អតីតទីតាំងភូមិវប្បធម៌ ប្រចាំខេត្តសៀមរាបនេះ គឺមាន សួនច្បារទំហំ ២១ហិចតា ដែលមានប្រវត្តិដ៏សម្បូរបែប សួនឧទ្យាន សិប្បកម្ម និង រូបចម្លាក់ដ៍ស្រស់ស្អាតជាច្រើនមួយនេះ នឹងបើកទទួលសាធារណជន ចាប់ពីថ្ងៃទី១៨ រហូតដល់ ថ្ងៃទី៣០ ខែមិថុនា ដោយឥតគិតថ្លៃ។

សូមជម្រាបជូនថា សួនបៃតងអង្គរ គឺជាបុត្រសម្ព័ន្ធសណ្ឋាគារតារា គ្រុប ដែលវិនិយោគដោយកូនខ្មែរ។ ចក្ខុវិស័យរបស់ សណ្ឋាគារតារាគ្រុប គឺដើម្បីជំរុញការអភិវឌ្ឍវិស័យសណ្ឋាគារអោយមានគុណភាពស្តង់ដារនៅតាមទីតាំងសក្តានុពលនីមួយៗនៅទូទាំងប្រទេសកម្ពុជា។

បច្ចុប្បន្ន សណ្ឋាគារ តារាគ្រុប មានបុត្រសម្ពន្ធចំនួន ៨ដែលកំពុងបើកដំណើរការ រួមមានដូចជាសណ្ឋាគារ Independence Hotel by Dara, Dara Airport City Hotel & Spa, Olympia City Hotel By Dara, Toyoko-inn.com with Dara, The Sixties by Dara – Service Apartments, The Elysee Koh Pich និងក្លឹបហាត់ប្រាណ Jouvence Fitness by Dara។

គួររម្លឹកផងដែរថា ភូមិ​វប្បធម៌​កម្ពុជា​ មាន​ទីតាំង​ស្ថិត​នៅ​ក្នុង​ក្រុង​សៀមរាប ​ខេត្តសៀមរាប ត្រូវបានគេចាត់ទុកជាកន្លែងទេសចរណ៍ដ៏ពេញនិយម​ និងជាភូមិ​គំរូ​មួយ​ដែល​មាន​សំណង់ ផ្ទះ អាគារ​ប្រវត្តិសាស្រ្ត ប្រមូលផ្ដុំនូវ​ទំនៀម​ទម្លាប់ ជីវភាព ការរស់នៅរបស់​ប្រជាជន​ខ្មែរ​ ដោយកន្លែងនេះ​មាន​ទំហំ ២១០,០០០ ម៉ែត្រការ៉េ​ មានភូមិ​តូចៗដែល​តំណាង​ឲ្យ​វប្បធម៌​ផ្សេង​ៗ​គ្នា រួមទាំងចរិតលក្ខណៈ​របស់​ជនជាតិ​ភាគតិចទៀតផង។

ទោះបីជាទទួលបានប្រជាប្រិយភាពខ្លាំងពីភ្ញៀវទេសចរណ៍យ៉ាងណា ក្រុមហ៊ុនភូមិវប្បធម៌កម្ពុជា ដែលជាមជ្ឈមណ្ឌលសម្តែងពីសិល្បៈ បង្ហាញពីវប្បធម៌ប្រពៃណីខ្មែរ ជាផ្នែកមួយបម្រើវិស័យទេសចរណ៍នៅលើទឹកដីអង្គរបានប្រកាសបិទទ្វារជាផ្លូវការ ចាប់ពីថ្ងៃទី៧ ខែវិច្ឆិកា ឆ្នាំ២០២០កន្លងទៅដោយសារមានបញ្ហាហិរញ្ញវត្ថុ ។

អតីតភូមិវប្បធម៌មានបុគ្គលិកគ្រប់ផ្នែករួមទំាងសិល្បករដែលត្រូវសម្តែងសិល្បៈផ្សេងៗផង ប្រមាណ៣០០នាក់។ ក្នុងមួយខែៗក្រុមហ៊ុនបានចំណាយថវិកាមិនតិចជាង​៣ម៉ឺនដុល្លារឡើយ​នៅលើប្រាក់ខែបុគ្គលិក។

គួររំលឹកថា ភូមិវប្បធម៌បានបង្កើតឡើងនៅឆ្នាំ២០០៣ សាងសង់លើផ្ទៃដីយ៉ាងធំតាមបណ្តោយផ្លូវជាតិលេខ៦ ក្នុងទីរួមខេត្តសៀមរាប។ សំណង់ផ្ទះបុរាណ សំណង់និមិត្តរូបនៃតំបន់ប្រវត្តិខ្មែរ ដូចជា ព្រះបរមរាជវំាង ភ្នំព្រះរាជទ្រព្យ បានសាង់សង់នៅទីនោះ។ រូបចម្លាក់ពីប្រមួន បានសូន្យឡើងជារូបអតីតព្រះមហាក្សត្រខ្មែរ រូបអតីតសិល្បករ កវីនិពន្ធ និងរូបផ្សេងៗទៀតបង្ហាញដល់អ្នកទេសចរ បានស្គាល់ផងដែរ។

ជាមួយគ្នានេះ ភូមិវប្បធម៌បានបង្កើតឲ្យមានការសម្តែងសិល្បបុរាណសម័យ បម្រើដល់អារម្មណ៍អ្នកចូលទស្សនា ទៀតផង៕

The post អតីតទីតាំងភូមិវប្បធម៌ខេត្តសៀមរាប ប្រកាសបើកដំណើរការអាជីវកម្មឡើងវិញ ក្រោមឈ្មោះក្រុមហ៊ុនថ្មី appeared first on .

ដំណើរការ​ជាង ១៧ ឆ្នាំ ហើយ​ជួប​បញ្ហា​ហិរញ្ញវត្ថុ​ធ្ងន់ធ្ងរ​ ក្រុមហ៊ុនភូមិ​វប្បធម៌​បានប្រកាសបិទទ្វារ​ ហើយ​ថ្ងៃ​ឈប់​សម្រាក​អុំទូក ជា​ឱកាស​ចុងក្រោយ​ដែល​ក្រុមហ៊ុន​អនុញ្ញាតិ​ឲ្យ​ពលរដ្ឋ​បាន​ចូល​ទស្សនា​ មុន​បិទ​អាជីវកម្ម​ទាំង​ស្រុង​តែ​ម្តង។

ភូមិវប្បធម៌បានបង្កើតឡើងនៅឆ្នាំ២០០៣ ស្ថិត​នៅ​តាមបណ្តោយផ្លូវជាតិលេខ៦ ក្នុងទីរួមខេត្តសៀមរាប។ រមណីយដ្ឋាន​នេះ​បាន​កែច្នៃ​សំណង់ផ្ទះបុរាណ សំណង់និមិត្តរូបនៃតំបន់ប្រវត្តិខ្មែរ ដូចជា ព្រះបរមរាជវំាង ភ្នំព្រះរាជទ្រព្យ​ជា​ដើម។ ក៏​មាន​ការ​សូន្យ​រូបចម្លាក់ពីក្រមួន ជារូបអតីតព្រះមហាក្សត្រខ្មែរ រូបអតីតសិល្បករ កវីនិពន្ធ និងបុគ្គល​ល្បីៗ​ផ្សេងទៀតបង្ហាញដល់អ្នកទេសចរ បានស្គាល់។ ជាមួយគ្នានេះ ភូមិវប្បធម៌បានបង្កើតឲ្យមានការសម្តែងសិល្បបុរាណសម័យ បម្រើដល់អារម្មណ៍អ្នកចូលទស្សនាទៀតផង។

The post ជាឱកាស​ចុងក្រោយ​ ពលរដ្ឋ​សម្រុក​ទៅ​លេង​ភូមិ​វប្បធម៌​ឡើង​​កកកុញ appeared first on .

ដោយសារ​ជួប​បញ្ហា​​វិបត្តិ​ហិរញ្ញវត្ថុ​ក្នុង​អំឡុង​វិរុស​កូវីដ​រាតត្បាត ការ​ប្រកាស​បិទ​រមណីយដ្ឋាន​ទេសចរណ៍​ដ៏​ធំ​ក្នុង​ក្រុង​សៀមរាប​ ដែល​ធ្លាប់​បើក​បម្រើ​សេវា​ដល់​អ្នក​ទេសចរជាតិ​និង​អន្តរជាតិ​ជាង​ ១៧ ឆ្នាំ ធ្វើ​ឲ្យ​បងប្អូន​ជា​ច្រើន​មានការ​សោកស្តាយ​ជា​ខ្លាំង។

ចាប់​ពីថ្ងៃទី២៩ ខែតុលា ដល់ថ្ងៃទី ០១ ខែវិច្ឆិកា ឆ្នាំ ២០២០ ជា​ពេល​វេលា​ចុងក្រោយ​ដែល​បង​ប្អូន​អាច​ចូល​ទៅ​ទស្សនា កម្សាន្ត​សប្បាយ និង​ថត​រូបភាព​និង​បង្កើត​អនុស្សាវរីយ៍​ចុងក្រោយ មុន​រមណីយដ្ឋាន​ទេសចរណ៍​ដ៏​ធំ​នេះ ត្រូវ​លា​ជា​រៀងរហូត។

រមណីយដ្ឋានភូមិវប្បធម៌កម្ពុជាមានទីតាំងស្ថិតនៅក្នុងភូមិគ្រួស ឃុំស្វាយដង្គំ ស្រុកសៀមរាប ដែលមានចំងាយប្រមាណជា ៣គីឡូម៉ែត្រ ពីទីរួមខេត្តសៀមរាប៕

The post កុំ​ឲ្យ​រំលង​ឲ្យសោះ រមណីយដ្ឋា​ន​ភូមិ​វប្បធម៌​ ធ្វើ​រឿង​ពិសេស​មួយ​ មុនលា​បង​ប្អូន​ខ្មែរ​ជា​រៀងរហូត appeared first on .