ជាមួយទ្រព្យសម្បត្តិដ៏ច្រើនលើសលប់បែបនេះ ព្រះអង្គម្ចាស់ ហាជី ហាសិនណល់ ក៏ត្រូវបានចាត់ទុកថាជាស្តេចដែលចូលចិត្តទៅលើការចំណាយផ្សេងៗដ៏ច្រើនសម្បើមផងដែរ រាប់ចាប់តាំងពីការទិញសម្ភារ:ប្រើប្រាស់ប្រណីតៗ យន្តហោះ ការសាងសង់រាជរាំងដ៏ធំស្កឹមស្កៃ និងសូម្បីតែការចំណាយដ៏ច្រើនលើការតុបតែងខ្លួន ផងដែរ។

ទន្ទឹមនឹងនេះ យោងតាមការចុះផ្សាយពីកាសែត The Times បានរាយការណ៍ថា ស្តេចស៊ុលតង់ព្រុយណេ ហ៊ានចំណាយមិនស្តាយនោះឡើយនៅពេលទ្រង់ត្រូវកាត់ព្រះ​កេសា​ម្តងៗ ដោយប្រភពដដែលនេះ បានអះអាងថា រាល់ការកាត់ព្រះកេសាមួយលើក ទ្រង់ត្រូវចំណាយលុយរហូតដល់ទៅជាង ២០ ០០០ដុល្លារ ឯណោះ។

បើតាមកាសែតអង់គ្លេសខាងលើនេះ បានបង្ហាញឲ្យដឹងទៀតថាព្រះអង្គ តែងតែយកយន្តហោះរបស់ទ្រង់ទៅដឹកជាងកាត់សក់ផ្ទាល់របស់ព្រះអង្គ ពីសណ្ឋាគារ Dorchester ក្នុងទីក្រុងឡុងដ៍ មកកាន់ប្រទេសកាន់ប្រទេសព្រុយណេ ដើម្បីកាត់ព្រះកេសាជូនទ្រង់ផ្ទាល់តែម្តង។

ជម្រាបជូនទៀតផងដែរថា ក្រៅ​ពី​ចំណាយលើរឿងទាំងនេះ ​ព្រះមហាក្សត្រ​អង្គ​នេះ​ក៏​ត្រូវបាន​គេ​ដឹងថា ជា​អ្នក​និយម​ចូលចិត្ត​សន្សំ​រថយន្ត​ផងដែរ រហូត​លឺ​ចចាមអារ៉ាមថា ទ្រង់​មាន​រថយន្ត​ទំនើប​នៅ​ឃ្លាំង​ប្រមាណ ៧ ០០០ គ្រឿង​ឯណោះ ដែល​មាន​ដូចជា Roll Royces ៦០០ គ្រឿង Ferraris ៤៥០ គ្រឿង និង Bentleys ៣៥០ គ្រឿង និង​រថយន្ត​កម្រ​ផ្សេងៗទៀត៕

The post ព្រះចៅស៊ុលតង់ព្រុយណេ កាត់កេសាម្ដងៗចាយលុយជាង ២ម៉ឺនដុល្លារ appeared first on .

សម្រាប់ការធ្វើដំណើរមកកាន់ប្រទេសកម្ពុជាលើកនេះ ព្រះចៅស៊ុលតង់ ហាជី ហាសិនណល់ ប៊ូលហ្កះ ដែលរួមដំណើរដោយព្រះរាជបុត្រា ម៉ាទីន ផងនោះ ហាក់មិនមានពិធីផ្លូវការអ្វីនោះទេ គឺជាការនឹករលឹកគ្នាទៅវិញទៅមក និងដើម្បីសោយព្រះក្រយា នៅថ្ងៃទី៣០ ខែមេសានេះ ជាមួយសម្តេចតេជោ ហ៊ុន សែន និងមានវត្តមានកូនប្រុសទាំងបីរបស់សម្ដេចតេជោដែលនឹងចូលរួមផងដែរ។

រំលឹកបន្តិចថា នេះជាការមកដល់ទឹកដីកម្ពុជាជាថ្មីម្តងទៀតរបស់ព្រះអង្គ ចាប់តាំងពីកិច្ចប្រជុំកំពូលអាស៊ាន​លើកទី ៤០ និង ៤១ ក្នុងខែវិច្ឆិកា ឆ្នាំ២០២២ ដែលគ្រានោះទ្រង់បានបើក​យន្តហោះ​មកដោយផ្ទាល់​ព្រះអង្គ។

គួរឲ្យដឹងថាយន្តហោះ​ដែល​ព្រះមហាក្សត្រ​បាន​បើក​​មកកាល​នោះ ជាប្រភេទ Boeing 767 គឺ​មិនសូវមាន​អ្នកប្រើប្រាស់​ទំលំទូលាយ​ឡើយ ហើយអ្វីដែលពិសេសគឺ​ទ្រង់​ជា​ម្ចាស់​នៃ​យន្តហោះ​ផ្ទាល់ខ្លួន​ដែល​មាន​តម្លៃ​ថ្លៃ​បំផុត​លើ​លោក ដោយប្រភពធំៗជាច្រើនរាយការណ៍ថា ទ្រង់​បានយក​មក​កែលំអ​ទាំង​រចនាបថ​ខាងក្នុង​ និងក្រៅ ស្រោប​ដោយ​មាស​ផង រហូត​ធ្វើ​ឲ្យ​តម្លៃ​យន្តហោះ​មួយ​គ្រឿងនេះ​ឡើង​ដល់​ជិត ៤០០ លាន​ដុល្លារ និង​ទទួល​បាន​រហស្សនាម​ថា “The Floating Palace” ថែមទៀតផង។

ក្រៅ​ពី​មាន​យន្តហោះ​ផ្ទាល់​ព្រះអង្គ​ជាច្រើន​គ្រឿង ​ព្រះមហាក្សត្រ​អង្គ​នេះ​ក៏​ត្រូវបាន​គេ​ដឹងថា ជា​អ្នក​និយម​ចូលចិត្ត​សន្សំ​រថយន្ត​ផងដែរ រហូត​លឺ​ចចាមអារ៉ាមថា ទ្រង់​មាន​រថយន្ត​ទំនើប​នៅ​ឃ្លាំង​ប្រមាណ ៧ ០០០ គ្រឿង​ឯណោះ ដែល​មាន​ដូចជា Roll Royces ៦០០ គ្រឿង Ferraris ៤៥០ គ្រឿង និង Bentleys ៣៥០ គ្រឿង និង​រថយន្ត​កម្រ​ផ្សេងៗទៀត៕

The post ព្រះមហាក្សត្រព្រុយណេ ជាម្ចាស់យន្តហោះផ្ទាល់ខ្លួនតម្លៃថ្លៃបំផុតលើលោក appeared first on .

យោងតាមការជូនដំណឹងរបស់ស្ថានទូតចិន ប្រចាំប្រទេសនៅក្នុងតំបន់អាស៊ីអាគ្នេយ៍ទាំងពីរនេះ បានបង្ហាញថា ការធ្វើដំណើរចូលមកកាន់ប្រទេសចិន ដោយពុំចាំបាច់មានទិដ្ឋាការនេះ នឹងផ្តល់ជូនសម្រាប់ប្រជាជនសិង្ហបុរី និងព្រុយណេ ដែលមានបំណងធ្វើដំណើរសម្រាប់ធ្វើអាជីវកម្ម ទស្សនាកម្សាន្ត សួរសុខទុក្ខសាច់ញាតិ មិត្តភក្តិ និងឆ្លងកាត់ប្រទេសចិន ។

គួរឱ្យដឹងផងដែរថា ក្រោមគោលនយោបាយ គ្មានកូវីដ ប្រទេសចិន ធ្លាប់បានដាក់កំហិតយ៉ាងតឹងរ៉ឹងបំផុត ចំពោះការធ្វើដំណើរ លើភ្ញៀវទេសចរអន្តរជាតិ ចាប់ពីថ្ងៃទី ២៨ ខែមីនា ឆ្នាំ ២០២០ មក ដើម្បីការពារការរីករាលដាលកាន់តែខ្លាំង នៃជំងឺរាតត្បាតនេះ។

ប៉ុន្តែទោះជាយ៉ាងណាក៏ដោយ រដ្ឋាភិបាលចិន បានសម្រេចដកវិធានការកូវីដស្មើសូន្យរបស់ខ្លួន ជាច្រើនឡើងវិញ នៅក្នុងខែធ្នូកាលពីឆ្នាំមុន ប៉ុន្តែទើបតែនឹងចាប់ផ្តើមដាក់ឱ្យដំណើរការទិដ្ឋាការទេសចរណ៍ម្តងទៀត នៅក្នុងខែមីនា ឆ្នាំ ២០២៣ កន្លងទៅ ។

ជម្រាបជូនផងដែរថា ប្រទេសចិន បច្ចុប្បន្នក៏កំពុងស្វែងរកការធ្វើដំណើរដោយគ្មានទិដ្ឋាការសម្រាប់ពលរដ្ឋរបស់ខ្លួន ទៅកាន់ប្រទេសសិង្ហបុរី វិញផងដែរ ៕

The post ចិន នឹងដំណើរការទិដ្ឋាការដោយសេរី សម្រាប់ពលរដ្ឋសិង្ហបុរី និងព្រុយណេ ឡើងវិញ ក្រោយផ្អាកជាង ៣ ឆ្នាំ appeared first on .

ទោះបីជាប្រទេសមានទំហំតូចក៏ពិតមែន តែព្រុយណេ ជាប្រទេសដែលមានសេដ្ឋកិច្ចរីកចម្រើនបំផុតមួយ នៅក្នុងតំបន់ ដែលស្ទើទាំងស្រុងទៅហើយ ប្រទេសមួយនេះ ពឹងផ្នែកខ្លាំងទៅលើធនធានប្រេង និងហ្គាស់របស់ខ្លួន។ ប្រាក់ចំណូលបានពីផលិតផលប្រេង និងហ្គាស់នេះហើយ បានផ្តល់ជូនលទ្ធភាពដល់រដ្ឋាភិបាលព្រុយណេ ដើម្បីអាចផ្តល់ជូនប្រាក់ចំណូលដ៏ខ្ពស់បំផុតមួយ សម្រាប់ប្រជាពលរដ្ឋរបស់ខ្លួន ។

ទន្ទឹមនឹងនេះ ព្រុយណេ ក៏មានការពឹងផ្នែកខ្លាំង ទៅលើការនាំចូលសម្រាប់ផលិតផលទំនិញ និងស្បៀងអាហារស្ទើតែទាំងស្រុង ពីក្រៅប្រទេស ដូច្នេះហើយទើបរដ្ឋាភិបាល បានខិតខំដើម្បីធ្វើចម្រុះកម្មទៅលើសេដ្ឋកិច្ចរបស់ខ្លួន ជាមួយនឹងការអភិវឌ្ឍវិស័យផ្សេងទៀតដូចជា កសិកម្ម នេសាទ ទេសចរណ៍ និងសេវាកម្មហិរញ្ញវត្ថុ ចាប់តាំងពីចុងសតវត្សទី ២០ មក។

តាមរយ:កិច្ចខិតខំប្រឹងប្រែងទាំងនេះ នៅដើមសតវត្សរ៍ទី ២១ ព្រុយណេ បានប្រែក្លាយខ្លួនជាប្រទេសផលិតចំណីសត្វ ស៊ុត និងបន្លែ ហើយអាចឈានដល់ការគ្រប់គ្រងទៅលើតម្រូវការដោយខ្លួនឯងបាន ស្របពេលការដាំដុះស្រូវ ក្នុងស្រុក នៅតែមានភាពខ្វះខាតតម្រូវការក៏ដោយ តែផលិតកម្មនេះ ក៏បានកើនឡើងគួរឱ្យកត់សម្គាល់ សម្រាប់រយ:ពេលចុងក្រោយនេះ។

ត្រលប់មកកាន់ឧស្សាកម្មប្រេងឥន្ធន: និងហ្គាស់វិញ វាបានរួមចំណែកច្រើនជាងពាក់កណ្តាល នៃផលិតផលក្នុងស្រុកសរុបរបស់ប្រទេសព្រុយណេ បើទោះបីជាឧស្សាហកម្មនេះ បានប្រើប្រាស់កម្លាំងពលកម្មតិចតួចក្តី។ ស្ទើតែទាំងអស់នៃប្រេងឥន្ធន: និងហ្គាស់របស់ប្រទេសនេះ ត្រូវបានផលិតចេញពីតំបន់ឈូងសមុទ្រ ដែលមានទីតាំងនៅភាគខាងលិចប្រទេស។

ផលិតផលប្រេង និងហ្គាស់ស្ទើតែទាំងអស់ ត្រូវបាននាំចេញទៅក្រៅ ដោយភាគច្រើនទៅកាន់ប្រទេសនៅក្នុងតំបន់អាស៊ី ហើយប្រាក់ចំណូលបានមកពីឧស្សាហកម្មនេះ បានរួមចំណែកស្ទើតែទាំងស្រុង នៃប្រាក់ចំណូលសរុបរបស់ព្រុយណេ ។

សម្រាប់ដៃគូពាណិជ្ជកម្មសំខាន់ៗរបស់ព្រុយណេ ភាគច្រើនគឺនៅក្នុងតំបន់អាស៊ី ដោយក្នុងនោះរួមមាន ប្រទេសជប៉ុន សិង្ហបុរី ម៉ាឡេស៊ី ចិន កូរ៉េខាងត្បូង និងឥណ្ឌាជាដើម។ ទន្ទឹមនឹងនេះ ព្រុយណេ ក៏ធ្វើពាណិជ្ជកម្មជាមួយសហរដ្ឋអាមេរិក អូស្ត្រាលី នូវែលសេឡង់ និងសមាជិកសហភាពអឺរ៉ុបផងដែរ។

ជម្រាបជូនផងដែរថា គិតត្រឹមឆ្នាំ ២០២១ GDP របស់ព្រុយណេ កើនឡើងដល់ ៣១,៧ ពាន់លានដុល្លារ ស្របពេលទំហំពាណិជ្ជកម្មសរុបគិតត្រឹមឆមាសទីមួយ ឆ្នាំ ២០២២ នេះ ព្រុយណេទទួលបាន ២០៧៣ លានដុល្លារ កើនឡើង ៤៨,៧% ពីចំនួន ១៣៩៣ លានដុល្លារ ក្នុងរយ:ពេលដូចគ្នា កាលពីឆ្នាំ ២០២១។ នេះបើយោងតាមទិន្នន័យទទួលបានពី The Star ៕

The post តូចពិតមែន តែសេដ្ឋកិច្ចព្រុយណេខ្លាំងមិនចាញ់សមាជិកអាស៊ាន​ appeared first on .

ការនាំចេញសរុបរបស់ព្រុយណេ បានកើនឡើង ៥១,៩% ដល់ចំនួន ១២៧០ លានដុល្លារ នៅត្រឹមចុងខែឧសភាឆ្នាំនេះ បើធៀបនឹងទឹកប្រាក់ដែលទទួលបាន ៨៣៩,៣ លានដុល្លារ កាលពីឆ្នាំ ២០២១ ។

ជុំវិញការកើនឡើងនេះផងដែរ គឺដោយសារតែទទួលបានការជំរុញយ៉ាងខ្លាំង ពីការនាំចេញឥន្ធន:ហ្វូស៊ីល ដែលមានការកើនឡើងដល់ ៩៩២ លានដុល្លារ ស្របពេលការនាំចេញសារធាតុគីមី ក៏បានកើនឡើងដល់ ២៦២ លានដុល្លារផងដែរ ។

គួរឱ្យដឹងផងដែរថាទីផ្សារសំខាន់ៗ ដែលព្រុយណេបាននាំចេញទំនិញរបស់ខ្លួនទៅនោះ រួមមានអូស្រា្តលី មាន ១៩,៨% តាមពីក្រោយដោយប្រទេសចិន (១៩,១%) និងសិង្ហបុរី ១៥%។ សម្រាប់ទំនិញនាំចេញដ៏ធំបំផុតទៅកាន់អូស្ត្រាលី និងសិង្ហបុរី គឺឥន្ធន:ហ្វូស៊ីល ស្របពេលទំនិញដែលនាំចេញទៅកាន់ប្រទេសចិន គឺសារធាតុគីមី ។

ដោយឡែកសម្រាប់ការនាំចូលរបស់ព្រុយណេ គិតត្រឹមឆមាសទីមួយឆ្នាំនេះ បានកើនឡើងដល់ ៧៩៩,៣ លានដុល្លារ ដែលជាចំនួនកើនឡើងពី ៥៥៥,៣ លានដុល្លារ ធៀបនឹងរយ:ពេលដូចគ្នាកាលពីឆ្នាំមុន ។

ទំនិញនាំចូលសំខាន់ៗមានដូចជា ឥន្ធន:ហ្វូស៊ីល មាន ៦២,៥% គ្រឿងម៉ាស៊ីន និងឧបករណ៍ដឹកជញ្ជូន (១០,២%) សារធាតុគីមី (៨,២%) វត្ថុធាតុដើម (៦%) និងអាហារ (៥,៧% ) ។ ខណ:ទីផ្សារផ្គត់ផ្គង់ធំបំផុតរបស់ព្រុយណេ មានដូចជា ប្រទេសម៉ាឡេស៊ី ៣០,៤% បន្ទាប់មកគឺប្រទេសកាហ្សាក់ស្ថាន (១៤,៧%) និងអារ៉ាប៊ីសាអូឌីត (១៣,៣%) ៕

The post ត្រឹមឆមាសទីមួយឆ្នាំនេះ ទំហំពាណិជ្ជកម្មរបស់ព្រុយណេ កើនឡើងជាង ២ ពាន់លានដុល្លារ appeared first on .

ដោយបានជួបផ្ទាល់ជាមួយនាយករដ្ឋមន្ត្រីឡាវ លោក Chinh បានប្រាប់ទៅកាន់ភាគីឡាវ អំពីការអភិវឌ្ឍសេដ្ឋកិច្ចសង្គមរបស់វៀតណាម ដែលអាចរក្សាបាននូវសន្ទុះនៃការអភិវឌ្ឍរបស់ខ្លួន និងថែមទាំងបានកត់ត្រានូវកំណើនដ៏គាប់ប្រសើរនៅឆ្នាំនេះ បើទោះបីជាមានភាពមិនច្បាស់លាស់ទៅលើបញ្ហាសេដ្ឋកិច្ចជាសកល និងផលប៉ះពាល់ដោយសារជំងឺកូវីដ-១៩ ក្តី ។

ជាងនេះទៅទៀតលោក Chinh ក៏បានសម្តែងនូវសេចក្តីសោមនស្សរីករាយ ដែលបានមើលឃើញពីទំហំពាណិជ្ជកម្មទ្វេភាគីរវាងវៀតណាម និងឡាវ ដែលអាចឈានដល់ ១,២២ ពាន់លានដុល្លារ សម្រាប់រយ:ពេល ៩ ខែដំបូង ឆ្នាំ ២០២២ នេះ ពោលគឺបានកើនឡើង ២៤% ក្នុងមួយឆ្នាំៗ ។

ត្រលប់មកវិញ នាយករដ្ឋមន្ត្រីឡាវ លោក Viphavanh ក៏បានអបអរសាទរវៀតណាម ចំពោះសមិទ្ធិផលទាំងឡាយ និងបានថ្លែងអំណរគុណចំពោះប្រទេសនេះ សម្រាប់កិច្ចសហប្រតិបត្តិការជិតស្និទ្ធ និងជំនួយប្រកបដោយប្រសិទ្ធភាពដល់ប្រទេសឡាវ ក្នុងការគ្រប់គ្រងជំងឺកូវីដ-១៩ ការអភិវឌ្ឍសេដ្ឋកិច្ច និងការអភិវឌ្ឍធនធានមនុស្សផងដែរ។

ជាចុងក្រោយនាយករដ្ឋមន្ត្រីទាំងពីរបានឯកភាពថា វៀតណាម និងឡាវបានសហការគ្នាយ៉ាងល្អក្នុងឆ្នាំនេះ ជាពិសេសលើការអបអរសាទរខួបលើកទី ៦០ នៃទំនាក់ទំនងការទូតទ្វេភាគី ៤៥ ឆ្នាំ នៃសន្ធិសញ្ញាមិត្តភាព និងសហប្រតិបត្តិការវៀតណាម – ឡាវ និងមិត្តភាពវៀតណាម – ឡាវ ឆ្នាំ ២០២២។

នាថ្ងៃដដែលនោះ នាយករដ្ឋមន្ត្រីវៀតណាម ក៏បានជួបជាមួយប្រធានាធិបតីហ្វីលីពីន លោក Ferdinand Marcos ផងដែរ ហើយប្រមុខមេដឹកនាំទាំងពីរ បានសម្តែងការពេញចិត្តចំពោះការអភិវឌ្ឍជាវិជ្ជមាន នៃទំនាក់ទំនងភាពជាដៃគូយុទ្ធសាស្រ្តវៀតណាម-ហ្វីលីពីន នាពេលថ្មីៗនេះ ។

គួរឱ្យដឹងផងដែរថា ទំហំពាណិជ្ជកម្មទ្វេភាគីរវាងប្រទេសទាំងពីរ បានកើនឡើងយ៉ាងខ្លាំង ដោយអាចឈានដល់ ៦,៨ ពាន់លានដុល្លារ ក្នុងឆ្នាំ ២០២១ និងជិត ៥,៤ ពាន់លានដុល្លារ សម្រាប់រយ:ពេល ៨ ខែដំបូងនៃឆ្នាំ ២០២២ នេះ ។

លើសពីនេះ លោក Chinh បានស្នើថា ប្រទេសទាំងពីរ នឹងបន្តបង្កើនការផ្លាស់ប្តូរពាណិជ្ជកម្ម រួមទាំងការជួញដូរអង្ករ ហើយពិចារណាដករនាំងពន្ធដែលមិនចាំបាច់ ដើម្បីបង្កើតបរិយាកាសធុរកិច្ច និងវិនិយោគអំណោយផលសម្រាប់សហគមន៍ធុរកិច្ចទាំងពីរ។

បន្ថែមពីនេះ លោក Marcos ក៏បានយល់ស្របនឹងសំណើរបស់ លោក Chinh ហើយបានសង្កត់ធ្ងន់ថា ភាគីទាំងពីរគួរតែពង្រឹងកិច្ចសហប្រតិបត្តិការលើវិស័យការពារជាតិ-សន្តិសុខ រួមទាំងកិច្ចសហប្រតិបត្តិការដែនសមុទ្រ សន្តិសុខថាមពល ការប្រែប្រួលអាកាសធាតុ ការផ្លាស់ប្តូរឌីជីថល កំណើនបៃតង ការអប់រំ-បណ្តុះបណ្តាល ការងារ វប្បធម៌ ទេសចរណ៍ និង ការផ្លាស់ប្តូរមនុស្សទៅមនុស្ស បន្ថែមទៀតផងដែរ។

ដោយឡែក នៅក្នុងជំនួបមួយផ្សេងទៀត ជាមួយព្រះចៅស៊ុលតង់ នៃប្រទេសព្រុយណេ ប្រមុខដឹកនាំទាំងពីរ បានសម្តែងនូវសេចក្តីរីករាយ ចំពោះសន្ទុះនៃការអភិវឌ្ឍជាវិជ្ជមាន នៃទំនាក់ទំនងភាពជាដៃគូលើគ្រប់ជ្រុងជ្រោយ រវាងវៀតណាម-ព្រុយណេ។

មេដឹកនាំប្រទេសទាំងពីរ ក៏បានព្រមបន្តការផ្លាស់ប្តូរគណៈប្រតិភូជាន់ខ្ពស់ និងគ្រប់លំដាប់ថ្នាក់ឡើងវិញ ក្នុងពេលឆាប់ៗ ព្រមទាំងជំរុញកិច្ចសហប្រតិបត្តិការសេដ្ឋកិច្ច-ពាណិជ្ជកម្ម និងការផ្លាស់ប្តូរប្រជាជន ដើម្បីបង្កើតសន្ទុះ សម្រាប់ការជំរុញកិច្ចសហប្រតិបត្តិការស៊ីជម្រៅ និងទូលំទូលាយ នាពេលខាងមុខ។

ជាមួយគ្នានោះផងដែរ នាយករដ្ឋមន្ត្រីវៀតណាម បានពាំនាំការអញ្ជើញរបស់អគ្គលេខាបក្ស លោក Nguyen Phu Trong និងប្រធានរដ្ឋសភា លោក Nguyen Xuan Phuc ជូនចំពោះព្រចៅស៊ុលតង់ ដើម្បីមកបំពេញទស្សនកិច្ចនៅវៀតណាម។ តបតាមការអញ្ជើញនេះ ព្រះមហាក្សត្រព្រុយណេ បានបានរំឮកពីចំណាប់អារម្មណ៍យ៉ាងជ្រាលជ្រៅរបស់ព្រះអង្គ ចំពោះវៀតណាម ក្នុងដំណើរទស្សនកិច្ចរបស់ព្រះអង្គទៅកានប្រទេសនេះ ហើយព្រះអង្គក៏បានឆ្លៀតក្នុងឱកាសនេះ ដើម្បីអញ្ជើញនាយករដ្ឋមន្ត្រីវៀតណាម រៀបចំដំណើរបំពេញទស្សនកិច្ច នៅព្រុយណេ ក្នុងឆ្នាំ ២០២៣ ខាងមុខនេះផងដែរ៕

The post នាយករដ្ឋមន្ត្រីវៀតណាម ជួបពិភាក្សាជាមួយប្រមុខមេដឹកនាំបីរូប ក្រៅកិច្ចប្រជុំកំពូលអាស៊ាន appeared first on .