“ភូមិខ្ញុំ update”ល្បីពេញTik Tok

កូនចៅឧកញ៉ា — Sat, 07 Nov 2020 23:39:01 +0000

«ភូមិខ្ញុំ update» មិនត្រឹមតែជាបទចម្រៀងពេញនិយមខ្លាំងក្នុងខែនេះរបស់ផលិតកម្ម Galaxy Navatra លើបណ្ដាញ យូធូប ប៉ុណ្ណោះទេ បើយើងងាកមកមើលលើបណ្ដាញសង្គមដ៏ពេញនិយម Tik Tok វិញគេឃើញមានអ្នកលេងលើបណ្ដាញនេះយកទៅច្រៀងតាម ឬខូវើជាច្រើនផងដែរ ។

@2006ponlork

ភូមិខ្ញុំ update
♬ សំឡេងដើម – PL កម្សាន្ត

យើងសូមលើកយកតែគណនី Tik Tok មួយក្នុងចំណោម Tik Tok ជាច្រើនលាននាក់ដែលកំពុងពេញនិយមនៅប្រទេសកម្ពុជា គណនី Tik Tok តារាចម្រៀងដែលជនពិការភ្នែក ឈ្មោះ PL កម្សាន្ត បានយកបទ «ភូមិខ្ញុំ update» ទៅខូវើច្រៀងធ្វើឲ្យមានការចាប់អារម្មណ៍ជាខ្លាំង គួបផ្សំគាត់ច្រៀងកាឡៃឡើងបែបសប្បាយៗចំរដូវទឹកជំនន់ផងនោះ ។

តាមការបង្ហាញបទច្រៀង «ភូមិខ្ញុំ update» ដែលគណនី Tik Tok PL កម្សាន្ត យកទៅច្រៀងនោះមានអ្នកឲ្យបេះដូងរហូតដល់ទៅជាង 330.3k និងអ្នកចូល Comment ក៏ដូចជាការ Share សរសើរជាច្រើនពាន់នាក់ទៀត ។

ទន្ទឹមគ្នានោះដែរនៅតាមភូមិស្រុក ធុងបាស់ អកកេស អកកាដង់ ផាប់ ឬ បៀរកាឌិន ជាដើម បទចម្រៀងរបស់ផលិតកម្ម Galaxy Navatra កំពុងតែវាយលុយខ្លាំងនៅកន្លែងណាក៏គេឃើញមានការចាក់ ឬ ច្រៀងបទចម្រៀងរបស់ផលិតកម្មមួយនេះដែរ ។

សូមបញ្ជាក់ផងដែរថា បទ «ភូមិខ្ញុំ update» ជាស្នាដៃនិពន្ធដោយកញ្ញា តន់ ចន្ទសីម៉ា និពន្ធជូនកំពូលតារាចម្រៀងលោក ព្រាប សុវត្ថិ បច្ចុប្បន្ននេះកំពុងផ្ទុះខ្លាំងដោយមិននឹកស្មានដល់ ។

កាលចេញភ្លាមៗ មានមហាជនមួយចំនួនមិនពេញចិត្តនឹងការផ្ដល់ឲ្យអ្នកនិពន្ធវ័យក្មេង តន់ ចន្ទសីម៉ា និពន្ធជូនរៀមច្បងលោក ព្រាប សុវត្ថិ ត្បិតអី សីម៉ា នាងនៅក្មេងខ្ចីពេក ប៉ុន្តែបច្ចុប្បន្នបទចម្រៀងមួយបទនេះមានអ្នកចូលទស្សនាជិត ៨លានដងក្នុងរយៈពេលតែ ១ខែប៉ុណ្ណោះនៅក្នុងបណ្ដាញ យូធូប ៕

The post “ភូមិខ្ញុំ update”ល្បីពេញTik Tok appeared first on .

“ភូមិខ្ញុំ update” តន់ចាន់សីម៉ា និពន្ធឲ្យ ព្រាប សុវត្ថិច្រៀង ពីមុនរងការរិះគន់ ថាមិនគួរអោយក្មេងនិពន្ធនោះ ឥឡូវកំពុងផ្ទុះខ្លាំង

កូនចៅឧកញ៉ា — Fri, 06 Nov 2020 05:17:03 +0000

បទចម្រៀង”ភូមិខ្ញុំ update” បទចម្រៀងមួយរបស់ផលិតកម្មGalaxy Navatra រៀបរាប់ពីទិដ្ឋភាពពិតនៃការរស់នៅរបស់ប្រជាជនខ្មែរពីអតីតកាល និងបច្ចុប្បន្នកាល ដែលជាស្នាដៃនិពន្ធដោយកញ្ញា តន់ ចន្ទសីម៉ា និពន្ធ ជូនកំពូលតារាចម្រៀង លោក ព្រាប សុវត្ថិ បច្ចុប្បន្ននេះកំពុងផ្ទុះខ្លាំងដោយមិននឹកស្មានដល់ ដោយមានអ្នកចូលទស្សនាជិត8លានដងក្នុងរយៈពេលតែ១ខែ នៅក្នុងបណ្ដាញយូធូប។

បទចម្រៀងខាងលើនេះ កាលចេញភ្លាមៗ មានមហាជនមួយចំនួន មិនពេញចិត្តនឹងការ ផ្ដល់ឲ្យអ្នកនិពន្ធវ័យក្មេង តន់ ចន្ទសីម៉ា និពន្ធជូន រៀមច្បងលោកព្រាប សុវត្ថិ ត្បិតអី សីម៉ា ត្បិតអីនាងនៅក្មេងខ្ចីពេក ប៉ុន្តែបច្ចុប្បន្នបទចម្រៀងមួយបទនេះ កំពុងតែផ្ទុះខ្លាំងដោយមិនខឹងស្មានដល់ ព្រោះមានអ្នកចូលទស្សនាជិត8លានដងក្នុងរយៈពេលតែ១ខែប៉ុណ្ណោះ។

ជុំវិញភាពជោគជ័យនេះ តន់ ចន្ទសីម៉ា ក៏បានបង្ហាញលើផេកផ្លូវការរបស់នាងផងដែរថា”ភូមិខ្ញុំ update” ជាកានិពន្ធរបស់នាងខ្ញុំហើយកំពុងតែផ្ទុះខ្លាំងនឹងនាំមុខគេនៅក្នុងខែនេះ មានអ្នកទស្សនាជិត8លានដង នៅក្នុងបណ្ដាញយូធូប”។

សូមបញ្ជាក់ផងដែរថាបទ”ភូមិខ្ញុំ update” ដឹកនាំសម្ដែងដោយ៖ Jonathan និពន្ធ Melody និងទំនុកច្រៀងដោយ តន់ ចន្ទសីម៉ា និពន្ធបទភ្លេង៖ Numen ថតដោយភួង សុភារិនកែពណ៌ ដោយTim Pek។ ផ្អែកតាមរបាយការណ៍ពីផលិតកម្មGalaxy Navatra បច្ចុប្បន្នបទចម្រៀងរបស់កំពូលតារាចម្រៀងលោកព្រាបសុវត្ថិ១បទនេះ បានក្លាយជាបទចម្រៀងដែលមានអ្នកចូលទស្សនាច្រើនជាងគេ ក្នុងខែនេះរបស់ផលិតកម្មGalaxy Navatra ។

The post “ភូមិខ្ញុំ update” តន់ចាន់សីម៉ា និពន្ធឲ្យ ព្រាប សុវត្ថិច្រៀង ពីមុនរងការរិះគន់ ថាមិនគួរអោយក្មេងនិពន្ធនោះ ឥឡូវកំពុងផ្ទុះខ្លាំង appeared first on .

ភូមិខ្ញុំ update

“ភូមិខ្ញុំ update”ល្បី​ពេញ​Tik Tok

“ភូមិខ្ញុំ update”ល្បីពេញTik Tok