សម្រាប់អគារសិក្សាថ្មីនេះ គឺអាចទទួលសិស្សឱ្យចូលរៀនបានរហូតដល់ទៅជាង ១,៥០០ នាក់ ហើយក្នុងអគារសិក្សាទាំងមូល មានភាពធំទូលាយ និងមានបរិយាកាសស្រស់ស្រាយ។ ម្យ៉ាងវិញទៀត មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង ក៏មានការបំពាក់ទៅដោយសម្ភារបរិក្ខារទំនើបៗ និងសម្បូរបែប ដើម្បីបំពេញដល់ការសិក្សាស្រាវជ្រាវ និងធ្វើការពិសោធផ្សេងៗ ជូនដល់សិស្សានុសិស្សផងដែរ។

យ៉ាងណាមិញ ដើម្បីបំពេញដល់តម្រូវការនៃការសិក្សា និងដោយយោងទៅតាមកំណើនសិស្សានុសិស្ស ដែលចេះតែមានការកើនឡើងជាបន្តបន្ទាប់ ទើបមជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំងបើកសម្ពោធដាក់ឱ្យប្រើប្រាស់ជាផ្លូវការនូវអគារសិក្សាថ្មី សម្រាប់សាខាទួលសង្កែ នៅថ្ងៃទី២0 ខែកញ្ញា ឆ្នាំ២០២៤ នេះ។

សមិទ្ធផលអគារសិក្សាថ្មី សម្រាប់សាខាទួលសង្កែនេះ គឺជាការបង្ហាញអំពីសក្តានុពលដ៏ខ្លាំងក្លា នៃមជ្ឈមណ្ឌលភាសា អេ អាយ អាយ (Aii) និងសាលារៀន អន្តរទ្វីប អាមេរិកាំង (AIS)​ ដែលតែងតែបោះជំហានទៅមុខជានិច្ច ក្នុងគោលបំណងពង្រីកខ្លួនដោយឥតឈប់ឈរ ក្នុងវិស័យសិក្សាអប់រំ ស្របទៅតាមបរិបទថ្មីនៃយុគសម័យឌីជីថល ​និងបច្ចេកវិទ្យាដ៏ទំនើប។

ការប្រារព្ធកម្មវិធីសម្ពោធអគារសិក្សាថ្មីនាថ្ងៃនេះ មានការអញ្ជើញចូលរួមជាអធិបតីភាពពីអ្នកឧកញ៉ា វេជ្ជបណ្ឌិត គួច​ ម៉េងលី ស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃក្រុមហ៊ុន ម៉េងលី ជេ. គួច អេឌ្យូខេសិន និងលោកជំទាវ​ អ៊ឹង​ លីហុង ព្រមទាំងគណៈគ្រប់គ្រងសាលា លោកគ្រូ អ្នកគ្រូ ព្រមទាំងបុគ្គលិកគ្រប់ផ្នែកជាច្រើនរូបទៀត។

ជាការពិតណាស់ មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង គឺជាសាលារៀនដ៏ទំនើប និងឈានមុខគេមួយ ដែលទទួលសិស្សានុសិស្ស ចាប់ពីថ្នាក់ក្រោមមតេ្តយ្យសិក្សា រហូតដល់ថ្នាក់ទី១២ អ្វីដែលកាន់តែពិសេស មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប​ អាមេរិកាំង មានការបន្ថែមជូននូវកម្មវិធីសិក្សាពិសេសៗ ជាច្រើន ដោយរួមមាន មុខវិជ្ជាបំណិនជីវិត មុខវិជ្ជាជំនាញជម្រើសដ៏សម្បូរបែប ដូចជា គំនូរ របាំ តន្រី្ត កំណាព្យ គេហវិទ្យា ហត្ថកម្ម​ អប់រំកាយ និងកីឡា។

ចំណែកប្រភេទកីឡា មានដូចជា ល្បុក្កតោ ការ៉ាតេ តេក្វាន់ដូ បាល់បោះ បាល់ទះ វាយកូនឃ្លីលើតុ វាយកូនបាល់ ហែលទឹក និងកីឡាផ្សេងៗទៀត។ មិនត្រឹមតែប៉ុណ្ណោះ មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង ដ៏មានប្រជាប្រិយភាពនេះ ក៏មានការបញ្ចូលនូវការអប់រំសុខភាព ចំណេះដឹងផ្នែកហិរញ្ញវត្ថុ និងមុខវិជ្ជាកុំព្យូទ័រ ភ្ជាប់ដោយប្រព័ន្ធអ៊ីនធឺណិត បណ្ណាល័យសិក្សាស្រាវជ្រាវ និងមានឯកសារគ្រប់កម្រិត គ្រប់ជំនាញ។

ក្នុងអគារសិក្សា មានបន្ទប់ស្រាវជ្រាវ បន្ទប់សិក្សា ព្រមទាំងមានបន្ទប់ពិសោធ ដែលបំពាក់ដោយគ្រឿងបរិក្ខារ ទំនើបៗ និងមានផាសុកភាព។ ចំពោះលោកគ្រូ អ្នកគ្រូ ក៏មានក្រមសីលធម៌វិជ្ជាជីវៈ គរុកោសល្យ និងបទពិសោធខ្ពស់ ក្នុងការបង្រៀន ដោយមានការផ្សារភ្ជាប់ទៅនឹងបទពិសោធជាក់ស្តែង ទាំងនៅក្នុងថ្នាក់ផ្ទាល់ និងនៅក្រៅថ្នាក់ ដែលធ្វើឱ្យសិស្សានុសិស្ស មានការងាយយល់​ ស្រួលចងចាំ និងមានភាពច្នៃប្រឌិតខ្ពស់។

ជាងនេះទៅទៀត មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង មានការផ្តល់ជូននូវសេវាកម្មប្រឹក្សាពិនិត្យសុខភាព ការព្យាបាលជំងឺ និងសេវាកម្មប្រឹក្សាយោបល់ទៅលើការសិក្សាអប់រំផ្សេងៗផង ដែរ។ មួយវិញទៀត ក៏មានសេវាកម្មដឹកជញ្ជូន ប្រកបដោយសុវត្ថិភាពខ្ពស់ និងមានផាសុកភាព។ ជាពិសេស មានការបន្ថែមជូននូវកម្មវិធីដំណើរទស្សនកិច្ចសិក្សា និងវគ្គសិក្ខាសាលាបណ្តុះបណ្តាលផ្សេងៗ។​ មិនត្រឹមតែប៉ុណ្ណោះ មានកម្មវិធីប្រកួតប្រជែងផ្សេងៗជាច្រើនដូចជា ការប្រកួតគូរគំនូរ ការតាំងពិព័រណ៍ស្នាដៃសិស្ស ការប្រកួតចំណេះដឹងភូមិសាស្រ្តជាតិ ការប្រកួតនិទានរឿងជាភាសាអង់គ្លេស ការប្រកួតពន្យល់ពាក្យជាភាសាខ្មែរ ការប្រកួតទៅលើការអាន និងតែងអត្ថបទជាភាសាខ្មែរ ការប្រកួតវប្បធម៌-អរិយធម៌ខ្មែរ ការប្រកួតកីឡា ការប្រឡងសិស្សពូកែ ម៉េងលី ជេ. គួច ប្រចាំឆ្នាំសិក្សា ការប្រឡងសិស្សពូកែអាហារូបករណ៍ ម៉េងលី ជេ. គួច ការប្រឡងតែងសេចក្តី និងការចូលរួមសកម្មភាពសង្គមផ្សេងៗ ដោយរួមមាន កម្មវិធីសប្បុរសធម៌ កម្មវិធីរៃអង្គាសថវិកា និងកម្មវិធីផ្សេងៗទៀតជាច្រើន។

មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង ផ្តល់ជូននូវថ្នាក់ភាសាបរទេសជាច្រើនភាសា និងថ្នាក់សិក្សាចំណេះដឹងទូទៅបែបខ្មែរ-អាមេរិកាំង ដំបូងគេបង្អស់នៅក្នុងព្រះរាជាណាចក្រកម្ពុជា ហើយក៏មានកម្មវិធីសិក្សាដ៏សម្បូរបែប ទាំងក្នុង និងក្រៅថ្នាក់រៀន ដែលអាចឱ្យសិស្សានុសិស្ស ជ្រើសរើសប្រកបដោយទំនុកចិត្តខ្ពស់ ដើម្បីអនាគតដ៏ត្រចះត្រចង់របស់ពួកគាត់។ ដើម្បីជាការលើកទឹកចិត្តដល់សិស្សានុសិស្ស ដែលបានមកចុះឈ្មោះសិក្សានៅសាខាទួលសង្កែនេះ សាលាក៏មានការផ្តល់ជូនអាហារូបករណ៍រហូតដល់១០%ផងដែរ។

ចំពោះការបើកសម្ពោធអគារសិក្សាថ្មី សម្រាប់សាខាទួលសង្កែនេះ គឺដោយយោងទៅតាមតម្រូវការនៃ សិស្សានុសិស្សនៅក្នុងតំបន់នេះ មានលក្ខណៈអំណោយផលល្អជាខ្លាំង ទើបមជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង បើកសម្ពោធដាក់ឱ្យប្រើប្រាស់ជាផ្លូវការ នូវអគារសិក្សាថ្មី ដើម្បីបំពេញដល់សេចក្តីត្រូវការរបស់សិស្សានុសិស្ស និងអ្នកអាណាព្យាបាលដែលកំពុងរស់នៅជុំវិញតំបន់ទួលសង្កែនេះ។

សម្រាប់ព័ត៌មានបន្ថែម សូមទាក់ទងតាមរយៈទូរសព្ទលេខ ០១១ ៩៦៨ ៤៩៤
ឬទាក់ទងតាមរយៈអ៊ីមែល info@aii.edu.kh ឬ info@ais.edu.kh

The post មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង បើកសម្ពោធដាក់ឱ្យប្រើប្រាស់ជាផ្លូវការ អគារសិក្សាថ្មី សាខាទួលសង្កែ appeared first on .

សាខាថ្មីនេះ គឺជាសាខាទី 21 និង 22 ដែលស្ថិតក្នុងគម្រោងពង្រីកវិសាលភាពរបស់Aii និង​ AIS ហើយត្រូវបានដាក់សម្ពោធដើម្បីឆ្លើយតបទៅនឹងតម្រូវការអប់រំដែលកំពុងកើនឡើងនៅក្នុងតំបន់ពីសំណាក់សិស្សានុសិស្ស និងអ្នកអាណាព្យាលបាល។

Aii នឹងទទួលស្វាគមន៍សិស្សានុសិស្សមកកាន់សាខាចំការដូងសម្រាប់វគ្គសិក្សាថ្មីទី 85 នៅថ្ងៃទី២៥ ខែកញ្ញា ឆ្នាំ២០២៤ ហើយ AIS នឹងទទួលសិស្សានុសិស្សសម្រាប់បវេសនកាលឆ្នាំសិក្សាថ្មី២០២៤-២០២៥ នៅថ្ងៃទី០៧ ខែតុលា ឆ្នាំ២០២៤។

សិស្សថ្មីទាំងអស់ដែលចុះឈ្មោះចូលរៀននៅ Aii នឹងទទួលបានអាហារូបករណ៍រហូតដល់ 40% សម្រាប់ការចុះឈ្មោះឆ្លងកម្មវិធី និងការចុះឈ្មោះជាក្រុម។ នេះគឺជាការប្តេជ្ញាចិត្តរបស់សាលា ក្នុងការផ្តល់ឱកាសឱ្យសិស្សានុសិស្សដែលមកពីគ្រួសារដែលមានប្រាក់ចំណូលទាប ដល់មធ្យមអាចទទួលបានការសិក្សាប្រកបដោយគុណភាព។

ស្ថិតនៅក្នុងតំបន់ដែលកំពុងមានកំណើនសក្តានុពលនៃរាជធានីភ្នំពេញ សាខាចំការដូង ហ៊ុមព័ទ្ធទៅដោយ ផ្សារ ធនាគារ ភោជនីយដ្ឋាន មន្ទីរពេទ្យ និង​កន្លែង​កម្សាន្ត​ជា​ច្រើន​​​ ហើយអាចធ្វើដំណើរទៅមកបានយ៉ាងងាយស្រួល។ ការរចនាស្ថាបត្យកម្មអគារសិក្សាសម្រាប់សាខាថ្មីនេះ មានរាងជាអក្សរ U ដែលតំណាងលើការប្តេជ្ញាចិត្តរបស់ Aii និង​ ​AIS ក្នុងការផ្តល់ការអប់រំប្រកបដោយគុណភាពដល់​សិស្សានុសិស្ស​នៅ​ក្នុង​សហគមន៍​អ្នកសិក្សា​នៅ​សតវត្សរ៍​ទី​២១​។​

ពិធីនេះបានប្រព្រឹត្តទៅយ៉ាងអធិកអធម ដោយមានវត្តមានអ្នកឧកញ៉ា​ វេជ្ជបណ្ឌិត គួច ម៉េងលី ដែលជាស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ ក្រុមហ៊ុន​ ម៉េងលី ជេ. អេឌ្យូខេសិន (MJQE)​ ក្រុមប្រឹក្សាភិបាល ​លោក ឡាយ សុភា ប្រធាន នៃមជ្ឈមណ្ឌលភាសា អេ អាយ អាយ​ ​(Aii) លោកស្រី រស់ យ៉ាណា ប្រធាន នៃ​​សាលារៀន អន្ដរទ្វីប អាមេរិកាំង (AIS) ​មាន​កា​រ​ចូល​រួម​ដោយ​គណៈកម្មការកម្មវិធីសិក្សារបស់ Aii និង AIS និងថ្នាក់ដឹកនាំនៃ MJQE ជាច្រើនទៀតផងដែរ។

អ្នកឧកញ៉ា វេជ្ជបណ្ឌិត គួច ម៉េងលី ដែលជាស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃ​ក្រុមហ៊ុន​​ ម៉េងលី ជេ. អេឌ្យូខេសិន​ បាន​មាន​ប្រសាសន៍​ថា​៖ «ការសម្ពោធសាខាចំការដូងនេះ គឺជាការបោះជំហានឆ្ពោះទៅមុខយ៉ាងសំខាន់មួយទៀតរបស់យើងក្នុងបេសកកម្មផ្តល់ការអប់រំដែលមានគុណភាពពិតប្រាកដ ដើម្បីអប់រំសិស្សានុសិស្សទូទាំងប្រទេសកម្ពុជា ដើម្បីឱ្យពួកគាត់អាចមានសមត្ថភាពក្នុងការចាប់យកឱកាសនានានៅទូទាំងពិភពលោក»។

Aii សាខាចំការដូង ផ្តល់ជូននូវកម្មវិធីភាសាដ៏ទូលំទូលាយ រួមទាំងភាសាអង់គ្លេស និងភាសាចិន ចាប់ពីកម្រិតមត្តេយ្យសិក្សា រហូតដល់កម្រិតឌីប្លូម។ ដើម្បីធានាបានថាសិស្សានុសិស្សនៅគ្រប់ដំណាក់កាលនៃដំណើរសិក្សារបស់ពួកគេទទួលបានការណែនាំប្រកបដោយគុណភាពខ្ពស់បំផុត និងត្រួសត្រាយពួកគេសម្រាប់ភាពជោគជ័យនៅក្នុងសកលភាវូបនីយកម្ម។

គុណភាពអប់រំនៅតែជាតម្លៃស្នូល

ការប្តេជ្ញាចិត្តក្នុងការផ្តល់គុណភាពអប់រំរបស់ មជ្ឈមណ្ឌលភាសា អេ អាយ អាយ (Aii) និងសាលារៀន អន្ដរទ្វីប អាមេរិកាំង (AIS) និងក្រុមហ៊ុន ម៉េងលី ជេ. គួច អេឌ្យូខេសិន (MJQE) គឺលើសពីការអប់រំនៅថ្នាក់រៀន។ ថ្មីៗនេះ សន្និសីទនែការបង្រៀនថ្នាក់ជាតិលើកដំបូងរបស់ប្រទេសកម្ពុជា ត្រូវបានរៀបចំឡើងដើម្បីជម្រុញការពិភាក្សា និងអប់រំលើបច្ចេកវិទ្យា និងឌីជីថលនៅទូទាំងប្រទេស។ 

នាពេលថ្មីៗនេះ «ព្រឹត្តិការណ៍រត់ដើម្បីសប្បុរសធម៌លក្ខណៈគ្រួសារ (Family Fun Run)»​ បានដឹកនាំសិស្សានុសិស្ស ក្រុមគ្រួសារ និងសហគមន៍នៅតំបន់ចំការដូងមកជុំគ្នា ដើម្បីលើកកម្ពស់សុខុមាលភាព  និងរៃអង្គាសថវិកាសម្រាប់សកម្មភាពសប្បុរសនៅក្នុងតំបន់នេះ។ ព្រឹត្តិការណ៍ទាំងនេះបង្ហាញពីការប្តេជ្ញាចិត្តរបស់ Aii,​ AIS និង MJQE ក្នុងការចូលរួមសហគមន៍ ដោយឆ្លុះបញ្ចាំងពីបេសកកម្មដ៏ធំរបស់ខ្លួនក្នុងការរួមចំណែកជាវិជ្ជមានដល់សង្គមកម្ពុជា។

សម្រាប់ព័ត៌មានបន្ថែមអំពី Aii និង AIS សូមទាក់ទងតាមរយៈទូរសព្ទលេខ 077 212 610 ឬ​ទាក់ទង​តាម​រយៈអ៊ីមែល info@aii.edu.kh ឬ info@ais.edu.kh​​​។

Aii និង AIS គឺជាគ្រឹះស្ថានអប់រំឈានមុខគេមួយនៅប្រទេសកម្ពុជា ដែលផ្តល់ជូននូវកម្មវិធី និងវគ្គសិក្សាយ៉ាងសម្បូរបែបលើជំនាញភាសាអង់គ្លេស ចិន ថៃ និងថ្នាក់ចំណេះទូទៅខ្មែរ ។ ដោយមានការប្តេជ្ញាចិត្តយ៉ាងមុតមាំលើការផ្តល់ការអប់រំប្រកបដោយគុណភាព និងភាពជោគជ័យរបស់សិស្សានុសិស្ស Aii និង AIS ទទួលបានកេរ្តិ៍ឈ្មោះ និងទំនុកចិត្តក្នុងការផ្តល់ការអប់រំលើជំនាញភាសា និងថ្នាក់ចំណេះទូទៅខ្មែរ៕

The post មជ្ឈមណ្ឌលភាសា អេ អាយ អាយ និងសាលារៀន អន្ដរទ្វីប អាមេរិកាំង ពង្រីកវិសាលភាពនៃគុណភាពអប់រំនៅសាខាចំការដូង appeared first on .

គោលបំណងនៃការប្រារព្ធពិធីនេះឡើង គឺដើម្បីចូលរួមចំណែកក្នុងការអប់រំផ្សព្វផ្សាយឱ្យប្អូនៗសិស្សានុសិស្ស និងសាធារណៈជនទូទៅមានការយល់ដឹងបន្ថែមអំពីវិធីងាយៗក្នុងការទុកដាក់សំរាមឱ្យបានត្រឹមត្រូវ មានសណ្តាប់ធ្នាប់ល្អ មានភាពងាយស្រួលក្នុងការប្រមូលទុកដាក់ ផ្តល់អនាម័យភាព និងសុខុមាលភាពល្អក្នុងការរស់នៅ ទាំងនៅក្នុងលំនៅផ្ទាល់ខ្លួន ទាំងនៅទីសាធារណៈ ជាពិសេសគឺបំផុសស្មារតីឱ្យមហាជនចូលរួមចំណែកក្នុងការលើកកម្ពស់សោភ័ណភាពទីក្រុង និងផ្តល់ជាគំរូល្អក្នុងការចួលរួមចំណែកថែរក្សាអនាម័យបរិស្ថានសម្រាប់ ប្រទេសកម្ពុជា។

ការប្រារព្ធទិវាបរិស្ថានថ្ងៃនេះ ត្រូវបានរៀបចំឡើងដោយមានការចូលរួមពីសំណាក់ លោក ជិន ប៊ុនធឿន អភិបាលនៃគណៈអភិបាលខណ្ឌឫស្សីកែវ ចៅសង្កាត់ អាជ្ញាធរ បុគ្គលិក និងរថយន្តនៃក្រុមហ៊ុនគ្រប់គ្រងសំណល់សំរាម និងសំណល់រឹង 800Super-GAEA Cambodia និងអ្នកពាក់ព័ន្ធជាច្រើនរូបទៀត ហើយសមាជិកដែលបានចូលរួម មានទឹកមុខញញឹមស្រស់ស្រាយ និងខិតខំបំពេញបេសកកម្មយ៉ាងសស្រាក់សស្រាំគួរជាទីរីករាយក្រៃលែង។

លោក ពៅ ភក្តី នាយកចាងហ្វាង នៃសាលារៀន អន្តរទ្វីប អាមេរិកាំង សាខាទួលសង្កែ បានមានមតិសំណេះសំណាល និងថ្លែងអំណរគុណចំពោះគណៈអធិបតី និងអ្នកដែលបានចូលរួមទាំងអស់ ដែលបានចំណាយពេលវេលាដ៏មានតម្លៃ ទាំងកម្លាំងកាយ និងកម្លាំងចិត្ត ដើម្បីចូលរួមក្នុងទិវាបរិស្ថាននាថ្ងៃនេះ ឱ្យមានការប្រព្រឹត្តទៅដោយរលូន។ ស្ថិតនៅក្នុងពិធីនោះ លោកបានបញ្ជាក់ផងដែរថា ការចូលរួមនៅក្នុងថ្ងៃនេះត្រូវបានបែងចែកទៅតាមក្រុមនីមួយៗដោយមានភាពត្រឹមត្រូវ និងច្បាស់លាស់ នៅតាមទីតាំងផ្សេងៗគ្នារៀងៗខ្លួន។

ជាចុងក្រោយ លោកក៏បានថ្លែងអំណរគុណ និងជូនពរចំពោះគណៈអធិបតី និងអ្នកស្ម័គ្រចិត្តចូលរួមទាំងអស់ ដែលបានខិតខំចំណាយពេលវេលា ទាំងកម្លាំងកាយ និងកម្លាំងចិត្ត ក្នុងការចូលរួមក្នុងយុទ្ធនាការដ៏ពិសេសមួយនេះ។

គួរជម្រាបជូនថា មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង តែងតែប្រារព្ធពិធីនេះឡើងជាប្រចាំដើម្បីជាប្រយោជន៍ក្នុងការជួយបំផុស និងក្រើនរំឭកដល់សាធារណៈជនទូទៅ ដែលរស់នៅក្នុងសង្គម ឱ្យមានស្មារតីចូលរួមស្រឡាញ់ ថែរក្សា និងការពារបរិស្ថានឱ្យបានល្អគ្រប់ៗគ្នា ហើយជាពិសេសក៏មានការចូលរួមចំណែកយ៉ាងសកម្មក្នុងការការពារបរិស្ថាន​ជាមួយអាជ្ញាធរដែនដី ដើម្បីសង្គមជាតិកាន់តែប្រសើរឡើង។ មួយវិញទៀត ព្រឹត្តិការណ៍ដ៏សំខាន់នេះគឺជាការបង្ហាញពីស្មារតីរបស់មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង ដែលតែងតែណែនាំ បង្ហាត់បង្ហាញ និងដឹកនាំសិស្សានុសិស្ស ដើម្បីធ្វើជាគំរូ និងជាទម្លាប់ដ៏ល្អប្រសើរស្របទៅនឹងការសិក្សាអប់រំផ្សារភ្ជាប់នឹងការអនុវត្តជាក់ស្តែងក្នុងសង្គមផងដែរ៕

The post មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំងប្រារព្ធទិវាបរិស្ថាននៅសាខាទួលសង្កែ appeared first on .

ព្រឹត្តិការណ៍រត់ដើម្បីសប្បុរសធម៌លក្ខណៈគ្រួសារ (Family Fun Run) ដែលរៀបចំដោយ មជ្ឈមណ្ឌលភាសា អេ អាយ អាយ (Aii) និងសាលារៀន អន្តរទ្វីប អាមេរិកាំង (AIS) ត្រូវបានរៀបចំឡើងដើម្បីលើកកម្ពស់សុខុមាលភាព សុខភាព និងការធ្វើលំហាត់ប្រាណជាលក្ខណៈគ្រួសារជូនដល់សិស្សានុសិស្ស បុគ្គលិក អ្នកអាណាព្យាលបាល និងសាធារណជន និងដើម្បីរៃអង្គាសថវិកាដើម្បីឱ្យមូលនិធិ ម៉េងលី ជេ. គួច អាចប្រើប្រាស់ក្នុងសកម្មភាពសប្បុរសធម៌ជួយសហគមន៍ចំការដូង និងផ្តល់ឱកាសដល់គ្រូបង្រៀនអាចចូលរួម សន្និសីទនៃការបង្រៀនថ្នាក់ជាតិ។

ការប្តេជ្ញាចិត្តក្នុងការពង្រឹងសហគមន៍នៅកម្ពុជា៖

លោកស្រី នៅ សុជ្ជណា នាយិកា នៃមជ្ឈមណ្ឌលភាសា អេ អាយ អាយ សាខាចំការដូង បានមានប្រសាសន៍ថា ព្រឹត្តិការណ៍រត់ដើម្បីសប្បុរសធម៌លក្ខណៈគ្រួសារនេះជាសក្ខីភាពមួយដែលសបញ្ចាក់ពីការរួបរួម សាមគ្គីភាព របស់បណ្តាដៃគូ និងអ្នកឧបត្ថម្ភកម្មវិធីរបស់យើងក្នុងបុព្វហេតុសង្គម នៅក្នុងសហគមន៍របស់យើង៖ «សម្រាប់មជ្ឈមណ្ឌលភាសា អេ អាយ អាយ (Aii) និងសាលារៀន អន្តរទ្វីប អាមេរិកាំង (AIS) ពួកយើងតែងតែដឹកនាំសិស្សានុសិស្ស និងលោកគ្រូ អ្នកគ្រូរបស់យើងក្នុងសកម្មភាពសង្គមជាប្រចាំ ក្រោមការដឹកនាំប្រកបដោយចក្ខុវិស័យរបស់ អ្នកឧកញ៉ា វេជ្ជបណ្ឌិត គួច ម៉េងលី ដែលជាស្ថាបនិក​ ប្រធាន​​ក្រុម​​ប្រឹក្សា​ភិបាល​ និង​អគ្គនាយក​ប្រតិបត្តិ​ របស់ក្រុមហ៊ុន ម៉េងលី ជេ. គួច អេឌ្យូខេសិន។»

គួររំលឹកថា Aii និង AIS គ្រោងនឹងសម្ពោធសាខាទី 21 និង 22 របស់ខ្លួននៅតំបន់ចំការដូងនៅថ្ងៃទី១៦ ខែកញ្ញា ឆ្នាំ២០២៤។

ភាពជោគជ័យដែលសម្រេចបាន៖

• គាំទ្រសកម្មភាពសប្បុរសធម៌៖ យើងបានរៃអង្គាសថវិកាដើម្បីជួយនៅតំបន់ចំការដូង តាមរយៈមូលនិធិ ម៉េងលី ជេ. គួច។
• លើកកម្ពស់ការយល់ដឹងពីសុខភាព និងភាពរីករាយ៖ លើកកម្ពស់ការយល់ដឹងពីសុខភាព និងសុខុមាលភាពតាមបែបបទថ្មី។
• ភាពជាដៃគូ៖ សូមអរគុណដល់ដៃគូ និងអ្នកឧបត្ថម្ភរបស់យើងដែលបានចូលរួម នឹងបានបង្ហាញពីស្មារតីទំនួលខុសសង្គម ជាមួយនឹងការលេងកីឡានៅក្នុងព្រឹត្តិការណ៍កីឡាដ៏មានអត្ថន័យនេះ។

សកម្មភាពសំខាន់ៗរបស់ ព្រឹត្តិការណ៍រត់ដើម្បីសប្បុរសធម៌លក្ខណៈគ្រួសារ៖

ត្រូវបានរៀបចំឡើងនៅថ្ងៃទី១៧ ខែសីហា ឆ្នាំ២០២៤ ចាប់ពីម៉ោង០៦:៤៥ព្រឹក ដល់ម៉ោង០៩:០០ព្រឹក នៅសាកលវិទ្យាល័យភូមិន្ទកសិកម្ម រត់ចម្ងាយ ៣គីឡូម៉ែត្រ កីឡាករ និងកីឡាការិនីប្រមាណ ៥០០នាក់បានចូលរួមក្នុងនោះមានដូចជា លោកគ្រូ អ្នកគ្រូ បុគ្គលិក អ្នកអាណាព្យាលបាល សិស្សានុសិស្ស​និងសាធារណជន។

ព្រឹត្តិការណ៍នេះគឺជាឱកាសដ៏អស្ចារ្យមួយក្នុងការលើកកម្ពស់សុខភាព និងសុខុមាលភាព ខណៈពេលដែលការរៃអង្គាសថវិកាគឺដើម្បីគាំទ្រគម្រោងសប្បុរសធម៌របស់មូលនិធិ ម៉េងលី ជេ. គួច។

Aii និង AIS គឺជាគ្រឹះស្ថានអប់រំឈានមុខគេមួយនៅប្រទេសកម្ពុជា ដែលផ្តល់ជូននូវកម្មវិធី និង​វគ្គ​សិក្សា​យ៉ាង​សម្បូរ​បែប​លើ​ជំនាញ​ភាសាអង់គ្លេស ចិន ថៃ និងថ្នាក់ចំណេះទូទៅខ្មែរ ។ ដោយ​មានការប្តេជ្ញាចិត្ត​យ៉ាង​មុតមាំលើការផ្តល់ការអប់រំប្រកបដោយគុណភាព និងភាពជោគជ័យរបស់សិស្សានុសិស្ស Aii និង AIS ទទួលបានកេរ្តិ៍ឈ្មោះ និង​ទំនុក​ចិត្ត​ក្នុង​ការ​ផ្តល់​ការ​អប់រំ​លើ​ជំនាញ​ភាសា​ និងថ្នាក់ចំណេះទូទៅខ្មែរ៕​

សម្រាប់ព័ត៌មានបន្ថែមពី Aii សូមទាក់ទងមក៖

លោក ស៊ូ ពិសែន

ប្រធានផ្នែកផ្សព្វផ្សាយ និងទីផ្សារ

មជ្ឈមណ្ឌលភាសា អេ អាយ អាយ (Aii)

+855 12 920 028

pisen.sou@aii.edu.kh

The post ព្រឹត្តិការណ៍រត់ដើម្បីសប្បុរសធម៌លក្ខណៈគ្រួសារ របស់ Aii និង AIS ដឹកនាំសហគមន៍លើកកម្ពស់សុខុមាលភាព និងរួមគ្នាក្នុងស្មារតីសប្បុរស! appeared first on .

កម្មវិធីនេះមានការអញ្ជើញចូលរួមពី អ្នកឧកញ៉ា វេជ្ជបណ្ឌិត គួច ម៉េងលី ដែលជាស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃក្រុមហ៊ុន ម៉េងលី ជេ. អេឌ្យូខេសិន គណៈកម្មការកម្មវិធីសិក្សា​ មាតាបិតា សិស្សានុសិស្ស រួមជាមួយភ្ញៀវកិត្តិយសជាច្រើនទៀត។

មជ្ឈមណ្ឌលភាសា អេ អាយ អាយ (Aii) សាខាជ្រោយចង្វា ផ្តល់ជូននូវកម្មវិធីភាសាអង់គ្លេស ចិន និងភាសាថៃ ក៏ដូចជាវគ្គត្រៀមប្រលង TOEFL សម្រាប់អ្នកសិក្សាគ្រប់វ័យ។ អគារថ្មីនេះ មានទីតាំងនៅផ្ទះលេខ EX136 ផ្លូវជាតិលេខ 6A សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ហើយនឹងអាចស្វាគមន៍សិស្សានុសិស្សបន្ថែមឱ្យចូលរៀនកាន់តែច្រើនឡើង និងលើកកម្ពស់បទពិសោធសិក្សាបន្ថែមទៀត។ សម្រាប់អគារសិក្សាថ្មីបន្ថែមនេះនឹងប្រើប្រាស់សម្រាប់សិស្សានុសិស្សក្នុងកម្មវិធី Pre-kid Program និង Kid-Program។

លោក ផូ សុផេន នាយក មជ្ឈមណ្ឌលភាសា អេ អាយ អាយ (​Aii) សាខាជ្រោយចង្វារ មានប្រសាសន៍ថា៖ «យើងមានសេចក្តីរំភើបរីករាយក្នុងការដាក់សម្ពោធដំណើរការអគារសិក្សាថ្មីរបស់យើង ដែលនឹងអាចឱ្យយើងបំពេញតម្រូវការនៃការអប់រំភាសាប្រកបដោយគុណភាពជូនសហគមន៍ជ្រោយចង្វារ» ។ «ការសម្ពោធអគារសិក្សាថ្មីនេះ គឺជាសក្ខីភាពមួយនៃចក្ខុវិស័យរបស់មជ្ឈមណ្ឌលភាសា អេ អាយ អាយ (Aii) ក្នុងការផ្តល់ការអប់រំ និងចូលរួមដល់ការអភិវឌ្ឍជំនាញភាសានៅកម្ពុជា។»

អគារថ្មីនេះនឹងចាប់ផ្តើមស្វាគមន៍សិស្សានុសិស្សចាប់ពីកម្រិត Pre-kid 01 ដល់ Kid 04 នៅថ្ងៃទី១០ ខែកក្កដា ឆ្នាំ២០២៤ សម្រាប់វគ្គសិក្សាថ្មីទី84។ ការប្តេជ្ញាចិត្តរបស់ មជ្ឈមណ្ឌលភាសា អេ អាយ អាយ (Aii) ក្នុងការផ្តល់ជូននូវកម្មវិធីសិក្សាបែបអាមេរិកាំង និងផ្តោតលើការផ្តល់បរិយាកាសសិក្សាដែលជាគោលតម្លៃស្នូលរបស់​សាខា​ជ្រោយ​ចង្វារ។

សម្រាប់ព័ត៌មានបន្ថែមអំពីមជ្ឈមណ្ឌលភាសា អេ អាយ អាយ (Aii) និងកម្មវិធីសិក្សា សូមចូលទៅកាន់គេហទំព័ររបស់ https://www.aii.edu.kh/ ឬទំព័រហ្វេសប៊ុកផ្លូវការរបស់យើង @aii.mjqeducation។

សម្រាប់ព័ត៌មានបន្ថែមពី Aii សូមទាក់ទងមក៖ លោក ស៊ូ ពិសែន

ប្រធានផ្នែកផ្សព្វផ្សាយ និងទីផ្សារមជ្ឈមណ្ឌលភាសា អេ អាយ អាយ (Aii)

+855 12 920 028pisen.sou@aii.edu.kh

The post មជ្ឈមណ្ឌលភាសា Aii សម្ពោធអគារទីពីរ សាខាជ្រោយចង្វារ appeared first on .