សម្តេចតេជោនាយករដ្ឋមន្ត្រី បានបញ្ជាក់លើទំព័រហ្វេសប៊ុកនាពេលថ្មីៗនេះថា កម្ពុជាបានផលិតនាឡិកាដៃចំនួន២៥គ្រឿងសម្រាប់ជាវត្ថុអនុស្សាវរីយ៍ជូនប្រធានគណៈប្រតិភូដែលអញ្ជើញមកចូលរួមប្រជុំកំពូលអាស៊ាននៅកម្ពុជាឆ្នាំ២០២២។

សម្តេចតេជោបានបញ្ជាក់បន្ថែមថា៖ “នាឡិកានេះត្រូវបានរៀបចំផ្គុំឡើងដោយអ្នកបច្ចេកទេសខ្មែរសុទ្ធសាធដែលជាផ្នែកមួយនៃការរីកចំរើនខាងវិទ្យាសាស្រ្តនិងបច្ចេកទេសរបស់កម្ពុជា(ខ្មែរធ្វើបាន)”។

ទាក់ទងនឹងការផលិតនាឡិកាដៃសម្រាប់កាដូវត្ថុអនុស្សាវរីយ៍នេះ គឺផលិតឡើងដោយក្រុមហ៊ុនខ្មែរមួយមានឈ្មោះថា ព្រីនស៍  ហូលឌីង គ្រុប របស់មហាសេដ្ឋីដើមកំណើតចិន ចេន ហ្ស៊ី ដែលសម្រិតសម្រាំងស្នាដៃយ៉ាងល្អវិចិត្រសម្រាប់មេដឹកនាំកម្ពុជា ទុកសម្រាប់ជូនប្រធានគណៈប្រតិភូអាស៊ាន។ នេះបើតាមប្រភពបង្ហើបប្រាប់សារព័ត៌មានឧកញ៉ាញូស៍។

យ៉ាងណា ចំពោះតម្លៃផលិតនាឡិកាជាក់លាក់នៃការដាក់លក់លើទីផ្សារលោកមិនបានបញ្ជាក់ប្រាប់នៅឡើយ ដោយគ្រាន់តែប្រាប់ថានាឡិកានេះផលិតសម្រាប់ជាកាដូពិសេសជូនដល់ថ្នាក់ដឹកនាំ ឬមហាសេដ្ឋីជាដើម។

សូមជម្រាបជូនថា ក្រុមហ៊ុនព្រីនស៍រៀល អ៊ីស្ទេត គ្រុប ជាបុត្រសម្ព័ន្ធព្រីនស៍ គ្រុប បានសហការជាមួយនឹងក្រុមហ៊ុនផលិតនាឡិការបស់ ស្វ៊ីស វិនិយោគលើគម្រោងមជ្ឈមណ្ឌលបណ្ដុះបណ្តាលវិជ្ជាជីវៈលើជំនាញផលិត និងជួលជុល នាឡិកាម៉ាកស្វ៊ីសនៅកម្ពុជា ដើម្បីបំពេញតម្រូវការធនធានមនុស្សក្នុងឧស្សហកម្មនេះ កាលពីថ្ងៃទី២៥ ខែវិច្ឆិកា ឆ្នាំ២០១៩។

ការសហការនេះ បង្កើតមជ្ឈមណ្ឌលបណ្ដុះបណ្ដា​លផលិត និងជួសជុលនាឡិកាស្វីស ដោយបានដាក់ឈ្មោះថា Prince Horology Vocational Training Center ៕

The post ទម្លាយឈ្មោះក្រុមហ៊ុនមហាសេដ្ឋីម្នាក់ផលិតនាឡិកា ២៥គ្រឿងជាវត្ថុអនុស្សាវរីយ៍ជូនប្រធានគណៈប្រតិភូអាស៊ាន appeared first on .

វិទ្យាស្ថានបណ្តុះបណ្តាលនេះ ត្រូវបានលើកទឹកចិត្តទាំងថវិកា និងសម្ភារៈដោយអ្នកឧកញ៉ា ចេន ហ្ស៊ី ប្រធានសម្ព័ន្ធក្រុមហ៊ុនព្រីនស៍ ហូលឌីង គ្រុប ជាជនជាតិចិន ទទួលបានសញ្ជាតិខ្មែរ ឧបត្ថម្ភធានារ៉ាប់រង។ មជ្ឈមណ្ឌលបង្កើតបានជាគន្លឹះដ៏សំខាន់នៃកិច្ចខិតខំប្រឹងប្រែងក្នុងការលើកកម្ពស់វិស័យអប់រំនៅទូទាំងប្រទេសកម្ពុជា តាមរយៈកម្មវិធីអាហារូបករណ៍ ការបណ្តុះបណ្តាលភាពជាអ្នកដឹកនាំ និងគំនិតផ្តួចផ្តើមផ្សេងៗទៀត។

កន្លងទៅវិទ្យាស្ថាននេះ និស្សិតកម្ពុជា ៦រូប បានសិក្សារួចមកហើយ ដើម្បីក្លាយជាអ្នកផលិតនាឡិកាដំបូងគេបង្អស់ក្នុងប្រទេសកម្ពុជា ដែលមានសមត្ថិភាពជួសជុល និងផ្គុំនាឡិកាតាមស្តង់ដារប្រទេសស្វីស ដែលត្រូវបានចាត់ទុកថាជាស្តង់ដារលំដាប់នៃប្រភេទនាឡិកាប្រណីត។

អ្នកឧកញ៉ា ចេន ហ្ស៊ី បានបង្ហាញនូវក្តីសង្ឃឹមថា ចំណង់ចំណូលចិត្តរបស់អ្នកផលិតនាឡិកានាពេលអនាគតទាំងនេះ អាចក្លាយជាការបំផុសគំនិតសម្រាប់សិប្បកម្មផលិតនាឡិកាលំដាប់ខ្ពស់នៅទូទាំងប្រទេសកម្ពុជា។

ទន្ទឹមនឹងនេះ លោក Sack-Man Loui នាយកផ្នែកប្រតិបត្តិនៃសាលាផលិតនាឡិកា Prince Horology បានលើកឡើងដែរថា៖ “សាលាបាននាំមកនូវគ្រឿងបរិក្ខារលំដាប់ពិភពលោក ដែលមានភាពប្រកួតប្រជែងជាមួយនឹងកន្លែងផ្សេងៗក្នុងប្រទេសស្វីស ដែលមានតែមួយគត់សម្រាប់ប្រទេសកម្ពុជា”។

លោកបន្តថា “ក្នុងនាមជាគ្រូបង្ហាត់ ចង់លើកកំពស់នូវវប្បធម៌សិល្បៈហត្ថកម្មរបស់វិចិត្រករបន្ថែមទៀត រួមទាំងមិនចាំបាច់ចំណាយអ្វីទាំងអស់ ដើម្បីធានាបានថាសិស្សានុសិស្សកម្ពុជាទទួលបានការការបណ្តុះបណ្តាលដ៏ល្អបំផុត” ៕

The post កម្រមានអ្នកដឹង មហាសេដ្ឋីសញ្ជាតិខ្មែរ ចេន ហ្ស៊ី បង្កើតវិទ្យាស្ថានបណ្តុះបណ្តាលអ្នកផលិតនាឡិកា appeared first on .

បើតាមសម្តេច ហ៊ុន សែន អ្នកឧកញ៉ា ចេន ហ្ស៊ី អគ្គនាយកក្រុមហ៊ុន ព្រីនស៍ បានមកវិនិយោគនៅប្រទេសកម្ពុជាតាំងពីលោកវ័យប្រមាណ ២២ឆ្នាំមកម្លេះ។ ហើយលោកបច្ចុប្បន្ន បានកាន់លិខិតឆ្លងដែនខ្មែរ ដើម្បីធ្វើការវិនិយោគនៅប្រទេសឡាវ គូប៉ា និងបណ្តាប្រទេសមួយចំនួនទៀត។

អ្នកឧកញ៉ា ចេន ហ្ស៊ី បានក្លាយជាពលរដ្ឋខ្មែរ ដើមកំណើតចិន នៅពេលដែលបានមករស់នៅក្នុងប្រទេសក្នុងឆ្នាំ ២០១០ ហើយពេលនោះលោកបានជួបជាមួយនាយករដ្ឋមន្ត្រី សម្តេច ហ៊ុន សែន។ លោកជាប្រធានក្រុមប្រឹក្សាភិបាលក្រុមហ៊ុន Prince Holding Group ជាមួយនឹងបុត្តសម្ព័ន្ធរាប់សិបក្រុមហ៊ុន កំពុងឈានមុខគេនៅកម្ពុជា ដែលប្រកាន់ខ្ជាប់នូវស្តង់ដារអន្តរជាតិវិនិយោគនាពេលអនាគត ព្រមទាំងប្តេជ្ញាអនុវត្តអាជីវកម្មប្រកបដោយចីរភាព។

ទើប​តែ​ប៉ុន្មានឆ្នាំ​ចុងក្រោយ​ប៉ុណ្ណោះ ក្រុមហ៊ុន ព្រីនស៍ បានរីកចម្រើននឹងក្លាយជាក្រុមហ៊ុនធំជាងគេមួយនៅក្នុងប្រទេសកម្ពុជា ដែលមានអាជីវកម្មគ្របដណ្តប់លើវិស័យសំខាន់ៗជាច្រើន ដូចជាវិស័យអចលនទ្រព្យ ធនាគារ ហិរញ្ញវត្ថុ អាកាសចរណ៍ ទេសចរណ៍ ឡូជីស្ទីក បច្ចេកវិទ្យា ភោជនីយដ្ឋាន នឹងមជ្ឈមណ្ឌលកម្សាន្ត។

តាមរយៈសមិទ្ធផលនិងការអភិវឌ្ឍន៍ឥតឈប់ឈរក្នុងពិភពជំនួញនៅកម្ពុជា គឺពិត​ជាមិន​អាច​ឲ្យ​​គេ​មើលរំលង​នោះទេនៅសហគ្រិនឆ្នើម និងជាថ្នាក់ដឹកនាំកំពូលនៅពីក្រោយភាពជោគជ័យដ៏ខ្លាំងរបស់ Prince Holding Group អ្នកឧកញ៉ា ចេន ហ្ស៊ី។

លោកត្រូវបានព្រះមហាក្សត្រកម្ពុជា ត្រាស់បង្គាប់ផ្តល់គោរមងារជា “ឧកញ៉ា” តាមព្រះរាជក្រឹត្យ នស/រកត/០២១៦/១៧៨ ចុះថ្ងៃទី១១ ខែកុម្ភៈ ឆ្នាំ២០១៦។ នៅថ្ងៃទី១០ ខែកក្កដា ឆ្នាំ២០២០ លោកទទួលបានគោរមងារបន្ថែមជា “អ្នកឧកញ៉ា” តាមព្រះរាជក្រឹត្យ នស/រកត/០៧២០/៧២៣។

អ្នកឧកញ៉ ចេន ហ្ស៊ី គឺជាអ្នកជំនួញជោគជ័យល្បីឈ្មោះបោះសម្លេងមួួយរូបនៅកម្ពុជា លោកតែងមានវត្តមានជានិច្ចក្នុងការចូលរួមវិភាគទានថវិការាប់លានដុល្លារដល់រាជរដ្ឋាភិបាល ដើម្បីកសាងហេដ្ឋារចនាសម្ព័ន្ធ។ ខណៈកាលពីខែមីនាកន្លងទៅ លោកបានឧបត្ថម្ភថវិកាចំនួន ៣លានដុល្លារអាមេរិកដើម្បីទប់ស្កាត់ការរីករាតដាលនៃជំងឺកូវីដ១៩ ក្នុងសហគមន៍២០កុម្ភៈ៕

The post សម្តេច ហ៊ុន សែន បញ្ជាក់ថា ក្រុមហ៊ុនព្រីនស៍ ជាក្រុមហ៊ុនរបស់ខ្មែរ មិនមែនរបស់ចិនឡើយ appeared first on .