ប្រមុខការទូតអាមេរិក គ្រោងបំពេញទស្សនកិច្ចនៅតំបន់មជ្ឈិមបូព៌ា

ឧកញ៉ាសំពៅ — Thu, 04 Jan 2024 06:49:18 +0000

រដ្ឋមន្ត្រីការបរទេសអាមេរិក លោក Antony Blinken នឹងចាប់ផ្ដើមបំពេញទស្សនកិច្ចទៅកាន់តំបន់មជ្ឈិមបូព៌ា ដោយមានការឈប់ចុះចតនៅប្រទេសអ៊ីស្រាអែល មុនបន្តដំណើរទៅកាន់ទីក្រុងផ្សេងៗ។

យោងតាមការចុះផ្សាយពីសារព័ត៌មាន Reuters បានបង្ហាញថា លោក Blinken នឹងចាកចេញពីទឹកដីសហរដ្ឋអាមេរិក នាយប់ថ្ងៃព្រហស្បតិ៍នេះ និងគ្រោងបំពេញទស្សនកិច្ចនៅទីក្រុងជាច្រើនក្នុងតំបន់មជ្ឈិមបូព៌ា រួមទាំងអ៊ីស្រាអែលផង។

ជាមួយគ្នា រដ្ឋមន្ត្រីអាមេរិកមួយរូបសុំមិនបញ្ចេញឈ្មោះ បានប្រាប់ទៅកាន់បណ្ដាញសារព័ត៌មានថា បេសកជនការទូតអាមេរិក លោក Amos Hochstein ក៏នឹងធ្វើដំណើរទៅកាន់ប្រទេសអ៊ីស្រាអែល ដើម្បីធ្វើការដើម្បីបន្ធូរបន្ថយភាពតានតឹងរវាងអ៊ីស្រាអែល និងក្រុមហេសបូឡានៅប្រទេសលីបង់ ត្រូវជាបុត្រសម្ព័ន្ធរបស់ក្រុមហាម៉ាស។

សូមជម្រាបដែរថា ដំណើរទស្សនកិច្ចរបស់លោក Blinken កើតមានឡើង ក្រោយប្រធានាធិបតីអាមេរិក លោក ចូ បៃដិន បាននិយាយទៅកាន់នាយករដ្ឋមន្ត្រីអ៊ីស្រាអែល លោក Benjamin Netanyahu កាលពីពេលថ្មីៗថា លោកនឹងធ្វើការឲ្យកាន់តែស៊ីជម្រៅ ដើម្បីផ្គត់ផ្គង់ជំនួយមនុស្សធម៌ និងអំពាវនាវឲ្យមានការដោះលែងចំណាប់ខ្មាំង ដែលឃុំឃាំងដោយក្រុមហាម៉ាស៕

The post ប្រមុខការទូតអាមេរិក គ្រោងបំពេញទស្សនកិច្ចនៅតំបន់មជ្ឈិមបូព៌ា appeared first on .

តម្រូវការធ្វើដំណើរជុំវិញពិភពបានធ្លាក់ចុះ បន្ទាប់ពីជម្លោះរវាងអ៊ីស្រាអែល និងក្រុមហាម៉ាស បានឆេះឡើង

monyokn — Fri, 10 Nov 2023 07:36:02 +0000

ការកក់ជើងហោះហើរអន្តរជាតិជុំវិញពិភពលោក បានធ្លាក់ចុះចាប់តាំងពីការចាប់ផ្តើមនៃជម្លោះរវាងអ៊ីស្រាអែល និងក្រុមហាម៉ាស់ ខណៈដែលអ្នកដំណើរ បានលុបចោលការធ្វើដំណើរទៅកាន់តំបន់មជ្ឈិមបូព៌ា និងជុំវិញពិភពលោក នេះបើយោងតាមក្រុមហ៊ុនវិភាគការធ្វើដំណើរ ForwardKeys ។

អនុប្រធានផ្នែកវិភាគការធ្វើដំណើរនៅ ForwardKeys លោក Olivier Ponti បាននិយាយនៅក្នុងសេចក្តីថ្លែងការណ៍មួយថា សង្រ្គាមនេះគឺជាមហន្តរាយ ទុក្ខព្រួយ និងជាសោកនាដកម្មដ៏ឈឺចាប់របស់មនុស្ស ដែលយើងរាល់គ្នាជុំវិញពិភពលោក កំពុងឃើញរៀងរាល់ថ្ងៃនៅលើអេក្រង់ទូរទស្សន៍។ កត្តានេះហើយជាហេតុ ដែលធ្វើអោយមនុស្សមួយចំនួន ឈប់ធ្វើដំណើរទៅកាន់តំបន់មជ្ឈឹមបូព៌ា ហើយក៏បានបណ្តាលឲ្យអ្នកដំណើរបាត់បង់ទំនុកចិត្ត ក្នុងការធ្វើដំណើរទៅកន្លែងផ្សេងៗទៀតផងដែរ។

បើយោងទៅតាមទិន្នន័យសំបុត្រហោះហើរពី ForwardKeys ដដែលបានឱ្យដឹងថា ក្នុងរយៈពេលបីសប្តាហ៍ បន្ទាប់ពីការវាយប្រហារកាលពីថ្ងៃទី៧ ខែតុលា ការកក់ជើងហោះហើរអន្តរជាតិ ពីទ្វីបអាមេរិកបានធ្លាក់ចុះចំនួន ១០% បើធៀបនឹងចំនួនសំបុត្រដែលបានលក់ចេញ រយៈពេលបីសប្តាហ៍មុនការវាយប្រហារ។

មិនត្រឹមតែប៉ុណ្ណោះ រយៈពេលបីសប្តាហ៍ដូចគ្នាបន្ទាប់ពីការវាយប្រហារ ប្រជាជននៅតំបន់មជ្ឈិមបូព៌ា បានធ្វើដំណើរតិចជាងមុន ដោយបានធ្លាក់ចុះ ៩% ចំណែកការកក់ជើងហោះហើរអន្តរជាតិ ដើម្បីធ្វើដំណើរទៅកាន់តំបន់មជ្ឈឹមបូព៌ាវិញ ក៏បានធ្លាក់ចុះ ២៦% ផងដែរ។

ជម្រាបផងដែរថា តម្រូវការធ្វើដំណើរជាសកល បានធ្លាក់ចុះចាប់តាំងពីក្រុមអ៊ីស្លាមប៉ាឡេស្ទីន Hamas បានសម្លាប់មនុស្សប្រហែល ១ ៤០០នាក់ នៅភាគខាងត្បូងនៃប្រទេសអ៊ីស្រាអែលកាលពីថ្ងៃទី៧ ខែតុលា ខណៈអ៊ីស្រាអែលបានឆ្លើយតបដោយការវាយប្រហារ លើតំបន់ហ្គាហ្សា ដោយបានសម្លាប់ប្រជាជនស្លូតត្រង់ រហូតដល់ទៅជាង ១០ ០០០នាក់ឯណោះ៕

The post តម្រូវការធ្វើដំណើរជុំវិញពិភពបានធ្លាក់ចុះ បន្ទាប់ពីជម្លោះរវាងអ៊ីស្រាអែល និងក្រុមហាម៉ាស បានឆេះឡើង appeared first on .