The post លទ្ធផលដំណើរទស្សនកិច្ចសម្តេច ហ៊ុន សែន ទៅកាន់ប្រទេសមីយ៉ាន់ម៉ា appeared first on .

លោក កុយ គួង ថាបើតាមការបញ្ជាក់របស់ស្ថានទូតកម្ពុជាប្រចាំនៅប្រទេសមីយ៉ាន់ម៉ា៖ គ្រាប់បែកទាំងនេះ គឺជាគ្រាប់បែកច្នៃឱ្យលឺសំឡេងតែប៉ុណ្ណោះ មិនបានបង្កឱ្យមានរបួសស្នាមនោះទេ។ ពេលនេះ ខាងសន្តិសុខមីយ៉ាន់ម៉ា បានបង្កើតការប្រុងប្រយ័ត្ន និងការពារបន្ថែមទៀតទាក់ទងនឹងការពង្រឹងសន្តិសុខ ទាំងនៅស្ថានទូត ផ្ទះរបស់អគ្គរដ្ឋទូត និងមន្រ្តីទូតរបស់កម្ពុជា។

ករណីផ្ទុះគ្រាប់បែកនៅពេលនេះ ត្រូវបានគេមើលឃើញថា កើតឡើងមុនប៉ុន្មានថ្ងៃតែប៉ុណ្ណោះនៃដំណើរទស្សនកិច្ចផ្លូវការទៅកាន់ប្រទេសមីយ៉ាន់ម៉ា របស់ប្រមុខរាជរដ្ឋាភិបាលកម្ពុជា សម្តេច ហ៊ុន សែន តបតាមការអញ្ជើញរបស់មេដឹកនាំរដ្ឋប្រហារយោធាមីយ៉ាន់ម៉ា។ បើគ្មានអ្វីប្រែប្រួលទេ សម្តេច ហ៊ុន សែន គ្រោងនឹងធ្វើទស្សនកិច្ចនៅមីយ៉ាន់ម៉ា នាថ្ងៃទី០៧ ខែមករា ឆ្នាំ២០២២។

ការ​ប្រកាស​របស់​សម្តេច ហ៊ុន សែន ពី​ខេត្តព្រះសីហនុ​ នាថ្ងៃទី២​ ខែធ្នូនេះ បានលើកឡើងថា សម្តេចបានត្រៀមខ្លួនជាស្រេចក្នុងការធ្វើដំណើរទៅកាន់ប្រទេសភូមា ដោយមិនមានដាក់លក្ខខណ្ឌទុកជាមុននោះទេ ហើយដំណើរទស្សនកិច្ច ដែលគ្រោងធ្វើឡើងនេះ គឺក្នុងរូបភាពជានាយករដ្ឋមន្ត្រីកម្ពុជា។

ភូមាបច្ចុប្បន្នស្ថិតក្រោមការដឹកនាំដោយរដ្ឋាភិបាលយោធារបស់ លោក មីន អ៊ុងឡាំង ក្រោយរដ្ឋប្រហារកាលពីដើមខែកុម្ភៈ ឆ្នាំ២០២១។ កាលពីអំឡុង ជំនួប​កំពូល​ថ្ងៃ២៦-២៨តុលា២០២១ អាស៊ានមិន​បានអញ្ជើញ​មេដឹកនាំសឹក​ភូមា លោក មីន អ៊ុងឡាំង ឱ្យ​ចូល​រួមនោះទេ។ ជា​វិធានការ​ដ៏​កម្រ​របស់​អាស៊ាន​ចំពោះ​​ក្រុម​យោធា​ភូមា​ ដែល​​មិន​ខ្វល់​ ឬ​ចង់​ដោះស្រាយ​វិបត្តិក្រោយរដ្ឋប្រហារខែកុម្ភៈ។

ជាថ្មីម្តងទៀត សម្តេច ហ៊ុន សែន នាយករដ្ឋមន្រ្តីកម្ពុជា ក៏បានលើកឡើងដែលថា ក្នុងឱកាសដែលកម្ពុជាធ្វើជាប្រធានអាស៊ាននៅឆ្នាំក្រោយនេះ កម្ពុជានឹងខិតខំសម្រួលដល់សភាពការណ៍របស់មីយ៉ាន់ម៉ា ដើម្បីបានវិលត្រឡប់ទៅរកស្ថានភាពល្អប្រសើរឡើងវិញ និងដើម្បីពង្រឹងមជ្ឈភាពរបស់អាស៊ាន។

លោក ផៃ ស៊ីផាន រដ្ឋមន្រ្តីប្រតិភូអមនាយករដ្ឋមន្រ្តី និងជាអ្នកនាំពាក្យរាជរដ្ឋាភិបាលបាន​បញ្ជាក់​ថា ការធ្វើរៀបចំដំណើរទស្សនកិច្ចរបស់សម្តេច ហ៊ុន សែន ទៅកាន់ប្រទេសមីយ៉ាន់ម៉ា គឺដើម្បីផលប្រយោជន៍សន្តិភាព និងដំណោះស្រាយនយោបាយក៏ដូចជាលើកតម្កើងសារជាថ្មីនូវស្ថិរភាពនយោបាយ ជាពិសេសកិច្ចការពារអាយុជីវិតរបស់ប្រជាពលរដ្ឋ មីយ៉ាន់ម៉ាដែលជាអាទិភាពខ្ពស់បំផុត។

លោក ផៃ ស៊ីផាន ថ្លែងក្នុងន័យដើមថា ៖ «យើង​ទាំងអស់​គ្នា​បានដឹងនិង​តែងតែ​យល់​ថា សហ​គម​អាស៊ាន​មាន​សមាជិក​ប្រជាជាតិ​ចំនួន​១០។ ​តាម​គោលការណ៍កុងសង់ស៊ីស (CONCENSUS) គឺជា​សំឡេង​ឯក​ច្ឆ័​ន​ទាំង​១០នៃ​សមាជិក​អាស៊ាន ដែល​មិន​អាច​អវត្តមាន​សមាជិក​ណាមួយ​ឡើយ ទោះ​ក្នុង​លក្ខខណ្ឌ​ណា​ក៏​ដោយ។ កម្ពុជា​នៅ​តែ​គោរព​យ៉ាង​ខ្ជាប់ខ្ជួន​នូវ​គោលការណ៍និង​ច្បាប់​របស់​អាស៊ាន ដើម្បី​ផលប្រយោជន៍​រួម​នៃ​សហ​គម​តែ​មួយ វាសនា​តែ​មួយ ដូចដែល​មាន​ចែង​ក្នុង​សេចក្ដីថ្លែងការណ៍​រួម​របស់​អាស៊ាន​កន្លង​មក​»​។

មេ​ដឹកនាំ​យោធា​មីយ៉ាន់ម៉ា​ បាន​ធ្វើ​រដ្ឋ​ប្រហារ​កាលពី​ថ្ងៃ​ទី​១ ​ខែ​កុម្ភៈ​ ឆ្នាំ​២០២១​ ដោយ​ទម្លាក់​រដ្ឋាភិបាល​ជាប់​ឆ្នោត​របស់​លោកស្រី​ អ៊ុងសាន ស៊ូជី​ ​ចេញ​ពី​តំណែង។ ​មក​ទល់​ពេល​នេះ​ លោកស្រី​ អ៊ុងសាន ស៊ូជី ​កំពុង​ត្រូវ​បាន​ឃុំ​ខ្លួន​ចាប់​តាំង​ពី​រដ្ឋ​ប្រហារ​មក ​ហើយ​អ្នកស្រី​បាន​ប្រឈម​នឹង​បទ​ចោទ​ប្រកាន់​ចំនួន​១១​ករណី ​បើ​ទោះបីជា​អ្នកស្រី​ បាន​ច្រាន​ចោល​បទ​ចោទ​ប្រកាន់​ទាំង​អស់​ក៏​ដោយ៕

The post មានករណីផ្ទុះគ្រាប់បែក ២កន្លែងមិនឆ្ងាយពីស្ថានទូតកម្ពុជាប្រចាំនៅភូមា appeared first on .

សហភាព​អឺរ៉ុប តាមរយៈ​មន្រ្តីទូត​របស់ខ្លួន​​បាន​ព្រមាន កាលពីថ្ងៃ​ព្រហស្បតិ៍ ទី ៣០​ធ្នូ ​ដាក់ទណ្ឌកម្ម​សេដ្ឋកិច្ច​បន្ថែម ទៅលើ​របបសឹកភូមា។ សហភាពអឺរ៉ុប​គាំទ្រ​ផងដែរ ការអំពាវនាវ​របស់​សហរដ្ឋអាមេរិក​ដែល​ចង់​ឲ្យមាន​បម្រាមអន្តរជាតិ លើ​ការលក់ នាំចូល​សព្វាវុធ ទៅកាន់ប្រទេស​ភូមា។

ការប្រមានពីសហភាពអឺរ៉ុប ទំនងកើតឡើងដោយសារ កង​កម្លាំង​ទ័ព​ព្រៃ​នៃ​ក្រុម​យុទ្ធជន​ប្រឆាំង​របប​សឹក​នៅ​ក្រោម​រដ្ឋាភិបាល​ឯកភាព​ជាតិ កំពុង​ហ្វឹកហាត់​ទ័ព​ជំនាន់​ថ្មី និង​កំពុង​រៀបចំ​វាយប្រហារ​សម្ងាត់ ឬ​វាយ​ឆ្មក់​ទៅលើ​គោលដៅ​នៃ​របប​សឹក និង​ក្រុម​មនុស្ស​គាំទ្រ​របប​រដ្ឋប្រហារ​នេះ ហើយ​ផែនការ​នេះ​អាច​ជា​ការ​សងសឹក​ចំពោះ​ពួក​យោធា​ដែល​បាន​វាយកម្ទេច​រថយន្ត​របស់​ជនស៊ីវិល​ដោយ​ដុត​មនុស្ស​ទាំង​រស់ ៣៥​នាក់ កាលពី​ថ្ងៃ​ទី​២៤ ខែ​ធ្នូ នៅ​រដ្ឋ​កាយ៉ា។ នេះបើតាមសារព័ត៌មាន​របស់​ប្រទេស​ភូមា​ជាច្រើន​បាន​ធ្វើ​សេចក្ដី​រាយការណ៍​នៅ​ថ្ងៃ​ទី​២៨ ខែធ្នូ ឆ្នាំ២០២១។

សេដ្ឋកិច្ចភូមា កំពុងរាំងស្ទះសឹងទាំងស្រុង ដោយសារតែបាតុកម្ម កូដកម្ម អស្ថិរភាព និង​វិបត្តិនយោបាយ​នេះ។ នៅ​ដើមខែ កុម្ភៈ ឆ្នាំនេះ សហភាពអឺរ៉ុប បាន​មូលមតិ​ជាមួយ​សហរដ្ឋអាមេរិក ដោយបាន​ដាក់​ទណ្ឌកម្ម​សេដ្ឋកិច្ច​ទៅលើ​របបសឹកភូមា។ មន្រ្តីយោធា និង​ក្រុមហ៊ុនភូមា ដែលជាប់ពាក់ព័ន្ធ​នឹងមេដឹកនាំ​យោធា​ភូមា ចំនួន​៣០​បាន​ស្ថិតក្នុងបញ្ជីខ្មៅ​របស់​សហភាពអឺរ៉ុប។ នេះមានន័យថា ពួកគេ​មិនអាច​ដាក់ជើងជាន់​ដីសហភាពអឺរ៉ុប ចំណែក​ទ្រព្យសម្បត្តិរបស់​ពួកគេ ដែល​មាននៅ​ទឹកដីអឺរ៉ុប ត្រូវ​គេ​បង្កក​មិន​ឲ្យ​បើកយកទៅប្រើប្រាស់បាន។

វិបត្តិនៅតែអូសបន្លាយ ជីវភាពប្រជាជនភូមា កាន់តែលំបាក។ តើប្រទេសដ៏ក្រីក្រមួយនេះ អាចទប់ទល់ បានយូរប៉ុន្មានថ្ងៃ ប៉ុន្មានខែទៀត? យោងតាមការព្យាករណ៍ នៅឆ្នាំ​២០២២ ពាក់​កណ្តាល​​នៃប្រជាជនភូមា អាចធ្លាក់ទៅក្នុងជីវភាពក្រីក្រតោកយ៉ាក ដោយសារតែវិបត្តិសេដ្ឋកិច្ច និងនយោបាយ។ យោងតាមតួលេខរបស់ធនាគារពិភពលោក នៅឆ្នាំ​២០២១ សេដ្ឋកិច្ចភូមា នឹងដើរថយក្រោយ​ ចំនួន​១០% ខណៈដែលកាលពីឆ្នាំ​២០១៩ សេដ្ឋកិច្ចប្រទេសនេះ បានមានកំណើនដល់ទៅ​៧%។

នៅ​មុន​រដ្ឋប្រហារ​ថ្ងៃទី១ កុម្ភៈ ប្រជាជន​ភាគច្រើន​រស់ក្នុង​តំបន់​ឡាំង ថារយ៉ារ​មាន​ការងារ​ធ្វើ​នៅ​ក្នុង​វិស័យ​កាត់ដេរ​សម្រាប់​ម៉ាក​របស់​បស្ចិមលោក។ តែ​ពេល​នេះ កូដកម្ម និង​អំពើហិង្សា​បាន​បង្ខំ​ឲ្យ​រោងចក្រ​ជា​ច្រើន​បិទទ្វារ និង​មាន​កម្មករ កម្មការនី​ជា​ច្រើន​នាក់​អត់​ការងារ​ធ្វើ។ ផលវិបាក​កើត​ចេញ​ពី​វិបត្តិ​កូវីដ១៩ និង​វិបត្តិ​រដ្ឋប្រហារ​អាច​រុញ​ភាព​ក្រីក្រ​ឲ្យ​កើន​ឡើង​ទ្វេដង និង​អាច​ប៉ះពាល់​ដល់​ប្រជាជន​ភូមា​ចំនួន​ពាក់​កណ្តាល​ចាប់​ពី​ឆ្នាំ ២០២២ ទៅ នេះ​ជា​ការ​ព្រមាន​របស់​អង្គការ​សហប្រជាជាតិ៕

The post សេដ្ឋកិច្ចភូមា កំពុងរាំងស្ទះសឹងទាំងស្រុង ខណៈសហភាពអឺរ៉ុបត្រៀមដាក់ទណ្ឌកម្មសេដ្ឋកិច្ច​បន្ថែម appeared first on .