ព្រះនាងតូច នរោត្តម ជេនណា រំជួលចិត្តខ្លាំងពេលទៅដល់មណ្ឌលមែកឈេីឃេីញជីវិតដ៏កំសត់របស់បងប្អូនដែលក្លាយជាក្មេងកំព្រា

ឧកញ៉ាកោះក្របី — Sun, 06 Feb 2022 05:11:27 +0000

ព្រះនាងតូច ជេនណា គឺជាបុត្រីទី ២ របស់អ្នកអង្គម្ចាស់ នរោត្តម បុប្ផា និងជាចៅលួតរបស់ព្រះករុណា ព្រះបាទសម្តេចព្រះ នោរោត្តម សីហនុ ព្រះបរមរតនកោដ្ឋ។ អ្នកអង្គម្ចាស់ ត្រូវបានគេស្គាល់ជាទូទៅថាជា “ព្រះនាងតូច នរោត្តម ជេនណា”។ កាលពីខែមករាកន្លងទៅថ្មីៗនេះ ព្រះនាងតូច នរោត្តម ជេនណា បានយាងទៅចូលរួមក្នុងពិធីចែកអំណោយដល់នៅមណ្ឌលមែកឈេី ក្រោមការរៀបចំរបស់លោក ឌី វ៉ាន់ខូវ អគ្គនាយកក្រុមហ៊ុន P.Y Mart ។

ក្នុងពិធីចែកអំណោយនៅពេលនេះរបស់លោក ឌី វ៉ាន់ខូវ គឺបានប្រគល់ជូននូវគ្រឿងឧបភោគបរិភោគមាន៖ អង្គរ ត្រីខ ទឹកត្រី ទឹកស៉ីអ៉ីវ ទឹកសុទ្ធ មីកញ្ចប់ជាដេីម។ ជាមួយគ្នានេះ លោក ឌីវ៉ាន់ខូវ ក៏ផ្តល់ថរិកាចំនួន ១លានរៀលជូនមណ្ឌលសម្រាប់បំពេញតម្រូវការប្រចាំថ្ងៃ។

លើសពីនេះទៅទៀត លោកគ្រូ អ្នកគ្រូ បុគ្គលិកនៃសមណ្ឌលចំនួន២៣រូប ក៏បានទទួលបានក្រម៉ា និងថវិកា ចំែណកបងប្អូនៗកំពុងសិក្សានៅថ្នាក់បឋមសិក្សាដល់វិទ្យាល័យចំនួន៦៥នាក់ បានទទួលសម្ភារៈសិក្សាមួយកញ្ចប់ម្នាក់ និងថវិកាមួយចំនួនផងដែរ។

ព្រះនាងតូច នរោត្តម ជេនណា បានបង្ហាញការរំជួលចិត្ត និងរំភេីបពេលទៅដល់មណ្ឌលមែកឈេី ដែលចិញ្ចឹមកុមារកំព្រាជាង២០ឆ្នាំមកហេីយ។ ព្រះនាងតូច មានព្រះបន្ទូលថា៖ “ពេលខ្ញុំទៅដល់ទីនោះ ចិត្តខ្ញុំរំជួលជាខ្លាំងដោយឃេីញជីវិតដ៏កំសត់របស់បងប្អូនដែលក្លាយជាក្មេងកំព្រា គ្មានម្តាយឪពុកថែរក្សា តែខ្ញុំក៏រំភេីបជាខ្លាំងដែរនៅពេលដឹងថា ពួកគាត់មករស់នៅមណ្ឌលនេះបានទទូលការថែរក្សាយ៉ាងកក់ក្តៅពីលោកប្រធាន ផន ផល្លា និងបុគ្គលិកនៃមណ្ឌល”។

ទន្ទឹមនឹងនោះ ព្រះនាងតូច ជេនណា មានបន្ទូលថ្លែងអំណរគុណយ៉ាងជ្រាលជ្រៅចំពោះលោកពូ ឌី វ៉ាន់ខូវ សប្បុរសជនមួយរូបដែលមានទឹកចិត្តល្អបរិសុទ្ធបានរៀបចំកម្មវិធីនេះឡេីង និងបានអញ្ជេីញព្រះនាងទៅចូលរួមជាកិត្តិយស។ ព្រះនាងថ្លែងយ៉ាងដូច្នេះ៖ “សូមបុណ្យកុសលដែលលោកពូបានធ្វេី សូមអោយលោកពូមានសុខសុវត្ថិភាព មានសុភមង្គល និងជោគជ័យក្នុងជំនួញជានិច្ច”។

សូមជម្រាបជូនថា មណ្ឌលមែកឈេី កេីតឡេីងតាំងពីឆ្នាំ១៩៩៧ បានចិញ្ចឹមថែរក្សាកូនខ្មែរដែលកំព្រាដោយសង្គ្រាម និងបញ្ហាគ្រួសារច្រេីនរូប។ នៅឆ្នាំ២០២២នេះ មណ្ឌលមានកុមារកំព្រាក្នុងបន្ទុកដល់ទៅ៩៨នាក់ ដោយក្នុងនោះមានទារកអាយុក្រោម១ឆ្នាំទៀតផង៕

The post ព្រះនាងតូច នរោត្តម ជេនណា រំជួលចិត្តខ្លាំងពេលទៅដល់មណ្ឌលមែកឈេីឃេីញជីវិតដ៏កំសត់របស់បងប្អូនដែលក្លាយជាក្មេងកំព្រា appeared first on .

ព្រះនាងតូច ជេណា បដិសេធថា ព្រះអង្គជាប់ពាក់ជាមួយលោក កក្កដា សោភ័ណ ដែលមានផ្ទុកជំងឺឆ្លងកូវីដ១៩

ឧកញ៉ាកោះក្របី — Mon, 15 Mar 2021 05:32:30 +0000

ព្រះនាងតូច ជេណា យាងចេញមកបដិសេធចំពោះព័ត៌មានថា ព្រះអង្គជាប់ពាក់ព័ន្ធជាមួយលោក កក្កដា សោភ័ណ ដែលមានផ្ទុកជំងឺឆ្លងកូវីដ១៩ កាលពីថ្ងៃទី ១៤ ខែមីនា បន្ទាប់ពីបានទៅចូលរួមពីធីអាពាហ៍ពិពាហ៍កាលពីថ្ងៃទី ១២ ខែមីនា នៅខេត្តតាកែវ។

ព្រះនាង ជេណា មានបន្ទូលលើបណ្តាញសង្គមហេ្វសបុកមុននេះថា “សូមជម្រាបសួរពុកម៉ែបងប្អូនជិតឆ្ងាយទាំងអស់ ដែលព្រួយបារម្ភអំពីខ្ញុំ ក្រោយពីមានការផុសផ្សាយថា លោក កក្តដា សោភ័ណ បានជួបខ្ញុំ។
ខ្ញុំចង់ជម្រាបថា រូបនេះ ថតជិតមួយឆ្នាំមកហេីយ ដែលកាលនោះរូបគាត់បានមកលេងខ្ញុំនៅព្រះដំណាក់មែន តែតាំងពីពេលនោះមកនេះខ្ញុំពុំដែលបានជួបគាត់ទៀតនោះទេ។

ព្រះនាងមានបន្ទូលបន្តថា ខ្ញុំសូមអរគុណណាស់ដែលពុកម៉ែបងប្អូនព្រួយបារម្ភអំពី សុខភាពខ្ញុំ ខ្ញុំនិងក្រុមគ្រួសារពុំបានចេញពីព្រះដំណាក់បេីគ្មានការចាំបាច់នោះទេ ទោះបីជាចេញទៅណាមកណាក៏ពាក់ម៉ាស និងលាងដៃដោយអាល់កុលការពារជាប្រចាំដែរ។

ព្រះនាងបានបញ្ជាក់ថា ខ្ញុំ និងក្រុមគ្រួសារសូមជូនពរដល់បងប្អូនដែលកំពុងមានជំងឺកូវីដទាំងអស់ទាំងសិល្បករ ក៏ដូចជាប្រជាជនដទៃទៀតឆាប់ជាសះស្បេីយឡេីងវិញ ហេីយបងប្អូនទាំងសូមមេត្តារួមគ្នាគោរពតាមការណែនាំរបស់ក្រសួងសុខាភិបាល និងសារាចរណ៍របស់រាជរដ្ឋាភិបាលនៃយេីង។
ជាមួយគ្នាខ្ញុំ និងក្រុមគ្រួសារក៏សូមបួងសួងទេវតាថែរក្សាប្រទេសកម្ពុជា សូមជួយថែរក្សាការពារប្រជាជនខ្មែរ ក៏ដូចជាប្រទសកម្ពុជាទាំងមូលបានជៀសផុតពីជំងឺកូវីដ១៩នេះ អោយបានឆាប់ៗបំផុត៕

The post ព្រះនាងតូច ជេណា បដិសេធថា ព្រះអង្គជាប់ពាក់ជាមួយលោក កក្កដា សោភ័ណ ដែលមានផ្ទុកជំងឺឆ្លងកូវីដ១៩ appeared first on .