សម្តេចធិបតី លើកឡើងបែបនេះ បន្ទាប់ពីសម្តេច បានធ្វើឱ្យមហាជន និងអ្នកទេសចរមានការភ្ញាក់ផ្អើលយ៉ាងខ្លាំង តាមរយៈការបង្ហាញវត្តមានផ្ទាល់ខ្លួនជាលក្ខណៈឯកជន នៅលើទឹកដីតំបន់ទេសចរណ៍ធម្មជាតិដ៏ល្បីល្បាញ «ខ្នងផ្សារ» ក្នុងខេត្តកំពង់ស្ពឺ កាលពីថ្ងៃទី៣១ ខែឧសភា ឆ្នាំ២០២៦ កន្លងទៅនេះ។

នៅក្នុងឱកាសនោះ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានបញ្ជាក់ថា គម្រោងលម្ហែបៃតង ភ្នំខ្នងផ្សារ ដំណាក់កាលទី១ ត្រូវបានស្ថាបនារួចរាល់ជាស្ថាពរនេះ គឺស្ថាបនាដោយក្រសួងបរិស្ថាន។

សម្តេចធិបតី បញ្ជាក់ដែរថា គម្រោងនេះ មានគោលដៅក្នុងការពង្រឹងលើការផ្តល់សេវាកម្មរបស់សហគមន៍ឱ្យកាន់តែប្រសើរ ជាពិសេស សហគមន៍អាចធ្វើជាម្ចាស់គ្រប់គ្រងសមិទ្ធផលដោយផ្ទាល់ និងបែងចែករចនាសម្ព័ន្ធការងារ ក៏ដូចជាផលប្រយោជន៍សេដ្ឋកិច្ចក្នុងសហគមន៍បានកាន់តែប្រសើរឡើង។

បន្ថែមពីនេះ សហគមន៍ក៏អាចនឹងមានលទ្ធភាពក្នុងការផ្សព្វផ្សាយពីផលិតផលរបស់សហគមន៍ជូនដល់អ្នកទេសចរជាមួយនឹងផ្សារសហគមន៍ ដែលបានកសាងរួចរាល់ សំដៅបង្កើនផលិតកម្មក្នុងស្រុក និងលើកស្ទួយជីវភាពប្រជាសហគមន៍ ចំនួន ១១៨គ្រួសារ នឹងទទួលបានផលប្រយោជន៍ដោយផ្ទាល់ និងជាផ្នែកមួយក្នុងការលើកមុខមាត់វិស័យទេសចរណ៍ក្នុងមូលដ្ឋានខេត្តកំពង់ស្ពឺផងដែរ។

សូមរម្លឹកដែរថា កាលពីថ្ងៃទី៨ ខែមីនា ឆ្នាំ២០២៥កន្លងទៅនេះ សម្តេចធិបតី ហ៊ុន ម៉ាណែត ក៏ធ្លាប់បានលបលួចធ្វើដំណើរទៅកាន់ភ្នំខ្នងផ្សារ។ ដំណើរនេះ មិនមែនជាដំណើរ ដើម្បីតែគយគន់ សម្រស់ភ្នំខ្នងផ្សារនោះទេ តែជាដំណើរមួយដើម្បីពិនិត្យពិច្ច័យកែខៃច្នៃ ឱ្យទីឋានធម្មជាតិដ៏ពិសិដ្ឋភ្នំខ្នងផ្សារឱ្យក្លាយទៅជាកន្លែងកម្សាន្ត និងទាញយកប្រយោជន៍សេដ្ឋកិច្ច ដល់ប្រជាពលរដ្ឋនៅតំបន់នោះផងដែរ៕អត្ថបទ៖ហ្សាលីន

The post សម្តេចធិបតី៖ ធ្វើជូនតាមសន្យាគម្រោងលម្ហែបៃតង ភ្នំខ្នងផ្សារ ដំណាក់កាលទី១ បានស្ថាបនារួចរាល់ appeared first on .

រដ្ឋបាលខេត្តកំពង់ស្ពឺ បានឱ្យដឹងបន្តថា អនុវត្តតាមបទបញ្ជារបស់សម្តេចធិបតី នាយករដ្ឋមន្ត្រី កាលពីថ្ងៃ៨ ខែមីនា ឆ្នាំ២០២៥ ក្នុងការសម្រេចឱ្យលុបចោលគម្រោងអភិវឌ្ឍន៍នៅលើតំបន់ទេសចរណ៍ភ្នំខ្នងផ្សារ តាមរយ:ការដកមកវិញនៅដីដែលមានការបោះបង្គោលព្រំ ដើម្បីថែរក្សាឱ្យបាននូវស្ថានភាពដើមនៃធម្មជាតិ សម្រាប់បម្រើជាឧត្តមប្រយោជន៍ដល់សហគមន៍ និងអ្នកទេសចរ ដោយមិនអនុញ្ញាតឱ្យមានការវិនិយោគនៅលើភ្នំឡើយ។

ប្រភពដដែល បានបញ្ជាក់ទៀតថា អនុវត្តតាមអនុសាសន៍ដ៏ម៉ឺងម៉ាត់នេះ នាថ្ងៃទី១៣ ខែមីនា ឆ្នាំ២០២៥ ក្រុមការងារអន្តរក្រសួង (ក្រសួបរិស្ថាន និងក្រសួងទេសចរណ៍) រួមជាមួយនឹងអាជ្ញាធរខេត្តកំពង់ស្ពឺ ព្រមទាំងប្រជាសហគមន៍តាំងបំពង់ បានចុះដកបង្គោលព្រំដីក្នុងតំបន់ភ្នំខ្នងផ្សារ ក្រោយពីមានការព្រមព្រៀងបញ្ឈប់គម្រោងវិនិយោគរបស់ក្រុមហ៊ុនទាំងបួន ដោយប្រគល់ដីចំនួន ៤០ហិកតា ជូនដល់សហគមន៍តាំងបំពង់ ដើម្បីជាប្រភពចំណូលដ៏សំខាន់សម្រាប់ប្រជាពលរដ្ឋប្រមាណ ១០០គ្រួសារ ក្នុងភូមិតាំងបំពង់ ឃុំតាសាល ស្រុកឱរ៉ាល់ ខេត្តកំពង់ស្ពឺ ដែលកំពុងបម្រើសេវាកម្មទេសចរណ៍។

ជាលទ្ធផល ក្រោយពីបានដកបង្គោលព្រំដី គឺបានផ្តល់នូវស្នាមញញឹម និងការសាទរពីសំណាក់សហគមន៍ និងប្រជាពលរដ្ឋ ដែលជាអ្នកបម្រើសេវាកញ្ចប់ទេសចរណ៍ ពឹងលើសម្រស់ធម្មជាតិដ៏ស្រស់ស្អាតនៃតំបន់ទេសចរណ៍ខ្នងផ្សារ ដែលសម្តេចនាយករដ្ឋមន្ត្រី បានយកចិត្តទុកដាក់ និងដោះស្រាយនូវទុក្ខកង្វល់របស់ប្រជាសហគមន៍ ហើយសម្រេចឱ្យថែរក្សានូវលក្ខណ:ធម្មជាតិដូចដែលកំពុងមានស្រាប់ ដើម្បីទាក់ទាញទេសចរជាតិ និងអន្តរជាតិ៕ អត្ថបទ៖ ហ្សាលីន

The post រដ្ឋាភិបាល សម្រចលុបចោលគម្រោងអភិវឌ្ឍន៍នៅលើតំបន់ទេសចរណ៍ភ្នំខ្នងផ្សារ appeared first on .

ឧកញ៉ា ស្រី ចាន់ថន បានឲ្យដឹងនាពេលកន្លងមកថា លោកចំណាយពេលជាង០២ ខែ ដើម្បីថតវីដេអូ ជាង ០៥ នាទី។ ក្នុងវិដេអូ ដែលលោកបានចូលរួមគ្រប់សកម្មភាព និយាយពីដំណើរផ្សងព្រេង និងបង្ហាញដែនដី ដ៏ អស្ចារ្យរបស់ប្រទេសកម្ពុជាសម្រាប់អ្នកទេសចរមកពីគ្រប់ទិសទី។

ជាញឹកញ៉ាប់នៅលើបណ្តញសង្គមហ្វេសបុក ម្ចាស់តំបន់ 7NG លោកឧកញ៉ា ស្រី ចាន់ថន បានចែករំលែករូបភាពតំបន់ទេចរណ៍​ធម្មជាតិ វប្បធម៌ ប្រពៃណី ទំនាមទំលាបដ៍ទាក់ទាញ ពេលបានគយគន់ហើយ ប្រាកដជានឹកស្រុកចង់ជួបជុំគ្រួសារ​ បងប្អូន មិត្តភក្រ្តជាក់ជាមិនខាន។

ថ្មីៗនេះ លិចលឺព័ត៌មានពីភូមិភាគនារតី ថា លោកឧកញ៉ា ស្រី ចាន់ថន ម្ចាស់ក្រុមហ៊ុន Jet Gruop ដែលមានបុត្តសម្ព័ន្ធក្រុមហ៊ុនជាច្រើនផងនោះ​ បាននិងកំពុងលង់សម្រស់អ្នកខេត្តកោះកុង ទោះខំដកចិត្តចង់ឃ្លាតក៍មិនទៅរួច។ នៅចុងខែធ្នូ ឆ្នាំ២០២០កន្លងទៅ លោកឧកញ៉ា បានចុះពិនិត្យសិក្សាជាក់ស្តែង លើទីតាំងស្នើសុំវិនិយោគអភិវឌ្ឍន៍ទេចរណ៍ធម្មជាតិខា្នតតូច ដែលមានផ្ទៃដីទំហំមិនលើស ១០ហិចតា ចំនួន ៤គម្រោង ក្នុងឃុំប្រឡាយ ស្រុកថ្មបាំង ខេត្តកោះកុង ដែលគម្រោងមួយនេះស្ថិតក្នុងតំបន់ឧទ្យានជាតិជួរភ្នំក្រវាញ កណ្តាល ឬតំបន់ខ្នងផ្សារ។

នៅយប់ថ្ងៃទី១៧ ខែកុម្ភៈ ឆ្នាំ២០២១នេះ លើទំព័រហ្វេសបុក ឧកញ៉ា ស្រី ចាន់ថន បានឲ្យដឹងថា ឡើងភ្នំខ្នងផ្សារ៥ដង់ មានគំនិតធ្វើភ្នំខ្នងផ្សារមួយនៅក្នុងសួនកំសាន្តស្កាយលែន- Skyland7NG ដើម្បីត្រៀមទទួលបងប្អូនមកលេងក្នុងឪកាសបុណ្យចូលឆ្នាំថ្មីខាងមុខនេះ។

បន្ទាប់ពីឃើញសំណេរដ៍មានអត្ថន័យ អមដោយរូបភាពស្រស់សោភាលើតំបន់ភ្នំខ្នងផ្សារ មហាជនមានការចាប់អារម្មណ៍ជាខ្លាំង។ សំណេរ​និងរូបភាពទាំងនេះហើយ​ ពិតជាអាចសន្និដ្ឋានបានថា លោកឧកញ៉ា ដែលរួមចូលកិច្ចការងារមនុស្សធម៌ ចែកទានជាមួយប្រជាជន និងរាជរដ្ឋាភិបាលរូបនេះ​ ពិតជាមិនអាចដកចិត្តពីអ្នកខេត្តកោះកុង​ តំបន់ភ្នំខ្នងផ្សារបានឡើយ៕

The post ដកចិត្តមិនរួចពីអ្នកកោះកុង​ ឧកញ៉ា ស្រី ចាន់ថន បង្ហើបគម្រោងតំបន់ទេសចរណ៍ធម្មជាតិភ្នំខ្នងផ្សារ appeared first on .

ភ្នំខ្នងផ្សារ ដែល​ពោរពេញ​ទៅ​ដោយ​សម្រស់​ធម្មជាតិ ដ៏ទាក់ទាញ ​ត្រូវបានមន្រ្តីពាក់ព័ន្ឋរួមគ្នាសិក្សា បន្ទាប់​ពីមានសំណើរសុំវិនិយោគ លើ​គម្រោង អភិវឌ្ឍន៍​ទេសចរណ៍​ធម្មជាតិ​ខ្នាត​តូច។

នៅថ្ងៃទី២២ ខែធ្នូ ឆ្នាំ២០២០ ក្រុមការងារ នៃក្រសួងបរិស្ថាន ដឹកនាំដោយលោក រ័ត្ន វិរៈ និងលោក សុ​ខេង នវិន្ទ អនុរដ្ឋលេខាធិការក្រសួងបរិស្ថាន និងមានការចូលរួមពីមន្រ្តីជំនាញ របស់​នាយកដ្ឋាន​ពាក់ព័ន្ធ ចំណុះ​ក្រសួង​បរិស្ថាន រដ្ឋបាលថ្នាក់ក្រោមជាតិ (ខេត្តកោះកុង និងខេត្តកំពង់ស្ពឺ) បានចុះពិនិត្យលើ​ទីតាំង​ស្នើសុំវិនិយោគលើគម្រោងអភិវឌ្ឍន៍ទេសចរណ៍​ធម្មជាតិខ្នាតតូច ចំនួន ៧គម្រោង ដែលមានទីតាំងស្ថិត​ក្នុង​ភូមិ​សាស្ត្រឧទ្យានជាតិក្រវាញកណ្តាល ចំណុចភ្នំខ្នងផ្សារ ឃុំប្រឡាយ ស្រុកថ្មបាំង ខេត្តកោះកុង ស្រុក​ឱរ៉ាល់ ខេត្តកំពង់ស្ពឺ និងស្ថិតក្នុងភូមិសំរោង ឃុំអមលាំង ស្រុកថ្ពង ខេត្តកំពង់ស្ពឺ។

គួរកត់សម្គាល់ថា នាពេលកន្លងមក ភ្នំខ្នងផ្សារ បានទាក់ទាញភ្ញៀវទេសចរ ជាច្រើន ក្នុងនោះមានទាំង អ្នក​តំណាងរាស្ត្រ​ ហ៊ុន ម៉ានី និងមន្រ្តីជាន់ខ្ពស់ មួយចំនួនទៀត ក៏បានទៅកំសាន្តនៅទីនោះដែរ។

តាមរយៈការពិនិត្យលើទីតាំងស្នើសុំវិនិយោគខាងលើ ត្រូវបានគេរំពឹងថា នឹងមានលទ្ឋផលល្អ ហើយអាច​ឈាន​ដល់ការអភិវឌ្ឍផ្លូវ ដែលជាមធ្យោបាយសំខាន់ ដើម្បីធ្វើដំណើរទៅកាន់ទីនោះផងដែរ៕

The post ភ្នំខ្នងផ្សារ មាន​ក្រុមហ៊ុនឯកជន ចង់​ចូលចែចូវ​អភិវឌ្ឍ appeared first on .