រាជទាយាទចក្រភពអង់គ្លេស គ្រោងបំពេញទស្សនកិច្ចទៅកាន់ប្រទេសសិង្ហបុរីនាខែក្រោយ

ឧកញ៉ាសំពៅ — Tue, 24 Oct 2023 03:57:17 +0000

ព្រះអង្គម្ចាស់ William គ្រោងនឹងបំពេញទស្សនកិច្ចទៅកាន់ប្រទេសសិង្ហបុរី នាខែវិច្ឆិកា រយៈពេល ៤ថ្ងៃ ដើម្បីចូលរួមកម្មវិធី Earthshot Prize ប្រចាំឆ្នាំ ដែលផ្ដល់ប្រាក់រង្វាន់ទៅកាន់បុគ្គល ៥រូប ដែលមានដំណោះស្រាយល្អបំផុត សម្រាប់បញ្ហាបរិស្ថានទូទាំងសកលលោក។

យោងតាមការចុះផ្សាយពីសារព័ត៌មាន CNA បានរាយការណ៍ថា រាជទាយាទចក្រភពអង់គ្លេស នឹងចូលរួមជាមួយក្រុមសកម្មជន អ្នកនយោបាយ និងអ្នកច្នៃប្រឌិតជាច្រើនរូប នៅក្នុងកម្មវិធីមួយនោះ ដែលនឹងធ្វើឡើងនាថ្ងៃទី០៧ ខែវិច្ឆិកា។

“ព្រះអង្គម្ចាស់ នឹងចំណាយពេលជួបជាមួយប្រជាជនសិង្ហបុរី និងសិក្សាពីរៀបវិរៈនៃការធ្វើការរបស់អង្គការនៅក្នុងតំបន់ ដើម្បីការពារ និងថែរក្សាផែនដី ពីគ្រោះមហន្តរាយនានាដូចជា ភ្លើងឆេះព្រៃ ការការពារព្រៃលិចទឹក ដែលជាជម្រកសត្វព្រៃជាដើម”។ នេះបើតាមការបញ្ជាក់ពីវិមាន Kensington។

សូមជម្រាបដែរថា ដំណើរទស្សនកិច្ចរបស់ព្រះអង្គម្ចាស់ William ទៅកាន់ទីក្រុងសាំងហ្គាពួរ កើតឡើងក្រោយខកខានរយៈពេលជាង ១០ឆ្នាំ ខណៈបន្ទាប់ពីបញ្ចប់ភារកិច្ចនៅទីនោះ ទ្រង់ក៏នឹងចូលរួមកិច្ចប្រជុំកំពូល United for Wildlife Global ផងដែរ៕

The post រាជទាយាទចក្រភពអង់គ្លេស គ្រោងបំពេញទស្សនកិច្ចទៅកាន់ប្រទេសសិង្ហបុរីនាខែក្រោយ appeared first on .

ព្រះអង្គម្ចាស់ William ក្លាយជាមហាសេដ្ឋីមួយរំពេច ក្រោយការចូលទិវង្គតនៃម្ចាស់ក្សត្រី Elizabeth II

ឧកញ៉ាសំពៅ — Tue, 13 Sep 2022 07:56:01 +0000

ការចូលទិវង្គតរបស់ម្ចាស់ក្សត្រី Elizabeth II គឺបានធ្វើឲ្យមហាជនទូទាំងសកលលោកមានការសោកស្ដាយជាខ្លាំង ហើយក្នុងនោះពិភពលោកក៏នឹងត្រូវមានការផ្លាស់ប្ដូរច្រើនយ៉ាងផងដែរ តួយ៉ាងដូចជា ការផ្លាស់ប្ដូររូបភាពលើរូបិយវត្ថុរបស់អង់គ្លេសជាដើម។

ក្រោយការចូលទិវង្គតរបស់ទ្រង់ ព្រះអង្គម្ចាស់ Charles ត្រូវបានតែងតាំងជាស្ដេចគ្រប់គ្រងចក្រភពអង់គ្លេសបន្តពីព្រះមាតាមួយរំពេច និងត្រូវបានប្រគល់ងារជា King Charles III។

ដោយសារការតែងតាំងធ្វើឡើងទាំងប្រញាប់ប្រញាល់ King Charles III ដែលធ្លាប់ជាព្រះអង្គម្ចាស់នៃប្រទេសវែល បានប្រកាសប្រគល់តំណែងមួយនេះទៅកាន់បុត្រា William និងថែមទាំងបានតែងតាំងព្រះសុណិសា Kate Middleton ជាព្រះនាងនៃប្រទេសវែលថែមទៀត ខណៈតំណែងមួយនេះមិនធ្លាប់ត្រូវបានប្រគល់ជូនបុគ្គលណាតាំងពីឆ្នាំ ១៩៩៧ មកម៉្លេះ។

គោរមងារថ្មីដែលព្រះអង្គម្ចាស់ William និងព្រះមហេសីទទួលបាននេះ ក៏នាំមកជាមួយនូវទ្រព្យសម្បត្តិមហាសាលផងដែរ ពោលបានធ្វើឲ្យអ្នកទាំង ២ ក្លាយជាមហាសេដ្ឋីត្រឹមមួយប៉ប្រិចភ្នែក។

យោងតាមការចុះផ្សាយពី Dailystar ទ្រព្យសម្បត្តិរបស់ព្រះអង្គម្ចាស់ William មានប្រមាណ ៣៤ លានផោនមុនការក្លាយជាព្រះអង្គម្ចាស់នៃប្រទេសវែល ប៉ុន្តែក្រោយការតែងតាំងទ្រព្យសម្បត្តិរបស់ទ្រង់បានកើនឡើងដល់ ១,១ ពាន់លានផោន ឬ ១,៣ ពាន់លានដុល្លារ។

ក្រៅពីការកើនទ្រព្យសម្បត្តិដ៏អស្ចារ្យ ប្រភពសារព័ត៌មានអន្តរជាតិជាច្រើនសុទ្ធតែអះអាងថា ព្រះអង្គម្ចាស់ និងព្រះនាងប្រទេសវែល បច្ចុប្បន្នមានដីធ្លីក្នុងកម្មសិទ្ធប្រមាណ ៥១ ៨០០ ហិកតានៅជុំវិញប្រទេសអង់គ្លេស និងវែលថែមទៀត៕

The post ព្រះអង្គម្ចាស់ William ក្លាយជាមហាសេដ្ឋីមួយរំពេច ក្រោយការចូលទិវង្គតនៃម្ចាស់ក្សត្រី Elizabeth II appeared first on .