លោក ឆាយ បូរ៉ា បានសរសេរលើទំព័រហ្វេសប៊ុកថា អត្តបទនេះមានខ្លឹមសារ បន្ទោសបង្អាប់ផង នឹងក៏ដូចជាសារដាស់តឿនដល់យុវជនខ្មែរផង អោយចេះភ័យព្រួយ ពីការបាត់បង់ អត្តសញ្ញាណជាតិ ប្រសិនបើយើងអានហើយ យើងយកមកពិចារណា។

លោកថា ក្នុងនាមជាខ្មែរ និងជាផលិតករមួយរូប អានចំណងអត្ថបទនេះហើយ មានអារម្មណ៍ឈឺចាប់ផង ហើយក៏ខំប្រឹងតស៊ូទៅមុខទៀត ដើម្បីអភិវឌ្ឍន៍ខ្លួន ក្នុងវិស័យភាពយន្ត។

អតីតប្រធានសមាគមភាពយន្តកម្ពុជា លោក ឆាយ បូរ៉ា បានគូសបញ្ជាក់ថា យើងមិនរើសអើង នៃស្នាដៃរបស់សិល្បករ នៃជាតិសាសន៍ដ៏ទៃទេ នៅពេលដែលយើងដឹងថា វប្បធម៌ក្មេងខ្ចីរបស់គេ គេរមែងតែងប្រមែប្រមូល វប្បធម៌របស់ប្រទេសជិតខាង មកឆ្នៃប្រឌិតអោយមានភាពប្រណិតសម្រាប់វប្បធម៌គេ។ តែយើង ខ្លួនឯងទេ ដែលត្រូវខិតខំ ចងក្រង ការពារ ដោយមិនត្រូវផ្ញើរទុក លើផ្ទាំងសិលា ឬក្នុងសិលាចារឹកឡើយ។

យ៉ាងណា លោកថ្លែងបញ្ជាក់បន្ថែមថា៖ “យើងកុហកខ្លួនឯង យូរណាស់មកហើយ យើងបានត្រឹមផ្ញើរ អត្តសញ្ញាណជាតិលើមនសិការនៃពលរដ្ឋម្នាក់ៗប៉ុណ្ណោះ។ ទោះជាក្នុងកាលៈទេសៈណា យើងនៅតែដើរទៅមុខទៀត”។

ចូលដល់ឆ្នាំ ២០២២ ដល់ ខែសីហា បន្ទាប់ពី រលកនៃជម្ងឺរាតត្បាតកូវីដ១៩ រសាត់បាត់ទៅ វិស័យភាពយន្តខ្មែរ ហាក់កក្រើកឡើងវិញបន្តិច ដោយមានការដាក់បញ្ចាំង តាមរោងភាពយន្តជាហូរហែរ។

លោក ឆាយ បូរ៉ា បន្ថែមទៀតថា ភាពយន្តខ្លះក៏ជោគជ័យ ភាពយន្តខ្លះក៍មិនទទួលបានការគាំទ្រដែរ។ មតិរិះគន់លើភាពយន្តខ្មែរ មានច្រើន ឥតគណនា ទៅលើខ្លឹមសារ និងគុណភាព។ ទស្សនិកជន មួយភាគក៏អស់សង្ឃឹម ក្នុងការគាំទ្រភាពយន្តខ្មែរ ។ ផលិតករមួយចំនួន ចេញមុខដោយសេចក្តីក្លាហាន តទល់ ជាមួយមតិរិះគន់ ហើយមិនព្រមទទួលយក មតិរិះគន់ ដើម្បីអភិវឌ្ឍន៍ខ្លួនទេ តែបែរជាស្តីបន្ទោស អោយមហាជនឥតសំចៃ។ យើងភ្លេចគិតថា៖ ទស្សនិកជន ជាម្ចាស់នៃ តម្លៃសំបុត្រ ៣ ដុល្លារ និងជាម្ចាស់នៃ ពេលវេលា ២ម៉ោង ដ៏មានតម្លៃ។ នេះបង្ហាញ ពីចរន្ត ដើរផ្ទុយគ្នា និងសញ្ញាមិនល្អ នៃវិស័យភាពយន្ត។

លោកថ្លែងថា៖ “ខ្ញុំគិតថា យើងជាផលិតករ គួរដកឃ្លាមកគិត ហើយពិចារណាសារជាថ្មី តើយើងគួរចាប់ផ្តើម ដើរ លើវិថីដដែលៗ ឬ សម្រាក ឬ ត្រូវប្តូរទិស? មានពេលខ្លះ សេចក្តីស្រឡាញ់ វិស័យភាពយន្ត តែលើបបូរមាត់ ភ្លេចក្រឡេកមើល ពីលទ្ធភាព សមត្ថភាព វាជាថ្នាំមកបំពុលវិស័យនេះទៅវិញទេ។ អត្ថបទភាពយន្ត ជា ចំនុចសំខាន់ដែលត្រូវចាប់ផ្តើមមុនគេ”។

លើសពីនេះ លោកបានសង្កត់ធ្ងន់ទៅលើពាក្យពេចន៍ អសុរស ឈុតឆាករោលរាល គ្មានសីលធម៏ មិនមានក្នុង វេយ្យាករណ៍ ភាពយន្តទេ៕

The post ផលិតករ ឆាយ បូរ៉ា មានអារម្មណ៍ឈឺចាប់នៅពេលប្រទេសជិតខាងមើលងាយបង្អាប់ភាពយន្តខ្មែរដល់ថ្ងៃអវសាន appeared first on .

តួឯកប្រុស ក្នុងរឿងនេះ សម្ដែងដោយ លោក ប៉ាន់ ខែមម៉ានូ ឯតួឯកស្រី សម្ដែងដោយ កញ្ញា ហ៊ិន ច័ន្ទនីរ័ត្ន។ អ្នកទាំងពីរ នឹងចាប់ដៃគ្នាបញ្ចេញសមត្ថភាពសម្ដែង ក្នុងរឿងខាងលើនេះ។

“កូនប្រុសក្រោមពន្លឺព្រះច័ន្ទពេញបូណ៌រមី” ជារឿងបែបប្រវត្តិសាស្រ្ត ដែលនិយាយពីដំណើរជីវិតតស៊ូរបស់ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា ដោយមានបញ្ចូលនូវព្រឹត្តិការណ៍សំខាន់ៗជាច្រើន ក្នុងការស្វែងរកសុខសន្តិភាពជូនប្រជាពលរដ្ឋរហូតដល់មកដល់បច្ចុប្បន្ន។

វណ្ណកម្មបែបប្រវត្តិសាស្ត្រ រឿងភាគនេះ ដែលនឹងដំណើរការផលិតក្នុងពេលឆាប់ៗនេះ បានរៀបចំពិធីក្រុងពាលីថត កាលពីព្រឹកថ្ងៃចន្ទ ទី១៣ធ្នូ ឆ្នាំ២០២១ ក្រោមការអញ្ជើញចូលរួមផ្តល់កិត្តិយសពីសំណាក់សម្តេច ហ៊ុន សែន ផ្ទាល់ ព្រមទាំងកូនប្រុសស្រីចំនួន ៤រូបរបស់សម្តេច ថ្នាក់ដឹកនាំផ្សេងទៀត និងអ្នកឧកញ៉ា ឧកញ៉ា ជាច្រើនរូបផងដែរ៕

The post ណែនាំឱ្យស្គាល់តួឯកប្រុស-ស្រី ក្នុងរឿងប្រវត្តិសាស្ត្រ “កូនប្រុសក្រោមពន្លឺព្រះច័ន្ទពេញបូណ៍មី” appeared first on .

ទំព័រហ្វេសបុក សម្រស់ធម្មជាតិ បានឲ្យដឹងថា “នាងខ្ញុំស្រីអូន និងស្វាមីបានឧបត្ថម្ភ ការផលិតរឿងអប់រំផ្លូវចិត្ត “ភិក្ខុពនេចរ” របស់ព្រះតេជគុណ គូ សុភាព ដែលមាន ២០ ភាគ សម្រាប់ជាធម្មទានដល់ប្រជាជនកម្ពុជា។
ថៅកែសម្រស់ធម្មជាតិ សូមអំពាវនាវឲ្យរង់ចាំតាមដានទស្សនាបងប្អូន។

ស្រីអូន បានបញ្ជាក់ថា រឿងនេះជារឿងដែលអាចជួយដល់សង្គមបានដូចគ្នា ជារឿងដែលអាចអោយបងប្អូនផ្លាស់ប្ដូរការគិតអវិជ្ជមានបានច្រេីន ជូនបុណ្យផងបងប្អូន ជួយសង្គមអោយបានច្រេីនផ្នែក។

ព្រះអង្គ គូ សុភាព ជាសង្ឃដែលចូលរួមចំណែកក្នុងការផ្សព្វផ្សាយព្រះពុទ្ធសាសនា និងផ្នែកអប់រំដ៍ល្បីល្បាញមួយព្រះអង្គនៅកម្ពុជា ក៍សូមថ្លែងអំណរគុណលោកស្រី​ នួន ស៊ុន្ទរី (ស្រីអូន) និងស្វាមី ប្រធានក្រុមហ៊ុនសម្រស់ធម្មជាតិ ដែលបានចូលរួមឧបត្ថម្ភផលិតរឿងអប់រំ “ភិក្ខុពនេចរ”។ សូមញាតិញោមរង់ចាំទស្សនា។

The post ព្រះអង្គ គូ សុភាព ទទួលបានការឧបត្ថម្ភពី ស្រីអូន ក្នុងការផលិតខ្សែភាពយន្ត ភិក្ខុពនេចរ appeared first on .