីនេះ គឺជាមហោស្រពតន្ត្រីរាំអេឡិចត្រូនិចដ៏ល្បីល្បាញបំផុតរបស់ចក្រភពអង់គ្លេស។ ជាក់ស្តែងនៅឆ្នាំ២០២២ នេះ Creamfields នឹងប្រារព្ធខួបលើកទី ២៥ របស់ខ្លួន។ កម្មវិធី Creamfields ក៏នឹងធ្វើឡើងជាផ្លូវការនៅក្នុងប្រទេសថៃខាងមុខនេះផងដែរ (Amazing Thailand Presents Creamfields Thailand 2022) ដែលមានឈ្មោះថា Creamfields Thailand។
ដោយឡែកនៅប្រទេសកម្ពុជាយើងវិញ ដើម្បីជាការអបអរដល់ព្រឹត្តិកាណ៍ប្រគំតន្ត្រី Pre-Party to Creamfields Thailand ដ៏កក្រើកនេះ នៅថ្ងៃទី២១ ខែឧសភា ឆ្នាំ២០២២ ខាងមុខ ឌីជេមកពីក្រៅប្រទេសល្បីឈ្មោះជាច្រើនរូបនឹងបង្ហាញវត្តមាននៅក្នុងក្លឹបកម្សាន្ត ACE LOUNGE ដែលមានទីតាំងនៅសង្កាត់ទន្លេបាសាក់ រាជធានីភ្នំពេញ។

អ្នកទាំងអស់គ្នានឹងបានរីករាយកម្សាន្តជាមួយនឹងឌីជេល្បីៗដូចជា Markhese, Doppelganggerz និង Marnik សម្រាប់ការរាំកម្សាន្តពោរពេញទៅដោយភាពសប្បាយរីករាយភ្លេចទុក្ខកង្វល់។ Markhese ជាឌីជេ និងអ្នកផលិតកម្មវិឌីជនជាតិអ៊ីតាលី ដែលទទួលបាននូវភាពល្បីល្បាញខ្លាំងត្រឹមរយៈពេលតែប៉ុន្មានឆ្នាំប៉ុណ្ណោះ តាមរយៈបទភ្លេងដ៏ពីរោះប្លែកពីគេដែលបានភាពសប្បាយរីករាយដល់មនុស្សជាច្រើន។
ក្រៅពីឌីជេមកជនជាតិអ៊ីតាលីខាងលើ ក៏មាន ឌីជេដ៏ល្បីល្បាញពេញប្រទេសសឹង្ហបុរី តាមរយៈបទភ្លេង Future House គឺលោក Doppelganggerz ។ Doppelganggerz វិវត្តន៍ខ្លួនយ៉ាងឆាប់រហ័សដោយការបង្ហាញសមត្ថភាពសិល្បៈជាមួយនឹងតន្ត្រីករអន្តរជាតិជាច្រើនរូបដូចជា Don Diablo, Tiesto, Fedde Le Grand, Alok ជាដើម ហើយទទួលបាននូវភាព ដែលតំណាងឱ្យខ្លួន។ ភាគច្រើន Doppelganggerz ទទួលបានការពេញនិយម និងគាំទ្រខ្លាំងពីសំណាក់យុវវ័យនៅតាមកម្មវិធីលេងតន្រ្តីនានាដូចជា Legacy Festival, Marquee Singapore, Zouk Singapore និង Siloso Beach Party Countdown ជាដើម។

ចំណែកឯ Marnik ដែលត្រូវបានគេស្គាល់ថា គឺឌីជេ Remix ភ្លេងជនជាតិអ៊ីតាលីមួយរូបដ៏ល្បីល្បាញតាមរយៈបទភ្លេង GAM GAM, UP & DOWN, Alone ជាដើម។ ឌីជេរូបនេះល្បីល្បាញនៅទូទាំងពិភពលោក ដោយត្រូវបានលេចមុខសម្តែងនៅលើឆាកតន្រ្តីធំៗច្រើនជាង៧៥លានដង ចាប់តាំងពីលោកបានប្រឡូកក្នុងវិស័យនេះ។ មិនតែប៉ុណ្ណោះបទភ្លេងរបស់ Marnik ក៏ត្រូវបានយកទៅដាក់នៅក្នុងរឿងជាច្រើនលើ Netflix ផងដែរ។ពិសេសជាងនេះ Marnik ក៏ជោគជ័យនៅក្នុងអាជីពជាអ្នកផលិតកម្មវិធីដ៏ល្បីទៀតផង។
តោះត្រៀមខ្លួនសាកថ្មជីវិតឱ្យកាន់តែរស់រវេីក ជាមួយនឹងចង្វាក់ភ្លេង និងជួបជាមួយឌីជេ និងតន្ត្រីករដ៏មានទេពកោសល្យដ៏គួរឱ្យទាក់ទាញមួយក្នុងពិភព EDM! កុំភ្លេច ចាប់កន្លែងរបស់អ្នកនៅ Pre-party ផ្លូវការរបស់យើងនៅ ACE Lounge and Restaurant ពីឥឡូវនេះណា៎!៕

The post ថ្ងៃទី២១ ឧសភា ACE Lounge នឹងធ្វើជាម្ចាស់ផ្ទះការប្រគំតន្ត្រីលំដាប់អន្តរជាតិ អញ្ជើញសុទ្ធតែ Dj ល្បីៗលំដាប់ពិភពលោក appeared first on .

Royal 214 The Majesty បាននាំមកនូវបទពិសោធន៍នៃការកម្សាន្តបែបខារ៉ាអូខេដ៏ទំនើប និងមុនគេ ជូនអតិថិជន។ ភ្ញៀវកិត្តិយស ដែលកំពុងតែត្រូវការខារ៉ាអូខេសម្រាប់ការជួបជុំ លក្ខណៈឯកជន ឬរៀបចំកម្មវិធីផ្សេងៗ ជាពិសេសឱកាសបុណ្យគ្រីស្តស្មាស់ ឬឆ្លងឆ្នាំសកល ប្រកបដោយភាពសប្បាយរីករាយ គ្មានដែនកំណត់ កុំភ្លេចអញ្ជើញមក ខារ៉ាអូខេ Royal 214 The Majesty ។

ជាមួយស្តង់ដារបន្ទប់ខារ៉ាអូខេដ៏ប្រណីត មានច្រើនជម្រើស សេវាកម្មដ៏សម្បូរបែប ម្ហូបអាហារចម្រុះជាតិសាសន៍ មានទាំងម្ហូបចិន ខ្មែរ និងម្ហូបអឺរ៉ុប និងសេវាកម្មផ្សេងៗទៀត ជាពិសេសមានតម្លៃសមរម្យ លោកអ្នកអាចអញ្ជើញមកទទួលយកបទពិសោធន៍កម្សាន្តទាំងអស់នេះ នៅ ខេធីវី រ៉ូយ៉ាល់ 214 ឌឺ ម៉ាជេស្ទី (Royal 214 The Majesty) ដែលមានទីតាំងស្ថិតនៅលើ ផ្លូវសម្តេចប៉ាន(214) កែងនឹងផ្លូវ55 សង្កាត់បឹងរាំង ខណ្ឌដូនពេញ រាជធានីភ្នំពេញ។  

តើ Royal 214 The Majesty លើផ្លូវសម្ដេចប៉ាន (អតីត X2) ទើបបើកថ្មី មានអ្វីពិសេស បានជាទទួលបានការចាប់អារម្មណ៍ខ្លាំងពីអតិថិជនយ៉ាងនេះ?

តាមការឱ្យដឹងពីស្ថាបនិកឆ្នើម មានបទពិសោធន៍ លើការរៀបចំសេវាកម្មខេធីវីនេះអស់រយៈពេលជាង ១០ឆ្នាំ និងបានពង្រីកសាខាជាច្រើនកន្លែងរួចមកហើយ បានបញ្ជាក់ថា Royal 214 The Majesty សាខាផ្លូវសម្ដេចប៉ាននេះ ត្រូវបានរៀបចំឡើងយ៉ាងពិសេស ដោយគិតពីគុណតម្លៃ ជាងតម្លៃ ដើម្បីផ្ដល់ជូនគ្រប់សេវាកម្មដែលអតិថិជនចង់បាន មិនថាអតិថិជនជនជាតិខ្មែរ ឬជនបរទេសទេ ធានាថានឹងពេញចិត្តពេលបានមកទទួលយកបទពិសោធន៍កម្សាន្តដ៏ទំនើប ថ្មី ប្លែក រួមទាំងមានតម្លៃសមរម្យអាចទទួលយកបាន។

រាល់គ្រប់កម្មវិធីជួបជុំ ដែលអតិថិជនចង់បាន ខេធីវី Royal 214 The Majesty មានផ្ដល់ជូនទាំងអស់ មិនឱ្យខកបំណងឡើយ ក្នុងនោះមានដូចជា៖

១. កន្លែងរៀបចំបែបអភិជន តែមានតម្លៃសមរម្យ

២. ប្រភេទបន្ទប់ខារ៉ាអូខេ មានច្រើនជម្រើស មានទាំងបន្ទប់ខ្នាតកណ្ដាល បន្ទប់ខ្នាតធំ លក្ខណៈ VIP និង VVIP ស័ក្តិសមសម្រាប់គ្រប់កម្មវិធីជួបជុំ ប្រកបដោយឯកជនភាព និងភាពសប្បាយរីករាយ

៣. គ្រប់បន្ទប់ទាំងអស់ សុទ្ធតែបំពាក់ដោយបច្ចេកវិទ្យាកម្សាន្តដ៏ទំនើបចុងក្រោយបំផុត ទាំងប្រព័ន្ធភ្លើង ប្រព័ន្ធសំឡេង ល្អឥតខ្ចោះ និងដំបូងបំផុតនៅកម្ពុជា

៤. ផ្ដល់សេវាកម្មម្ហូបអាហារស្តង់ដាចម្រុះរសជាតិ មានទាំងម្ហូបចិន ខ្មែរ អឺរ៉ុប (តម្លៃសមរម្យដូចទៅនឹងម្ហូបតាមភោជនីយដ្ឋាន)

៥. គ្រប់បន្ទប់មានការឌីហ្សាញបែបសាមញ្ញ ប៉ុន្តែបង្កប់ទៅដោយភាពប្រណីត បែបPremium លំដាប់អភិជន

៦. ផ្ដល់ការកម្សាន្តជូនអតិថិជនបានគ្រប់កម្មវិធី មិនថាកម្មវិធីតូច ធំ ការជួបជុំជប់លៀងបុគ្គលិក លក្ខណៈក្រុមហ៊ុន មិត្តភ័ក្តិ ឬក្រុមគ្រួសារ

ដើម្បីស្វាគមន៍ការបើកទីតាំង ខេធូវី Royal 214 The Majesty ថ្មីនេះ ក្រុមហ៊ុន ក៏កំពុងបន្តផ្ដល់ជូននូវប្រូម៉ូសិនប្លែក និងការបញ្ចុះតម្លៃយ៉ាងពិសេសរហូតដល់ 20% ជូនអតិថិជនរបស់ខ្លួនថែមទៀតផង។

កុំភ្លេចអញ្ជើញមកទទួលយកបទពិសោធន៍នៃការកម្សាន្តថ្មី និងដំបូងបំផុតមិនធ្លាប់មាន នៅ ខេធីវី លំដាប់ថ្នាក់អន្តរជាតិ រៀបចំដោយស្នាដៃជនជាតិខ្មែរ តែស្តង់ដាមិនចាញ់បរទេស មាននៅRoyal 214 The Majesty លើ ផ្លូវសម្តេចប៉ាន(214) ចាប់ពីថ្ងៃនេះតទៅ។

សម្រាប់ព័ត៌មានបន្ថែម ឬទំនាក់ទំនងកក់បន្ទប់ទុកជាមុន អតិថិជនអាចចូលទៅកាន់ ហ្វេសប៊ុកផេក Royal 214 The Majesty ឬតាមរយៈលេខទូរស័ព្ទ៖ 066 214 214 ៕ទីតាំង Royal 214 The Majesty – Google Maps

The post ល្បីយូរហើយ ខារ៉ាអូខេ Royal 214 ផ្លូវសម្តេចប៉ាន​ផ្ដល់សេវាកម្មលំដាប់ស្តង់ដា ឯសេវាលុយធីបជូនតាមសទ្ធា appeared first on .

វិច្ឆិកា ទទួល​បាន​តំណែង​តួឯក​ស្រី​ក្នុង​រឿង​ខាង​លើ ស្រប​ពេល​ដែល​គេ​ឃើញ​ថា តារា​វ័យ​ក្មេង​មាន​សម្ផស្ស​ស្រស់​ស្អាត​ខ្លាំង ទម្រង់​មុខ​ស្អាត​ស្រទន់​មាន​មន្ត​ស្នេហ៍។ ដែល​តាម​អំណោយ​ផល​នេះ ធ្លាប់​នាំ​ឲ្យ​នាង ត្រូវ​បាន​ជ្រើស​រើស​ឲ្យ​ចូល​សម្ដែង​ភាពយន្ត​លើក​ដំបូង​បំផុត​តាំង​ពី​នាង​មាន​វ័យ​ទើប​តែ ៧​ឆ្នាំ​ម្ល៉េះ ក្នុង​រឿង “ស្នេហ៍​ក្លាយ​កាយ”។ និយាយ​ដល់​ចំណុច​នេះ វិច្ឆិកា ប្រាប់​ថា កាល​ណោះ នាង​ត្រូវ​បាន​ជ្រើស​រើស​ជាមួយ​បង​ប្អូន​ភ្លោះ​របស់​នាង​ម្នាក់​ទៀត។

បង​ប្អូន​ភ្លោះ​របស់​ វិច្ឆិកា ត្រូវ​បាន​ឈ្មោះ​ថា ឃីង សូរិយា មាន​វ័យ​ស្របាល​គ្នា ក៏​ជា​តារា​សិល្បៈ​ដូច​គ្នា​ដែរ។ យ៉ាង​ណា​ពួក​គេ​ក៏​មាន​ការងារ​ខាង​ក្រៅ​ដូច​គ្នា ពិសេស​ការ​សិក្សា ជា​ហេតុ​ដែល​ធ្វើ​ឲ្យ​ពួក​គេ មិន​អាច​ប្រឡូក​ការងារ​សិល្បៈ​ពេញ​ទំហឹង​បាន។ សូរិយា បាន​ប្រាប់​ថា នាង​ជា​តារា​សម្ដែង និង​ម៉ូដែល ឯ​បង​ប្អូន​ភ្លោះ​របស់​នាង ក៏​ដូច​គ្នា​ដែរ។

ពួក​គេ​ទាំង​ពីរ​បាន លេច​វត្តមាន​ទាំង​ព្រម​ក្នុង​ឱកាស​សម្ពោធ​រឿង​ខាង​លើ។

ប្រភព៖ sabay.com.kh

The post មើល​សម្រស់​បង​ប្អូន​​ភ្លោះស្រី​ស្អាត ឃីង វិច្ឆិកា ! appeared first on .

ប៉ុន្តែ​នៅ​ចុង​ក្រោយ ឃើញ​ថា មាន​ការ​ផ្លាស់​ប្ដូរ​រស​និយម​ខ្លះ ស្រប​ពេល​រថយន្ត​ប្រណិត​មួយ​ប្រភេទ គឺ Porsche ក៏​មាន​ចំណែក​ក្នុង​ជីវិត​ហ៊ឺហា​របស់​សិល្បករ​ខ្មែរ​ល្បី​ៗ​ខ្លះ​ៗ​ដែរ​ហើយ។ ចំណុច​គួរ​កត់​សម្គាល់ គេ​ឃើញ​មាន​តារា​ស្រី​ល្បី​ៗ ពិសេស​សុទ្ធ​ជា​តារា​ចម្រៀង​ដូច​គ្នា​ទៀត មាន​ប្រើ​រថយន្ត​ប្រភេទ​នេះ។ ពួក​គេ​ទាំង​នោះ​មាន៖

១. ពេជ្រ សោភា៖ តារា​ស្រី​ចាស់​វស្សា ហង្សមាស ទើប​នឹង​រំលេច​សមិទ្ធផល​ថ្មី ដោយ​ទិញ​ចូល​រថយន្ត​មួយ​បន្ថែម​ទៀត​ពី​លើ​រថយន្ត​ដែល​មាន​ស្រាប់​ម៉ាក Rank Rover របស់​នាង។ រថយន្ត​ថ្មី​របស់​នាង គឺ​ម៉ាក Porsche ពណ៌​ស ដែល​មាន​តម្លៃ​ដល់​ទៅ​ជាង ២០ម៉ឺន​ដុល្លារ​អាមេរិក​ឯណោះ។ មាន​ន័យ​ថា សោភា កាក់​កប​ខ្លាំង​នៅ​រយៈ​កាល​ចុង​ក្រោយ ក្នុង​នោះ​គេ​ឃើញ​នាង​ក្ដោប​បាន​ការងារ​ស្ប៉ត​ពាណិជ្ជកម្ម និង​ធ្វើ​ជា​អ្នក​តំណាង​ផលិតផល(Brand Ambassador)ជា​ច្រើន ជា​បច្ច័យ​អាច​ឲ្យ​នាង​ប្រមូល​លុយ​បាន​ជា​ច្រើន​ម៉ឺន​ដុល្លារ។ ជា​ពិសេស​គេ​ដឹង​ថា ចុង​ក្រោយ​នេះ​នាង​ក៏​កាក់​កប​ក្នុង​មុខ​របរ​លក់​គ្រឿង​សម្អាង​ផង​ដែរ៕

២.តេង លក្ខិណា៖ ត្បិត​ថា មិន​សូវ​ឃើញ​មាន​សកម្មភាព​សិល្បៈ​ច្រើន ដូច​រៀម​ច្បង​ខាង​លើ ប៉ុន្តែ​គេ​មើល​ឃើញ​ថា តារា​ស្រី​រូប​នេះ ក៏​មាន​ជីវិត​ហ៊ឺហា​មិន​ធម្មតា​ដែរ ក្រោយ​ផ្លាស់​ប្ដូរ​ជំនាញ​ពី​ពិធី​ការិនី​ទូរទស្សន៍ ទៅ​ជា​តារា​ចម្រៀង​ផលិតកម្ម M កាល​ពី​ឆ្នាំ ២០១៥។ ភាព​ហ៊ឺហា​របស់ លក្ខិណា គឺ​ឃើញ​ថា នាង​ក៏​ប្រើ​រថយន្ត​ម៉ាក Porsche មួយ​ដែរ ម៉ូដែល Panamera។ តាម​អ្នក​នៅ​កៀក​នឹង​រថយន្ត បាន​ឲ្យ​ដឹង​ថា រថយន្ត​ទំនើប​មួយ​គ្រឿង​នេះ មាន​តម្លៃ​មិន​ក្រោម ១០ម៉ឺន​ដុល្លារ​ឡើយ ពោល​គឺ​ចាប់​ពី​ជាង​១០ម៉ឺន​ឡើង​ទៅ ដោយ​ប្រែ​ប្រួល​ទៅ​តាម​ប្រភេទ​ឆ្នាំ និង​លក្ខណៈ Full Option ឬ​អត់​ទៀត។

៣. ពេជ្រ សូលីកា៖ តារា​ចម្រៀង​ស្រី​ស្រស់​រូប​នេះ ក៏​ហ៊ឺហា​មិន​ធម្មតា​ដូច​គ្នា បើ​ទោះ​នាង​ទើប​វិល​ចូល​សិល្បៈ​វិញ​ប្រមាណ​ជាង ១​ឆ្នាំ ក្រោយ​ពី​ដក​ខ្លួន​ជា​ច្រើន​ឆ្នាំ ល្បី​ថា​ជាប់​ស្នេហ៍​ជាមួយ​មន្ត្រី​ធំ​មួយ​រូប។ សូលីកា គេ​ឃើញ​បញ្ចេញ​រូបភាព​នាង​ជាមួយ រថយន្ត Porsche ប្រណិត​មួយ​គ្រឿង​កាល​ពី​ពេល​ថ្មី​ៗ​នេះ ធ្វើ​ឲ្យ​មាន​ការ​ចាប់​អារម្មណ៍។ រថយន្ត​នោះ មាន​ពណ៌​លឿង​ស្រស់​ឆើត ដែល​អ្នក​គាំទ្រ​នាង​ជា​ច្រើន ចូល​មក​អបអរ និង​សរសើរ​រថយន្ត​មួយ​នេះ​សម​នឹង​នាង​ណាស់។

យ៉ាង​ណា គេ​មិន​ទាន់​ដឹង​រថយន្ត​នោះ​ជា​កម្មសិទ្ធិ​របស់​នាង​ផ្ទាល់ ឬ​យ៉ាង​ណា​ទេ។ កន្លង​មក​ ពេជ្រ សូលីកា ត្រូវ​បាន​គេ​ឃើញ​ថា ហ៊ឺហាជាមួយ​​រថយន្ត​ម៉ូដែល​នេះ​មួយ​ដែរ ប៉ុន្តែ​ជា​ពណ៌​ខ្មៅ៕

ប្រភព៖ sabay.com.kh

The post តារា​ស្រី​ល្បី​ៗ​របស់​ខ្មែរ ហ៊ឺហា សុទ្ធ​តែ​រថយន្ត​ទំនើប Porsche! appeared first on .

សាច់​រឿង “ជន​ដែល​ត្រូវ​គេ​បាញ់” និយាយ​ពី​ហេតុការណ៍​ដែល​កើត​ឡើង​កាល​ពី​៥៤​ឆ្នាំ​មុន ពោល​គឺ​ក្នុង​អំឡុង​ឆ្នាំ ១៩៦៥ ស្ថិត​នៅ​ឃុំ​ទួល​គគីរ​នៃ​ខេត្ត​កោះកុង។ នៅ​ពេល​នោះ យុវជន ទៀ សង្វាន ដែល​ជា​អ្នក​មាន​កំណើត​កើត​ជា​នៅ​ទី​នោះ ​ត្រូវ​បាន​រដ្ឋ​អំណាច​ចាប់​ខ្លួន​យក​ទៅ​បាញ់​នៅ​ភ្នំ​កោះ​អណ្ដែត។ ក្រោយ​ហេតុការណ៍​បាញ់​មិន​ស្លាប់​នោះ សង្វាន បាន​ខំ​ព្យាយាម​រត់​ទៅ​មុខ គ្មាន​ឱកាស​សូម្បី​តែ​ងាក​ក្រោយ​មើល​ថា តើ​មាន​គេ​ដេញ​តាម​មក​ទៀត​ឬ​អត់?

រត់​ផង ភ័យ​ផង កាត់​ព្រៃ កាត់​បន្លា មុត​របួស​សុស​សាច់ រត់​ឡើង​ភ្នំ​ចូល​ព្រៃ រហូត​ដល់​មេឃ​ងងឹត។ សង្វាន ព្យាយាម​ត្រដុស​ខ្លួន​នឹង​ដើម​ឈើ ដើម្បី​កាត់​ផ្ដាច់​ចំណង និង​លាក់​ខ្លួន​រស់​នៅ​ក្នុង​ព្រៃ​កោងកាង​តែ​ម្នាក់​ឯង អត់​អាហារ​ជា​ច្រើន​ថ្ងៃ​ច្រើន​យប់ គឺ​បរិភោគ​តែ​ផ្លែ “ដាវ​យិន” ដើម្បី​បន្ត​ជីវិត។ ប៉ុន្តែ​យមរាជ មិន​ទាន់​ត្រូវ​ការ​ជីវិត​មួយ​នេះ ទើប​អាច​រស់រាន​មក​ដល់​សព្វ​ថ្ងៃ ដែល ទៀ សង្វាន ត្រូវ​បាន​ប្ដូរ​មក​ជា ទៀ បាញ់ គឺ​សម្ដេច​ពិជ័យ​សេនា ជា​ឧបនាយក​រដ្ឋ​មន្ត្រី រដ្ឋ​មន្ត្រី​ក្រសួង​ការពារ​ជាតិ​នា​ពេល​បច្ចុប្បន្ន។

ខាង​លើ​នេះ គឺ​ជា​សង្ខេប​ខ្លី​ពី​សាច់​រឿង​ប្រវត្តិ​របស់​សម្ដេច ទៀ បាញ់ ដែល​ត្រូវ​បាន​ថត​ម្ដង​រួច​មក​ហើយ កាល​ពី​ប្រមាណ ៣​ឆ្នាំ​មុន ដឹកនាំ​ដោយ​លោក ខាំ ភូរិ។ មាន​ស្នាដៃ​លើ​ការងារ​លើក​ទី​១​នោះ កូន​ប្រុស​របស់​អតីត​អភិបាល​ខេត្ត​ក្រចេះ ឯក​ឧត្ដម ខាំ ភឿន បាន​ទទួល​ការ​ទុក​ចិត្ត និង​ប្រគល់​កិច្ចការ​ដឹកនាំ​ថត​សាច់​រឿង​នេះ​ម្ដង​ទៀត ដោយ​សហការ​ជាមួយ​អ្នក​ដឹក​ជនជាតិ​ថៃ​មួយ​រូប​ទៀត។

ក្រៅ​ពី​នេះ នៅ​មាន Producer ធំ​ៗ​បី​នាក់​នៅ​ក្រោយ​រឿង​នេះ ទី​១​គឺ ឯកឧត្តម ទៀ សីហា អភិបាល​ខេត្ត​សៀមរាប និង​ត្រូវ​ជា​កូន​ទី​២​សម្ដេច ទៀ បាញ់។ ទី​២​គឺ​កូន​ប្រុស​ច្បង​ឈ្មោះ ទៀ ស្យ៉ាម និង Producer សំខាន់​ទី​៣​គឺ​លោក ប៊ូ បញ្ញា។ ក្រោយ​អ្វី​បាន​រួច​ររាល់ កម្មវិធី​ក្រុង​ពាលី​ចាប់​ផ្ដើម​ដំណើរ​ការ​ថត ត្រូវ​បាន​ធ្វើ​កាល​ពី​ថ្ងៃ​ទី ១៧ កក្កដា ២០១៩។

តាម​លោក ខាំ ភូរិ ជា​អ្នក​ដឹកនាំ​ថត​រឿង​ខាង​លើ បាន​ឲ្យ​ដឹង​ថា នេះ​គឺ​ជា​ខ្សែ​ភាពយន្ត​ខ្នាត​ធំ ដែល​ក្រោយ​ថត​ចប់​មិន​ត្រឹម​តែ​ដាក់​បញ្ចាំង​នៅ​ក្នុង​ស្រុក​ទេ គឺ​អាច​នឹង​ត្រូវ​យក​ទៅ​បញ្ចាំង​បរទេស​ថែម​ទៀត។ ដូច្នេះ​ហើយ ការងារ​ថត​គឺ​តម្រូវ​ឲ្យ​មាន​ភាព​ម៉ត់ចត់​ខ្លាំង និង​មាន​ការ​ចំណាយ​ពេល​ច្រើន​រៀប​ចំ​យូរ​ក៏​ថែម​ទៀត។ លោក ខាំ ភូរិ បន្ត​ថា ក្រុម​ការងារ​លោក​បាន​រៀប​ចាំ​សាច់​រឿង​តាំង​ពី​ខែ ១១ ឆ្នាំ​មុន ដោយ​ដក​ស្រង់​ចេញ​ពី​សៀវ​និពន្ធ​ដោយ​ឯក​ឧត្ដម នឹម សុវត្ថិ។

“ឥឡូវ​នេះ​អ្វី​ដែល​យើង​ត្រូវ​ធ្វើ​ពី​ថ្ងៃ​នេះ​ទៅ គឺ​គូរ Story Board និង​ធ្វើ Work Shop បង្រៀន​ពួក​គាត់​(តួ​សម្ដែង)ពី​ការ​សម្ដែង បង្រៀន​គាត់​ពី​វិន័យ​ពេទ្យ វិន័យ​ទាហាន ក៏​ដូច​ជា​អត្តចរិត​ដេក ដើរ ឈរ អង្គុយ ឲ្យ​សាក​សម​ទៅ​នឹង​តួអង្គ​នា​ពេល​បច្ចុប្បន្ន គឺ​សម្ដេច​ពិជ័យ​សេនា និង​ភរិយា​របស់​លោក…ហើយ​ពួក​យើង​ក៏​នឹង​បង្ហាត់​តួ​អង្គ​មួយ​ចំនួន​​ក្នុង​គុន​ល្បុក្កតោ និយាយ​ទៅ​យើង​នៅ​ត្រូវ​ធ្វើ Work Shop ក្នុង​រយៈ​ប្រហែល​១​ខែ​ទៀត”។

ក្រោយ​ពី​បង្រៀន និង​ហាត់​សម្ដែង​យក​ជា​ការ​បាន​ហើយ ក្រុម​ការងារ​ទាំង​មូល គ្រោង​នឹង​ចេញ​ថត​នៅ​ក្រោយ​រដូវ​ភ្លៀង​ដោយ​ចំណាយ​ពេល​ប្រមាណ ២ខែ​កន្លះ ទៅ ៣ខែ និង​​គ្រោង​បញ្ចប់​នៅ​ចុង​ឆ្នាំ​២០១៩​នេះ។ វិល​មក​តួ​អង្គ​សម្ដែង​វិញ ភាពយន្ត​ខ្នាត​ធំ “ជន​ដែល​ត្រូវ​គេ​បាញ់” នេះ អ្នក​ដឹកនាំ​ដដែល បញ្ជាក់​ថា មាន​ការ​ចូល​រួម​សម្ដែង​ដោយ​សិល្បករ សិល្ប​ការិនី​កម្ពុជា​ប្រមាណ​ជា ១០០​នាក់ ក្នុង​នោះ ក៏​មាន​ថ្នាក់​ដឹកនាំ​ក្នុង​ជួរ​រដ្ឋាភិបាល ក៏​នឹង​ចូល​រួម​សម្ដែង​ជាមួយ​គ្នា​ដែរ។

វិល​មក​សិល្បករ​សម្ដែង​ក្នុង​រឿង​នេះ លោក នូ ឧសភា ត្រូវ​បាន​ជ្រើស​រើស​សម្ដែង​ជា​តួ​អង្គ ទៀ សង្វាន ឬ ទៀ បាញ់ នា​ពេល​បច្ចុប្បន្ន។ ដោយ​ឡែក​កញ្ញា ស៊ឹម ស្រីនិច ដើរ​តួ​ជា​តួអង្គ សមមិត្ត​នារី តៅ តឿន ភរិយា​សម្ដេច ទៀ បាញ់ បច្ចុប្បន្ន។ ក្រៅ​ពី​នេះ តួ​អង្គ​សំខាន់​ផ្សេង​ទៀត​មាន លោក សួន ពិសិដ្ឋ អ្នក​នាង ប៉ែន សុផានី ស្វែង សុជាតា លោក អ៊ូ តារ៉ា លោក លាង ឧត្តម និង​តួ​អង្គ​ជា​ច្រើន​ទៀត។

ចំពោះ​ទីតាំង​ត្រូវ​ថត លោក ខាំ ភូរិ បញ្ជាក់​ថា ក្រុម​ការងារ​នឹង​ចុះ​ទៅ​ថត​ដល់​ទីតាំង​ប្រវត្តិ​ពិត​របស់​តួ​អង្គ​តែ​ម្ដង គឺ​ឃុំ​ទទួល​គគី​នៃ​ខេត្ត​កោះកុង។ ក្រៅ​ពី​ទីតាំង​កើត​មាន​សង្គ្រាម​ធំ​ៗ នៅ​កំពង់​ស្ពឺ កំពត និង​កំពង់​សោម​ជា​ដើម សុទ្ធ​តែ​កន្លែង​ប្រវត្តិ​ពិត ដែល​ក្រុម​ការងារ​​ត្រូវ​ចុះ​ទៅ​ថត​ដោយ​ខាន​មិន​បាន៕

The post ភាពយន្ត​ខ្នាត​ធំ​ប្រចាំ​ឆ្នាំ និយាយ​ពី​ប្រវត្តិ​សម្ដេច​ពិជ័យ​សេនា ទៀ បាញ់ ប្រកាស​ចេញ​ថត appeared first on .

CEO ក្រុមហ៊ុន​រូប​នេះ គឺ​អ្នក​នាង ឆិល ពេជ្រ​ពណ្ណរាយ ជា​អតីត​អ្នក​រាំ​លម្អ​ឆាក​តាម​កម្មវិធី​តន្ត្រី​របស់​ស្ថានីយ​ទូរទស្សន៍​នានា។ សម្រាប់​ប្រិយមិត្ត​និយម​ទស្សនាការ​ប្រគំ​តន្ត្រី​ធំ​ៗ​ផ្សាយ​បន្ត​ផ្ទាល់​លើ​កញ្ចក់​ទូរទស្សន៍ ជឿ​ថា ពិត​ជា​ធ្លាប់​ឃើញ​ក្រុម​រាំ​មួយ​ក្រុម ដែល​អ្នកនាង ឆិល ពេជ្រ​ពណ្ណរាយ ស្ថិត​ក្នុង​ក្រុម​នោះ និង​ជា​សមាជិក​ដែល​មាន​ក្បាច់​រាំ​ល្អ​ជាង​គេ។

អ្នក​រាំ​កំដរ​ឆាក​រូប​នេះ មាន​រឿង​តស៊ូ​ពី​ក្រោយ​ឆាក​តន្ត្រី​ជា​ច្រើន ទម្រាំ​អាច​រក​ឃើញ​ផ្លែ​ផ្កា​ជីវិត​គួរ​ឲ្យ​មោទកភាព​នៅ​ថ្ងៃ​នេះ។ អ្នកនាង ឆិល ពេជ្រ​ពណ្ណរាយ ហៅ ស្រី​ពេជ្រ បាន​ចាប់​យក​មុខ​របរ​ក្នុង​សិល្បៈ​ផ្នែក​ជា​អ្នក​រាំ​កំដរ​ឆាក​តាំង​ពី​វ័យ​ជំទង់​ដោយ​ដំបូង​ឡើយ​នៅ​ស្ថានីយ​ប៉ុស្តី៍​លេខ​៥ រួច​ក៏​បន្ត​វាយ​លុក​ទៅ​តាម​ទូរទស្សន៍​ផ្សេង​ៗ​ទៀត។ ការងារ​នេះ មិន​សូវ​មាន​គេ​ឲ្យ​តម្លៃ និង​មិន​សូវ​គេ​ចាប់​អារម្មណ៍​ឡើយ បើ​ទោះ​ការ​ពិត​ក៏​ជា​ផ្នែក​មួយ​ធ្វើ​ឲ្យ​កម្មវិធី​មួយ​រស់​រវើក​ទៅ​បាន​ក៏​ដោយ។

យ៉ាង​នេះ​ក្ដី ស្ត្រី​អ្នក​រាំ​រូប​នេះ មិន​បាន​ខ្វាយ​ខ្វល់​ច្រើន​នឹង​ការ​មិន​ឲ្យ​តម្លៃ​នេះ​ទេ ប៉ុន្តែ​គិត​តែ​ពី​ខិត​ខំ​បង្កើន​សមត្ថភាព​រាំ​ក្នុង​ក្រុម និង​ពង្រីក​ទី​ផ្សារ​ការងារ​បន្ត​បន្ទាប់ រហូត​ដល់​រក​ឃើញ​ផ្លែ​ផ្កា​ថ្មី​មួយ។ តាម​សាមី​ខ្លួន​បាន​ឲ្យ​ដឹង​ថា ក្រោយ​ពី​នៅ​ជាប់​នឹង​ការងារ​រាំ​រាប់​ខែ​រាប់​ឆ្នាំ អ្នក​នាង ពេជ្រ​ពណ្ណរាយ ក៏​បាន​មើល​ឃើញ​ឱកាស​មួយ ហើយ​ក៏​បាន​បង្កើត​ក្រុម​រាំ​ផ្ទាល់​ខ្លួន ដែល​មក​ទល់​បច្ចុប្បន្ន​មាន​សមាជិក​ក្រុម​រាំ​២០​នាក់។

មក​ដល់​បច្ចុប្បន្ន ក្រុម​រាំ​នេះ បាន និង​កំពុង​រាំ​ប្រចាំ​នៅ​ស្ថានីយ​ទូរទស្សន៍​បាយ័ន និង​អាស៊ី​អាគ្នេយ៍​។ នៅ​ពេល​រាត្រី​ក្រុម​នេះ ក៏​បន្ត​ទៅ​ធ្វើ​ការ​សម្ដែង​ប្រចាំ​សណ្ឋាគារ​ណាហ្គា​ទៀត។ ការងារ​នេះ នាង​បាន​រស់​ត្រាំត្រែង​ជាង​១០​ឆ្នាំ​ទៅ​ហើយ ហើយ​ក៏​បាន​ជួយ​ឲ្យ​ជីវិត​របស់​នាង ក៏​ដូច​ជា​គ្រួសារ កាន់​តែ​ប្រសើរ​ឡើង​ៗ​រហូត​មក​ដែរ។

ក្រោយ​មក បង្អួច​ជីវិត​កាន់​តែ​បើក​ធំ​ឡើង ក្រោយ​ពី​អ្នក​នាង​បាន​រក​អ្នក​ឲ្យ​តម្លៃ​លើ​ការងារ​នាង ស្រឡាញ់​នាង ស្រឡាញ់​ក្រុម​គ្រួសារ​នាង និង​បាន​រៀបការ​ជាមួយ​បុរស​មក​ពី​ត្រកូល​អ្នក​ធ្វើ​ជំនួញ​មួយ​រូប​នៅ​ឆ្នាំ ២០១៦។ បាន​បទ​ពិសោធន៍​ជីវិត​ពី​ការងារ​ជា​អ្នក​លម្អ​ឆាក​ផង ផ្សំ​នឹង​លទ្ធភាព​មាន​កាន់​តែ​ធំ​ផង ធ្វើ​ឲ្យ​អ្នក​នាង មើល​ឃើញ​ឱកាស និង​លទ្ធភាព​ដើម្បី​ការ​ផ្លាស់​ប្ដូរ​បន្ថែម​ទៀត។

ចុង​ក្រោយ គឺ​បាន​វិនិយោគ​ទឹក​ប្រាក់​ប្រមាណ​ជាង ១០ម៉ឺន​ដុល្លារ​អាមេរិក បើក​ក្រុមហ៊ុន “ល្អ​ពិត​ពេជ្រ​ចរណៃ” ខូអិលធី​ដែល​នាំ​ចូល​ផលិតផលP Nice Brandពី​ប្រទេស​ថៃ និង​ទើប​តែ​ធ្វើ​ពិធី​សម្ពោធ​​ជា​ផ្លូវ​ការ​កាល​ពី​ថ្មី​ៗ​នេះ ហើយ​អ្នក​នាង ឆិល ពេជ្រ​ពណ្ណរាយ ក៏​បាន​ក្លាយ​ជា CEOប្រចាំ​ក្រុមហ៊ុន។

ពេជ្រ​ពណ្ណរាយ អះអាង​ថា អ្នក​នាង​លំបាក​យូរ​មក​ហើយ​តាំង​ពី​បាត់បង់​លោក​ឪពុក​មក នាង​ដែល​ជា​កូន​ច្បង​ បាន​ដើរ​តួ​ជា​មេ​គ្រួសារ​រ៉ាប់រង​គ្រប់​ភារកិច្ច​ ដើម្បី​ក្រុម​គ្រួសារ​អាច​រស់​បាន ដោយ​ក្នុង​នោះ ធ្លាប់​ឆ្លង​កាត់​ជា​ជីវិត​រស់​ផ្ទះ​ជួល និង​​ធ្លាប់​ដេក​វត្ត​ផង គឺ​គ្រប់​រូប​ភាព​ទាំង​អស់។ ” នាង​ខ្ញុំ​មាន​មោទកភាព​ចំពោះ​ខ្លួន​ឯង​ណាស់ ដែល​បាន​ដើរ​មក​ដល់​ចំណុច​នេះ ពិសេស​​បំណង​ចង់​បើក​ជា​ក្រុមហ៊ុន​សម្រស់ គឺ​បាន​សម្រេច​ថែម​ទៀត”។ ពេជ្រ​ពណ្ណរាយ ថ្លែង។

ក្រោយ​ពី​បាន​រៀបការ​ជាមួយ​កូន​ប្រុស​ក្នុង​ត្រកូល​អ្នក​ជំនួញ​មួយ មក​ដល់​សព្វ​ថ្ងៃ​ទទួល​បាន​ចំណង​ដៃ​កូន​ស្រី​ម្នាក់ ទុក​ជា​ផ្លែ​ផ្កា​ដ៏​សំខាន់​មួយ​របស់​ជីវិត​នា​ដំណាក់​ទី​២​នេះ៕

ប្រភព៖ Sabay.com.kh

The post កុំ​មើល​ងាយ​មនុស្ស! ពី​​មុន​ជា​អ្នក​រាំ​អមគេ​ តែ​ឥឡូវ​ជា CEO ក្រុមហ៊ុន​តម្លៃ​ជាង​១០ម៉ឺន​ដុល្លារ appeared first on .

លោក ហ៊ុយ យ៉ាឡេង ប្រាប់​ថា អោយ​ប្ដូរ​ឈ្មោះ​ចាស់​ចេញ ព្រោះ​ឈ្មោះ​នោះ មិន​អាច​ជ័យ​កិច្ចការ​សិល្បៈ​របស់​លោក​បាន​ឡើយ។ “ដូរ​ឲ្យ​ត្រូវ​បង លោក​គ្រូ​លោក​​ឲ្យ​ដូរ ព្រោះ​ឈ្មោះ មាតុចក្រ​ហ្នឹង ជា​សេនា​ដៃ​ស្ដាំ​របស់​ព្រះអង្គ​ជ័យ​វរ្ម័ន​ទី​៧ ជា​​មេទ័ព អីចឹង​គាត់​រវល់ និង​មិន​អាច​មក​រវល់​ជា​សិល្បៈ​ទេ គឺ​គាត់​បាន​តែ​រឿង​ច្បាំង រឿង​សឹក​សង្គ្រាម​អី​ប៉ុណ្ណោះ”។

យ៉ាង​ណា លោក​ថា មាតុចក្រ ដើរ​មក​ចំណុច​រាល់​ថ្ងៃ​នេះ សេនា​ដៃ​ស្ដាំ​របស់​ព្រះបាទ​ជ័យវរ្ម័ន​ទី​៧​នេះ បាន​ត្រួស​ត្រាយ​ផ្លូវ​ឲ្យ​ច្រើន​ដែរ។ លោក​មិន​បាន​បញ្ជាក់​ឡើយ​ថា គ្រូ​របស់​លោក​ជា​នរណា ប៉ុន្តែ​លោក​ថា បាន​សម្រេច​ដូរ​តាម​ការ​ចង្អុល​បង្ហាញ​របស់​គ្រូ​រូប​នោះ ដោយ​យក​ឈ្មោះ​ថ្មី​ថា “កថា​ជ័យ” ព្រោះ អ្នក​មក​ក្រោយ​នេះ មាន​ជំនាញ​ផ្នែក​សិល្បៈ​តែ​ម្ដង។ ធ្វើ​បែប​នេះ ដើម្បី​អោយ​ក្រុមហ៊ុន​រីក​ចម្រើន​រហ័ស ដូច​សម័យ​មហានគរ។ សម្ដេច​ព្រះ​គ្រូ​លោក​បាន​ផ្ដាំ។

លោក ហ៊ុយ យ៉ាឡេង បាន​ពន្យល់​បន្ថែម​ថា “កថា​ជ័យ គ្រប់គ្រង​ដោយ​បារមី ព្រះអង្គ​គណេស
ដែល​ជា​ព្រះ​គ្រូ​តំណាង​អោយ​ផ្នែក​សិល្បៈ​តែ​ម្ដង ក្រោម​ការ​ឃុំ​គ្រង​ពី​ព្រះអង្គ​ជ័យ​វរ្ម័នទី៧ និង​ព្រះ​ម៉ែ​ឥន្រ្ទទេវី និង​ព័ទ្ធ​ជុំ​វិញ​ទៅ​ដោយ​ព្រះ​មាតា​ព្រះ​បិតា​ស្តេច​នាគ អម​ដោយ​ទឹក​មន្ត​ត្រជាក់​ត្រជុំ​ដូច​ទឹក​អម្រឹត កថាជ័យ នឹង​បម្រើ​ផ្លូវ​លោក អភិវឌ្ឃន៍​ផ្លូវ​លោក អោយ​រីកចម្រើន​ដូច​មហានគរ​លើ​ផ្នែក​សិល្បៈ​ទាំង​៧”។

ផលិតកម្ម “មាតុចក្រ” ត្រូវ​បាន​បង្កើត​ឡើង​ដំបូង​នៅ​ឆ្នាំ ២០១៣ ដែល​គិត​មក​ដល់​ពេល​នេះ​មាន​រយៈ​ពេល ៦​ឆ្នាំ​មក​ហើយ។ រយៈ​ពេល​នេះ មាតុចក្រ បាន​ផលិត​ភាពយន្ត​បាន​ចំនួន ៥រឿង​រួម​មាន៖ រឿង “អាព្រឿង​ងាប់​ហើយ” “អាកុក​អា​ច្រវា” “វិកល​ចរិត” “ធ្មប់” និង​រឿង “ទារុណ​កម្ម​ខ្មោច”៕

The post អប្បិយ​ជំនឿ ហ៊ុយ យ៉ាឡេង សម្រេច​ប្ដូរ​ឈ្មោះ​ផលិតកម្ម​ហើយ​ក្រោយ​ពី… appeared first on .

The post ច្រើនសន្លឹកពីឧត្តមភរិយាអ្នកឧកញ៉ា ហុង ពីវ appeared first on .

នៅ​លើ​ហ្វេសប៊ុក​របស់​ខ្លួន នាយ ហុងដា ថា “ផ្ទះ​លក់​បន្ទាន់​ផ្ទះ​កែង​ផ្លូវ​ធំ 100ម៉ែត្រ​ពី​ផ្សារ​ឈូក​មាស ខ្ញុំ​បាទ​នាយ ហុង​ដា ត្រូវ​កា​លុយ​ជា​ចាំ​បាច់​ដើម្បី​ព្យាបាល​លោក​ពុក​ដែល​កំពុង​តែ​មាន​ជំងឺ​ធ្ងន់ធ្ងរ”។ តាម​ការ​បញ្ជាក់​ផ្ទាល់​ជាមួយ Sabay ឪពុក​របស់​លោក មាន​ជំងឺ​រលាក​សួត​ធ្ងន់ធ្ងរ ដែល​ជំងឺ​នេះ បាន​ធ្វើ​ទុក្ខ​អ្នក​មាន​គុណ​របស់​លោក​អស់​រយៈ ពេល​ជាង ៣ខែ​មក​ហើយ ហើយ​មក​ទល់​បច្ចុប្បន្ន ស្ថានភាព​ជំងឺ​កាន់​តែ​វិវត្ត​គួរ​ឲ្យ​បារម្ភ។

សមាជិក​ក្នុង​ក្រុម​កំប្លែង​នាយ កុយ បញ្ជាក់​ថា ក្នុង​រយៈ​កាល​កន្លង​មក​នេះ លោក​បាន​ចំណាយ​ប្រាក់​ព្យាបាល​លោក​ឪពុក​អស់​ជា​ច្រើន​មក​ហើយ។ ក្នុង​តួលេខ​ទឹក​ប្រាក់​ដែល​មិន​ត្រូវ​បាន​បញ្ចេញ​ឲ្យ​ដឹង​លើ​ការ​ព្យាបាល​ជំងឺ​នេះ នាយ ហុងដា ប្រាប់​ថា មួយ​ចំនួន​ជា​ប្រាក់​ផ្ទាល់​ខ្លួន​ដែល​សល់​បន្តិច​បន្តួច​ពី​ការ​សម្ដែង។ ឯ​មួយ​ចំនួន​ទៀត គឺ​លោក​បាន​ខ្ចី​បុល​ពី​ធនាគារ។

ប៉ុន្តែ​ដោយ​សារ ការ​ជំពាក់​ធនាគារ​កាន់​តែ​ច្រើន ទើប​លោក​សម្រេច​ដាក់​លក់​ផ្ទះ​របស់​ស្នាក់​នៅ​រាល់​ថ្ងៃ​ខាង​លើ​នេះ​តែ​ម្ដង។ “ខ្ញុំ​មើល​គាត់​អស់​ច្រើន​ដែរ​អូន ខ្ចី​គេ​ខ្លះ ខ្ចី​ធនាគារ​ខ្លះ ព្រោះ​មាន​អី​រាល់​ថ្ងៃ មាន​សូវ​បាន​ធ្វើ​ការងារ​ឯណា រវល់​មើល​តែ​គាត់ អីចឹង​មាន​តែ​លក់​ផ្ទះ​នេះ យក​លុយ​សង​គេ​ខ្លះ សល់​ខ្លះ​ទុក្ខ​មើល​គាត់​ត​ទោ​មុខ​ទៀត!”។

ផ្ទះ​ដែល​ដាក់​លក់​ខាង​លើ​នេះ នាយ ហុងដា បញ្ជាក់​ថា ស្ថិត​នៅ​កែង និង​ក្នុង​តំបន់​ងាយ​ស្រួល​ប្រកប​អាជីវកម្ម​នានា ដូច្នេះ ប្រសិន​បើ​បង​ប្អូន​ដែល​ចាប់​អារម្មណ៍ អាច​ធ្វើ​ការ​ទាក់ទង​លោក​ដោយ​ផ្ទាល់ តាម​រយៈ​លេខ​ទូរសព្ទ​របស់​លោក​017466646 081466646 និង 067466646៕

ប្រភព៖ Sabay

The post ហ៊ឺ…នាយ ហុងដា ជួប​ទុក្ខទៀត​ហើយ ដល់​ថ្នាក់​ប្រកាស​លក់​ផ្ទះ​បន្ទាន់​! appeared first on .