លោកបន្តថា រយៈពេល ៣ថ្ងៃនេះ អង្គរសង្រ្កាន្តបានផ្តល់នូវភាពសប្បាយរីករាយ អធិកអធម ព្រមទាំងស្នាមញញឹមរាប់មិនអស់របស់បងប្អូនជនរួមជាតិ មិត្តភក្តិបរទស ទាំងអ្នកដែលបានចូលរួមផ្ទាល់ ឬអ្នកគាំទ្រពីចម្ងាយ។ ផ្ទាំងទស្សនីយភាពចម្រុះដ៏វិចិត្រ កម្មវិធីសប្បាយៗគ្រប់ទម្រង់ ការរចនាទីតាំង និងការសម្របសម្រួលនានាបានបន្សល់នូវអនុស្សាវរីយ៍ចងចាំមិនភ្លេចសម្រាប់ ទាំងអ្នកចូលរួម ក្រុមការងារ និងយុវជនស្ម័គ្រចិត្ត។

បើតាមលោក ហ៊ុន ម៉ានី ជោគជ័យរបស់អង្គរសង្រ្កាន្តគឺមិនអាចកាត់ផ្តាច់បានឡើយពីការចូលរួមយ៉ាងសកម្ម ការលះបង់ និងការប្តេជ្ញាចិត្តរបស់ក្រុមការងារ និងយុវជនស្ម័គ្រចិត្តទាំង ៥.៣៤៩ នាក់ បានឡើយ។ កិច្ចខិតខំប្រឹងប្រែងរបស់អ្នកទាំងអស់គ្នាបានធ្វើឱ្យអង្គរសង្រ្កាន្តលេចជារូបរាងឡើង ហើយកាន់តែលេចធ្លោក្នុងនាមជាព្រឹត្តិការណ៍ប្រចាំឆ្នាំដ៏ធំមួយរបស់ព្រះរាជាណាចក្រកម្ពុជា។

ឆ្លៀតក្នុងឱកាសនោះ លោកក៏បានថ្លែងអំណរគុណយ៉ាងជ្រាលជ្រៅអស់ពីបេះដូង ជូនចំពោះឯកឧត្តម លោកជំទាវអនុប្រធានសហភាពសហព័ន្ធយុវជនកម្ពុជា និងជាប្រធានចង្កោមនីមួយៗ ប្រធានក្រុមការងារ សមាជិក សមាជិកាសហភាពសហព័ន្ធយុវជនកម្ពុជាទាំងអស់ ដែលបានលះបង់សព្វបែបយ៉ាងដើម្បីឱ្យព្រឹត្តិការណ៍អង្គរសង្រ្កាន្តបានប្រព្រឹត្តទៅប្រកបដោយជោគជ័យគួរជាទីមោទនៈ។

សូមរំលឹកដែរថា ព្រឹត្តិការណ៍អង្គរសង្រ្កាន្តនឹងចាប់ផ្តើមពីថ្ងៃទី១៤ រហូតដល់ ថ្ងៃទី១៦ ខែមេសា ឆ្នាំ២០២៥ ដោយមានទស្សនីយភាព និងការតាំងបង្ហាញមរតកវប្បធម៌ដូនតាខ្មែរ ព្រមទាំងកម្មវិធីកម្សាន្តជាច្រើនទៀត នៅតាម៦ទីតាំងធំៗ រួមមាន បរិវេណមុខប្រាសាទអង្គរវត្ត, សួនច្បារព្រះរាជដំណាក់, ដងស្ទឹងសៀមរាប, បណ្ដោយផ្លូវ King’s Road, តំបន់ផាប់ស្រ្ទីត និងអង្គរឃ្យូងយូ៕

The post លោក ហ៊ុន ម៉ានី៖ ព្រឹត្តិការណ៍អង្គរសង្រ្កាន្តលើទឹកដីអង្គរ បានរំឭកឡើងវិញនូវមរតកវប្បធម៌ដូនតា ដែលជាបេតិកភណ្ឌអរូបី នៅលើទឹកដីនៃបេតកភណ្ឌរូបី appeared first on .

ក្នុងដំណើទៅកាន់ខេត្តសៀមរាប គេឃើញមានវត្តមាន លោកហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាប្រធានគណៈកម្មការរៀបចំព្រឹត្តិការណ៍អង្គរសង្ក្រាន្ដ បានអញ្ជើញជូនដំណើរយុវជនស្ម័គ្រចិត្តទាំង៥៨៦នាក់ផងដែរ។

នៅក្នុងការជូនដំណើរនោះ លោកហ៊ុន ម៉ានី លោកប្រធានសហភាពសហព័ន្ធយុវជនកម្ពុជាបាន ថ្លែងអំណរគុណដល់ប្អូនៗដែលចូលរួមស្ម័គ្រចិត្ត ចូលរួមរៀបចំព្រឹត្តិការណ៍អង្គរសង្ក្រាន្ដឆ្នាំ២០២៥ ខណៈលោកក៏បានផ្ដាំផ្ញើដល់ប្អូនៗចេះថែទាំសុខភាពឱ្យបានល្អ នៅក្នុងកំឡុងពេលបំពេញភារកិច្ចនេះថែមទៀត។

ឆ្លៀតក្នុងឱកាសនោះដែរ តាមរយៈប្អូនៗ លោកក៏បានថ្លែងអំណរគុណចំពោះអាណាព្យាបាលដែលបានអនុញ្ញាតឱ្យប្អូនៗបានចូលរួមបំពេញភារកិច្ចក្នុងការរៀបចំពិធីបុណ្យចូលឆ្នាំថ្មីប្រពៃណីខ្មែរ ដែលនឹងឈានមកដល់នាពេលដ៏ខ្លីខាងមុខនេះ។

សូមរំលឹកដែរថា ព្រឹត្តិការណ៍អង្គរសង្រ្កាន្តនឹងចាប់ផ្តើមពីថ្ងៃទី១៤ រហូតដល់ ថ្ងៃទី១៦ ខែមេសា ឆ្នាំ២០២៥ នេះ ដែលមានទស្សនីយភាព និងការតាំងបង្ហាញមរតកវប្បធម៌ដូនតាខ្មែរ ព្រមទាំងកម្មវិធីកម្សាន្តជាច្រើនទៀត នៅតាម៦ទីតាំងធំៗ ក្នុងនោះរួមមាន បរិវេណមុខប្រាសាទអង្គរវត្ត, សួនច្បារព្រះរាជដំណាក់, ដងស្ទឹងសៀមរាប, បណ្ដោយផ្លូវ King’s Road, តំបន់ផាប់ស្រ្ទីត និងអង្គរឃ្យូងយូ៕ អត្ថបទ៖ ហ្សាលីន

The post យុវជនជិត ៦០០នាក់ បានចូលរួមស្ម័គ្រចិត្តរៀបចំនៃព្រឹត្តិការណ៍អង្គរសង្រ្កាន្ត ២០២៥ appeared first on .