ការប្តេជា្ញចិត្តរួមគ្នានេះ បានធ្វើឡើងនៅក្នុងជំនួបសម្ដែង​ការ​គួរ​សម​ និងពិភាក្សាការងាររវាងលោក ឃួង ស្រេង អភិបាល​រាជធានី​ភ្នំពេញ និងលោក ឌិញ ទៀន ហ្ស៊ុង (H.E Mr. DING TIEN DUNG) សមាជិក​ការិយាល័យ​នយោបាយ នៃ​គណៈកម្មាធិការ​មជ្ឈិមបក្ស​កុម្មុយនិស្ត​វៀតណាម និង​ជា​លេខា​គណៈកម្មាធិការ​បក្ស​រដ្ឋធានី​ហាណូយ នារសៀលថ្ងៃទី២៧ ខែមេសា ឆ្នាំ២០២២ នៅសាលារាជធានីភ្នំពេញ។

បន្ថែមពីនេះក្នុងជំនួបនោះ លោក ឃួង ស្រេង បានលើកឡើង ពីស្ថានភាពរបស់រាជធានីភ្នំពេញ ដែលកំពុងតែមានការអភិវឌ្ឍន៍រីកចំរើនយ៉ាងខ្លាំងក្រោមការដឹកនាំរបស់សម្តេចតេជោហ៊ុន សែន នាយករដ្ឋមន្ត្រី ដោយ នៅភ្នំពេញ មានខណ្ឌចំនួន១៤ សង្កាត់ចំនួន១០៥ មានប្រជាពលរដ្ឋរស់នៅប្រមាណ៣លាននាក់ ក្នុងនោះមានប្រជាពលរដ្ឋរស់នៅអចិន្ត្រៃយ៍ចំនួន២,២លាននាក់ ។

ជាមួយគ្នានេះ លោក DINH TIEN DUNG ក៏បានថ្លែងការអរគុណចំពោះការស្វាគមន៍យ៉ាងកក់ក្តៅពីសំណាក់ អភិបាលរាជធានីភ្នំពេញ ចំពោះគណៈប្រតិភូជាន់ខ្ពស់រដ្ឋធានីហាណូយ នៃសាធារណរដ្ឋសង្គមនិយមវៀតណាមនាពេលនេះ ដែលពិតជាបង្ហាញអោយឃើញពីចំណងមិត្តភាពដ៏យូអង្វែងរបស់កម្ពុជានិងរៀតណាម ដែលជាអ្នកជិតខាងដ៏ល្អ៕

The post ភ្នំពេញ និងហាណូយ ប្តេជ្ញារួមគ្នាបន្តពង្រឹងកិច្ចសហប្រតិបត្តិការលើវិស័យពាណិជ្ជកម្ម ទេសចរណ៍ និងវប្បធម៌ appeared first on .